Steak Bar (已結業)

見網上有人post很吸引的樣子，便特登放假過黎試一試佢地既和牛燒做午餐，果然無失望！鋪頭在銅鑼灣的內街，店內外裝潢同店鋪所在地都唔太起眼，真係唔講唔知有寶。佢個吉利和牛扒真係有驚喜，二百五以上既價錢，但確是物有所值。外面炸了層脆粉，相當有口感。和牛牛肉好有咬感，肉質結實，但仍感覺到那種嫩滑。自己燒，自己控制幾多成熟，又有趣味。朋友對佢揀既魚扒亦相當滿意，表示肉質很滑，魚肉煎得火候剛剛好，亦很鮮美。成個餐又配沙律及飯，很有飽足感。我們皆表示會再來光顧的說。