Suage北海道湯咖哩

营业中

休息中

做咗咁耐cd rom終於開始我嘅第一篇食評今日收工嚟左咗呢間日式湯咖喱叫咗個Special同埋芒果乳酸特飲個Special我仲加咗熔岩芝士，嚟到嘅時候個waiter哥哥會響你面前倒啲熔岩芝士落去，啲餸就會黐曬r落啲餸度，即時升曬呢。其實佢仲有加6蚊有椰子湯底同埋櫻花蝦濃湯嘅，但嚟到湯咖哩專門店，無理由唔試下佢嘅signature湯底架嘛！！！當呷一口湯嘅時候，你會覺得同平時食嘅日式咖哩唔同，因為佢係來自北海道嘅，你覺得好似好稀咁，但飲落去你會feel到好香嘅香料味，加埋啲蔬菜，好好味。最後食埋個日向夏柑橘雪糕，與其話佢係雪糕，我覺得佢似雪芭多啲，個味酸酸地，絕對係食完湯咖喱嘅解膩之選。

響北海道試過約6, 7間＋香港試過4間湯咖哩，當地Suage響我心目中可以排到第4位左右，香港店雞脾幾香口， 蔬菜 質素都好，咖哩湯味道都有北海道店8成左右相似，過江龍來講算唔錯了。開響朗豪坊收呢個價都算可接受，可以翻食。

尋日放假諗起朗豪坊開咗間湯咖哩咪同老婆去諗住試下(當時大約下午2點半)，點知行咗入條隊度過咗差唔多7,8分鐘，有個職員走埋黎講話今日早上黎貨賣晒，要等到再黎貨約晏晝5點半先再有得食。。。。嗰刻真係有啲詫異，如果賣晒點解唔放個牌出黎，又或者見有人入黎排隊就即時話比人知截咗單，唔應該係等我哋揀好晒食乜嘢先突然話賣晒，大家去食排隊之前最好問清楚先。。。

聽聞朗豪坊開咗間湯咖哩，仲要係札幌嚟嘅過江龍，作為湯咖哩fans嘅我點可以唔試下叫咗脆雞串湯咖哩飯，同行友人食豚角煮湯咖哩飯。上枱每人都係得兩塊細細嘅肉，感覺有啲少。流心蛋算唔錯。蔬菜全部有輕輕炸過、燒過，符合札幌湯咖哩嘅做法。除此以外，其他都災難級難食個湯底好稀好稀，完全唔似札幌食過嘅湯咖哩。唔知係咪廚師嗰日心情唔好，定係湯太少想稀釋多啲serve多啲客，個湯好似唔記得落鹽，淡到無法理解。香料味算足夠嘅，但完全冇應該有嘅咖喱香味。總括而言，浪費咗我百幾蚊同星期日嘅中午quota。唔會再去。推薦想試湯咖喱嘅人去第度試

第一次寫食評 因為好失望本身對北海道湯咖哩好有期待但呢間餐廳出餐速度同服務都有進步空間QRcode落單 40分鐘後先到大約30分同38分既時候，分別請不同店員幫忙跟進下店員們兩次都係用一個無奈既囧樣望一望我，粒聲唔出咁走向出餐位，令我唔係好清楚佢地有無跟進到😅講返個野菜湯咖哩南瓜好爽（係咪特登既？）同平日食開好唔同😂其他配料同湯既味道就正常既不過不失旺角價位類似既餐廳有好多其他選擇 不太值得排長龍試呢間

今晚收工約左朋友去試，呢間由北海道黎既湯咖哩，叫左和牛湯咖哩烏冬，和牛有兩大塊，配菜有驚喜，旁邊既配菜，全部都燒得好好味，和牛牛味好重，煮得岩岩好唔會太熟，湯底揀左原味少少辣，仲叫左小食炸魷魚，味道唔錯，炸得好脆，不過就小碟左少少，飲品揀左西柚蜂蜜綠茶

上星期六同朋友去咗旺角朗豪坊排隊食一間新開嘅日本過江龍餐廳-Suage湯咖喱專門店😋📝我哋叫咗 脆皮雞腿肉串湯咖喱🐣配稻庭烏冬🍜簡咗BB辣🌶湯汁較濃唔厚😋每碗湯咖喱都好多蔬菜，蔬菜吸收咗湯汁非常之惹味🥰而烏冬都掛到湯汁，但雞串未夠脆口如果可以燒耐啲就perfect啦😄#suage #日本美食 #香港美食 #香港 #foodie #hkfoodie #湯咖哩 #咖喱 #蔬菜 #朗豪坊

前幾日喺社交媒體網站見到有人介紹朗豪坊新開咗間湯咖哩專門店，一直懷念住SXMX嘅我星期六捉咗男朋友去食。去到嗰陣一點幾大排長龍，我哋大概排咗大半個鐘頭終於入到座。用QR Code落單，本身見到龍蝦湯咖哩好想試，但呢幾日生咗粒大痱滋就費事食啲要剝殼嘅嘢🥵 我點咗Suage Special湯咖哩飯，男朋友就點炙熱豚角湯咖哩拉麵。我嗰個嘅湯底轉咗做椰子湯底，試飲咗個湯底好香椰奶味，有少少甜香。而辣度有好多個level揀，我揀咗微辣，男朋友揀咗小辣。但係唔知係咪湯底唔同咗，我嘅微辣竟然係辣過男朋友嗰個嘅小辣🥵Suage Special嘅餸有勁多，分咗好多俾男朋友食都覺得好飽。而佢就覺得最好食都係個半肥瘦嘅豚角。另外仲叫咗個章魚小丸子同朱古力乳酪特飲。章魚燒不過不失，外皮脆但內餡無話好突出；朱古力乳酪特飲有啲令我失望，因為朱古力味同乳酪味兩樣都唔濃，好似各半桶水咁🥲 只係聞到好少朱古力味，但飲落可以話係完全無朱古力味，而且亦無乜乳酪嘅酸甜。總括嚟講，湯咖哩嘅水準幾好，但飲品同小食方面可以做得再好啲！（不過餐廳應該下午3點就截主食，3點後好似只可以叫嘢飲）

今日嚟到旺角朗豪坊呢一邊shopping, 見到呢一間新開以咖喱為主打嘅日式餐廳，睇完餐牌之後同朋友都覺得幾啱食就決定入去試吓究竟好唔好食 我今日就揀咗一個叫脆嫩雞脾湯咖喱！主食可以揀烏冬拉麵同埋飯，我就今日揀咗烏冬！湯底亦都可以升級，我就揀原味！餐廳亦都有好多唔同嘅配料可以選擇，每一樣都係加$6起，有好多種唔同嘅蔬菜，亦可以加天婦羅！我都幾鍾意佢咖哩本身嘅味道，日本咖喱係偏甜，烏冬亦都爽口彈牙幾好食，雞髀反而係非常有驚喜，雞髀非常大隻，亦都非常脆口，咬落去啖啖肉，正 ！！ 鍾意食日式咖喱嘅朋友，唔可以錯過呢一間餐廳

朗豪坊新店經常排長龍湊熱鬧來試試北海道著名湯咖喱湯底可以選擇由1-99程度的辣度也可以選擇烏冬/飯/拉麵Special湯咖喱$108(+$6櫻花蝦濃湯，微辣)好豐富的厚切煙肉、雞串、法蘭克福腸腸和雞肉都很好煙肉較硬蝦湯偏鹹不過咖喱真的很香口配烏冬吸收湯的精華特別美味碗灸燒豚角煮湯咖喱$108(+$6椰子湯底，bb辣)配飯又有另一種風味椰子湯底非常香甜豚肉比較肥膩除主菜外，配料都非常豐富有南瓜、茄子、薯仔、西蘭花、半熟蛋、紅蘿蔔、粟米百香果烏龍茶$38

當四月得知北海道人氣湯咖喱專門店Suage將會登陸朗豪坊, 已經急不及待等待呢一日嘅來臨，可以品嚐北海道名物😋其實早於2019年另一間北海道湯咖喱名店Garaku亦曾經進駐過K11 Musea, 可惜好景不常遇上疫情, 最終黯然收場講返Suage, 佢哋店舖每日11:30開始營業，但今日去嘅時候11點已經開始有人排隊, 認真誇張而佢哋嘅推介係脆嫰雞髀湯咖喱, 建議配稻庭烏冬同原味湯底，至於辣度分為level 1至99 , 建議如果可以食得辣的話由level 5開始揀起, 以提升口感層次湯底選用北海道洋蔥及新鮮蔬菜，每日熬製12小時, 另外配以稻庭烏冬可以吸收湯底精華, 而烏冬本身亦彈牙可口; 至於雞髀就外脆內軟, 上面灑上些少淮鹽, 而配菜亦並不馬虎, 食得出每款食材均為新鮮美味; 相信好一段時間都會成為人龍店PS 原本朋友order咗一客龍蝦海鮮盛湯咖喱, 轉頭店員回覆話因為發現今日龍蝦並不新鮮，所以建議我哋叫過另一款; 店員之細心和老實對待客人, 值得一讚👍

唔同嘅咖喱我都鍾意食，但係特別鍾意日本戈種帶甜嘅咖喱。最近朗豪坊新開左一間北海道過嚟嘅湯咖喱專門店《Suage》，鮮紅色嘅設計相當搶眼。值得一題佢哋嘅咖喱係有辣度選擇，所以唔食得辣嘅朋友都唔使驚，想挑戰嘅朋友記得揀99級辣🔥。主食首先可以選擇配料如：稻庭烏冬、拉麵和飯。然後就到左湯底，分別為原味湯底、椰子湯底和櫻花蝦濃湯。日本廣島蠔湯咖喱 $108廣島蠔蠔身飽滿又大隻，食落充滿蠔香。我就配搭椰子湯底和烏冬。4級辣對我嚟講就啱啱好，同椰子湯完美配搭。另外當然唔少得要加配熱溶芝士，睇住拉絲狀嘅白色芝士緩緩倒入，好邪惡呀。脆嫩雞髀湯咖喱 $98香炸嘅雞髀外層香脆，內層嫩滑多汁。我就鍾意將佢浸一浸咖喱湯，等佢面頭吸引哂咖喱嘅辣同椰香再一齊食，咁樣就味道更加豐富。另外仲有多款小食值得一試，例如章魚燒、海苔天婦羅魷魚、唐揚炸雞、脆皮雞腿肉串和炸蝦天婦羅。最後一定要試埋個雪糕先好走，原味牛乳和日本千葉和梨味。和梨口感似雪葩，而牛乳就係軟雪糕，兩款都各有特色。Suage北海道湯咖哩 (旺角)旺角亞皆老街8號朗豪坊4A樓1號舖

香港天文台舉辦「熱帶氣旋名字徵集活動」，市民由即日起至7月31日，可發揮創意潛能，於網上提交富香港特色的名字，一嘗做颱風「主人」的滋味。來自北海道No.1、在Tabelog札幌區中得分最高的超人氣湯咖哩專門店「Suage北海道湯咖哩」日前旋風抵港，在旺角朗豪坊開設香港區第一家分店。為了隆重慶祝新店開張，特意推出「香港限定：龍蝦海鮮盛湯咖哩」，即刻颱風襲港，大家都可在不用出國的情況下享受北海道的風味！環境：✨室內裝潢設計以紅黃白色的貨櫃為主題靈感，非常青春活潑，配合紅色沙發、時尚鐵椅，整體氣氛輕鬆悠閒。服務：✨當天正值晚市，人流多，職員態度友善有禮，用餐時間很足夠。食物：🐔 脆嫩雞髀湯咖哩 ($98，原味湯底)✨廚師以竹籤將來自自家農場，外脆內嫩，彈牙的厚雞塊、清甜的野菜串起，伴隨惹味流心蛋，配合帶微微香辣的濃咖哩和稻庭烏冬，暖身一流，具飽腹感。🦞 龍蝦海鮮盛湯咖哩 ($188，+$6配櫻花蝦濃湯) ✨半隻呈火紅色的加拿大龍蝦伴隨一隻蟹鉗，稱得上厚肉，加上清甜野菜、惹味流心蛋，以及櫻花蝦濃湯及稻庭烏冬，具海洋氣息。🧀 溶岩芝士 ($18)✨將煮至熱滾、帶鹹香的芝士加入湯咖哩同吃，層次更豐

前日放工去朗豪坊買嘢，順道同朋友係果度食埋飯，諗緊食乜時見到以前Mos Burger 個位有一間紅色裝修，非常搶眼的餐廳—Suage，原來是新開張，來自北海道的湯咖喱專門店，既然新開當然要試吓啦❤️❤️餐廳非常有來頭，是北海道No.1 的湯咖哩專門店，係日本非常受歡迎，而湯底選用日本自家農場種植的蔬菜去烹煮。這裏先點主菜款式，後再選主食、湯底及辣度，仲可以加配小食及等等，好多選擇😂😂，研究咗一輪後，我地點咗：🥢脆嫩雞脾湯咖喱(小小辣)+炸蝦天婦羅第一次試當然要點店長推介的脆嫩雞脾湯咖喱，朋友揀配櫻花蝦濃湯配烏冬，雞脾好大隻，外皮脆，而雞肉則嫩滑入味，湯清甜有蝦味，配爽滑彈牙的稻庭烏冬剛剛好，湯汁掛滿烏冬。除咗選湯底主菜，仲可以追加配料，朋友揀咗炸蝦天婦羅，個炸蝦天婦羅所用既麵衣加咗脆米，更有口感🫶🥢日本廣島蠔湯咖喱(小辣)+ 脆皮雞腿肉串朋友選了店長推介，咁我就揀另一款日本廣島蠔，配原味咖喱湯底及烏冬，咖喱湯底果然是招牌，湯底清甜，咖喱湯底濃郁，唔會係平時好稀果啲，湯頭清甜，加上廣島蠔鮮上加鮮，廣島size 剛剛好，蠔味濃郁，仲好嫩，而且都有好多隻。見到有得加錢加熔岩芝士，芝士控既我當然要

近期最熱門既餐廳一定係佢，期待已久既湯咖喱由北海道撘飛機黎到香港喇！🤩機緣巧合之下，小K同朋友黎左朗豪坊一嘗北海道之味😋我地5pm左右到已經有人排緊隊，等左15mins 左右先入座🌟日本廣島蠔湯咖喱✨加左💰$18 既拉絲芝士熱辣辣既拉絲芝士視覺效果一流呀😍不過個人覺得同湯咖喱唔太夾湯咖喱非常濃郁，拉麵同其他配料都非常入味😋👍🏻5隻大大隻鮮甜美味既廣島蠔🦪啱晒我口味！🌟Suage Special 湯咖喱朋友仔係食肉獸，呢個就滿足到佢喇！有一大條司華力腸，煙肉等朋友仔中意到飲晒啲湯添🤣🌟和牛肩胛湯咖喱✨和牛大大塊，鮮嫩軟熟😍呢個朋友仔就叫左烏冬，口感軟熟得黎有少少煙靭口感👍🏻總結黎講味道好特別而且我地一致認為幾好食！不過價錢略貴，仲要只係坐商場open area，個人覺得唔太值~