328
23
4
港铁荔枝角站 D1 出口, 步行约1分钟 继续阅读
电话号码
23700530
特色
包场派对
营业时间
今日营业
11:30 - 22:00
星期一至六
11:30 - 22:00
星期日
全日休息
公众假期
全日休息
公众假期前夕
11:30 - 22:00
付款方式
Visa Master AlipayHK 支付宝 现金
座位数目
40
其他资料
网上订座
Wi-Fi 详细介绍
酒精饮料
自带酒水
包厢
泊车 详细介绍
电话订座
赏订座积分
外卖服务
加一服务费
当面支付
有关奖赏计划
食记 (363)
等级4 2019-09-20
532 浏览
临时临急饭聚搵嘢食,Openrice见佢地食评几好,经0R 定位又有75折, 山长水远一班食友姑且都来荔枝角的Pizza Piazza试一试。小店格局, 装修简洁光猛 ,坐得尚算舒服, 难怪七点半已经坐满晒客人, 有啲期待佢哋嘅食物添。睇完餐牌‚ 价钱不平, 还是叫套餐抵食。Set dinner ($378/2人份)包1前菜、2 餐汤、 2个主菜及2热饮。蕃茄汤 ~ 蕃茄汤用新鲜蕃茄搅拌而成, 粗微粒口感, 蕃茄汤精清而不酸, 配脆口餐包 VERY GOOD。 佢地个餐包系外脆内实争的, 麦香重, 喜欢食松软包的未必LIKE, 个人就很喜欢。前菜: 坚水牛城鸡翼我平时食开嘅水牛城车鸡翼系用水漾辣酱汁, 今次竟然系乾身嘅水牛车鸡翼,  多了个”坚”字变成了乾身水牛城鸡翼‚鸡翼皮涂上香辣粉炸,鸡翼肉虽然有点乾身, 也不至於鞋口, 鸡翼入口香辣, 好惹味, 若然鸡翼能够做得 juicy些会好好食。至尊pizza呢间小店睇名Pizza Piazza都知道主打pizza, 咁我哋当然都要叫一个试下啦, Pizza 全部即叫即焗, 上枱热辣辣香喷喷, 至尊 pizza材料及酱汁比较简单, 材料主打火腿及橄榄配合芝士及少量茄汁焗制, pizza焗出嚟比较乾身, 咬一口…….. pizza底够香脆, 满口橄榄嘅清香及芝士嘅咸香, 表面看似清清地, 但啱我锺意简单及原味嘅食品。美国prime西冷扒 ( 套餐+$60)传统格仔原味烤焗, 套餐要加$60 有点贵, 幸好上枱够份量, 足够两个人食, 我哋叫咗五成熟, 切开却是 8成熟以上, 我跟朋友都有点失望, 肉汁也消失了八成, 咁靓嘅牛扒搞成咁有点可惜,牛扒入口牛味浓郁, 剩下两成的肉汁都发挥到作用, 令牛扒不至於嚡口‚若然真我5成熟应该会好正。即磨咖啡系餐厅系未饮过咁难饮嘅即磨咖啡, 浓而苦‚ 却完全没有咖啡的香, 究竟边度出咗事? 我觉得应该系要换另一种咖啡粉了, 哈哈。。。唔知佢哋夜晚请唔请part time 冲咖啡呢? 我可以帮手呀。支持小店经营, 食物 候控制要稳定些, 否则好难吸引回流客, 有啲客人好肤浅, 食过一次唔好食就唔会再帮衬, 不过我还是有机会再来帮衬的, 个人觉得佢哋整齐对食物都几有热诚, 服务也不错。 继续阅读
(以上食记乃用户个人意见 , 并不代表OpenRice之观点。)
等级4 2019-06-08
622 浏览
啊妈讲好耐无食过pizza,於是我带佢去呢间pizza小店,我钟意帮亲小店,原因系唔想大财富压抑香港经济,而且小店用材更为上心,食pizza唔一定系连锁店,反而小店更有特色店舖位於长沙湾工业大厦附近,虽然只限工作人员,一般市民订位都可以黎到是日餐汤:黑松露蘑菇芝士汤黑松露既感觉在汤中好突出,蘑菇磨掉了,即时入口餐包:法式软包店员好细心,翻叮软包先上碟,我一切软包感到热辣辣,诚意十足Pizza 1:素食主义,zucchini eggplant olive估唔到青瓜,茄子配pizza 既感觉好fresh,食落唔油Pizza2:码嘉丽塔,basil tomatoes mozzarella 我认为mozzarella系灵魂,撕开一丝丝芝士Pizza 包边,配合黑松露汤,好趣口,又多一种食法,哈哈配上热朱古力我觉得服务员好细心,不时为我加水,推荐食材 继续阅读
(以上食记乃用户个人意见 , 并不代表OpenRice之观点。)
等级4 2019-06-01
2495 浏览
同个朋友好耐冇见,所以想搵间餐厅静静地倾下偈,上网睇见到呢间环境好似唔错,同埋本身都锺意食西餐,所以就试下呢间😆一入到去觉得个环境好舒服,大理石纹嘅餐枱 配上灰白色嘅墙身,好有原始自然嘅设计风貌, 加埋墙上面几幅同pizza有关嘅挂画做点缀,可以突显返餐厅嘅主题👍🏻虽然间餐厅主打系pizza,但系今日我同个朋友都叫咗佢啲扒餐 lunch set,而且质素都唔错🤤首先嚟咗餐汤同埋餐包,系我好锺意嘅黑松露蘑菇汤,侍应送紧碗汤埋嚟已经闻到黑松露嘅香味, 而个猪仔包外脆内软,加上里面暖暖地一搽牛油就溶晒落去里面,真系好好味去到主菜香烤黑毛猪扒都冇令我失望,肉质又 软又嫩,食得出好新鲜,加埋少少胡椒同岩盐 已经够晒味道。 配菜就有意大利黑醋汁罗马生菜同埋蕃薯条,厨师畀配菜都几豪爽,可能见我哋两个男仔惊我哋唔够饱。 番薯条甜甜地,比起普通薯条食落感觉冇咁 heavy 冇咁多罪恶感,而厨师都只系轻轻一炸,食落都唔会太热气。食完主菜之後,老板娘好热情咁样逐样甜品介绍俾我哋听,我哋拣咗 cookies and cream 同埋牛奶拖肥 cheesecake,两件蛋糕嘅味道都几浓郁,因为始终系cheesecake,好彩我哋share食,如果唔系可能会好腻🤣至於餐饮,我就试咗杯荔枝青柠梳打,饮落去味道都几清新,有埋啲荔枝果肉足见餐厅嘅诚意🥰总括嚟讲呢间餐厅嘅食物质素几高,而且服务态度都好好,不过舖头面积唔大,适合三五知己或者情侣一齐嚟轻松静静地食餐饭😋 继续阅读
(以上食记乃用户个人意见 , 并不代表OpenRice之观点。)
等级4 2019-04-29
2372 浏览
最近有一套等左好耐既大片上映,平日既戏飞好多都爆场,所以最终拣左星期六下午系长沙湾睇。由於片长3小时,戏院为免观众饿亲,推出左个「3小时求生餐」,如果收工食唔切野既朋友,可以买呢个顶一顶肚。不过,放假日就梗系搵间餐厅慢慢叹,放松心情,迎接一场好戏啦!!荔枝角一带有唔少工业大厦,所以餐厅有唔少选择,不过好多都只有星期一至五既超值LUNCH SET,星期六价钱就变回正价。经过一番挑选之後,发现呢间小店星期六居然有LUNCH SET 65折,时间仲要由11:30开始,重点系食评唔差、食物选择唔少、价钱亦相当亲民,完全无唔食佢既理由。下午1:30入座,顾客唔算多,有好几枱食人都已经食到尾声,但由於楼面只有两位职员,所以服务不足既情况。朋友系食肉兽,所以点左个澳洲A级肉眼扒 $138;而我系芝士怪,点左个双层芝士烟肉牛肉PIZZA $128。每个SET LUNCH都包餐汤、餐包、餐饮,最抵赞系餐饮一D都唔求其,可以拣特色咖啡。我拣既热榛果拿铁咖啡,奶味较淡,榛果味几香,不过对於平时唔加糖既我黎讲,杯咖啡甜得制。是日餐汤系南瓜汤,内有少许南瓜蓉,饮落奶味几香,虽然质地较稀,但味道唔差。微暖既餐包,质地似法包,不过外层乾脆,唔韧。水牛城鸡翼 (+$28)睇食评见到有D人话好味,所以特登点黎比中意食鸡翼既朋友试。鸡翼味道唔算差,带点酸辣,但可惜4只入面有3只都好生,血腥味好重。原谅我post张唔太好睇既鸡骨相,因为真系想比大家知道有几生。😥8”双层芝士烟肉牛肉PIZZA ($128)PIZZA相当出色,配料够乾身,所以批底仍然保持到又乾又脆又唔油;另外小店为左PIZZA入口无咁乾,出炉後先加上茄酱同拉律酱,增加PIZZA既湿润度之余,又唔会整到批底淋哂。澳洲A级肉眼扒 ($138) 5成熟非常之惊喜牛扒配蕃薯条,蕃薯条炸到外脆内软,少少甜、又够蕃薯香,个人觉得比薯条好味。牛扒够厚身,煎到岩岩好,充满肉汁,一D都唔韧。不过唔知师傅系咪唔记得落盐去提味定落得太轻手,令牛扒味道有点单调。剔除鸡翼,主餐食物质素唔错,特别系PIZZA,值得一试。价钱实惠,坐几耐都无人吹,岩哂久坐既朋友。 继续阅读
(以上食记乃用户个人意见 , 并不代表OpenRice之观点。)
等级4 2019-10-09
8 浏览
听日就去台湾旅行,於是就同朋友约左系荔枝角行下街同睇戏,望见之後连续几时都会食台湾菜,所以一於系飞之前食个西餐做个了结,亿利工业中心不嬲都有好多卧虎藏龙嘅餐厅,我地就拣左系呢到食PIZZA。呢到主打系手工薄饼,我地就叫左个蟹肉大虾薄饼,由於系即叫即做,所以制作需时,先黎嘅系前菜,分别有餐汤同餐包,呢到嘅餐包好有特色,包上面舖满芝麻,令到个味道更加香,而且送过黎仲好热辣辣,面包外脆内软,中间搽埋牛油令个味道更加香同惹味,好有惊喜!仲有忌廉蕃茄薯仔汤,入面仲有薯仔粒粒,加左忌廉个口感更加香滑。蟹肉大虾薄饼:呢个系一个新款嘅薄饼,薄饼底好薄,焗得好脆,上面舖上蟹肉、大虾、彩椒等,仲加上沙律酱,令味道更加香浓,食极都唔会厌,而且唔会觉得好油腻同滞。辣味鸡翼:焗得金黄香脆,肉汁丰富,肉质好嫩滑同入味,配上辣汁味道更加惹味,好好食! 开Party必食小食!热朱古力:自家冲泡,上面仲画左个细心心,朱古力非常香浓,朱古力味甜带微甘,甜而不腻,有一种幸福感。 继续阅读
(以上食记乃用户个人意见 , 并不代表OpenRice之观点。)