SuperNormal (淘大商場2期)

营业中

休息中

前日去咗淘大行街，試咗佢哋嘅西式菜，環境同味道都唔錯！😗藍芝士水牛雞翼（5隻）超正！外脆內嫩，藍芝士醬濃而不膩，微辣好開胃，啱晒share。😍香茅醬燒豬頸肉 好驚喜，肉質嫩滑，香茅味清新，燒得香口，啖啖滿足👍🏻經典卡邦尼意粉 穩陣，意粉al dente，醬汁creamy，煙肉味香，但略為普通～$178 四重風味德國豬手 係今次嘅亮點！份量夠三人share，皮炸得金黃香脆，咬落「卡滋卡滋」好爽，肉軟腍到入口即化，肥瘦啱啱好，唔會油膩。佢講到「四重風味」，有醬辣、蜜糖芥末、甜酸同鹹香，層次好豐富，鹹香香氣尤其正！配菜有酸菜同沙律，酸菜爽口解膩，同豬手夾到飛起。鍾意食肉嘅朋友一定要試！

🩵雙色墨西哥粟米片芝士同肉醬份量好足！粟米片焗到好香脆，成個配搭好夾，係大份又好食既前菜之選，大推！🩵黑醋鵝肝牛肉漢堡鵝肝厚切又大片～ 一啖咬落去好滿足，安格斯牛肉都煎得好好，keep到肉汁，幾juicy🤤 漢堡包焗到脆既口感，配黑醋中和返，無咁油膩🙈🩵四重風味德國豬手四種口味嘅德國豬手，每隻味都有驚喜，咁多醬汁係面，但豬手皮仲係超級脆口，好出色 👍🏻👍🏻 配菜仲有酸菜同蕃茄仔，CP值爆分！

星期日幫襯super normal食lunch假日都有set lunch不用一百蚊可有前菜，主菜和飲品。11:30 開店，12:00便滿座，事實証明是淘大受歡迎店之一。餐廳有很多不同的手工啤，點小食加啤酒都是不錯的選擇。今日來食lunch, 就叫：意大利黑醋烤雞蒜香意粉、日式咖喱吉列豬扒意粉、香蒜茄蓉海鮮燉飯。黑醋烤雞有半隻，調味入味，一落刀，肉汁便湧出來，雖然雞味不重，但肉質算嫰，不配醬汁亦好味。意粉味道及軟硬度均合格，喜歡它份量剛好，大概有一飯碗的份量。海鮮燉飯有足夠的茄蓉汁煮，飯夠濕潤，亦食到粒粒分明，有海鮮粒加茄蓉燉煮，酸酸甜甜，又有3隻青口，配埋凍飲都不用一百元，沒甚麼好挑剔。至於咖哩吉列豬意，咖哩味是日式的甘口味，不錯，汁配意粉食是可以的，但豬扒質素很一般，沒有肉汁又嚡口，呢款就唔會有下次了。餐廳的食物不是令人很驚喜，但整體都是above average 的質素，對得住個餐價，性價比算高，可以話係淘大最好食的西餐廳。

啱啱睇完YouTube，有個好著名嘅YouTuber食完呢間，就跟住佢嚟食。午餐價錢都算OK嘅。不過啲burger 就一般，唔算好好食，用嚟裝burger嘅碟太細隻，好難搞。另外招牌嘅蟹粉意粉，只有main Menu先有，晏晝食嘅話其實算幾貴，味道算OK啦，有得落醋係幾好玩嘅，蟹粉下邊有個火暖住都幾有誠意。不過最失望，其實係個雞翼，以水牛城雞翼嚟講佢嘅味道唔似亦都唔係好好食。咖啡就正正常常。整體嚟講，我覺得冇嗰個YouTuber講得咁神，不過如果係食lunch set，佢價錢的確係唔貴嘅。

淘大人氣豬手店叫supernormal,老細認真謙虛出面望入去已經坐滿晒人，在門口比佢個豬手四重奏吸引咗，目測基本上嚟親嘅人枱面都有碟豬手😅墨西哥脆片，加上牛油果醬和香濃的芝士是非常開胃的前菜，有酸有鹹又辣味道層次好豐富，而且口感好香脆西京燒估唔到會有兩塊大大塊嘅比目魚扒，份量十足！西京燒甜度剛剛好，而且肉質非常嫩滑！做到外皮脆香脆，魚肉juice 嘅感覺！主打四重奏豬手每一隻味道都好有特色！個人最喜歡開心果蜜糖芥末味，蜜糖芥茉甜甜地，好味道！豬手香脆啖啖肉，熱辣辣食！絕對唔差過喺德國慕尼黑食!環境好 chill,食物又好食，難怪在食肆林立的淘大花園都可以屹立不倒！

最近睇YouTube好多人介紹呢間西餐廳，經過見到價錢有幾平，而且仲有我最鍾意食嘅豬手，就一早去試吓啦。呢度嘅豬手拼盤有四種味道，而且仲送一杯啤酒，我就覺得啤酒同豬手真係好夾。我認為避風塘同黑椒味最好食，因為辣辣地咁，調味做得好好好，而且豬手唔會太鹹，個皮仲好脆。另外我哋仲叫咗嗰個冬陰功大蝦意粉，隻蝦好大隻同埋新鮮，而且辣辣地咁好開胃，意粉就係比較硬嘅意粉，但係口感都好好，平時唔食辣嘅朋友都忍唔住食咗好多。呢度除咗價錢平之外，份量都好多，而且服務態度好好，同埋佢有得坐喺出面環境同氣氛都好好。

第一次食，慶祝母親節，估唔到星期六都有lunch menu同Tea set, 性價比好高，幾十蚊包一杯飲品，特飲都係加$8-$10，而且份量好足。西冷五成熟都做到，唔會變七成😂手打蠔湯好濃蠔味lunch set加$20追加咗蟹餅$30，裡面好多蟹肉肉醬薯條就普通通，可以唔使嗌嗌咗份四色豬手，避風塘都幾辣，豬手皮超級脆，必食👍🏻仲附送一小壺啤酒，好重小麥味🍻

Open Rice 上寫中午不能訂位， 去到又問我有無訂位。 全程黑面態度差，不會再光顧。 食物可以， 但魚有魚腥味。 因為這個服務水平， 又不是平易， 不會再來， 大家也可以不來。

今次嚟到九龍灣行街都俾我搵到間隱世餐廳Supernormal…..呢度嘅fusion菜式令人驚喜🥰🐾 雙色芝士焗肉醬墨西哥粟米片🧀一上枱就聞到濃濃芝士香….粟米片香脆….淋上慢煮牛肉醬同車打+馬蘇里拉雙色芝士….配埋自家手打牛油果醬同酸忌廉…..平衡返芝士嘅膩….令人食唔停口呀😆🐾 四重風味啤酒浸德國脆皮鹹豬手🍖 豬手外皮焗到香脆可口…脆到切落去有「咔嚓」聲….餐廳好好幫我哋去骨切件….啱曬同friends share…. 佢哋今次整左4 in 1 四款口味：- 酸梅醬- 黑椒- 避風塘- 開心果蜜糖芥末豬手肉嫩….好好食😋🐾 松葉蟹肉天使沾麵🦀松葉蟹肉拆成絲…..仲要蟹膏同蟹醬熬成沾麵醬….超吸引….配埋自家製蟹醋….酸酸地好開胃…..

好友約我放工後，去位於九龍灣牛頭角道77號淘大商場2期地下G196-199號舖的《SuperNormal》食晚餐，環境舒適，坐得舒服。我地點左：📍美國頂級西冷牛扒（10oz) $2785成熟的西冷牛扒係我的至愛，牛扒的牛味香濃，外脆內嫩，伴碟的薯角雜菜一樣做得好好味。📍四重風味德國脆皮鹹豬手（開心果蜜糖芥末、酸梅醬、避風塘、黑椒）$178（原價$228）好開心可以一次過食哂4種味道，黑椒味當然要勞煩好友啦，好友話唔太辣，我一試就唔掂😂😂。其餘3種味道都唔辣，酸梅醬豬手酸酸甜甜，避風塘豬手傳統風味，開心果蜜糖芥末最啱我口味；肉質軟腍入味，豬手皮脆卜卜，好似食緊乳豬皮。

次次嚟淘大搵朋友都係食呢間SuperNormal，實在太好味👍🏻👍🏻 每次食都有驚喜，我哋今次就試咗三款菜，都係好高質又唔貴🫶🏻四重風味德國豬手 $178呢道菜好有特色！有齊四種風味 開心果蜜糖芥末、酸梅醬、避風塘、黑椒德國豬手，賣相勁吸引🤩 豬手好大件 低溫慢煮外脆內嫩，味道非常豐富，搭配啲開胃醬汁，食落去好香口！蟹肉沾麵 $158另一道好味嘅選擇🦀 勁多蟹肉，用新鮮拆嘅日本松葉蟹肉配蟹醋，香氣撲鼻🤤🤤 搭配彈牙嘅天使麵條，沾上濃厚醬汁非常美味！薑茶+$12幫助消化，仲可以暖身，飲落去非常舒服～卡邦尼扁意粉 $98經典美味之選😚用咗濃郁嘅奶油醬，搭配煙肉同蘑菇，味道香濃。每一口都充滿咗奶香味，口感好 creamy

德國豬手值得一試，今期出左4個味道，有 有黑椒味，開心果芥末味，酸梅子味，同埋避風塘味道。 四個味道各有千秋， 分別可以食出 四種不同味道， 當中開心果芥末味有驚喜， 入口微甜舒服，再而少少芥末“ 攻鼻”刺激。 我個人鍾意汁醬，如果汁醬再多少少就更加Perfect !燉飯（ 唔記得個名）， 蟹蓋入面啲芝士加埋啲燉飯，夾之餘，口感再加多一個層次！食到尾，蟹油有啲啲多，但整體都口感同味道都好想再叫多份...環境就逼左dd，但都可以接受。

作為淘大街坊，SuperNormal真係對經常會幫襯的一間有質素的德國餐廳！😎🍖 德國咸豬手咸豬手真係好厚身！😍 個皮脆卜卜，啲肉又嫩，唔知佢哋點整㗎！🤔 唔點蒜蓉汁都夠晒味，正！😋 不過點埋個蒜蓉汁又多個風味，都唔錯！👍🍔 三色芝士漢堡芝士控注意！⚠️ 呢個漢堡啲芝士味濃到爆！💥 除咗普通芝士，仲有藍芝士嘅濃郁香味！🤤 漢堡扒又juicy，唔會乾爭爭，正！💯🦀 軟殼蟹漢堡估唔到隻軟殼蟹咁大隻！😲 中間仲有幾隻蝦仔，成個漢堡充滿海鮮味，正！💯 推介！👍🍺 芒椰奶西手工啤食呢啲濃味嘢，梗係要飲返杯啤酒啦！🍻 佢哋嘅手工啤夠晒特別，呢杯芒椰奶西入口唔覺有椰奶味，但係飲落之後就有陣陣椰香，幾過癮！🤪 鍾意試新嘢嘅朋友一定要試吓！😎SuperNormal 真係高質之選！💯 作為街坊，有間咁正嘅餐廳喺附近真係好幸福！🥰📍 地址：九龍灣牛頭角道77號淘大商場2期地下G196-199號舖

蟹籽青芥末軟殼蟹漢堡 $106軟殼蟹超級大隻，仲要係炸起即上，熱辣辣的，仲食到入邊啲蟹肉好鮮甜，同青芥末嘅配搭都唔錯。而粗薯條都係新鮮炸起所以好脆，側邊有啲沙律菜伴碟，所以都唔會覺得太油膩。柚子啤豬手🐖 $158Menu話餐廳浸豬手6個鐘先再去焗製。雖然外邊啲豬皮好脆，但係裏面豬肉都幾霖，我覺得都唔算鹹得太過分，點埋honey mustard 就啱啱好。燒羊架 $78羊架總共有兩件，每件都啖啖肉，肉質好軟腍。就算燒完都唔會好乾身，保留肉汁豐富鹽燒牛舌心 $44個人喜歡佢冇用太多醃料，只係用少許的鹽，就可以調得出牛舌本身濃郁嘅味道，肉質都好柔軟，值得叫黎食

要到招牌菜當然要叫黎食！黎依度食德國脆皮豬手🥰好抵食😋仲要係即叫即整🥰加埋炸蒜真係絕配！脆皮同肉之間好重骨膠原，啖啖都好好味！蟹肉同蟹粉一直用火熱住，保持美味！天使麵加濃濃既蟹肉蟹粉，讚！真材實料！經典安格斯漢堡中間既牛肉好有份量，芝士微溶好惹味！封門牛柳好靚，五成熟煮得剛剛好！燉飯好creamy，好有質素，而且帶子好大粒呢！燒羊架既肉唔會羶，肉好有彈性口感一流！依度裝修仲好有特色，分日式同西式兩邊！超多人幫襯！