PLAYT 咖啡廳

营业中

休息中

今晚每款食物皆有驚喜，魚生之中三文魚好肥美，帶子鮮甜，有日本地道感覺。而海鮮都好新鮮，生蠔即開勁鮮甜，龍蝦，蟹腳都水準以內。熱食款式多到食唔哂，個人喜歡盅頭花膠湯同脆脆乳豬，仲有香煎鴨肝多士，滿口油香（食完好有罪惡感=-=）。另外，雪糕真係一絕，茅台味，鵝肝香橙味，新穎得來毫無違和感，係好好的嘗試，十分欣賞。

之前小姐有來過的，想不到重新裝修後又有另一番感覺～改名為PLAYT，明顯有PLAYFUL的意思，全新和年輕的感覺很新穎呢！可能比較傳統，食自助餐最好當然是老火靚湯做頭盤啦！冬菇花膠湯原盅出爐，熱辣辣香氣撲鼻，喝得到的豐富材料！ 最近努力節食的小姐為預留更多空間給海鮮，最初只是淺嚐，每樣試一點點，都足以吃得出食材的仔細和美味，尤其是烤磨菇真的很驚喜！但最後還是被香煎鵝肝的香味誘惑，破戒了呢……鵝肝煎得香脆甘香，配上脆多士真是極品！回去努力運動也是值得的…… 我最愛的海鮮凍盤~生蠔有美國和紐西蘭兩款，各有各喜好吧～小姐兩款都喜歡～而長腳蟹更加是驚喜，吃得出的新鮮海水感覺。 甜品時間～非常欣賞PLAYT的自家製Gelato，是他們總廚精心研發的味道呢！有楊枝金露、鵝肝、茅台等味道，最令我驚喜的竟然茅台也可以做雪糕，而且味道很好，真的有喝酒的感覺，令人醉飄飄～（笑）

同屋企人食野最岩梗係食自助餐啦！要中式有中式、要西式有西式，甜品海鮮刺身樣樣齊，各有所好！今日黎到新裝修既park lane同以前唔同晒！裝潢變得新潮同年輕化，加埋燈光配合啲野食勁吸引～我地一行9個人仲有圓枱坐呀，自助餐少見，傾計方便真抵讚！一入黎巡一巡左場，一入門就有甜品同雪糕，有朱古力噴泉！雪糕仲係自家製架！個人習慣鍾意食Buffet先食熟食打底，可能係普通炒飯之類，但呢度嘅西班牙炒飯一啲都唔普通，用料十足，食完都唔會覺得晒quota~跟住梗係食海鮮啦~呢度好細心地每台已經放好較剪，一拎完埋位就食得～唔小心貪心咗添。海鮮冷盤種類都幾多，有龍蝦仔、長腳蟹、蝦、蟹鉗，食得出新鮮同爽甜。而生蠔都係另一重點，呢度係師傅即開，分別有美國同紐西蘭，我自己就鍾意紐西蘭果隻鮮甜多啲，但由於成個buffet實在太多選擇喇~飽到我最後只係食咗8隻生蠔XD餐廳好多位都係open kitchen，將食物製作過程擺晒出嚟畀大家睇，正宗有得食又有得睇～竟然有個炭火焗爐，定時會有即烤西班牙乳豬，幾有風味的，乳豬肥而不膩及皮脆，實在太搶手啦要爭食，連相都影唔切哈哈！食物好味新鮮唔在講，值得一提嘅係呢度嘅服務態度同

今日同女朋友行完IKEA, 行行下就見到PARKLANE間BUFFET, 好似同以前唔同左喎, 見個價錢都OK, 就一於入去食啦!!有別於一般既酒店自助餐廳, 呢度有工業風既TONE, 再配上Graffiti, 畫上教父既場景, 感覺別具一格, 未食野先食環境啦!! 而坐位同行人通道都幾闊落, 坐都幾舒服喎!好多食物選擇喎, 中, 日, 意, 法, 泰, 印, 土耳其既菜式都有喎食自助餐一定食生蠔先啦, 生蠔每次只可以拎2集, 邊排隊邊睇住員工即場開生蠔, 等左一陣就有啦生蠔有紐西蘭同美國生蠔, 口感滑溜, 好CREAMY，入口帶陣陣鮮甜海水味， 繼而滲出獨有清甜香氣係沙律BAR拎左個沙律, 菜幾新鮮, 夠爽脆, 配埋酸汁黎食, 更健康得黎又開胃之后食冷盤, 我拎左長腳蟹, 藍青口, 龍蝦, 同埋麵包蟹長腳蟹蟹肉鮮甜, 藍青口肉更嫩滑, 並帶有淡淡鮮甜口感, 龍蝦保留活龍蝦的鮮度和原始風味，肉質脆嫩，口感清甜, 麵包蟹味道不太濃，卻有種獨特香味，清新鮮甜呢個燉湯係我既至愛, 有雞腳, 冬菇, 花膠, 好足料, 湯頭有晒所以食材既精華, 入口好清甜, 我飲左2碗呢個鴨肝多士, 打約排左五

早前曾經來Park Lane的Ebb & Flow吃過有水準的下午茶, 這天就再來到Park Lane, 不過目的地就是PLAYT, 吃自助餐是也.先講講環境, 這裡很型格, 而我們坐在靠窗的位置, 很光猛, 感覺舒適.想不到這裡的午市自助餐, 是比不少地方的晚市自助餐還要豐富, 真心難得. 先吃沙律, 當中有什菜沙律, 鴨胸沙律, 艾化拉沙律, 蘋果蟹肉沙律, 羅馬生菜, 紫紅生菜, 火箭菜, 紅捲鬚生菜, 以及綠捲鬚生菜等等, 這部份, 留給CEO多吃點吧. 冷盤就包括有煙彩虹魚, 黑椒三文魚, 煙三文魚, 煙八爪魚配羅勒醋汁, 吞拿魚薄片, 還有泰式鳳爪, 麻辣雲耳, 以及涼拌拚盤等等, 夏天胃口不太好, 吃這些, 就很合適.要吃凍肉的話, 選擇有莎樂美腸, 巴馬火腿, 意大利肉腸, 谷巴火腿, 煙燻牛肉, 三文魚肉醬, 鵝肝慕絲, 以及豬肉醬等等. 至於芝士, 就可以選擇Brie, Emmental, Blue Cheese, Parmesan, Red Cheddar等等. 不過胃納有限, 這部份, 只宜淺嚐.還是把目光放在刺身吧, 選擇包括有八爪魚, 醋鯖魚, 希靈魚, 鯛

以前仲讀中學放學之後，經常經過銅鑼灣柏檸酒店既cafe one，朋友成日都話好想食好想食，但時間飛逝...讀完個中學都未同佢食cafe one~隔左多年後既今天！cafe one已重新裝修改良，變成playt~朋友又再說好想食...今晚就完了朋友心中既結！一入大門，店內裝潢給人一種好強的時代感，好型格好stylish被安排坐在窗邊，座位舒適！好大空間感~先把全場走了一圈，有好多野食，冷熱盤，海鮮，點心，甜品區！好就先由海鮮區開始，有開邊龍蝦，青口，長腳蟹，最重要就係即開生蠔！開邊龍蝦，大大隻，少少咸味，肉質彈牙結實，非常爽口，勁多膏同埋籽！鮮味呢即開生蠔勁多人排隊，每人每次只可以拎兩隻，有新西蘭同美國兩種，美國蠔較大隻，口感較厚，新西蘭蠔海水味重，肉質嫩滑，非常新鮮！刺身試左三文魚，甜蝦，帶子，油甘魚，夠晒新鮮，唔質相當ok~壽司食左縲片壽司好清爽好脆!好好味大家記得去facebook俾like, 之後比店員睇睇~就會有杯特色飲品送，有少少橙味配菠蘿既果茶，好清新好健康既感覺~唔會甜耶耶！即切燒牛肋骨~餐廳供應左多款既調味~好細緻！包括有胡椒海鹽，檸檬香草海鹽，煙燻海鹽，法式芥末，英式

近來被洗版的酒店自助餐，離不開銅鑼灣Park Lane 的Playt. 近日終於有幸地，可以一嚐，大飽口福。餐廳是酒店內的食店，所以食物質素及空間感都有保證。跟友人一坐低，立即點凍食的刺身。餐廳有提供不同種類的食物，包括帶子，三文魚等，當中的帶子極新鮮，咬下去十分清爽，海水的味道會於口腔內四散。另外甜蝦方面，雖然都很新鮮，但十分細隻，略略有點點失望。但其他所以刺身都很新鮮，十分不錯身為海鮮愛戴人士，點會放過凍海鮮呢！！雪蟹腳 (即長腳蟹）十分新鮮，咬下去很多海水流出，而蟹肉十分鮮甜。雖然蟹腳很受歡迎，但酒店不停refill, 這一點是值得讚揚。還有麵包蟹的提供。今次點了蟹鉀，蟹肉不及長腳蟹的好味，但是也值得一點。記得加一點點檸檬呀～鮮味更Level Up熱食都是不可錯過的重點。限定： 冬菇花膠燉雞腳湯「孩兒在公司很忙 "不需"喝湯」好久都沒有時間回家晚飯，當見到這個燉湯新鮮出爐，馬上幫友人拿回座位。 (終於有湯飲啦）湯的材料十足，大大隻冬菇，味道極香。而且雞湯的感覺十分補，用料十足。但由於雞腳湯的關係，略略有點油膩，但是可以接受的甜品方面都絕不可以錯過，朱古力噴泉很有特色，大量材料伴上

一直以來, 都不多去食buffet, 尤其是酒店的, 總會給人有點old school的感覺, 今晚姊妹聚餐, 地點選在銅鑼灣柏寧酒店的Playt, 前身是歷史悠久的cafe one, 最近變成了年輕的Playt, 餐廳內大玩色彩、藝術、型格、工業風, 玩味十足, 而且主推海鮮冷盤美食, 深受年輕人歡迎。我們今晚吃的時段是18:30-21:30, 價錢每位$558 + 10%, 餐廳美食又多又吸引, 真的可以食足三小時呢!來到這裡, 腦子裡不期然播著蔡依琳的 PLAY我呸, 節奏快的音樂, 抱著輕鬆悠閒的心情, 享受這晚自助餐。可惜的是, 今天天氣特別悶熱, 溫度達36度之高, 經常口渴下午已喝了不少飲品, 胃口受到影響, 來到自助餐, 戰鬥力不高, 唯有淺嚐自己喜愛的美食。先四處逛逛有什麼美食, 海鮮冷盤有蟹腳、龍蝦、蝦、生蠔等, 熟食有中式、印度、西班牙, 其中中式包括點心、小炒、中湯燉湯, 另外日式食物包括壽司、刺身、天婦羅, 還有不同的芝士、風乾火腿片。令我們印象比較深的是, 餐廳對醬料很有要求, 提供不同的選擇, 烤牛肋骨更有十款醬汁配搭, 光看已覺得十分精采。甜品方面, 有

好耐冇食過自助餐啦！咁岩今次差唔多父親節，緊係請老豆食毃個自助餐之餘，滿足下自己瘋狂食牛嘅欲望！上一次去柏寧已經係幾年前啦！當時裝修嘅Style仲係比較O School，感覺係老派一啲，不過今日去到真係煥然一新，檯櫈嘅擺位都係改善左好多，其實見到大家都係咁傾計，不過又冇話嘈到其他人！係非常好！每個人都有自己嘅私人空間！周圍牆身仍都加入咗唔少油畫，成個Feel係潮咗，活力左！不過食物先係重點！先去飲一個燉湯，花膠非常足料！我個碗有3舊咁多！雖然身為牛之達人，不過食自助餐，食返啲Ham係必需的。呢度有一款叫匈牙利黑毛豬，油份同肉非常適中，我強烈推介！另外本人發現咗佢一個非常大嘅驚喜！就係佢嘅Pizza，真係搭左個好鬼大個啲磚爐嚟整，所以佢嘅味道同出面食開嘅好唔同，夠哂風味！好！係時候介紹佢嘅燒牛肉，自己對於燒牛肉都幾執著，因為起碼都要食返十件八件，所以對舊牛都幾講究！拎左兩塊，兩塊都係大約5成熟，係very nice！肉味夠濃，唔會太UN，不過當然要食多幾塊先知係咪舊舊都咁正啦！之後都叫左幾Round，都一樣咁正！特別提提大家，佢有一個外藉師傅切肉嘅技術特別出色，而且佢會畀您揀選部位嚟切！

上星期同fd一齊去食buffet，去左岩岩重開嘅 PLAYT buffet 餐廳（姐係以前喺Park Lane 一樓嘅cafe one）印象中，去過咁多間buffet都未見過咁大地方用黎放野食，一入門口右邊已經係甜品部，見到2部雪糕機，已經決定要試晒啲味先會走；之後就係有壽司部，正正常常嘅魚生同壽司都有；沙侓方面，都有好多西式菜類，一大碟火箭菜同埋另外有parma ham；生蠔可以一次攞4隻，新鮮啲即開美國同埋澳洲生蠔，鮮味又多汁！仲有即烤西班牙乳豬，外脆內暖，好食過燒味店好多倍呀!今次buffet最驚喜我嘅菜式就喺冬菇花膠雞湯，完全估唔到buffet有得飲到花膠湯，仲要喺足料，平均每碗湯都有2～3嚿花膠，絕不欺場（小貼士：最好入場就攞一碗飲先，如果唔係會太飽飲唔到）！ 另一驚喜係buffet餐廳入面又會有pizza專用焗爐，用專用焗爐新鮮焗出黎既pizza真係又軟又香，不過pizza款式會小左啲，再多幾款就好喇！價錢方面，我哋係平日去，價錢大約$500+ 10%，依個價錢喺cwb食酒店buffet都算唔貴，野食種類好多，中、西、日、甜品都好齊，最好味又令我回味嘅都係個矛台味gelat

銅鑼栢寧酒店算是鬧市中比較低調的酒店，地理位置優越，一到樓下已經是各個潮流熱點！作為本地人，今次嚟到栢寧酒店，抱著的正如同旅客般的心情，試試它樓上全新裝潢後的酒店自助餐<3 <3 <3踏入餐廳，昏暗的燈光，令人感覺十分舒適，裝潢亦好別出心栽，牆上是不同類型的graffiti，雖然不知道是出自哪一位畫家的手，但同樣不減藝術品的吸引力！當然，最重要還是食物方面！基本上，自助餐包括中、西、東南亞及日4個國家的食物，還有多種海鮮及生蠔，當然亦有女生們都為之瘋狂的甜品區！熟食方面，個人最欣賞是主一位印度厨師主理的食品區，包括有青咖喱及紅咖喱，還有我最愛的naan！特別之處，在於現場有個傳統印度用來弄naan的特製石爐，令燒出來的naan更具風味，看著師傅現場制作，很raw很有feel！此外，還有燒牛肉、pizza及各式西式菜色及中菜等不同食品選擇，而且食物質素都很高！冷盤方面，由於本人基本上不吃海鮮的，唯有感興趣的唯獨是生蠔！排隊規定每次限４隻，生蠔分別來自美國及澳洲，前者夠係瘦身，海水味濃，而後者則較肥美，但偏淡味。個人就偏愛前者美國的，因為鮮味比較突出，多吃幾個也不會

友人Y和我都是海鮮迷, 聽說最近柏寧酒店的Playt, 推出了很抵吃的海鮮自助餐, 還有龍蝦和即開生蠔! 於是約了星期六晚上一起前去大吃一番!自助餐六點半開始, 但之前已經有不少人在門外等候. 登記後, 由侍應引領我們入座, 經過食物區時, 見到除了有海鮮外, 還有熱盤, 冷盤, 中式點心, 甜品區等等.餐廳看起來是新裝修過的, 與一般酒店的典雅裝修不同, 這裡是走型格風, 配合開放式廚房, 所有烹調都一目了然.自助餐一開始時, 大部份人與我們一樣, 都是湧向海鮮區. 因為海鮮區的確吸晴, 有開邊龍蝦、龍蝦蚶、藍青口、長腳蟹腳、麵包蟹、泰式生蝦、即開生蠔.開邊龍蝦: 龍蝦頗大隻, 肉質結實, 帶有天然海水鹹味, 彈牙又爽口, 而且內有不少龍蝦膏, 結實而甘香. 龍蝦蚶: 啖啖肉, 味道鮮味.長腳蟹腳: 完全沒有雪味, 還帶有淡淡的海水味, 肉質實淨而大隻, 難得的好吃!泰式生蝦: 用了新鮮海蝦, 肉質味鮮甜, 蘸上泰式酸辣汁, 更添美味! 用匙羹盛載的三文魚片和龍蝦肉, 上面放了拌了醬汁的三文魚籽, 嫩滑魚片, 加上結實的龍蝦肉, 口感複雜之餘又滿口魚油香, 十分有趣.帶子拌魚子醬: 

銅鑼灣柏寧酒店內的Cafe One，歷史悠久，是一個老牌的自助餐好去處。2014年年尾，酒店加入「鉑爾曼集團」，易名為「香港柏寧鉑爾曼酒店」 , 奉行該集團「Work Hard , Play Hard 」的營運新理念，大刀闊斧地進行翻新改革。Cafe One也搖身一變，以「Playt」這一富青春氣息、摩登時尚、時代感和工業味道並重的全新面貌示人。店內裝潢設計教人耳目一新，再加上四幅由西班牙街頭藝術家 Victoriano為「Playt」創作和設計的街頭藝術塗鴉畫作，既七彩繽紛又玩味十足，完全顛覆了酒店自助餐廳一向給人一成不變的死硬印象。甫踏入大門，就可見到第一幅塗鴉作品 - 白底牆身，噴有七彩圓點、女孩和狗，帶出了童趣和玩味的主題，且吸睛能力極強。開放式廚房成就了 「Kitchen Theatre廚房劇院」的運作理念 ，廚房和廚師不再背向食客，反而走在前面，把最新鮮和美味的食物坦蕩蕩地呈現在食客面前，也讓食客見識了不少廚房重地設置的爐具。餐廳空間感強，坐得舒適，吃得自在。來自各國的特色熱葷和冷盤一一俱全，當然少不了壽司刺身、沙律火腿芝士、薄餅炸物、燒味點心、中西燉湯, 以及各式甜品和自