Pickabowl (荃新天地2)

营业中

休息中

今日下午食乜好呢，而家向荃灣一於試下之前有朋友仔介紹Pickabowl啦🤩呢間餐廳環境坐得好舒服，係自家製，好健康呀！最鍾意食自家製😋仲可以自己配搭各款食物，每樣食物都好吸引呢🤩我就配搭咗以下三款組合😋😋😋🎀泰式青檸大蝦沙律（蛋黃組合）我一向鍾意食泰式青檸味道，青檸配大蝦再配蛋黃，食落好有泰式風情，味道好清甜，青瓜好爽口，天氣咁熱，食呢個組合就最岩😋😋😋🎀煙燻辣味吞拿魚沙律（泡菜組合）我咁鍾意食辣，辣野點少得，煙燻吞拿魚辣辣地好入味，食得好開胃😋🎀經典三文魚和風組合話明經典點少得我最愛嘅三文魚😂三文魚配蟹籽再配搭配菜一齊食，簡直無得頂，好好味，配菜份量都好多，食到舔舔脷😋😋😋

岩岩上完瑜伽，攰攰地又有啲餓～捉咗個瑜伽同學仔一齊嚟試下附近搵間未食過嘅餐廳，行行去咗呢間Pickabowl。睇咗一下門口show嘅menu，好似唔錯，睇落啲嘢勁健康，個個飯都勁多蔬菜，仲有我最鍾意食嘅三文魚，我決定今日就食呢間啦！拎住個menu樣樣都好好食咁，真係會有啲選擇困難症，好難揀，咁揀咗個最經典嘅組合「夏威夷四重奏」，入面有辣味三文魚，吞拿魚，蝦同埋牛油果，一定「無得輸」！除咗啲上面配料，佢有四樣唔同飯底，怕肥嘅我就揀左黃薑椰菜花飯加半糙米飯，聽人講椰菜花對心臟好好，又可以少啲糖👍🏼 再加多支羽衣甘藍汁。咁我個朋友佢又想試個慢煮天多利雞，又想食佢個蒜辣八爪魚，所以佢揀咗自選飯，可以自由兩個材料組合，再叫咗半白飯半糙米嘅飯底，加多25蚊升級套餐，有湯、温泉蛋同甜品～我個飯原來都幾大份，佢係有勁多魚同蝦係面，個蝦落有泰式生蝦果隻汁，酸酸地開胃，之後食吞拿魚，勁新鮮，三文魚有少少辣味好過引，會keep住食係咁🤤個飯底係黃薑椰菜花，好得意又幾好食，仲有好多種蔬菜，加晒一齊食有種食緊加洲卷嘅感覺😛我朋友個天多利雞八爪魚飯套餐，原來餐牌上面講個天多利係一種印度香料，用佢撈埋個慢煮雞，好香

荃灣西多左好多新餐廳，近來仲開左間pickabowl! 之前係荔枝角都食過一間piackabowl，大大碗啲食材又顏色鮮艷又健康，感覺超級豐富，所以每次經過都會想再去食。今次呢一間係開喺荃新天地二期地下，樓面唔算好大，但係位置都坐得好舒服，闊落，感覺好乾淨。叫嘢食方面，首先喺門口睇完想食啲咩就可以去叫餐，然後就坐低等嘢食。食物較為普遍喺60至$100左右，我叫咗自選嘅bowl，淨係同一種食材都有好多種調味方法，我叫咗西班牙蒜油八爪魚同三文魚，配左蛋黃醬料，飯都有好多種，因為太減肥，所以盡量少食白飯，所以揀咗一半白飯一般糙米飯，感覺健康啲！我仲升級左做套餐，有個jelly、湯、温泉蛋同飲品。賣相上果然好吸引，咩顏色都有，真係睇落好開胃！味道方面，好鍾意蛋黃醬呢一個配搭入邊會有菠蘿，啲菠蘿好鮮甜，成碗撈起上嚟食都口感好豐富，而且非常頂肚！一定會夠飽！三文魚同八爪魚有西班牙蒜油醬汁，不過食起嚟我覺得男朋友嗰碗揀咗經典吞拿魚同埋加洲三文魚呢個配搭會惹味d～下次我會揀佢果個！因為我係好重口味的哈哈因為好鍾意食牛油果，所以見到有得加錢加牛油果我哋就即刻加咗啦，牛油果好好味，感覺好新鮮，而且令成碗飯

呢排減緊肥，所以同朋友揀餐廳度都盡量搵d多菜少肉既餐廳去食咁啱比我地搵到荃新天地2期原來有間poke bowl店，咁就黎會會佢啦餐廳座位唔多，我地六點九去到都差d要等位見好多人會選擇買外賣佢d poke bowl款式幾多，生/熟肉都有，同埋主食都有好多款比你揀 如果唔中意佢既pre-set combination的話， 都可以自己拼翻個自選poke bowl出黎Poke bowl即叫即做，由點餐開始計大約10分鐘就攞得--Giant's Bowl ($108)夏威夷四重奏（辣味三文魚、經典吞拿魚、泰式酸辣大蝦、牛油果）配黃姜椰菜花和半糙米飯配彩虹組合我今日想試多幾款食材，就叫左個咩都有d既bowl一上菜既時候比佢既份量嚇左嚇，佢既bowl size成塊面咁大，裝到滿一滿，份量都幾驚人黃姜椰菜花調味恰到好處，食落口感唔錯、有d似炒飯，十分飽肚至於佢既半糙米飯真係幾好食，黏得黎又有咬口，十分推介個人幾鍾意呢個主食幾配搭，如果齋食凍既椰菜花個感覺冇咁飽肚同滿足，宜家各半就好似食得健康少少又滿足到個胃：）個人覺得佢d配菜都同樣咁出色，最正既一定係佢既泰式酸辣大蝦，大蝦爽口彈牙，調味夠酸，十分開

今日相約了朋友去荃灣行街，個人覺得倦到不得了。。。但都要抖下氣！。。。一於外賣回家~ ~荃新天地二期開Pickabowl ，食物可以DIY，就試試...餐牌上都有好多的選擇，仲可以追加$18多半份魚生/熟肉，$12 或 $8 配菜，或者$25可升級成套餐....../就是我今天的晚餐，都好好味！~.~/薑汁松阪豬肥瘦適中，味道香濃，煎到外層脆口而入面鬆軟，非 常 好 吃，外酥內軟又juicy，味道口感完全是滿分👍/慢煮雞胸，肉口感都係嫩嫩的，配有毛豆，炸豆腐，南瓜，玉子全部都好新鮮， 配上黃姜椰菜花同飯吃落好有口感，我仲追加半份Kimchi泡菜，拌勻辣辣地吃我都很喜歡.../D.I.Y自選︰經典三文魚、吞拿魚配糙米飯三文魚好肥美，吞拿魚帶點辣也很好吃，用料超足！底是彩虹，砌成一碗美麗的糙米飯，粉粉嫩嫩的果肉伴着，吃起來好開心...❤.❤️💛🧡

#fresh + #chooseyourown + #healthyfood = #pefectday 健康到呢... 睇圖明晒（省一百字）...😜😜😜Pickabowl, I say is the best healthy food after sports, or it is a refreshing healthy light meal!!! Pick whatever you like in a bowl!!! My pick is spicy tuna, prawns, avocado, wasabi, yam, yellow ginger cauliflower white rice!!! Winter promotion special - free dashi broth soup!!!#pickabowlhk #pickabowl #healthyfood #hawaii #fusion #foodporn #foodiehk #hkfood #hk

餐廳唔難揾，就係荃灣天地入面，店面唔大，但采光幾好，光綫充足，食Lunch嘅心情都零舍好D。呢度主要係食蓋飯，配料主要係新鮮刺身同健康蔬菜，餐廳搭配好曬一個個唔同嘅蓋飯比客人選擇，亦都可以自己DIY。我同同事就梗係DIY啦，可以食到自己中意食嘅食材。 我自己就搭配左一個泰式熟蝦、蒜辣八爪魚、山藥、蟹籽同牛油果嘅半糙米飯。但睇賣相真係一流，五顔六色，食材鋪滿成個飯，令我好有食欲。我首先試下D食材，泰式熟蝦肉質爽嫩，好入味，酸酸地，幾有風味；蒜辣八爪魚就真係估唔到都幾辣下，但係勝在蒜香味十足，夠曬野味。試完之後我就將所有野撈埋一齊食，發現左一個道理：1+1>2，本身牛油果同山藥呢類就咁食嘅話唔算特別，但一齊食的話，就真係好好嘅配菜，提升左整個蓋飯口感，豐富左味道，要我形容個味道係咩味，我真係好難去形容，總之就係好複合而有層次嘅味道，好鬼正，可以話整個飯提升左一個檔次。再加上飯唔係凍冰冰，唔會話食食下越來越無食欲，好快就比我清曬。朋友情況一樣，一路食一路話正。經過呢餐之後，發覺原來健康都有好味嘅野食，食完之後完全無負擔感，完全唔heavy，如果以後keep fit，我應該會成日來幫襯

近年喺香港好Hit嘅Poke Bowl，一來呢個彩繽紛的美食放上Instagram超級IGable📸，面且推崇它低卡、低脂、高蛋白😋，絕對係我嘅 #減肥恩物！🏆夏威夷四重奏 ❤️：辣味三文魚、經典吞拿魚、泰式熟蝦、牛油果（含洋蔥、芫茜）配黃薑椰菜花飯超愛辣味切粒三文魚和吞拿魚蓉，和風汁辣辣地好惹味，再加上泰式凍蝦的酸酸甜甜🍤，每一啖都食到豐富材料🍥，而且入面仲有好多其他配料例如：青瓜、番茄、紫洋葱、青黃椒+蕃茄粒，食落口好清新🍴！另外，主食是黃薑椰菜花飯，飽肚又唔肥！🥡煙燻油辣味雙拼 🧡：三文魚、吞拿魚（含洋蔥）配沾烏冬韓式泡菜汁加三文魚粒和吞拿魚蓉，連男朋友都話好食！而且主食配咗沾鳥冬🥢，份量亦十分足料，男朋友食完都勁飽，同埋佢未食完把口已經係咁話下次要再食！🥡📍 Pickabowl @pickabowlhk荃灣楊屋道18號荃新天地2期地下G06號舖

張牌上有好多選擇，可以叫一啲固定款式，亦都可以自選，自由度非常之高而我就叫咗個giant bowl，再另外自選咗一個餐。Giants bowl賣相非常之靚，面頭有好多嘅蝦、三文魚、吞拿魚等等。而且有彩虹配菜，有青瓜、蕃茄、甜椒、菠蘿等等。我哋將佢撈埋嚟一齊食，每一啖都甜甜地，然後個味道亦都好豐富，有啲複雜，有少少唔係好知自己食緊咩😂😂自選bowl叫咗個自選嘅有雞、三文魚、鮮蝦，再加蛋黃醬配菜同泡菜。又係撈埋一齊，下面就係烏冬底。烏冬好煙銀超正！超有營養，不過又係因為個味太多，有啲複雜。另外配餐其實都好抵。因為可以有昆布湯同布甸！昆布湯其實又好味有營養，值得一試。布甸亦都好好食。總括而言呢間舖頭賣相好靚亦都嘢食好健康呀都係好嘅晚餐選擇！

住荃灣區嘅朋友話有餐廳好介紹喎！今日去開探佢一於就一齊去試吓啦😉地點位於荃新天地2期都好就腳又方便，原來呢度主打健康又新鮮嘅魚生飯，但係佢同一般嘅日式刺身魚生飯有啲唔同，因為Pickablow既配搭有好多種選擇🤩淨係見到佢哋個大型玻璃自選區已經覺得好興奮！泡菜、莓乾同埋牛油果、車厘茄、菠蘿等等...感覺真係好清新呀！魚生方面有吞拿魚同埋三文魚、蟹籽，唔食生冷嘢嘅朋友可以揀熟蝦或者蒜辣八爪魚🐙就連個飯底都有好多選擇，白飯、糙米飯、黃薑椰菜花，唔想食飯嘅朋友仲可以揀沙律或者係沾烏冬添！我揀咗夏威夷四重奏裏面有經典吞拿魚，辣味三文魚，泰式酸辣熟蝦同牛油果+白飯底。仲有啲配菜例如菠蘿同埋中華沙律...等等，估唔到佢哋嘅味道都好夾，仲有洋蔥同埋芫荽增加成件事嘅香味，特別係佢經典吞拿魚上面嘅秘製醬汁，配搭埋各種蔬菜，感覺真係好有層次！辣辣地又好好送飯！重點係健康keep fit都好啱食。😄朋友揀咗自選配搭經典吞拿魚同蒜辣魷魚，仲有秋葵、山藥。蒜辣魷魚好入味又彈牙，充滿蒜香辣度適中所以真係好惹味！ 原來朋友第一次食秋葵😝佢覺得外層爽口、內裏充滿黏液嘅秋葵口感好得意，同山藥太夾了！原來呢度售賣嘅飲品都

荃灣行左幾個日式超市, 黎到荃新天地二期食晚飯, 揀左呢間Pickabowl, 裝修簡約, 顏色配搭鮮明, 仲可以坐窗邊, 睇下街景.點餐以自助形式, 到counter買餐, 攞取餐機, 等攞餐.食物方面, 有已由餐廳配搭好既餐, 亦可DIY自選, 選肉, 菜, 飯類/烏冬/沙律, 亦可加配套餐(包括溫泉蛋, 昆布湯及甜品).DIY自選: 經典三文魚+香草芥末大蝦+蛋黃+沾烏冬套餐所有配料都切粒, 有沙律醬及香草芥末, 撈埋一齊食, 味道好夾, 大蝦爽口鮮甜, 烏冬彈牙DIY自選: 加州三文魚+經典吞拿魚+彩虹+白飯套餐顏色鮮明好吸睛, “彩虹”既配菜, 加埋沙律醬, 因為有菠蘿, 帶少少微酸, 好開胃, 味道不錯!溫泉蛋蛋黃流心, 蛋白仲未熟, 滑入喉嚨, 配有少少咸味既紫菜, 味道唔會太濃.

The Omega經典三文魚和風組合+黃椰菜花+白飯+經典三文魚Red Phonenix慢煮天多利雞-蛋黄組合+黄姜椰菜花Spicy Couple煙薰辣味雙拼三文魚·吞拿魚泡菜組合+白飯今晚上完跳舞班,跟住買外賣返屋企食飯,我係好注重健康嘅人,會每天都做運動,食晚飯都會精挑細選,有營養又夠健康嘅餸菜。呢間餐廳非常之合我口味,今晚我買了三款飯菜回家。一款經典三文魚和風組合,三文魚肉閃令令的,肉質軟綿綿多汁,配搭新鮮黃椰菜花,飯粒顆顆圓潤,整體色香味俱全。第二款慢煮天多利雞,吃得出雞肉經過一段慢慢時間烹調出來,肉汁超級豐富,幼嫩雞肉香噴噴,大廚工架相當了得,蛋黃配搭艷麗黃薑椰菜花組合,食得又睇得,令人食起嚟加倍開懷舒暢。第三款我最喜歡煙燻辣味雙拼三文魚,煙燻香氣撲鼻,微微嘅辣泡菜,增添食慾,三文魚和吞拿魚同是高質素食材,鮮香無比,每款飯餐都配搭多種各樣蔬菜,都由專業營養師計算出來,務求每款做到令食客營養得到全面照顧,非常貼心,呢種心思真係抵讚。

經歷咗第四波第五波嘅疫情終於嚟到完結嘅時候而小朋友嘅遊樂場都已經開始返嘅時候今日就帶咗小朋友嚟到荃灣西呢個遊樂場玩到成身汗之後又係去到醫肚嘅時候原來pickabowl開到黎荃灣！買咗幾款返去屋企試一試呢度嘅選擇非常之咁多淨係睇個Menu都已經有十幾20款而且仲可以自由選擇配搭配搭嘅配菜仲有成十幾20款總共係林林總總因為實在有選擇困難症嘅我所以我就選擇左佢哋最多款嘅夏威夷四重奏因為呢一個選擇有齊我最鍾意嘅配搭就係有辣味三文魚吞拿魚牛油果仲有泰式熟蝦而且配合左呢四款煮食之外佢仲有彩虹色嘅青椒紅椒黃朝作為配菜另外我更加選擇左黃姜椰菜花說配白飯底令到呢一個嘅組合非常之咁完美首先三文魚配上了自家製嘅辣汁非常之咁夜魅唔單止食到三文魚新鮮嘅魚味道仲更加有辣味非常之咁開胃而吞拿魚加上了醬油嘅味道令到魚肉更加濃郁昇華而且食囉吞拿魚係非常之有口感唔係嗰啲已經擺得非常之來林謝謝冇晒鮮味嘅肉類牛油果淨係睇相都知道非常之香甜重好滑溜已經完全熟透非常之咁好味泰式熟蝦仲更加出色因為爽口嘅熟蝦雖然都好肯定係用上了雪藏貨但係食落口完全沒有雪藏味再配合埋泰式嘅醬汁非常之咁開胃嘢未而呢個椰菜花飯底非常之咁清爽而且仲唔會咁H

今天到荃新天地pickabowl外賣自取，點了兩份餐。D.I.Y自選：半份薑汁松板豬+半份蒜辣八爪魚+黃薑椰菜花+半糙米飯+牛油果，和風口味轉餐。夏威夷四重奏（辣味三文魚，經典吞拿魚，泰式酸辣大蝦，牛油果）+中華沙律+黃薑椰菜花+半糙米飯。松板豬肉質不錯，有咬口。蒜辣八爪魚都很辣，不過食得辣的話係可以一試。有咬口味道都良好。辣味三文魚，經典吞拿魚都魚肉肉質良好，新鮮好味道。口感也是不錯。泰式酸辣大蝦：肉質都正常。牛油果香口配起辣味八爪魚可以減減辣度，配料中蔬菜混起辣一起吃也是不錯配搭 。中華沙律都正常不錯。黃薑椰菜花加半糙米飯都能飽肚又不會升糖太快。味道不錯的健康食品。轉餐的溫泉蛋加湯和布甸都ok。

Pickabowl今日來了大西北找美食之旅，中午去了屯門，下午去了荃灣西，晚上我們到了荃灣的荃新天地。由於食了一整天，沒有好好消化，晚上只想吃得消淡而健康，於是在荃新天地二期找到pickabowl 此店的魚生飯是來自夏威夷的，不是日本啊，令我更想試試有何特別之處！我見一碗飯量挺大的，相信很飽肚，抵吃！餐牌上可以自選或選擇已有的我們的分別點了煙燻油辣味雙拼配黃薑椰菜花、半糙米飯有煙燻味三文魚和吞拿魚+追加蟹籽經典雙併，有三文魚+吞拿魚，追加牛油果，同樣配黃薑椰菜花、半糙米飯兩個飯也升級套餐套餐包溫泉蛋+甜品+堅魚昆布湯即叫即整你可以見出新鮮感100分