Spring field (已結業)

行过湾仔依头，本身想食黑龙，但系朋友沿路见到有间和牛河粉，好似日本Mix越南菜咁样，系新开既铺头，所以就入左去试下。试业期间的营业时间，是新铺头黎，想试要注意喇。餐纸有D似日本拉面既点餐纸，可以简葱、莞茜、洋葱既比例大既Menu，方便老人家睇!餐厅装修都几别致，有D 挂画，有西式Style木Bar枱，好有日式Style有自助Bar可以加配料/加水我地最后叫左春卷、大满足全配料牛河、火炙半熟和牛河同柠茶。等左一阵就黎左春卷同柠茶，店员都好细心，提我地要等一阵先食，即炸好热。等左一阵，我地用生菜包起春卷，会无咁热，但咬到入春卷部份，个皮好薄好软但又香口，料好足，口感好正，配埋酱料系一流。火炙半熟和牛河 : 朋友食左，D和牛烤过先上。大满足全配料牛河，以一个盘既Set奉上大满足全配料牛河入面有半熟和牛、鸭丝、牛丸、和牛粒、萝卜。香料有九层塔、青柠、红椒，可以因应自己喜好夹入去，而且新鲜，抵赞。半熟牛肉可以浸一浸，再食，和牛口感几淋，但牛味唔算好重，比较之下口感取胜。鸭丝系惊喜之作，好入味，好重鸭肉味，超正!肉几淋，同皮加埋个口感几似，个比例唔错，好食!牛丸结实，好重牛味，亦系第二个惊喜之作!