影片
更多
2023-06-23
176 浏览
前日放工去朗豪坊買嘢，順道同朋友係果度食埋飯，諗緊食乜時見到以前Mos Burger 個位有一間紅色裝修，非常搶眼的餐廳—Suage，原來是新開張，來自北海道的湯咖喱專門店，既然新開當然要試吓啦❤️❤️餐廳非常有來頭，是北海道No.1 的湯咖哩專門店，係日本非常受歡迎，而湯底選用日本自家農場種植的蔬菜去烹煮。這裏先點主菜款式，後再選主食、湯底及辣度，仲可以加配小食及等等，好多選擇😂😂，研究咗一輪後，我地點咗：🥢脆嫩雞脾湯咖喱(小小辣)+炸蝦天婦羅第一次試當然要點店長推介的脆嫩雞脾湯咖喱，朋友揀配櫻花蝦濃湯配烏冬，雞脾好大隻，外皮脆，而雞肉則嫩滑入味，湯清甜有蝦味，配爽滑彈牙的稻庭烏冬剛剛好，湯汁掛滿烏冬。除咗選湯底主菜，仲可以追加配料，朋友揀咗炸蝦天婦羅，個炸蝦天婦羅所用既麵衣加咗脆米，更有口感🫶🥢日本廣島蠔湯咖喱(小辣)+ 脆皮雞腿肉串朋友選了店長推介，咁我就揀另一款日本廣島蠔，配原味咖喱湯底及烏冬，咖喱湯底果然是招牌，湯底清甜，咖喱湯底濃郁，唔會係平時好稀果啲，湯頭清甜，加上廣島蠔鮮上加鮮，廣島size 剛剛好，蠔味濃郁，仲好嫩，而且都有好多隻。見到有得加錢加熔岩芝士，芝士控既我當然要
餐廳非常有來頭，是北海道No.1 的湯咖哩專門店，係日本非常受歡迎，而湯底選用日本自家農場種植的蔬菜去烹煮。這裏先點主菜款式，後再選主食、湯底及辣度，仲可以加配小食及等等，好多選擇😂😂，研究咗一輪後，我地點咗：
🥢脆嫩雞脾湯咖喱(小小辣)+炸蝦天婦羅
第一次試當然要點店長推介的脆嫩雞脾湯咖喱，朋友揀配櫻花蝦濃湯配烏冬，雞脾好大隻，外皮脆，而雞肉則嫩滑入味，湯清甜有蝦味，配爽滑彈牙的稻庭烏冬剛剛好，湯汁掛滿烏冬。除咗選湯底主菜，仲可以追加配料，朋友揀咗炸蝦天婦羅，個炸蝦天婦羅所用既麵衣加咗脆米，更有口感🫶
🥢日本廣島蠔湯咖喱(小辣)+ 脆皮雞腿肉串
朋友選了店長推介，咁我就揀另一款日本廣島蠔，配原味咖喱湯底及烏冬，咖喱湯底果然是招牌，湯底清甜，咖喱湯底濃郁，唔會係平時好稀果啲，湯頭清甜，加上廣島蠔鮮上加鮮，廣島size 剛剛好，蠔味濃郁，仲好嫩，而且都有好多隻。
見到有得加錢加熔岩芝士，芝士控既我當然要試吓，店員會即席將熔岩芝士倒落碗麵度，好特別，加上熔岩芝士的咖喱湯口感變得濃厚，烏冬加埋芝士食都唔錯。見到朋友隻雞脾唔錯，所以加一串脆皮雞腿肉串，皮微烤過，香！而雞脾肉就好嫩滑入味😋
🥢章魚燒
上枱時熱焫焫，而且份量不小，大大粒章魚燒，餡料都多章魚粒，又唔會太稀，食完好滿足。
🥢海苔天婦羅魷魚
加上海苔的天婦羅，海苔味出色，魷魚軟腍唔硬，凍咗都覺得好食。
🥢唐揚炸雞
炸雞上枱時又係熱焫焫，皮脆肉嫩滑 ，雞肉入味，食唔停口。
🥢芒果乳酸特飲/ 菠蘿椰汁凍奶
🥢甜品：見到有期間限定的千葉縣和梨軟雪糕，係期間限定當然要試啦！真係好好味！係梨既味道，清甜！而且係雪葩口感，好特別又好味😋 有機會要試！
**湯用日本自家農場種植的蔬菜去烹煮真的很清甜，而且配的每一樣蔬菜都很新鮮清甜，你會忍不住都吃光。而且還有野菜盛湯咖喱，連素食人士都照顧到🫶
湯的辣度比較辣，並不是我們認知的日本甜辣，所以大家千祈唔好太進取😂
张贴
