PLAYT 咖啡廳

营业中

休息中

Playt is a great place to go if there are people in your group with different tastes. Everyone will find something they like here. The foods are nicely prepared and the quality is good. From crab legs to sushi, baked pork and beef to the expansive dessert bar, you'll certainly leave satisfied. The downside? It's expensive.

👍款式種類豐富，冷盤有蠔，龍蝦，蟹腳，刺生有三文魚，油甘魚，呑拿魚，希靈魚，八爪魚等等，熱盤推介鵝肝多士，牛扒，燒乳豬仔，炸羊脾，燉湯。食物質素總括嚟講都幾高👍網上訂位有八折，折後人頭大概$500，性價比都算高👍冇限時段，食足3小時👍餐廳有圓枱提供，傾計更加方便😞 餐飲點左一杯凍檸蜜，但蜜糖沉底唔溶😞對比起其他同級嘅自助餐，雖然佢有Gelato雪糕，個人覺得甜品比較遜色，乳酪味道有改善空間。😞店鋪燈光有點黑

對上一次來栢寧食自助午餐, 已經是3年前的事, 這次渾渾噩噩再來, 到吃龍蝦後. 才發現這餐廳已經易名。這裡的自助午餐雖然沒有我喜歡的生蠔, 魚生壽司，海鮮，冷盆，熱葷，點心，燒味，麵食及甜品......等，都很齊全，款式也很多, 老實說, 年紀愈大, 食量隨之而下降, 只有重點挑選一些較為貴價的東西來吃, 所以熱葷這方面, 大部份都沒吃過。而吃得最多的，就是海鮮及魚生，還有甜品。海鮮方面, 龍蝦及長腳蟹是我的最愛, 龍蝦的肉不硬不靭, 雖然是雪藏的, 但仍然能吃到龍蝦的鮮味, 值得推介。而蟹腳就比鹹, 吃了一雙後便要停了, 其他的海螺鮮蝦也很新鮮。魚生方面，最欣賞的便是帶子, 味道真的很鮮味。甜品方面，大部份的蛋糕也很喜歡, 但最值得推介的是熱情果雪糕, 熱情果的味道很濃郁, 我和家人不停的吃了幾杯。其他冷盆方面，真的沒有特別的驚喜，但也不會讓人失望。因為信用咭有優惠的關係, 三百多元的價格，能吃到這一頓自助午餐, 算是物有所值的。

老婆生日, 每年我地都會食BUFFET慶祝. 今年有朋友介紹我們去PLAYT, 剛好信用卡又有85折, PERFECT MATCH!DINNER BUFFET只有一個時段, 6:30~9:30. 但6點先岩岩收工, 我地BOOK左7:00, 但6:45已經到達. 到左PLAYT, 入面裝修年輕新穎. 估唔到15分鐘姐, 就坐爆曬人, 入座既途中已經見到生蠔吧有一條長長既人龍, 令人好期待. 我地慣性都係一個人去拎野食, 另一個人係位食野/睇袋. 其實咁樣真係會低效率D. 不過有的是時間. 反而見到隔離檯兩個人掉低背囊出曬去排隊, 好好奇乜D人真係唔驚架咩望左一圈, 沙律唔吸引, 就先排蟹腳, 開邊龍蝦等等比老婆慢慢剪. 龍蝦同龍蝦拑都係雪藏貨. 肉質好UN, 食唔到鮮味. 得陣雪味同少少龍蝦肉味. 不過10間有9間半都係咁, 意料之內. 反而鱈場蟹腳同松葉蟹腳, 什少雪味. 肉都唔係得陣咸水味,  係食到鮮甜味架. 真係唔錯.刺身有5, 6款, 比較值得食係帶子, 甜蝦(但連殼), 同油甘魚. 其中帶子甜蝦最鮮甜. 三文油甘其實都唔算肥. 反而壽司令人目不暇給. 連卷物一算都大概有15

知道餐廳改了名，名聲不錯，但一直未有機會來試。吃過後，我認為這間是同級同價位較好的酒店自助餐，值得是我第一篇食評。

PLAYT DINNER BUFFET.情人節正日沒特別外出吃飯 因為覺得明明食物都是那些 但價錢標高了很多 所以跟👦🏻說好 不會正日慶祝😌 上星期適逢👦🏻生日&元宵 順便預祝情人節 來了PLAYT吃自助餐! 上次來應該是好幾年了 裝修和改名後 變得很不一樣🤔 一入門口就有很濃郁的芝士味🧀 選好餅乾/麵包/薯仔 然後把原輪芝士燒溶 倒上碟子 連碟不是芝士控的我都被吸引了😍即開生蠔有蘇格蘭和美國兩款 一款爽脆一款creamy 好新鮮 沒想過會在自助餐食到質素很不錯的生蠔😋 刺身(有帶子)/凍海鮮/壽司則比較普通 談不上新鮮 但又不難食 試了一次就沒再吃😌 其他冷盤有沙津/數款煙三文魚/風乾火腿😏/凍肉等熟食種類頗多 不乏中/西/印度菜/湯麵 湯有2款 更有原盎燉湯😏 推介的有咖哩炒蟹和西班牙乳豬 新鮮燒好 皮脆肉嫩 經常清盤☺ 鵝肝亦是另一亮點😈 燒牛肉就比較韌🙅🏻雪糕味道很特別 有矛台味🤔 自己喜歡伯爵茶/栗子餅乾 其他甜品有芝士撻😍麵包布丁的 蛋糕選擇多 小小一件 當然不少得水果與朱古力噴泉啦整體食物種類好多 質素尚算不錯 價錢未至於好高

聽聞呢間新裝修無耐嘅自助餐口碑都唔差，咁就要去試下啦。呢到環境唔錯幾舒服，場地設計有藝術感。食物方面：沙律有好多款，款款都好特別，但啲煙三文魚就咸左少少。刺身都係大路嘅三文魚、吞拿魚、章魚、凡立貝等每款都好新鮮。生蠔就係即叫即開，每人每次可以拎兩隻，食落好新鮮有海水味得黎唔會太咸，但係就成日排長龍。熟食方面好有心思，款款賣面都好好，小編就推介即煎鵝肝多士、天婦羅、脆皮乳豬、同蜜汁叉燒。但甜品方面無驚喜，水果全部冇乜味，但好彩有返幾款自家製雪糕，例如血橙味、芒果芝士味、伯爵茶味等等。

早前的一年一聚好友會，來了吃好西!友人一向係識飲識食之人，邀約我們來一聚，這裡無論食物質素，款式選擇，環境都十分好，令人回味無窮！環境大又舒適，裝潢特別，令人坐得舒適，食得安樂先來必飲燉湯~冬菇花膠燉雞腳湯每次每人限取一盅，矜貴哦味道超好，不禁多飲一盅，湯鮮甜而且無落味精，真正原汁原味，湯料口感十足，十分好飲的湯，'老'火純'清',湯配料燉得入味腍身，好吃非常而各款凍食的海鮮更是不可錯過，雪蟹腳及凍龍蝦最為深得我心鮮味十足西班牙乳豬亦是非吃不可～皮夠香脆，肉嫩滑鮮味，入口甘美，味美無窮這裡的生蠔亦要嚐嚐，有三款選擇，即點即開，好新鮮呢生蠔肥美，滲出絲絲海水鹹味，鮮甜，好吃好吃，可惜也是每人每次限取，且好多人排隊，要吃倒是要耐心等候哦~這裡的煙燻牛肉，肉腸也是不錯，要嚐嚐刺身新鮮且選擇頗多厚切啖啖肉，鮮味，特別三文魚入口無筋，嫩滑又彈牙，好味道其實這裡的甜品真的令人目不瑕給，花多又眼亂又夠精緻，當中的朱古力軟雪糕及原味乳酪雪糕更是非試不可，入口滑滑滑，香軟無窮，味道討好，吃過最好吃的!如果你喜歡新嚐試，獨特的味道，這幾款口味就要吃返幾球，我發現自己頗有藝術天分，哈，用以鮮果點綴配襯，是否

一行8 人年初四晚去柏寧酒店的PLAYT食自助餐，我們以為是18:00 開始可以食，提早17:45 已經到門口，還好18:10 餐廳比客人可以先入座，我們逛了一圈所有臺的食物，海鮮，前菜，沙律，車仔麵，燒物，刺身壽司，中式熱盤8 款左右，燒味，咖哩，水果，甜品，雪糕，可以話種類很多，款式也很多，適合全家一起吃。海鮮：生蠔，長腳蟹，青口，冰蝦，龍蝦燒物：西班牙燒乳豬,羊架，燒牛，天婦羅，焗薯，燒茄子，鴨肝多士刺身：三文魚,蝦,帶子,呑拿魚,八瓜魷魚食物種類繁多，但胃口不夠大，我本人只食了Parma Ham 加哈蜜瓜，燒物，一些中式熱食，2碗中湯及一碗車仔檔的淨餸已經飽了。我覺得最驚喜好味道的係車仔檔，D湯好喝，又夠味。餐廳6 人訂座以上送一隻西班牙乳豬，但我地唔想為了隻豬食飽自己個肚，每人都只係只了2 件左右，仲留低半隻食唔曬。

今日有客請食飯，招待我地來到Park Lane Hotel食Lunch Buffet。柏寧酒店大堂好像裝修過，幾新穎。搭𨋢上一樓就是PlayT.都算好多選擇，首先食左刺身，有三文魚，鯛魚，八爪魚，醋鯖魚，及吞拿魚。三文魚唔算肥美，但新鮮好吃。醋鯖魚唔係間間酒店有得食，同埋個魚味唔係人人接受，但個人幾鐘意個味道，呢間算唔錯。其餘刺身普通質素。壽司都好多款，而且飯唔算大舊。不錯。有赤貝，甜蝦，北寄貝，玉子等等。串燒區 - 有燒茄子，番薯，肉串等等。即刻整的，都唔錯。Parma Ham 得一款，唔算太濃味，只食左幾片。值得一提，佢有個廚會幫你整溶d芝士俾你食，可以送麵包，可惜無時間試，賣相好似幾正。中式熟食區 - 有點心，燒味，盅頭飯等等。賣相唔錯，0岩晒喜愛呢類中式食品的朋友。凍海鮮區 - 無生蠔，有蟹腳，龍蝦鉗，青口，響螺等，整體唔算好鮮甜，有d失望。（無影相）甜品區 - 好多選擇，有好多款蛋糕，chocolate fountain, 芝士撻，六款特色雪芭，有自助軟雪糕等等。無一一試晒，只食了雪芭，因為好特別，佢6款味道，有一款叫芧台（無錯，係芧台），仲有紫薯，粟子等等，出面未試過，黎到

朋友有洒店會員卡2人行有半價優惠，今次試下buffet。星期日7點入座率達9成，不過即開生蠔唔算多人排隊，行一圈食物款式非常豐富, 包括有生蠔、海鮮、刺身、壽司、鵝肝多士、中式點心、燒味、燉湯、西班牙乳豬、自家製雪糕⋯⋯ 食物款式多有新意質素高，而且唔多人排隊等生蠔確實吸引！Round one: 即開生蠔，新鮮！而且唔算多人排隊，師傅手起刀落非常熟手，大約三，四人等候。其他海鮮有凍開邊龍蝦、蟹腳、翡翠螺、青口，全部都新鮮無雪味！Round two: 刺身壽司幾新鮮，刺身有即叫即切三文魚、吞拿魚、鯛魚、希靈魚、帶子。Round three: 黑松露意大利飯、西班牙燒乳豬、鵝肝多士。乳豬皮脆肉嫩，意大利飯有老練咁大芝士上已經夠吸睛，再加上新鮮黑松露！燒牛肉帶粉紅，無over cook 非常吸引中式食物：十款幾點心、燒肉、白切雞、乳鴿、足料燉湯甜品：自家製雪糕味道特別，另外有十多款西式甜，質素不錯。

公司聚餐，同事揀左呢間，地點方便，一出地鐵站行5分鐘就到。👍🏻👍🏻一坐底當然係拎冷盤先，海鮮種類多，有生蠔（每人每次限取兩隻）、開邊龍蝦、長腳蟹、泰式生蝦、小龍蝦、青口......生蝦好搶手，不過都refill得快，轉個頭返黎都見到新一盤。海鮮種類多，而且新鮮，值得一讚！刺生壽司都多款揀👍🏻我地一行10人，餐廳俾左完隻西班牙乳豬我地。皮脆肉嫩，但我啲quota唔想用哂喺隻乳豬到。所以食一件就停手啦。仲有推介既鵝肝，細細件好味，不過可惜冇影相。其他地盤冇乜特別。甜品真係抵讚，款式多，細細件，可以試哂咁多款。而且甜度啱啱好，連唔鍾意食甜品既我都係咁食！

對於自助餐，從而不抗拒，皆因喜歡食甚麼食物就去取，而且款式又夠多，可以吃到不同國家地區的美食。今次選擇自助餐，位於銅鑼灣栢寧酒店的 Playt，地點又適中。Playt 的環境與眾不同，由入門口開始，就見到一幅壁畫，是由一位居住在香港的著名西班牙畫家徒手噴出這幅畫來，而是還有其他畫作，可見這位大師的畫功，是多麼厲害。另外，亦可見到仿磚牆，塑造一個原始的環境。從食物的區分，分別在不同的位置，包括了沙律區、熟食區、甜品區等，食物款式亦較多。海鮮方面，就有海螺、龍蝦、長腳蟹腳、青口及生蠔，生蠔來自美國及紐西蘭，每次限取兩隻。生蠔雖有海水味道，但是鮮味卻差一點點。而龍蝦及青口則味道不錯，龍蝦具有濃郁的味覺，而青口有其鮮甜味。至於刺身，分別有吞拿魚、三文魚、八爪魚、鯛魚、油甘魚及帶子。其中吞拿魚及鯛魚柔糯，三文魚的肥美，都是喜愛的刺身。而壽司方面，雖有多款，卻沒有取下任何一件。選了部分熱食，包括了兩款點心及香腸，亦有西班牙海鮮飯，雖然點心是恆常常見的，但是都是熱騰騰的，當中蝦餃的蝦是爽口彈牙，燒賣富有勁嚼；香腸外脆內軟，海鮮飯裡的海鮮有魚肉和魷魚。除了點心外，還有一個燒味檔，旁邊則有白切雞、燒肉及

由於是餐廳會員，常常來吃自助餐。星期六中午的自助餐，比平日貴些但多了龍蝦，麵包蟹及帶子刺身。上星期六來吃時，發覺麵包蟹没有了，龍蝦出了一小時也不添加了。餐廳厨師解釋話很快從樓上補充回來，結果自助餐完結都没有。越來越差怪不得星期六也有二，三十個空位。這樣下去下年也不會做會員了

十月下旬為了補祝同事牛一，特意book了這間大獲好評的晚市自助餐試試看。本身分開兩段時段，為了吃最新鮮的所以選了1830 ~ 2130，任食三小時，爽。萬想不到當晚突然肚瀉而擔心浪費了美食的我竟然可以照樣吃得那麼開懷，因為實在太好吃了！整體而言十分滿足，有機會會再去，味道很好換碟很快，服務態度良好而且時間充足。Nice Nice地咁啦