影片
更多
2016-11-30
334 浏览
兩小口又來一星期一次既食好野環節，隨便上巴士遊車河去到荔枝角，當然少不免要揾餐廳開餐啦。同一大廈樓上出名食台灣牛肉麵，食到厭轉戰樓下地舖西餐先。行到巴士站前見到呢間唔起眼既餐廳，門前放左一份lunch menu甚是合我口味。餐廳無燈箱招牌初時都有少少擔心，偷望入面格局企理沽且一試。Lunch set以意式為主（pizza, pasta, tiramisu），亦提供兩三款美式快餐（burger, steak）。而我就叫一份burger，貪佢抵食又大份。侍應放下菜單個刻已經介紹是日西湯係西蘭花湯，點菜後好快送上跟餐包仔同湯。西蘭花打蓉成為湯，無煮到變黃。湯入面有少少西芹味，但因為煮熟左，討厭西芹味既人表示容易入口。餐包好得意，有少少似用muffin模具自己焗。包仔比出面餐廳熱好多，一遇牛油即溶。底層脆，同食雞蛋仔口感有幾分相似。澳洲打牛肉漢堡（套餐$138）超大份，下次要約多個朋友仔一齊食啦。配黑醋沙律菜、炸粗薯條，賣相誇啦啦。兩邊麵包經烘烤塗滿牛油，包雖然厚但鬆軟食完唔會口乾。手打牛肉鬆軟多汁，如果用刀切會扯碎漢堡肉，最好用紙巾包住食。牛肉大約3成肥7成瘦，油量控制不錯所以下層既包仲乾身
行到巴士站前見到呢間唔起眼既餐廳，門前放左一份lunch menu甚是合我口味。餐廳無燈箱招牌初時都有少少擔心，偷望入面格局企理沽且一試。
Lunch set以意式為主（pizza, pasta, tiramisu），亦提供兩三款美式快餐（burger, steak）。而我就叫一份burger，貪佢抵食又大份。侍應放下菜單個刻已經介紹是日西湯係西蘭花湯，點菜後好快送上跟餐包仔同湯。
西蘭花打蓉成為湯，無煮到變黃。湯入面有少少西芹味，但因為煮熟左，討厭西芹味既人表示容易入口。餐包好得意，有少少似用muffin模具自己焗。包仔比出面餐廳熱好多，一遇牛油即溶。底層脆，同食雞蛋仔口感有幾分相似。
澳洲打牛肉漢堡（套餐$138）超大份，下次要約多個朋友仔一齊食啦。配黑醋沙律菜、炸粗薯條，賣相誇啦啦。兩邊麵包經烘烤塗滿牛油，包雖然厚但鬆軟食完唔會口乾。手打牛肉鬆軟多汁，如果用刀切會扯碎漢堡肉，最好用紙巾包住食。牛肉大約3成肥7成瘦，油量控制不錯所以下層既包仲乾身。麵包太大既關係食唔哂有點可惜。
牛肉高質素適合食原味，好聰明地用菠蘿取代醬汁。燒菠蘿的水份令整體生色不少，酸甜果味又可中和油膩。另外蕃茄無草青味，同芝士好夾。不過side dish既沙律菜唔夠黑醋汁，吃著有點口乾。
5 浏览
0 赞好
0 留言
非一般的Iced Tea
2 浏览
0 赞好
0 留言
飲品點iced tea, 一心想飲檸檬茶既人就會失望了。飲品真身係雜果汁，不覺得有茶的成份。足足三份一都係蜜桃果肉粒粒，再混蘋果汁做底，仲有一角新鮮西柚肉呢~西柚出乎意料充滿甜味，搗爛混入果汁唔澀唔酸，fresh度立刻昇華。簡直係女仔至愛
可能始終位於工廠區主要做上班一族，門面缺乏大型招牌較難令外來客留意廰入口。價錢係荔枝角屬中上，不過一分錢一分貨食物質素不俗。
张贴
