SuperNormal (淘大商場2期)

营业中

休息中

結緍後好耐冇同家姐聚下，以前我地成日出去食飯，難得今日老公肯奏小朋友，去揾家姐出去聚下，呢間西餐地點方便，啱曬我地附近收工過來食飯🤤柚子脆皮豬手($148)🍖鎮店之寶用上麥啤浸泡8小時，令肉質更鬆軟，豬手擁有滿滿的骨膠原，本人最鐘意，豬手皮非常脆卜卜，肉質嫩口，鹹度適中，配埋黃介未醬汁，成件事好夾，現在仲有優惠價＄148，好抵食🤩（＊必點）👅燒羊架2件($76)🍖鋪頭即叫即燒，羊架配上孜然粉同香草，簡單而美味🔥西班牙海鮮燴飯($168)🥘伴碟非常漂亮，青口帶子鮮味十足，燴飯擁有牛肝汁，鹹香味濃郁，令整體口感好好🥢🥢西柚檸檬四季春茶($40)🥤柚子嘅清新香甜夾住酸酸地的檸檬再加上淡淡四季春茶，非常解飲凍檸檬茶($24)🥤檸檬新鮮配上紅茶，大大減低飯後的油膩感📍SuperNormal💡九龍灣牛頭角道77號淘大商場2期地下G196-199號舖

上星期放工嘅時候去咗淘大商場嘅「Supernormal」，真係覺得抵食又好味！特別係佢哋嘅脆皮豬手，真係令人回味無窮！皮煎得好脆，肉質又嫩滑，加埋醬汁，一咬落去真係超過癮！而家只需要like & share佢哋嘅餐廳網頁，就可以有季節性特飲送俾你！我哋點咗好多款食物，首先係白酒煮法國藍青口配蒜茸包。藍青口煮得鮮嫩彈牙，而且帶有白酒嘅香氣，真係好開胃！配埋蒜茸包，一啖落去，味道更加出色！🍽️🦪🍞😋泰式秘製汁脆皮豬手係絕對係另一個令人欲罷不能嘅選擇！豬手外脆內嫩，再加上泰式汁，酸辣開胃，真係一絕！🍖🌶️🔥😍墨西哥栗米片都好正👍🏻 墨西哥栗米片，加上牛油果醬、忌廉同肉醬，每一口都充滿豐富口感及味道，好味！🌽🌮😊帶子牛油果沙律都係一個非常鮮美嘅選擇！新鮮嘅帶子同熟透嘅牛油果，加埋清新嘅沙律醬，組合得恰到好處，味道爽口又健康！🥗🍤🥑😋總括而言，「Supernormal」係一間真係抵食又好味嘅餐廳！脆皮豬手、白酒煮法國藍青口、墨西哥栗米片同帶子牛油果沙律都係非常推介！而家仲可以享受特別優惠，記住like & share佢哋嘅餐廳網頁啦！🍽️🔥🥂👍😊

之前路過淘大花園, 露天地方見到呢間西餐廳貌似工業風嘅酒吧, 今次把心一橫就入去食喇!裏面環境真係好似落酒吧咁, 感覺都幾chill! 餐廳外有一張大枱, 如果有帶寵物嘅可以坐喺出面。其實間餐廳都幾多元化, 有串燒、唔同味嘅手工啤等等。今次前菜我先嗌咗碟芥末牛肉沙律同埋黑松露薯條。芥末牛肉沙律嘅牛肉烤得啱啱好，而且配埋油醋汁, 幾 fresh！至於黑松露薯條就用原個薯仔切條嘅, 現炸再配上黑松露醬又香又熱辣辣！主菜就嗌咗推介嘅豬手，其實佢有兩款嘅, 一款係泰式微辣嘅豬手, 另一款就係柚子脆皮豬手，兩款豬手都用麥啤浸咗八個鐘。我今次就試咗柚子脆皮豬手，一上菜熱到噴煙，豬手嘅皮好脆而且啲肉唔會焗到好乾，好軟淋！配上伴碟嘅酸菜同柚子芥末汁可以中和啲肥膩感, 好味道！最後仲叫咗一碟照燒日本鰻魚扁意粉, 面頭有原條嘅鰻魚, 意粉裏面都有啲鰻魚碎件, 配上日式醬汁去煮嘅意粉好入味, 甜甜地好惹味！下次有機會再同一班朋友試下佢哋嘅手工啤同埋串燒先！

柚子脆皮豬手🐷 柚子麥啤浸過德國豬手，令到啲外皮炸得勁香脆，就算放耐左都唔會變得好韌好痴牙，個皮咬落去真係卜卜聲，超級香脆可口～廚房事先將肉起咗出嚟，超方便食用，豬手嘅肉質啱啱好唔會太乾 味道亦好好三文魚凱撤沙律🥗羅馬生菜新鮮、爽口，健康得黎又美味～配搭煙三文魚一齊食簡直係super match🫶🏼🍅🍚西班牙海鮮燴飯 seafood paella 新鮮嘅海鮮 配搭煙靭嘅意大利飯，同埋蕃茄，成件事都好fresh ~加多支啤酒La trappe Triple, 開開心心又盡興！

九龍灣正宗德國豬手酒吧餐廳，必食推介，非supernormal 莫屬。特別喜歡吃德國豬手既，都真係好難搵到一家做到正宗口味的，呢度就真係讓我食過翻尋味啦。點左幾款必食之選：1. 芥末牛肉沙拉🥗 $88 前菜沙拉來講，呢個牛肉沙拉做得好出色，牛肉半生熟，牛肉味香口感嫩滑，撈埋開胃蔬菜沙拉，有菜有肉，岩曬戒澱粉質的朋友。2. 墨西哥🇲🇽粟米🌽片 $96 每次去開酒吧餐廳必食的小食，送酒/傾計必食，呢個粟米片超多肉醬，面頭還有大大pat sour cream 同牛油果醬汁，又係超級開胃好味。3. 柚子脆皮豬手🐷 $148 必食必食必食一定講三次，來呢度就係為左呢度既豬手，用柚子麥啤酒🍺浸既脆皮德國🇩🇪鹹豬手，真係超級脆皮，豬手肉也嫩滑，實屬外脆內嫩，同埋酸菜一起食，真係美味極了。飲品： 1664 Blanc $78 ，呢度好多手工啤酒，我就飲開1664, 所以都係選擇左1664 來送豬手，大家鍾意手工啤酒都可以試下架😋。

餐廳限時優惠，柚子麥啤浸脆皮德國咸豬手🐷原價$228.00優惠$148.00，自家釀製柚子麥啤浸足豬手8小時，豬手好大隻呀！豬手皮脆肉嫩配埋呢個柚子汁, 微辣帶酸，性價比極高😋絕對無令我失望，水準依然，送酒一流🍺🟢白酒忌廉法國藍青口配蒜蓉包$118.0藍青口肉細質挻，鮮甜多汁，味道濃沃，配埋蒜蓉包，超正🔴燒雞髀菇 $22.0用秘製燒汁燒出嚟嘅雞髀菇，咬落去唔乾身好爆汁。🟡焦糖菠蘿$36.0餐廳採用新鮮菠蘿連皮燒，脆脆的焦糖包住多汁鮮甜嘅菠蘿，真係好夢幻🥳上次飲過佢哋嘅手工啤，好好飲,今次試下cocktail, 每一杯cocktail都好靚，真係唔知點揀😂🟡 Cocktail- Flowerball $62.0茉莉花梅酒配蘋果汁，檸檬汁，蜜糖，味道酸酸甜甜，加埋佢嘅可愛椰殼杯，打卡一流👍🟣Cocktail - Yakult Strawberry-$68.0橙味利口酒加冧酒，配上士多啤梨，益力多，味道清甜可口

呢間餐廳喺淘大商場，地點方便。餐廳裝修Modern營造出一種舒適又放鬆嘅用餐環境。一大班人放咗工去chill下就啱晒。最重要就係食物品質性價比高👍我❤️德國鹹豬手係呢間餐廳嘅招牌菜之一。呢道菜以巨大嘅鹹豬手為焦點，豬手經過烹煮同烤焗嘅過程，表面香脆，內裡仲保持住軟嫩嘅肉質。每一口咬落去，你可以品嚐到豬肉嘅豐富風味同多汁口感，配埋香脆嘅外皮，絕對係一道令人垂涎欲滴嘅德國經典菜餚。❤️經典安格斯牛漢堡包係另一道唔可以錯過嘅美食。呢款漢堡包以嫩軟多汁嘅牛肉餅為主角，夾埋新鮮嘅生菜、蕃茄、洋蔥同奶油芝士，夾喺鬆軟嘅漢堡包入面。每一口咬落去，你可以感受到牛肉嘅鮮美味道同多層次嘅口感，同其他配料嘅結合完美平衡，帶嚟一種令人滿足嘅享受。呢間餐廳唔單止有豐富多樣嘅美食，仲有一系列精選嘅啤酒，可以完美地配搭食物。加上餐廳嘅服務熱情友善，工作人員對美食有熱愛，能夠給你專業嘅建議同推薦。

午餐 $220 128/ 縮水咸牛柳 10成熟 (叫5成) +沙津 +熱啡72/ 芝士蕃茄牛脷火槍扮焗飯 +南瓜湯 +凍齋啡茶記水準的厚切牛柳。味度偏咸。10成熟冷牛排。極似茶記午市大規模製作。預先煎熟一批牛柳, 等到有單就擺盤上枱。因為牛抑過多時間resting, 所以先有10成熟冷牛柳。茶記水準以下焗飯。滖水灼熟無味牛脷伴飯。配勁多茄醬增味。飯小汁太多。飯微暖。極似用火槍焼燶茄醬面扮焗飯。九龍灣午市要加一。PS, 午市餐排有特價 $148德國豬手單點 (原價$2xx), 被此吸引入內試一下。落單時。侍應回答要等30-60分鐘。午餐要等60分鐘 ?香港食店。如果充斥如此水準。食客出境上國內大灣區消費實屬大勢所迫。本想支持本土消費。唯有再找做好本份的食店消費。今次消費。失望離開。

晚餐跟友人在淘大商場搵食，經過呢間SUPER NORMAL, 被餐牌個隻豬手吸左入去🤣。餐廳燈光微暗，氣氛唔錯食物好吃，令我哋用餐愉快。 柚子脆皮豬手，餐牌寫住用柚子、麥啤浸8小時，個肉質堅係軟淋，肥膏亦不多，個皮炸到很香口鬆脆，一d都唔覺得有油膩感，認真好味，跟友人都讚口不絕👍。松露野菌扁意粉，熱辣辣的黑松露味好香，入面有好多的野菌🍄，意粉索晒醬汁，夠熱很Creamy又yummy ☺️。 日本刺身帶子龍蝦汁意大利飯，帶子厚身，兩邊煎得微焦，肉質鮮甜咬落爽口彈牙，飯軟硬度適中，質地好有嚼口，索晒濃郁的龍蝦汁, 啱晒我哋口味。大家都要左解渴消膩的凍檸茶🥤。

💪🏻 柚子麥啤浸泰式秘製汁脆皮豬手 ($148)呢個炸豬手係用麥啤浸咗8小時醃製，而且份量非常充足，超大隻！豬手嘅外皮炸得勁脆，卜卜聲，而且內裏嘅肉質都好淋，夠嫩滑😋 配埋外皮一齊食幾好食，有口感！而泰式辣汁酸辣汁都幾開胃。而豬手嘅肉都多，唔會好多肥膏。💪🏻 秘製甜酸汁烤雞 ($188)炸雞有齊雞髀（上下髀），雞胸，雞翼。雞肉嘅外皮係炸過，所以點咗左汁都仲夠煙靭。雞肉都好滑，有肉汁，重點係雞胸位都好滑身😋！烤雞醬汁都甜甜地。💪🏻 蒜片紅椒藍蟹肉鮮蝦扁意粉 ($128)意粉好香辣味，紅辣椒好香口！意粉嘅藍蟹肉都多，蝦肉都彈牙！味道：7.5/10性價比：8.5/10 食住瘦指數：💪🏻💪🏻💪🏻/5

#搞串個pantry講到 #德國菜 🇩🇪，首先會諗到啤酒🍺同埋豬手🐷。不過要感受地道德國風情🍻，可以揀啲裝飾都有酒吧感覺🎯嘅德國菜餐廳。今次我哋嚟到 #九龍灣 #淘大花園 ，呢間餐廳有好可愛嘅歐洲🏰酒吧風裝修。同時間餐廳裝修🏮，同埋嘢食仲有啲日本風情🇯🇵。🌽墨西哥粟米片($96)有一球酸忌廉芝士醬🍨、牛油果醬🥑、同埋芝士焗肉醬🍖，用粟米片🌽點晒全部醬，味道好豐富好滿足😋。特別係一開頭啱配濃郁嘅酸忌廉芝士醬😝，之後再配牛油果醬清新香口😍。🦀蒜片紅椒藍蟹肉鮮蝦扁意粉($128)蒜味🧄非常濃郁，好正🤤。而且扁意粉嘅質地啱啱好🍝，有咬口得來唔會過韌🫦。蝦肉🦐彈牙，而蟹肉🦀原條上嘅做法好好，可以食到完整蟹肉嘅滿足口感🥳。🐷柚子麥啤浸脆皮德國鹹豬手($148)脆豬手🐽嘅外皮真係夠脆，而且豬手肉夠腍😋，唔會乾硬。柚子調味啱啱好可以癖咗豬腥味🍊，而且仲有柚子嘅清新，點埋蜜糖芥末醬🍯味道好正。🐔雞腎($16)、雞軟骨($18)兩款串燒🍢除咗本身嘅調味🧂，仲有加埋辣粉🌶️，貫徹餐廳行酒吧嘅風格🍻，啱晒送酒😆。而雞軟骨仲有一啲照燒汁🐥調味。

淘大花園高質有氣氛西餐廳，好受街坊歡迎！人流多，環境氣氛熱鬧☺️ 食物創新有特色，質素高，價格合理，絕對值得一試🥰 好適合約會或朋友聚會🥂 💖💖💖食評💖💖💖柚子麥啤浸脆皮德國鹹豬手 ($148)✨推薦！好大份，好飽肚😍 柚子麥啤的清新風味和脆皮德國鹹豬手的鹹香完美融合，豬手外皮非常酥脆，內裡則鮮嫩多汁，讓人回味無窮，絕對值得試！加上蜜糖芥末醬 酸酸甜甜好好味😋👍🏻 黑醋鵝肝安格斯牛肉漢堡 ($148)✨好邪惡嘅漢堡包🤤 黑醋與鵝肝的配搭一流，安格斯牛肉則帶來了豐富的肉汁和口感。香氣四溢，啖啖滋味🤤 配上大量薯條，好飽肚好滿足👍🏻 經典卡邦尼扁意粉 ($98)✨簡單好味😋 麵條煮得剛剛好，搭配著濃郁的卡邦尼醬汁，每一啖都充滿了奶香和芝士味。配料中的火腿和蘑菇更增添了層次感，整體口感豐富而平衡😋 𝑫𝒓𝒊𝒏𝒌Orange Juice ($26)✨ 冰涼清爽 啱晒夏天飲🫶🏻

九龍灣果頭都有好多美食，最新就去咗呢間裝修充滿工業風格嘅西餐廳——🌟SuperNormal🌟見佢餐牌上有好多選擇，好多都好吸引✨鄰當晚去都好full，坐位都坐得舒服，唔會好逼結，枱與枱都有空間👍🏻._.🐖｜柚子麥啤浸脆皮德國鹹豬手｜🐖呢個得揀辣定唔辣，我哋揀咗唔辣，一碟大大舊豬手起曬肉，豬手外表好脆口，唔會肥膩而係滿滿嘅骨膠原，肉質鹹度適中，配埋隻黃介未醬點，好夾！·🐦｜香煎露筍鵝肝牛肝菌意大利飯｜🐦意大利有滿滿嘅牛肝汁，好香濃，鹹香味十足，而且面頭嘅鵝肝大大舊，腍身好香濃，配埋成個意大利飯，味道超惹味👍🏻·🥑｜鮮蝦帶子牛油果他他配香橙汁｜🥑作為前菜沙律也不錯，全部配搭有種好清新嘅味道，鮮蝦帶子鮮味十足，微微煎香👍🏻沙律菜新鮮，配埋旁邊伴碟酸酸甜甜嘅香橙肉，好開胃·💛｜菠蘿荔枝四季春茶｜💛香甜嘅菠蘿同荔枝，都幾有賣相下，四季春菜底清香中和甜度._.

Super Normal 餐廳環境唔錯👍🏻見門口好多人等再睇埋菜單好吸引就排隊等🤭越等越肚餓🤤門口見到好多菜式都好想食😆就係門口已經揀定想食咩😚芥末燒牛肉沙律🥗燒牛肉唔錯好淋牛味好出😋配芥末醬又幾特別👍🏻一齊食好好味好有新鮮感😊柚子麥啤浸脆皮德國鹹豬手👍🏻門口見到就比佢吸引左，佢地用麥啤浸8小時😆好用心既菜色👍🏻食落有柚子香味😋皮仲好脆好香口好正呀😍肉質鬆軟配埋酸辣醬汁好開胃😋2人餐 好抵食是日餐湯+蒜蓉包🧄小食唐揚炸蝦🍤手打蟹餅🦀兩款都唔錯好香口好惹味主菜US頂級肉眼牛扒 (12oz) 🥩佢地既牛扒都幾抵食好厚好大塊👍🏻煎得剛剛好，食落去油花香，牛味重好好味🤤意粉帶子龍蝦汁意大利飯🦞好耐未食過整得咁好食既意大利飯👍🏻👍🏻佢軟硬適中龍蝦汁好濃，帶子處理得好好食到帶子甜味🤤好欣賞😚餐飲可加$16升級轉特飲🤪西柚檸檬四季春茶（凍)🍋玫瑰荔枝梳打 （凍）🌹特飲唔錯整得好靚😍最喜歡唔係好甜仲好香果味😚CUCUMBER COLLINS🍸佢地飲品都好用心，調教得唔錯👍🏻呢杯Cocktail飲落好清甜😊

今日放工，同事帶咗我去一間德國菜餐廳，趁星期中，唞啖氣，ChilI吓!呢間餐廳嘅裝修好工業風，紅色頭嘅牆身上面有啲特別嘅圖畫，一個個燈罩吊落嚟落嚟，又有好多燈泡同水管喺牆身，裝修好特別。可以坐響室內或者室外，不過天氣咁熱，梗係坐喺裏面啦！裏面嘅座位有卡座，有一張張枱加座椅，全部都有軟墊，坐得都好舒服。柚子麥啤浸脆皮德國鹹豬手豬手烤焗得個皮好脆，份量算好多，用麥啤浸過，所以肉質唔韌，伴入柚子好入味，加埋酸菜一齊食，落一啲都唔漏，食唔停口，呢期仲做緊半價，真係好抵食！秘製青芥汁軟殼蟹扁意粉扁意粉彈牙，一啲都唔淋，配埋個秘製青芥汁食，好夾好好味。軟殼蟹好大隻，大隻度遮住晒啲意粉，炸得好香脆，好重蟹味，咬落卜卜聲👍🏻洋蔥圈洋蔥圈炸得外脆內軟，配埋個沙律醬食，會令你食唔停口。燒雞翼+燒安格斯牛肉燒雞翼加咗啲辣粉，好惹味！燒安格斯牛肉，牛肉一咬，鎖住啲肉汁響口裏面爆出來，有口感，又重牛味，正~菠蘿荔枝四季春茶呢杯春茶好正，有菠蘿嘅甜，荔枝嘅清香，好好飲！