Steak Bar (已結業)

吉列牛是近期大熱，作為牛魔王當然要嚐遍全港九新界的吉列牛、比較高下之前已到元朗、荃灣吃過，這次來到銅鑼灣，各位九龍區有推薦嗎？食物: 4/5‼️重要提示‼️我發現這裡的牛肉愈熟愈容易咀嚼，建議放石板上燒長一點時間▪️頂級板腱牛扒超厚、份量大、肉質不錯，牛味濃，味道及口感像自助餐常見的薄切燒牛肉，較嫩及腍我們點了五成熟，有點韌，發現切開一小塊再用石板(隨吉列牛附上)燒一下口感更佳▪️吉列炸和牛牛味相對沒板腱牛扒重，但較香口惹味，因為吉列外層及和牛帶油香。斜切令每件都更大，吃著更有滿足感。這裡套餐的份量都頗大，我們已吃得很飽。餐廳最近有優惠，可以仼吃薯條及附送一客小食(我們點了雞翼)，超級飽!!!!!

繼上次情人節之後❤️今次慶生又黎食吉列炸牛牛🐮～店員安排左最入面霓虹燈下嘅座位俾我哋～角落位加上一兩個火爐哄住坐得非常熱🥵嗰日晏晝食得太多野，到夜晚仲未好肚餓，所以淨係叫左兩個吉列炸牛扒定食加兩樣小食三個人share😆▪️吉列炸牛扒$188吉列炸牛賣相好靚。定食配埋沙律，白飯，芝麻豆腐，炸牛扒外邊炸得好香脆，炸粉唔易甩，牛肉味重，可配燒汁，海鹽，味道更加提升！店員建議每邊煎5-15秒左右，我照住佢哋嘅方式來煎，但有幾塊都係好韌咬唔到！超難咬！煎得愈熟愈易咬。下次都係叫反吉列炸和牛好啲🙈和牛林好多！▪️蜜糖蒜香雞翼$58雞翼有五隻，好大隻，蜜糖味重，好味👍🏻▪️雞軟骨餃子$45餃子外表煎得相當香脆，雞軟骨餃子食落口感卜卜脆，不過不失👍🏻

久唔久就想据下扒，聽下個Jar Jar聲😂，不過又唔想食花園餐廳個啲落哂鬆肉粉既爛扒，近近地就去左登龍街食Steak Bar。-石燒薄切牛肉 $178每個Set都有沙律、胡麻豆腐、炸蒜片、鹽同燒汁。薄切牛肉大約有6-7塊左右，入口軟嫩，幾多肉汁😋，亦唔算太多根。牛味無吉烈炸牛咁重，但點鹽食，成個味道都昇華左咁，好好食😻！不過可能因為薄切牛肉多肉汁，所以放上石板燒個陣比較多油彈出黎，要小心啲～-吉烈炸牛扒定食 $188出面炸完但入面仲係生肉，可以做到呢個效果真係好神奇👍🏻。我燒左大約1-2分鐘左右，大約五成熟多少少，入口好酥脆，外脆內軟🤤，而且牛味好濃，配埋飯素食，鹹鹹地咁，好快就爬哂成碗飯🍚！-見到門口痴住張Memo話免費任食薯條🍟，有原味同紫菜味揀，不過因為太飽嚕，唔想嘥野，就無食到～

近來都冇咩娛樂，想對自己好啲，唯有晏晝食個好啲嘅午餐。今日嚟咗steak bar食餐好嘅，我哋叫咗一個「石燒薄切牛肉定食」（ $120 ），同埋一個「吉列炸和牛扒定食」（ $278 ）。而家午餐仲免費送飲品和小食，我記得之前要加錢㗎，而家免費啊！正！本身小食係牛筋煮，不過啱啱賣晒，店員就話送薯條俾我哋，不過同事又唔識薯條，所以又轉左雞翼，結果我哋兩款都試曬，好開心呢！雞翼炸得脆，仲有蜜糖汁喺面頭，好好味！薯條亦都新鮮炸，唔會太鹹，正！重點梗係食過燒牛啦，兩個set送上相當豐富，我哋留意到吉列和牛個石鍋冇牛油，但薄切牛肉嗰個就有，以為佢漏左啦，跟住店員解釋因為薄切牛肉比較乾所以需要牛油來煎，但和牛本身油脂好夠所以就唔使啦，估唔到咁微細嘅嘢都貼心安排，印象分加晒！薄切牛肉燒兩下就已經食得，估唔到食落感覺Juicy,都幾好味喎！至於吉列和牛都幾厚切，肉質好唔錯，有肉汁保持到之外，吉列嘅表面食落又脆口感覺，所以都好好味。除餐附送沙律、豆腐和一大碗灑有味素嘅飯，好滿足呀！

餐廳：Steak Bar (銅鑼灣)地址：銅鑼灣登龍街36-48號登輝大廈地下B號舖經過銅鑼灣登龍街，忽發奇想想食牛🥩，見到呢間Steak Bar做緊送飲品同日本牛筋煮😋，咁緊係要試下啦餐廳播緊外國流行歌曲🎶，入門口有洗手液同濕紙巾提供🧴，餐廳都幾乾淨👍🏼，食都食得放心啲21日熟成板腱牛扒($285)利用牛肉本身嘅酵素配合特定溫度、濕度、風速而成嘅牛肉🐂，令牛肉呈現出濃郁嘅風味，一切落去肉汁就滲出，約五成熟嘅牛扒呈現係眼前係幾咁吸引，一啖咬落去🤤，肉汁四淺，好香好好味呀另外，餐廳做緊生日送吉列炸牛扒優惠，另外仲有任食薯條優惠添🍟，唔好錯過快啲去問下詳情啦

頂級板腱牛扒 💲215珍寶德國腸拼盤 💲168✅ order左5成熟 真係做到👍🏻 粉嫩嘅牛肉令人一試回味😋✅ 德國腸拼盤有四款腸 各有特色🎨 啖啖肉👅Taste：3.5/5💰CP值：3.25/5🙋🏻‍♂️Service：3.75/5👁‍🗨Stylishness：3.5/5

"牛" 真是我食極也唔厭的食物，一提起吃牛我就立時精神抖擻！今日我約了J食吉列牛，為自己叉下電先。石燒薄切牛肉定食$120~ 所有套餐配有綠茶前菜沙律及飯。沙律有車厘茄和沙律菜，配以和風柚子汁，而前菜是胡麻豆腐，又滑又嫩，酸酸甜甜，好開胃。又軟又熱的飯上加上飯素，增加口感和味道。薄切牛肉份量頗多，雖然是薄切，但每片牛肉油脂分佈平均，肉嫩多汁，牛味又濃，每面炙6秒即可，配少許牛油更惹味，呢個餐真係又抵又好食。吉列和牛定食$278~同樣包前菜，沙律和飯素飯。大約有十一件吉列和牛，厚切，外面已經炸至金黄鬆脆，裏面還是嫩紅的和牛肉。視乎個人喜好，把吉列和牛置於爐上兩邊微炙，肉斗汁完全被鎖住，造到外腍內juicy, 和牛肉質又腍又軟，口味濃郁，油脂豐富，非常美味，真係正到停唔到口！現在凡惠顧午市套餐均免費附送小食及飲品優惠，好正呀！所以我們揀了雞翼和紫菜薯條。蜜糖蒜香雞翼~外皮炸得好脆，雞肉亦非常嫩滑，好juicy!亦有好濃郁的蜜糖和蒜香味，好滋味。紫菜薯條~薯條炸得好脆，裏面都鬆軟，加番紫菜碎好惹味。最後飲埋杯Peach Soda，爽哂！

Steak Bar - 鐵板吉列牛魔王門面黑色型格的透光招牌，是有牛角的牛頭圖案，延伸招牌黑色的黑鐵框玻璃窗，內裡環境有著日系常見的木紋牆和桌子。另外餐廳推出任食薯條和生日送吉列牛扒優惠，非常吸引！吉列炸和牛扒定食份量超多的厚切吉列炸美國和牛扒，旁邊放著塗上了牛油的鐵板小爐，將和牛扒輕輕一煎，不要少看鐵板爐仔，火喉相當夠，十多秒後和牛已經香氣十足，油分溢出，和牛扒肉汁滿滿、肉味濃厚、外皮脆口，內裡的肉質非常腍身，在口腔中溶化，更可以配搭醬汁、岩鹽和炸蒜片一拼吃。最後定食的形式附有胡麻醬豆腐、沙律菜和滿滿飯素的米飯。和風紫菜薯條沾滿超多和風紫菜碎的粗炸薯條。冷洋甘菊菜消膩解膩、清新口腔的茶品。

雖然運作模式好似茶餐廳但係店員會為唔同dinner set 提供介紹同埋建議熟度又會為牛唔同部位為客人解釋 感覺有3星米芝連侍應服務最近做緊promotion 免費任添和風紫菜薯條不得不讚薯條調味實在太好再陪上飯素白飯 真係完美組合酒類選擇都十分多有我喜歡apple cider 真係估佢唔到牛扒方面 睇得出廚師會挑走扒大量肥肉和筋肉保證啖啖都係肉 牛扒filet 很厚 但熟度控制得好好唔會食到扒心係過生 店主選用蒜鹽 食落口會自帶蒜味真係好好食

呢排有得繼續work from home，少左好多出街食，唯有睇下電話啲嘢食相望梅止渴啦。嗱，咁就發現原來食左好多間但都冇介紹過添。既然而家幾得閒又冇乜細藝，一於揸下筆寫多幾篇！.小妹好鐘意食牛🐮嘅，上網見openrice呢度咁多like，好似幾吸引咁，所以有日lunch time 就嚟試吓係咪真係咁好食。嗰日畀老細話完，有啲唔開心，想食豪啲氹下自己，所以自己一個人lunch食二百幾蚊嘅扒! (我好少可lunch會食咁貴🙈🙈).《澳洲黑毛安格斯西冷 5成熟》 $258西冷扒的牛肉味🥩較濃，五成熟岩岩好，外層燒得乾身微脆，能夠鎖住肉汁，切開中間嘅肉，係令人垂涎欲滴嘅嫩粉紅色。牛扒旁邊有蒜鹽同燒汁，兩者都令肉味更加出。我個人就比較喜歡燒汁。跟餐有個飯，飯比較黏🍚加左木魚，紫菜，芝麻，口感豐富，味道濃郁，單食飯都唔覺得寡，同埋牛扒一齊食，味道更有層次。.總括黎講食物係唔錯，因為除左牛肉有質素之外，連飯都有咁多配料，幾有誠意，不過午餐黎講係貴左啲🙈，所以我只係畀ok🤭

係燈籠街既吉利牛專門店：石板簿切牛肉(上, $178)既牛肉質素勁好，牛肉好有牛味，又太筋，放係爐上面燒兩燒就食得，易燒有好食。吉列炸牛扒(下, $188)就勁有驚喜，出面即炸粉好脆，又唔會太厚，牛就勁香，又多肉汁，食曬成份就會有份好飽足既感覺，係必食推介黎。值得一提既係，呢間扒房連飯素都特別好食。頭盤同沙律都做得幾好。😋 等我下次去試埋個和牛先😍呢間餐廳既飯量啱啱好，啱曬我呢啲想試多幾款牛牛既我呀。

牛肉都比較多選擇 而且上菜都非常快！價錢來講我覺得中午比較抵食夜晚就真係比較偏貴啦地理位置都算方便同地鐵站好近牛肉自己燒其實都幾開心呀可以自己控制有幾生有幾熟我個人就比較鍾意食啲生嘅感覺所以少一陣好快就可以食啦阿媽話個牛肉味都好濃之後都想再去食味道來講真係唔差服務態度都幾好又唔使洗等位之後可以再去但如果有檸檬水俾我解下膩就好啦同埋如果可以做埋烏冬其他類型嘅煮食可能都會比較吸引總括而言之後我都可以再去下帶朋友～

14/2當然要食好D book左2130 都要排左一陣隊先到去 一入到去D位其實幾窄 坐得唔太舒服 叫野食 就話冇炸和牛扒 其實真係一心諗住食 算喇B肚餓 叫左份21日熟成牛扒加個西冷 仲有炸尤魚同雞奕其實d扒都ok d 肉質算冧 但份量較細 以$278 同$258既價錢黎講偏貴 因為之前食過一間響一蘭果條街 平好多 味素反或意粉可添食 炸尤魚同蜜糖雞翼其實好一般 野飲更做得好麻麻 今餐埋單$8xx 性價比其實不高 如再黎都剩係會想食炸和牛扒！完！

聽到登龍街你會先想起什麼？我會想起美食😋 今次同朋友黎到銅鑼灣登龍街搵食，見到呢間Steak Bar都幾多人食，我地都食埋一份😜我點左 #吉列炸牛扒定食 ，牛扒外層好似吉豬咁有層炸脆皮，石鍋放上牛油做底，燒出黎嘅牛肉非常香口！厚切上，建議燒4-5分鐘，肉質先會夠鬆軟。朋友鍾意食薄切，叫左 #石燒薄切牛肉定食 ，放上石鍋燒一燒正反兩面就食得，好快手就有得食🤗每個定食都有一碟豆腐和沙律，仲有飯素拌飯，十分滋味！夜晚8點半後黎鋸扒，仲有紅酒優惠🍷

每次去日本都會好想食鐵板吉列牛肉，估唔到而家連香港都有得食！石燒薄切牛肉定食＄120一盤牛肉大概有6片左右既牛，牛肉油脂分布平均，由於牛肉非常薄放落鐵板上10秒左右就熟，再反面煎。肉近嫩滑，牛味濃郁有肉汁，加上有鐵板上既牛油顯得更加香，配飯一流。和牛拼盤定食 ＄138有3款肉（牛肩肉,牛胸肉,豚肉）各3件，cp值極高其中最喜歡係厚切既牛肩肉，牛味比起第一款更加濃郁，入口即融🤤🤤🤤而且不會膩板腱牛排定食 ＄158牛肩控相當厚身，我們選擇六成熟切開粉嫩嫩的 ，牛味濃又有咬口！🤩肉質軟淋又帶點咬口的，牛味在口腔散開多肉汁，可以下兩碗飯😂😂