Steak Bar (已結業)

同好姐妹耐無見，一於食餐好。一路都想試，諗住過左午餐時間無咁多人，都排左一陣。各人點了唔同定食都好好食，享受了開心美食時光吉列炸牛扒定食 ($188) 估唔到份量咁多，脆卜卜吉列邊邊，仲可以自己控制成熟程度，肉質鮮嫩唔油膩，齒頰留香，值得一試板腱牛扒定食 ($158) 肉身厚嫩有咬口，牛扒juicy 送飯一流石燒薄切牛肉定食 ($120) 輕輕一煎加上牛油香，帶出牛味，油脂分佈均勻，正所有套餐包括前菜、沙津、主菜同紫菜飯另可加$25有小食

一直都對燒吉列牛好有興趣😍果日見到steakbar有得食！第日就book左佢黎食😂😂😂 我同朋友都叫左吉列和牛🤤🤤🤤勁好食！啖啖都係肉咁！佢配既飯都好好味，無咩汁但好夠味😍本身想叫小食，但係佢一個set包左飯同埋沙律！食完係飽到頂心口😂😂😂唯有下次先食啦😎😎😎不得不提，佢既職員勁好態度！係full booking既晚上，佢都可以對每個客好nice👍🏽👍🏽👍🏽不過兩個人淨係食呢個set，埋單都要5百幾🤣個人覺得貴左少少，但久唔久食下都唔錯！

較早前去了位於銅鑼灣的Steak Bar 食飯, 最後我選了吉列炸和牛扒餐.稍為等了一陣吉列炸和牛扒餐上枱. 賣相相當精緻.我選這個餐, 因為客人可以自己燒肉, 而且可以因應自己的喜愛燒幾熟. 對於需要全熟的我, 這個最適合我不過.當燒緊和牛扒時, 我先食沙律和豆腐. 豆腐夠滑身, 蔬菜幾新鮮, 這兩個作為前菜夠醒胃.和牛扒肉質夠嫩滑, 即時我燒全熟, 入口口感完全不覺得硬和乾身.牛扒和飯對於我來講係最佳檔, 兩者好夾. 最後, 飲番一杯熱茶, 可以中和一下油膩感. 這一餐好豐富.順帶一提, 晚上8:30pm後，仲推出据扒送紅酒優惠, 啱晒愛飲幾杯的朋友.

吉列炸牛扒🥩($188)好好玩🤪🤪，熟度可以自己控制，份量都幾多如果多budget既可以叫吉列炸和牛石燒薄切牛肉($178)肉汁好多，好juicy,好淋，煮煮下突然間車起晒啲火，侍應就同我講係因為啲肉有肉汁所以汁同油溝埋左，所以就大火，煮嗰陣要小心啲。2個set 都送前菜、沙律🥗同飯可能因為用牛油🧈煎，更加香👍🏻燒完可以點燒汁同海鹽，加埋蒜片就更加香😋星期一至五去食抵d，有set lunch

雖然唔算好難食，但真係唔抵食。銅鑼灣食飯晚晚都好難揾位，見呢間等一張枱就隨便揀咗，加上間野平時instagram買廣告多，叫有啲印象就試下。點知都幾伏。叫咗個二人餐，一份牛扒叫咗三成熟，無牛味同好難咬，係有汁但慘得過啲汁無無肉味，唔知食咗咩。另一份吉列牛。一上枱就基本係全熟，有個爐畀你燒，但我唔係好明有咩咁燒有咩效果，又無好食咗，又無香咗。啲薯條最大鑊，淋晒，一上枱就已經係淋晒，炸好咗成日咁。飯、芝麻醬豆腐同沙律正常發揮，全餐最好食係豆腐。埋單計埋加一600幾早知去隔離茶記食好過，教訓係：如果間餐廳買好多廣告，多數有啲伏。

推出了21日熟成板腱牛扒，當然要試試。午市不設加一服務費，而且加$25便有一份細份的小食及無酒精飲品，價錢相宜。日式牛筋煮半肉半筋，吃起來口感軟腍嫩滑，蘿蔔入味，沒有渣，湯汁帶有香甜味道，十分醒胃。21日熟成板腱牛扒 ($285)定食附有沙律、前菜及飯(含飯素)，隨牛扒附上鹽、燒汁及蒜片，可按個人口味自由配搭。望見粉嫩的板腱牛扒令人垂涎欲滴，急不及待想吃。板腱牛扒肉質鬆軟嫩滑，口感油潤，鮮美多汁，蘸燒汁來吃可突出其味道。白飯加了飯素，相當下飯。

吉列炸牛扒 $188之前見到人地食吉列牛扒🥩已經好想試，今次見到個餐牌有呢款就緊系要叫黎試下結果真系冇令人失望，外層有香脆嘅吉列包住，可以鎖住肉汁放落石燒一陣，好快就食得燒完層外皮依然好脆，裡面包住嘅牛扒既有牛香，又好嫩滑，口感非常豐富👍🏻石燒薄切牛肉 $178呢個都有D牛味,而且唔會韌個飯加左d香料同海苔，特別好味😋沙律🥗都算新鮮

上次試過steak bar吉列和牛後，念念不忘，再次到訪。今次是在body check完之後來，特意犒賞一下自己。Lunch set免+1 ，分量跟晚餐一樣，加$25還可自選小食， CP值非常不錯。小食選擇有和風紫菜薯條、日式牛筋煮跟蜜糖蒜香雞翼兩隻。由於主菜都是吃肉的關係，小食最後選了薯條。薯條上的紫菜說可以用過分多來形容，不用點茄汁了。再次選了吉列和牛扒，多達十一片牛，分量很大。牛味仍舊是很濃，口感仍舊很嫩滑，配上香脆的吉列表面，輕輕燒幾秒再沾點鹽已經很好吃了～

今日係銅鑼灣做完野，慢慢歎個lunch先～叫咗吉列炸和牛扒定食 ($278) 份量都幾多，牛扒夠哂大塊，炸到金黃色，脆卜卜，放上已經預熱咗既石鍋上面燒一陣就食得。牛味都幾重，但比起一般和牛，呢個油質比例比較少，會有口感d。食落有外脆內軟既感覺，都好正～加埋碗珍珠米飯，煙煙韌韌夠哂口感🤪跟餐有綠茶，麻醬豆腐，沙律同飯加咗$25 有小食同飲品。小食有薯條，雞翼同牛筋煮可以揀。揀咗牛筋煮，都煮得幾冧幾入味，蘿白都好正。

主打石燒牛扒嘅Steak Bar喺中環啱啱開嗰陣我已經去過食，上個週末同朋友再訪銅鑼灣分店，估唔到有lunch sets叫🥘Lunch set包括前菜、沙律、主菜及飯，定價二百蚊左右，我地叫左兩款share：石燒薄切牛肉($178)🐮牛肉油脂分佈平均，冇筋，俾食客自己燒自己控制熟度，d牛肉汁送飯一流吉列炸牛扒($188)🐮之前已經食過呢個鎮店名物，今次再食都果然冇令我失望。牛扒上菜時已經係輕輕炸過，同樣再由食客自己石燒決定生熟程度。雖然係炸過，但食落唔油膩，而且好稔，牛肉味濃厚。而家餐廳做緊優惠，夜晚8點半後据扒送紅酒，我都想再去試下個和牛呀‼️📍Steak Bar - 銅鑼灣登龍街36-48號登輝大廈G/F B舖

我很喜歡吃日式燒肉，平日都要約朋友一起烤肉。一人一爐打邊爐就聽得多，今次遇到一人一爐烤肉，以後自己一個人都可以去烤肉了。餐廳不算大，但坐得都頗舒適，中午時段坐滿人的。點了$138套餐，套餐有前菜、沙律、飯、三款肉及綠茶。點烤食物會另外有一個烤爐。調味設有燒汁及鹽，完全自己控制味道及肉質幾成熟。另加$28有小食，亦可加錢轉飲特式飲品。為免太飽，點一個餐就夠了。肉質新鮮嫩滑又好食，再加鹽調味真是好好好好食我覺得作為午餐，肉的份量都幾足夠。值得一提是飯加入了飯素，完全很開胃，平日午餐我吃不多，但今次很快吃清光。十分滿意今次的午餐，有機會我一定會再來!

來吃吉列牛牛😍 採用日式食法，有明火石爐將半熟的吉列牛慢慢煎熟，外表有吉列脆口，非常有口感，而中間和牛可按照自己喜愛的程度去選揀生熟的口感。我很喜歡它的飯，因為加了很多飯素。。。因為我小時候吃飯的時候，媽媽也會加在我的飯裡，讓我多吃一點飯🙈21日熟成板腱牛扒:板腱牛的油花偏重，牛味濃郁多汁，感覺有陣奶味在口裡散發出來。5成熟剛剛好😋點了三款小食。。BBQ雞翼略嫌醬汁太多，有點兒鹹，我把醬汁拿掉一點，味道就好了。紫菜薯條還不錯，只是大瘋狂點菜，兩個人吃不下🙈 香芋地瓜丸是我喜愛的小吃！濃濃的芋泥被地瓜包住，外脆內軟，讚！

終於比我食到呢間「Steak Bar」嘅吉列炸和牛扒😏自從係日本食過之後，就上晒引😁其實香港都有好多餐廳食呢種吉列牛扒，但朋友話呢間好食👍🏻所以我就跟隊衝過去😂🔹吉列炸和牛扒$278（套餐包括前菜、沙律及飯）：自己燒都有個好處，想食幾熟隨你控制😎我就覺得每邊燒40-50秒就啱啱好！放落去果下「咋」一聲🤤真係好治癒！呢間啲吉列牛做得幾好，燒完之後仲係外脆內軟😍唔會淋晒👍🏻食落啲油脂必晒出黎🤤真係好正！另外不得不讚係碗飯！佢會連埋飯素一齊比你🤤真係好開胃😌評分味道：4.5/5環境：4/5服務：4/5性價比：4/5回頭率：4/5

2019年最後一個晚餐，都係食扒 (食扒食足全日)。同朋友去倒數前嚟咗銅鑼灣登龍街Steak Bar食晚餐。人十分之多，訂咗位都要等一段時間先入得😕 不過店員都好有禮貌，值得欣賞。Prime Ribeye Steak ($258)。牛扒肉味好濃，肉汁都鎖得唔錯。叫左medium rare，有少少偏生，但整體都係不錯的。如果你真係唔太接受到血，咁就叫medium啦，因為佢尼個medium rare都真係紅架！本身塊扒份量都好大塊又厚，每個餐仲有飯、前菜同沙律。絕對夠飽的。Steak bar 吉列炸和牛先係招牌，但小弟不太可以食炸嘢，無叫到。問過朋友，佢地就覺得幾好玩，味道一般。

見網上有人post很吸引的樣子，便特登放假過黎試一試佢地既和牛燒做午餐，果然無失望！鋪頭在銅鑼灣的內街，店內外裝潢同店鋪所在地都唔太起眼，真係唔講唔知有寶。佢個吉利和牛扒真係有驚喜，二百五以上既價錢，但確是物有所值。外面炸了層脆粉，相當有口感。和牛牛肉好有咬感，肉質結實，但仍感覺到那種嫩滑。自己燒，自己控制幾多成熟，又有趣味。朋友對佢揀既魚扒亦相當滿意，表示肉質很滑，魚肉煎得火候剛剛好，亦很鮮美。成個餐又配沙律及飯，很有飽足感。我們皆表示會再來光顧的說。