Pizza Piazza (已結業)

因為朋友住附近，所以選這間餐廳。一去到唔係好識路要打電話去餐廳問，佢地都好好咁有行出來指引我地入去。餐廳環境同服務都唔錯，由坐低到出野食嘅時間唔係好耐，基本叫完3-5分鐘就出左沙律同湯，最有驚喜係佢個餐包，係熱㗎！拼盤唔多特別，pizza 個皮都幾脆，佢有得揀雙拼，可以食兩種味幾好，辣肉腸/火腿蘑菇，辣肉腸個味幾出！可能餐廳唔多人，我同朋友由8點坐到10點，傾計一流！

2個女仔, 想食pizza, 但又唔想食pizza hut, 朋友就介紹左佢屋企附近的意大利餐廳.餐廳好有情調, 每張枱都有小燭台, 值得一提係佢放左個軟墊係每一張座椅上, 好舒服, 夠細心.我地叫左一個火腿+銀魚柳嘅pizza set是日餐湯係甘荀湯, 湯比較稀, 加入了少少麵包糠 , 麵包糠好脆, 建議一早食, 否則會淋.麵包細細個,  比較乾身, 似外國麵包的感覺,好味!pizza 足夠2個女仔食飽, 好大個, 足12吋, 批底唔厚, 脆脆地, 火腿薄身, 魚柳偏鹹  , 夠味, 唔洗再加芝士粉.甜品係士多啤梨奶凍, 好好味, 唔太甜，上面有一層士多啤梨醬, 醬配合奶凍，甜度啱啱好，奶凍仲好滑㖭!

行完長沙灣廣場,想食野又唔想食D連鎖集團餐廳,就去左呢間,位置上不難搵,出面成條路都係巴士站。入到去暗暗地, 都幾有少少情調既再睇下個餐牌先!無SET DINNER。。全散叫我地唔太肚餓,所以就會叫PIZZA (但呢度最出名係PIZZA,無計啦..下次黎食過!)我地叫左個大蝦帶子黑松露忌廉汁扁意粉 加多個 炸魚薯條-意粉份量中上-大蝦煎得好香,亦好大隻,十分好-帶子有2粒,同樣係先煎香再加入,十分香口-重有少少菇添-扁意粉口感十足!後上既有炸魚薯條-薯條,係扁身薯條,又唔似粗薯條,食過幾好,又脆-炸魚,香口,魚柳應該有番咁上下質量,但炸得比較燶, 如果可以睇番下炸既時間或油質應該會更好食ORDER後佢每人都有個小餐包!不用加錢的餐包比較乾身,加入牛油就更好食餐廳的擺設重點:平時很多CAFFE 收加一,但呢間不收的!地方細細亦適合一大班朋友包場玩如果WALK-IN,好大機會無位,當日我地早到,之後聽到有D WALK-IN客比較遲D都無位了(留晒比訂左的人),黎次前記得預訂!

放假當然食餐好既，黎呢間連鬼佬同事都盛讚既西餐廳先。我今日好好胃口，所以叫左個full set. 先黎份南瓜湯，忌廉與南瓜比例適中，能夠吃到南瓜蓉既味道。飲品餐廳有供應sparking water, 唔通黎呢到飲凍奶茶咩。主角出場啦，個漢堡包夠大件，中間塊牛肉雖然有點肥，但係就幾juicy，加上上面塊燒菠蘿既汁流埋落黎，同本身塊肉上面既芝士接合，食漢堡包就係要呢種味道。最後食埋甜品藍莓芝士蛋糕，雖然係藍莓醬，但係又幾足料，蛋糕重芝士味，岩晒芝士控既朋友呀。

去到荔枝角見完客見餓餓就諗住找間小店食野，上openrice見到人地評分吾錯就試下佢，入到去原來吾係太大，有輕音樂播緊都吾錯，格調都係簡約為主。佢晚餐set最平88蚊就有交易加多38蚊仲有湯同甜品或飲品，十五十六當中………最後都係想食個沙律清清地加個小食和飲品。Icetea...仲以為係檸檬茶，原來係芒果加水蜜桃茶，飲落去咁淡既，原來底部有新鮮打起的生果，當搞一搞再飲味道剛好，好清新而且味道一點都吾假添，仲有少少打碎左果肉係度。煙三文魚沙律…以為咁平一定分量少，點知黎到都大份又多煙三文魚，底部全是菜同醋係度，不過如果有生菜係度就更好，菜都新鮮脆口，食完其實都飽左一半以上了。炸蠔……見到有8隻都炸得好香而個底下面冇咩油係度吾錯，食落去夠熱同香，蠔吾算大隻但新鮮同保持到嫩滑蠔口感不錯。

Pizza Piazza位於荔枝角，在人頭湧湧的長沙灣道上，門面並不顯眼，只在門外擺放易拉架作招牌，由側門入內，燈光以柔和白色為主，裝修簡樸，天花頂垂下盆栽作裝飾。餐廳侍應全是年青人，有禮熱誠。落單時，侍應已經好細心提示，傳統意大利粉是較為硬一點，有需要可以煮腍一點，食物上枱時，又會詢問客人要否多加黑胡椒碎，單是添開水已主動添了好幾次。餐湯甘筍椰菜花湯，椰菜花湯好似從未飲過，不錯，金黃色好吸引、清新可口，湯內有幾粒鬆脆麵包粒，令到湯的口感更豐富。餐包，小小的半圓球熱餐包，得意、香脆，小小餐包也落了大大心思。小食，樣樣也想試，就點了小食拼盤：黃金蝦卷、意式炸蠔、香草雞翼、炸魚薯條。黃金蝦卷，炸粉是薄薄的，蝦肉是嫩嫩的。意式炸蠔，外面炸得好脆口，大家要小心，裡面多汁又勁熱，一時心急大啖咬就會燙嘴。雖然是小小蠔，但蠔味十足，超越我們的期望。香草雞翼，外皮焦香，內裡嫩滑，雞肉不帶雪味，抵讚。炸魚薯條，魚塊好鮮嫩，最閃眼是薯條，是巨型的，我拿最長那條來量一量，接近八寸長，薯香飄揚，看著想著，太罪惡，心想就只吃我拿過這條，中招了，我吃過不停，數一數，算喇，減肥的事留待明天再從長計議，巨型薯條外脆內

上次去荔枝角嘅The Americano時，偶然發現依間意大利小店Pizza Piazza，門口開得有少許隱蔽，好易走漏眼，之後再上網睇睇風評唔錯，對我嚟講荔枝角區又頗就腳，所以，約咗個老死過嚟一齊試吓，人算不如天算，佢啱啱被老細扯住走唔甩，既然坐落就唔好意思就咁走，唯有獨腳戲食番餐。從門面都可以窺探室內嘅情況，走進餐廳，一室灰藍與白嘅配襯，木地板，天花吊起少少盆栽，予人一種自我小天地之感。睇店名就知店家主打喺意式薄餅，所以 ，一大版喺各式各樣薄餅，價錢由$108-$178，亦有自組款式，都喺12吋嘅拿坡里薄批。但喺，一支公好難食一個薄餅喎，故此，後面一版晚市套餐就實際啲，套餐嘅形式頗得意，因為，可以點前菜、沙律、小食或主菜，再加多$38就成為一個套餐，所包嘅喺是日餐湯及甜點 / 飲品，都幾自由。唔收加一服務費，收費更實際！西蘭花忌廉湯喺今晚嘅是日餐湯，西蘭花個味道比較清，但忌廉湯個質感打得好滑，雖然個湯唔喺好花巧，卻喺有水準嘅出品。伴湯仲有個小圓餐包，拎上手喺熱烘烘，喺一個窩心位，咪睇少依一點，個包熱唔熱都影響咗個第一觀感。自家製蕃茄芝士醬扁意粉配孖寶虎蝦 $128兩大隻虎蝦煎得焦香

話就話係工業大廈，其實係荔枝角地鐵站行兩分鐘就係，仲對正大街。唔係一般工業大廈咁偏遠同陰陰沉沉。不過荔枝角都係工業區，夜晚比較少客人，餐廳細細平日晚都係七成滿。餐廳係簡約風格，純色裝修加爉燭，感覺好warm。餐廳有pizza同dinner menu(可以散叫，每款前菜，小食，主菜都要獨立價錢，可以自由配撘)點任何一款主菜or pizza 可以加$38，有餐湯同甜品or drink 。餐包好熱好熱好熱，好香面包味，好似岩岩出爐咁。餐包表面硬身而入面好鬆軟，查牛油上去半溶狀態真係好感動！終於唔係凍冰冰既hea爆甜餐包啦！今日餐湯係甘筍椰菜花湯，聽到之後驚一驚，因為我怕甘筍果種青味。不過呢度又做得幾好，甘筍同椰菜花都打碎哂，有好細好細既微粒，個湯好濃同滑，食到甘筍既甜味！小食拼盤$188 (香草雞翼，炸魚薯條，炸蝦卷同炸蠔)，呢四款都有得分開叫，不過人多又想試多幾款就緊係叫拼盤啦。每款有四件，岩哂四個人share。全部都好熱辣辣，雞翼加埋香草焗，脆皮而入面嫩滑！蝦卷，蠔同魚出面既麵包糠都好薄，唔油身，三樣食材都新鮮！最surprise係個沙律醬(左上)，入面加左有黑松露，幾match!薯條分

荔枝角呢區工業大廈林立，除左開倉特價黎買筍野之外，真係好少可黎呢區，朋友話我知原來呢區既工廈入面隱藏唔少美食，呢日朋友就帶我黎尋寶喇餐廳位於工廈既地舖，但係門面好低調，冇太多裝飾，路人行過可能都會miss左呢度有間餐廳，玻璃窗有白色窗簾遮蓋，對食客黎講私隱度大增。餐廳燈光偏昏暗，枱上擺放小蠟燭營造relax氣氛，三五知己係度傾計食飯會幾舒服甘筍椰菜花忌廉湯，既有忌廉既幼滑又有蔬菜既清新，但係唔會有草青味。餐包熱辣辣，充滿麵包香，簡單搽上牛油已經好好味！小食併盤(香草雞翼，炸魚薯條，黃金蝦卷，意式炸蠔)幾款小食都唔錯，炸物好乾身，唔會成口油，特別鍾意炸蠔好肥美，炸粉又唔會過厚，薯條係超粗版本，外脆內軟，灑上適量鹽巴已經好好食，薯條控一定好滿足！唔可以唔提他他醬，應該加左黑松露，增加唔少香氣，成杯醬俾我清晒香蒜羅勒白酒炒鮮蜆配薯條蜆係幾飽滿肥美，不過調味重左少少味道偏鹹香煎刺身帶子龍蝦汁意粉番茄芝士醬扁意粉配孖寶虎蝦落單時店員好貼心話我地知意粉按正宗做法會偏硬，問需唔需要煮淋啲，欣賞餐廳會適當照顧食客既喜好，不過我地就唔需要特別煮淋啲。硬硬地既意粉好有趙頭，幾有驚喜！不過份量多啲就好喇！水

手工pizza 幾時都係咁好味！千層麵千層麵整得恰當好處，小小窿焦香。麵條中間夾雜着肉卒，一啖麵條一啖肉卒，口感非常好。肉醬果汁教得好好全部肉醬食晒。個pizza餅底好薄，係手猜的，非常鬆軟。薄餅用晒火腿車厘茄，黑梅，菠蘿。非常健康的配搭為入囗有肉又有蔬果。

午飯時間我地想食西餐，一於去同事介紹既工廈西餐廳，而且呢度係地鋪，都好容易搵到既我地先黎食呢個意式拼盤，先食一塊塊白色厚厚的水牛芝士，口感佳因為夠厚，芝士味唔算好濃但奶味重。pama ham就夠薄，豬肉味佳，而沙美腸的脂肪較多，口感更滑。至於olive就令整道菜更健康啦。主菜就係牛扒，由於位置屬於肉眼，所以牛部肉身較厚，肉感較重，脂肪比例唔算多，至於肉汁比例較能鎖於肉裡也是肉眼一大賣點。午飯都食到飽飽，捧住個肚又返工。

荔枝角向來就OFFICE寫字樓既集中地，同時亦都吸引左不少餐廳種類起呢度開店提供出色的午餐、晚市俾一眾打工仔!上次就試過樓上間BONDI西餐，今次就轉一轉，食意大利餐廳先!LUNCH SET.....由於前幾日都吃過PIZZA類，今次就想試下佢地漢堡既手藝如何!其實係因為佢地PIZZA成12吋，我一個人不好叫啦!佢地仲有另一間房SERVE客架! 今日竟係出面個場FULL左(午市)，所以我一個人過左黎!不過，侍應都怕我一個人寂寞，好快清左出面個場個台俾我坐!麵包又脆又夠熱，可以融左塊牛油! 南瓜湯也食到一絲絲南瓜質感!依家西餐廳起餐湯、餐包都非常關注，務求一絲不苟!終於唔係忌廉湯也要退一退場，用健康些的南瓜蓉烹調一大煲湯吧!麵包也不會用太馬虎的! 另外，呢排都幾喜歡問下餐廳有無果茶提供!香港人真的太喜歡喝檸檬茶、奶茶了! 其實，果茶依家都係飲食潮流既新吹勢!!而我呢一杯就係菠蘿MIX西柚! 幾新穎!菠蘿粒粒，再擺個4分之1既西柚入杯，無落到好多糖，完成由西柚同菠蘿互相帶個味出黎，非常健康!出外食飯往往肉多菜少，所以另外再叫多個小食!大菇上的材料係蟹肉、三文魚、芝士、濃湯!濃湯係非常多，水

Pizza Piazza 位於一工廈內，在熙來攘往的長沙灣道上門面並不顯眼。推門入來，小小的店子坐滿食客，而且以外國人為主，筆者對此店頓時有點期望...午市套餐有八款選擇，內含餐湯、主菜及餐飲，價錢由 $108 至 $158 不等，另可加錢追加小吃或甜品。 是日餐湯是蕃茄雜菜湯，湯質比較稀薄，並以蕃茄酸味為主，另帶有微微的芹菜味道。 主菜方型薄餅可自選兩款，薄餅以厚批型式製作，少了一份薄脆口感。火腿菠蘿薄餅以原塊火腿鋪在薄餅表面，上方再放上數粒菠蘿。因火腿相對出味，筆者喜愛的菠蘿少了發揮空間。辣肉腸薄餅純以辣肉腸製作，口味鹹香，辣感不明顯。兩款薄餅作比較，筆者喜愛辣肉腸口味多一點。 小吃吞拿魚釀大野菌，熱辣品嚐味道有相當保證，多添芝士口味更佳。飯餐以一杯榛子咖啡作結，相比一般咖啡，榛子咖啡的味道如預期般甜及奶感較重，可作半份甜品品嚐。

潮流近期酷愛在工廈搵食，由於租金較平，同價食物通常質素較高，較用心，而且店鋪面積較大，不會密迫迫的。這晚選了荔枝角一間薄餅店，點了一客香酒炒蜆和一個三項食材的薄餅。由於只有兩人開飯，所以變化不多。頭盤香蒜白酒炒蜆，配以羅勒葉。蜆肉充分吐沙，新鮮肉厚，香蒜切薄片，香口帶辛辣。酒精充分揮發，帶餘香。羅勒葉是畫龍點睛，通常別的餐廳不會配之調味，但清新感為菜色帶來較複雜味道。店員提前拿碗比客人盛殼抵讚這個頭盤附帶炸薯條，明顯是即叫即炸，熱辣辣，脆卜卜。走鹽使薯味更突出，吃了數條收手，怕過於熱氣。分數：8/10薄餅大大個，自選了芝士，菠蘿和辣肉腸。說實話，早知比多少少錢揀四配料，因為比較單調。薄餅是薄批的，菠蘿新鮮酸甜，十分開胃口。薄餅亦不能缺少芝士，能有些微拉絲效果。辣肉腸只是唯一肉類配料，略為不夠肉食獸的我進化。分數：7.5/10

黎到呢間名為pizza piazza既餐廳點會唔叫pizza呢？呢度staff幾上心，服務不錯。咁我就叫左一個水牛芝士配parma ham pizza，同一份芝士大啡菇，對於芝士狂迷既我黎講實在太興奮。Pizza 有幾種size，呢種正方形份量無圓形既咁大，留返個胃試大啡菇。 Pizza 既parma ham好配搭，加上水牛芝士就是錦上添花，Pizza屬於厚身，咬落去有質感。另外大啡菇都係喜出望外，菇鎖住芝士同本來的汁，非常juicy，而芝士同蛋做到流心既效果，食一個菇都會飽，因為好足料。大家不妨一試，價錢亦都係合理。