Pizza Piazza (已結業)

舊同事轉職了，唯有到荔枝角探下班，聚聚舊~ 這個不起眼的店面，沒有大大的招牌，區外人很易錯過 還好有熟人帶路~ 雖然面門細細，內裏卻另有洞天~ 很有希臘白色小屋的感覺~ 轉多個彎，還有另一間房添，真係估佢唔到~ 這裏的晚餐 主菜加38就可以變SET 有湯及飲品/甜品~ 是夜例湯 雜菇忌廉湯~ 最近這種湯好像佷流行的，上星期剛喝完，今日又遇到佢~ 而且已不流行那種加入麵粉的杰杰忌廉湯，而是直接將菇打碎煮 沒有了飽滯的罪惡感，換來清新的感覺~ 如果菇再烤一烤，更能增加濃濃的菇味~ 最要一讚是跟湯的餐包熱得黎外脆內軟，很有驚喜~連甚少食餐包既我都成個食哂~ 朋友要了杯熱水，估不到上枱會如此精緻，喝水的心情也愉快起來~ 雜菇大蜆意粉 估唔到細細既蜆, 肉質可以煮到咁嫩滑，很有驚喜~ 意粉是硬身那種，朋友覺得有點兒硬，我就覺得還可以~ 味道是淡淡的香草橄欖油味，屬於淡口的味道~ 可惜放上枱時意粉已涼了，感覺有點兒失色~ 等久了，終於等到這個手工PIZZA 上枱~ 呢度既老闆覺得香港無咩正宗意大利PIZZA,所以特意開左呢間PIZZA鋪， PIZZA 以為12吋為主，估唔到原來12吋都

​ 本來約左朋友深水埗等，但對方臨時有建議， 於是去呢間身處荔枝角工業區附近嘅隱世食店。 出面睇落去普普通通既西餐廳款，但入到去， 牆上掛唔少懷舊相，幾有格調，而侍應都會成日幫手加水，幾好人。 當日餐湯為甘荀忌廉湯，幾濃郁既甘荀味再加上忌廉既幼滑，味道唔錯！ 個人習慣餐包中間抹牛油，再搣成細細塊點餐湯。 呢間餐包新鮮出爐咁款，啲牛油抹完就好快就融， 散發住陣陣嘅餐包同牛油既香味，幾開胃！ 同時，點咗份澳洲手打牛肉烤菠蘿芝士漢堡配粗薯條（$148）， 唔想咁熱氣，於是特登加多份水牛芝士蕃茄沙律（額外＋28）。 上到枱先發現自己傻仔咗，因為呢份澳洲牛肉漢堡餐其實有包小份量既沙律， 於是，呢餐都好健康下。 漢堡個size大大份，牛肉肉汁零啥juicy， 再配搭埋酸酸甜甜既厚身菠蘿同埋芝士， 既唔會蓋過左牛肉本身既味道，亦都幾開胃， 呢種配搭其實幾惹味，值得一試。 至於份水牛芝士蕃茄沙律，沙律有蕃茄同羅勒葉，上面亦都淋咗意大利黑醋。 整體清新得黎又唔會覺得肥膩。 如果想食得健康啲，呢個沙律未嘗唔係一個推介。 食食吓口乾，望到有啲細細支既野飲，以為要加錢， 點知係唔洗嘅。叫咗檸檬汁，飲落

今日朋友遲左少少收工，食埋晚飯先返屋企，去左附近Pizza Piazza食，店鋪簡簡單單既裝修，周圍高高掛住小盆栽，比人感覺好舒適！叫左呢度自家製既12吋大pizza揀左水牛芝士+巴馬火腿厚批pizza底幾好味，香脆鬆軟，口感非常好，餡料亦非常好味巴馬火腿個邊，鹹鹹地既火腿配埋好夾pizza既菠蘿，仲要加埋香濃芝士，食既時候芝士味湧晒出黎，正到呢，芝士仲拉到好長好長，好有韌度！ 水牛芝士個邊整得亦好出色，芝士又香又滑，比起另一邊更加香芝士味，但食落一d都唔漏！ 焗千層肉醬闊麵，焗得時間岩岩好麵底口感唔錯，特製醬汁好好味，少少酸鹹鹹甜甜，面頭仲有D芝士碎撈埋一齊食，更加好滋味！甜品兩件cake都唔錯，香蕉批好香好滑，上層有d似意大利芝士餅中間一層香蕉果醬少少甜而不漏，餅底又夠鬆化，yummy！

是日特意請大假跟老公四圍跑，又去看擺酒的禮服，又去領取合格已久的車牌，最後在長沙灣看完最後一間就訂了，之後係車站附近找了一間看似西餐的店坐下來。門牌不太顯著，所以想不到是吃pizza的意式餐廳，到拉門一刻，老公拍拍我說：「看！是pizza店來的！你別瘋狂起來喔!」😑yes I am pizza 達人！之前怎麼沒聽過這間餐廳呢？要試下，一定要講賽後感大家知道...如是者我們坐下看餐牌，一共有2頁，有沙拉、小吃、pastas和pizza類別，蠻欣賞他們有自選custom pizza，更可點一個pizza有2款口味，放心不用怕會因選pizza而跟老公吵架。我和老公看看鄰座pizza偏大，所以我們點了一個pizza和意粉，餐廳加$38更有湯和飲品/甜品，我們選了後者。今日的湯是番茄湯，侍應會在落單時同我們講一聲，湯是點餐後1分鐘內送到，侍應更會親自來即磨黑胡椒在湯內，而我這碗是要求了"少胡椒"的。湯應該是用番茄打溶的，好濃郁的番茄口感，和吃到一些番茄溶在內。我那半邊的pizza是菠蘿 火腿 pizza，我喜歡pizza都有菠蘿，這樣不會太膩。這個批邊是令我最驚喜的地方，批邊是煙韌嘅感覺，一定係

一間搵寫手的餐廳。 若想有好食評，請用時間細心研製食物價錢與食物質素不相符員工態度差，黑面，對話沒禮物薯條未熟，意粉生的沒味沒汁，薄餅底太厚想支持小店，但很難支持到你們~ 努力啦~ 唉。。。

去了 D2 市集幫朋友手，空閒時間就自己去食個lunch抖抖氣。選擇了附近一間不起眼的餐廳，為了不用等位。先送上溫暖的麵包及熱熱的南瓜湯，一個美味的開始。龍蝦汁意粉配軟殻蟹 $138，賣相都幾吸引意粉的硬度選擇適中，不過我也覺得太硬了。而軟殻蟹即炸上檯，夠熱夠脆，還有啖啖蟹膏香味。Lunch set 還包括飲品，凍飲另加$8，可以點Hazelnut latte，欣賞美炒的拉花，咖啡幼滑，味濃而不太苦澀。另加$15 要甜品，有幾款選擇，這個是香蕉批。上層是忌廉芝士，中間是新鮮香蕉肉及拖肥，底層是消化餅底。香蕉味相當突出，然後是軟滑的忌廉芝士，甜甜的拖肥與消化餅底中和，不會太heavy，我認為今次甜品比主菜還要出色呢。

去深水埗搬屋，有個猛男陪我去幫到我梗係要請佢食餐飯慰勞下佢啦，所以最咪就係工廠區食左一間西餐廳，主要都係因為朋友話呢間野啲Pizza都好好味，唔知係唔係真係咁好味所以順便試吓啦。我哋一人叫咗一個午餐，首先嚟嘅係是日餐湯甘筍湯，其實即係紅蘿蔔湯，係紅蘿蔔嘅西洋名稱。而且紅蘿蔔味係好濃郁，每一口都飲到係紅蘿蔔嘅香氣，而且有少少紅蘿蔔茸入口即溶。方形薄餅兩件＄118本身以為係隨機，點知原來有得揀，後面成版差唔多都可以選擇！不過價錢比較貴嘅就要額外加錢Four Season+Four Cheese 每件分別加＄5 ,所以加左總共＄10四季嗰個又有雜菌，火腿同埋橄欖，味道比較豐富好有咸香又有酸味，另外四色芝士就比較濃郁，係好濃裂嗰種味道。最特別係佢個餅底唔係平時成日見嘅香脆餅底，佢係麵包餅底而且中間又好鬆化好多空氣。意式黃金蝦卷加＄28總共有四件炸得黃金顏色嘅蝦卷，食落去又熱又香脆，重點係出面層皮同埋啲蝦肉已經融為一體，整個超好味。加埋一啲沙律醬更加小清新，實在係一個唔錯嘅小食。紅橙果汁竟然唔使加錢，套餐裏面包埋，比起普通款有氣橙汁更加甜少少，如果想飲特色有氣果汁嘅話絕對推介揀呢啲比較特別！

特登走咗去荔枝角睇雪景，又凍又大風嘅晚上行咗去億利工業大廈，地下就見到呢間餐廳。一入去侍應問我有冇訂位，我話冇，好彩唔洗等都有張四人枱比我坐。咁樣算唔算係燭光晚餐啊？ ！今次晚飯有兩個人，所以我哋叫咗兩個主菜。餐包同埋餐湯（番茄湯）正正常常，冇咩特別。首先講吓我食嗰主菜，大蝦帶子黑松露忌廉汁扁意粉，最令我驚喜係隻帶子真係非常鮮嫩，大蝦已經幫你開咗殼好容易拆出嚟，意粉唔似出面餐廳住煮得太淋或者太硬，我自己就覺得適中非常之好，黑松露嘅味道亦都好出，一拎到埋嚟就已經聞到好西利。 朋友食嗰啲香蒜野菌意粉我都試咗少少，意粉好有香蒜味，野菌係一隻好大嘅菇煎香左，美中不足嘅係油份似乎多咗少少，食食吓會覺得有啲膩。杯莫卡都唱得唔錯，咖啡味有亦唔會搶晒啲朱古力味。最後，講講佢啲服務其實都唔差，每逢上餐湯以及主菜嘅時候，會親自過嚟問你要唔要黑椒，如果會嘅話會即刻磨俾你。想餐同埋買單嘅時間亦都唔係好耐，所以我哋都好快用餐完成啦。晚餐冇加一服務費，成張單真係慳好多，性價比非常高。

今日約了朋友開會當然順便黎試新嘢，打電話去pizza piazza訂位食午餐。Set lunch先係暖笠笠的餐湯同餐包暖胃先，再點了水牛芝士番茄沙律同意式黃金蝦卷食開胃。到主角pizza出場，叫了兩款口味～有四式芝士同吞拿魚洋蔥各半，可惜係無得食到厚批，食薄批感覺無咁滿足但都好好味，下次再去一家要試厚的。最後試了個黑松露忌廉汁大蝦帶子扁意粉，忌廉汁好香意粉好入味，帶子無咩味，蝦新鮮，整體都好滿意可以再試

星期六的下午，在附近學完車後盪盪走走來到這邊，雖然是門面裝潢平凡無奇，但眼見LUNCH SET的配搭也頗有特色。考量一輪後，點了 D）的香草汁野菌扁意粉配孖寶虎蝦，配上水牛芝士蕃茄沙律，另點了RED ORANGE SPARKLING WATER；香草汁實際就是PESTO 醬，清香的香草調味加上濃濃的蒜香，味覺感受合格有餘。此外，餐廳配上2隻份量十足的虎蝦，而且廚師細心的除去蝦腸及開邊，煎得外皮香脆，肉質更是鮮甜而爽口，估計貨源相對優質，不是差劣的雪藏貨。整體感覺不錯。水牛芝士沙律是加配的，賣相青綠可人，色彩繽紛，而且水牛芝士軟滑，有點像硬身的豆腐，味道隱隱地帶出牛乳的甜美。至於沙律菜，雖然新鮮，但假如可以配上更濃的DRESSING作調味，相信一定可以更上一層樓。首次品嚐這個品牌的飲品，血橙的果汁味（當然也附加人工的甜味及香味）連帶汽泡衝擊你的味蕾，而且淸新的感覺猶如夏天，只要喝一口便能夠沖淡意粉醬汁的油潤，讓你能繼續餘下的午餐。環境方面屬小型的咖啡店格局，但枱面之間的距離尚算合理，食客能享有自己的空間。侍應亦算主動有禮。

兩小口又來一星期一次既食好野環節，隨便上巴士遊車河去到荔枝角，當然少不免要揾餐廳開餐啦。同一大廈樓上出名食台灣牛肉麵，食到厭轉戰樓下地舖西餐先。行到巴士站前見到呢間唔起眼既餐廳，門前放左一份lunch menu甚是合我口味。餐廳無燈箱招牌初時都有少少擔心，偷望入面格局企理沽且一試。Lunch set以意式為主（pizza, pasta, tiramisu），亦提供兩三款美式快餐（burger, steak）。而我就叫一份burger，貪佢抵食又大份。侍應放下菜單個刻已經介紹是日西湯係西蘭花湯，點菜後好快送上跟餐包仔同湯。西蘭花打蓉成為湯，無煮到變黃。湯入面有少少西芹味，但因為煮熟左，討厭西芹味既人表示容易入口。餐包好得意，有少少似用muffin模具自己焗。包仔比出面餐廳熱好多，一遇牛油即溶。底層脆，同食雞蛋仔口感有幾分相似。澳洲打牛肉漢堡（套餐$138）超大份，下次要約多個朋友仔一齊食啦。配黑醋沙律菜、炸粗薯條，賣相誇啦啦。兩邊麵包經烘烤塗滿牛油，包雖然厚但鬆軟食完唔會口乾。手打牛肉鬆軟多汁，如果用刀切會扯碎漢堡肉，最好用紙巾包住食。牛肉大約3成肥7成瘦，油量控制不錯所以下層既包仲乾身

近期荔枝角的工廠大廈附近開了不少食肆，今天看到一間名為PIZZA的西餐廳，本身也喜愛吃PIZZA所以便進去試一試，可能是星期四的關係，不用等位，座位也寬敞。點餐後，和平時的西餐廳一樣，上了兩件麵包和牛油，麵包是熱而且外脆內軟加埋牛油味道挺好！再來是自家制蕃茄芝士醬孖寶虎蝦，虎蝦比我想像中小，不過醬汁就有驚喜，是他們自家制的，比較偏蕃茄味和開胃，是我喜歡的味道，值得一贊。最後當然是PIZZA了，叫了芝士醬辣肉腸菠蘿PIZZA，這兒的PIZZA是自由配搭的，可以選取自己的喜好來叫，開頭看到芝士醬好像很稀，以為味道會很淡，食落就剛剛好，而且配菠蘿令味道很清新，只不過兩人食實在是太大個了，最後只吃了半個，有半個打包回家吃！值得一贊的是服務態度很好，不時會加水和收拾碗碟，環境也很好，有音樂播放，很適合情侶拍拖吃飯。......

崇洋心起，約咗係哩區返工嘅友人食飯，見環境幾靚，入嚟試試燈光暗暗，配枱面燭光，有D氣氛。是日餐湯係南瓜湯打蓉咗嘅南瓜，清清地配埋個自家製暖暖餐包，好特別嘅開始凍肉拼盤上面淡芝士芝士好香奶味，沙樂美係鹹香而油份較重嘅一種，很是滿足。pizza即叫即焗，雙併仲唔洗加錢可以一次試兩款，茄汁的，千島醬的薄批皮焗得好脆。最後整返杯cappuccino奶泡好綿好溫柔，咖啡口味偏淡，啱晒夜晚嘆

不是經常去荔枝角呢頭，咁啱有個朋友喺附近住，咁我地就食個午飯先上去朋友屋企，一入餐廳，感覺好舒服，除左背景音樂好有外國既感覺之外，餐廳既擺設，餐桌餐椅都令人覺得好舒服，仲有席上有幾枱外國人既客人，真係有少少置身於外國既感覺。有好幾款午餐套餐揀，加$18 仲可以加薯條㖭。南瓜湯好香南瓜味，而且南瓜蓉打得好爛，而且個湯好滑安格斯肉眼扒配燒汁肉眼扒好多汁，煎到好香，肉味亦都好香，配料好足好認真，烤青瓜唔會烤到好乾，烤到啱啱好，粗薯條好有口感，好正香蕉批賣相好吸引，而且香蕉味好濃，中間仲夾左焦糖醬，一流總括而言，喺荔枝角搵到一間唔錯既西餐，實在難得

約左幾位舊同事聚舊，舊公司係荔枝角，同事話公司樓下有間唔錯既意大利小品餐廰，午餐就食過好多次，今次試下晚餐。餐廳係荔枝角港鐵站D1出口就係，不過店面無招牌，要留心D先搵到。餐廳地方唔大，裝修簡約，似cafe既感覺，不過估唔到食物既質素又ok喎！香蒜羅勒白酒炒鮮蜆($98)，蜆肉新鮮肉厚無沙，加左白酒有種獨有既甜味餘香。炒鮮蜆係配炸薯條既(不過冇影到)薯條大大條、熱辣辣，落鹽冇快餐店咁重手，令薯仔味更明顯。香煎刺身帶子龍蝦汁意粉($128)，帶子爽口，意粉質感比我地慣常食既硬身，配埋龍蝦汁簡直一絕。自家制番茄芝士醬扁意粉配孖寶虎蝦($128)，食落番茄味比芝士味重，扁意粉同樣都係偏硬，因為橫切面比較薄，而比意粉更吸到醬汁，個人覺得比較優勝。而兩隻虎蝦企起身，新鮮彈牙，無論視覺同味覺都好立體有層次。水牛芝士配巴馬火腿Pizza($178)，水牛芝士同巴馬火腿味道濃香，再配埋薄身卜卜脆既餅底，係傳統風味。餐廳仲有十幾款唔同combination既pizza選擇，亦可以自己自由配搭。加錢可配湯同飲品或甜品，我們揀左焦糖燉蛋，燉蛋滑溜，焦糖面夠厚夠脆又不會太甜！水果topping亦好好味。