影片
更多
2021-05-05
45 浏览
呢排減緊肥，所以同朋友揀餐廳度都盡量搵d多菜少肉既餐廳去食咁啱比我地搵到荃新天地2期原來有間poke bowl店，咁就黎會會佢啦餐廳座位唔多，我地六點九去到都差d要等位見好多人會選擇買外賣佢d poke bowl款式幾多，生/熟肉都有，同埋主食都有好多款比你揀 如果唔中意佢既pre-set combination的話， 都可以自己拼翻個自選poke bowl出黎Poke bowl即叫即做，由點餐開始計大約10分鐘就攞得--Giant's Bowl ($108)夏威夷四重奏（辣味三文魚、經典吞拿魚、泰式酸辣大蝦、牛油果）配黃姜椰菜花和半糙米飯配彩虹組合我今日想試多幾款食材，就叫左個咩都有d既bowl一上菜既時候比佢既份量嚇左嚇，佢既bowl size成塊面咁大，裝到滿一滿，份量都幾驚人黃姜椰菜花調味恰到好處，食落口感唔錯、有d似炒飯，十分飽肚至於佢既半糙米飯真係幾好食，黏得黎又有咬口，十分推介個人幾鍾意呢個主食幾配搭，如果齋食凍既椰菜花個感覺冇咁飽肚同滿足，宜家各半就好似食得健康少少又滿足到個胃：）個人覺得佢d配菜都同樣咁出色，最正既一定係佢既泰式酸辣大蝦，大蝦爽口彈牙，調味夠酸，十分開
咁啱比我地搵到荃新天地2期原來有間poke bowl店，咁就黎會會佢啦
餐廳座位唔多，我地六點九去到都差d要等位
見好多人會選擇買外賣
佢d poke bowl款式幾多，生/熟肉都有，同埋主食都有好多款比你揀 如果唔中意佢既pre-set combination的話， 都可以自己拼翻個自選poke bowl出黎
Poke bowl即叫即做，由點餐開始計大約10分鐘就攞得
--
Giant's Bowl ($108)
夏威夷四重奏（辣味三文魚、經典吞拿魚、泰式酸辣大蝦、牛油果）
配黃姜椰菜花和半糙米飯
配彩虹組合
我今日想試多幾款食材，就叫左個咩都有d既bowl
一上菜既時候比佢既份量嚇左嚇，佢既bowl size成塊面咁大，裝到滿一滿，份量都幾驚人
黃姜椰菜花調味恰到好處，食落口感唔錯、有d似炒飯，十分飽肚
至於佢既半糙米飯真係幾好食，黏得黎又有咬口，十分推介
個人幾鍾意呢個主食幾配搭，如果齋食凍既椰菜花個感覺冇咁飽肚同滿足，宜家各半就好似食得健康少少又滿足到個胃：）
個人覺得佢d配菜都同樣咁出色，最正既一定係佢既泰式酸辣大蝦，大蝦爽口彈牙，調味夠酸，十分開胃
---
J.Spicy Couple （$84）
加配慢煮天多利烤雞（半份）（+$18）和蟹籽（+$8）
呢款poke都幾辣，食到譚仔五小辣既朋友都覺得有d辣
魚生粒全部都大大粒、好新鮮，份量都幾多，食落好滿足
---
鮮榨蘋果菠蘿石榴羽衣甘藍汁（跟餐+$22）
呢個果汁飲落酸酸甜甜，重菠蘿同埋石榴味，幾好飲
想食得健康少少既話可以選擇佢（雖然睇翻個營養標籤見到佢既糖分都幾多）
张贴
