Pickabowl (荃新天地2)

营业中

休息中

今日天氣有啲熱所以想試下凍嘢，知道荃新天地開咗間pickabowl正好今日可以去試下呢隻魚生飯同平時嘅日本魚生飯同佢係嚟自夏威夷嘅三文魚呀吞拿魚等等嘅刺身加上唔同嘅調味，睇落簡單食落應該都會幾好食我揀咗個diy自選價值84蚊嘅可以揀兩種魚肉，一種配菜同埋一種底層，底層即係飯啦煙燻辣味吞拿魚不過不失，雖然食唔到有煙燻味，但係佢本身嘅洋蔥醬油食落有後勁，唔錯。西班牙蒜油三文魚有微微嘅蒜味，再加埋橄欖油食落好順口。配菜我轉咗彩虹，佢入面有青瓜粒，青，黃椒粒等等，感覺好新鮮好味底層我選咗黃薑同糙米白飯。白飯冇乜好講，黃薑椰菜飯就好特別，佢係直接將椰菜花打做細細粒口感爽口而且凍凍哋夏天食一流細食嘅女仔嘅話可以當兩餐食添整體感覺都好健康好新鮮，如果唔想次次都係食沙律，可以試下呢間

第一次來試，高興可以選椰菜花飯，選了素食，75元，加可樂5元。椰菜花飯是脆脆那種，有下黃薑。素食配菜是新鮮的。但整体來說就像吃沙律狀態，但略嫌淡口。not bad but not very good

平時係荃灣，想食得健康的話, 我多數會去Pickabowl。但平時都係堂食多，今次就外帶左幾分返屋企俾家人做晚餐。Pickabowl成間店鋪裝潢好簡約，餐廳環境開揚, 座位舒適度都很不錯。套餐選擇都有十幾款，款式配搭往往有驚喜，適合有選擇困難症的我。如果對選菜目標好明確，可以自選配搭，更有彈性。幫女女揀左親子Poke(慢煮雞胸配淡味醬油)外加一份中華沙律及升級套餐，味道完完全全是我家小孩的那杯茶。親子Poke除左有慢煮雞胸，另主要有青、紅、黃椒及紫菜，賣相顏色及配搭很吸引，味道清淡，女女一個人可以清盤。另一款是經典雙拼(三文魚、吞那魚)和風味喜歡食魚生飯的人可必試呢款，三文魚和吞那魚口感不同，但一同進食時又何其地夾。吞那魚食落無筋、而三文魚有魚油香，配上芝麻醬帶點微酸，十分開胃。香草芥末熟蝦就係我最常點的丼飯，喜歡他們家的芥末醬很有衝擊性，會越食越想食，而且配上淮山粒，自我感覺很健康。

自從疫情之後好多時都唔敢再去食壽司同刺身但係今日經過左荃灣呢間餐廳之後發覺佢哋嘅無論衛生度同埋設計都非常之咁出色所以即管就試一試見到每位員工都非常之親切可人而且仲更加會戴上手套仲會介紹吓每個餐唔同嘅種類同埋佢哋自家製嘅醬汁同埋配合不過我就懶得諗就揀咗佢哋最大份嗰份因為貪佢咩內容都有唔單止有三文魚吞拿魚中華沙律菠蘿仲有好多林林總總嘅配菜而去嘅飯底中更加多選擇唔單止有烏冬有白飯仲有糙米更加有呢個特別嘅黃姜椰菜花碎所以我就揀咗呢啲黃姜椰菜花碎同埋白飯底再加上佢哋嘅自家醬汁每位員工處理食物嘅時候都會戴上手套所以呢衛生程度係非常之值得令人欣賞而且呢度嘅三文魚同吞拿魚仲非常之咁入味三文魚唔係普通嘅刺身種類加上左自家嘅醬汁非常之咁入味而且吞拿魚仲非常之咁新鮮唔係嗰啲已經變到魚魚黑黑仲係非常之咁新鮮嘅種類但係又唔會食到魚肉嘅腥味而最後我就更加加咗左杯飲品呢度加錢飲飲品都非常之更加抵所以總括而言呢個魚生飯性價比係非常之咁高

想食魚生丼，見呢間幾多好評，一於試吓！店最大特色，應該係可以自選配搭，雖然可以自選，但其實可以選擇的魚生並唔多，基本上只得三文魚同吞拿魚兩個選擇。其他肉嘅選擇其實係熟食來的，有蝦，雞肉之類。揀了蒜片三文魚彩虹飯，飯賣相唔錯，不過食落啲配搭有啲古怪，有好多果仁之類的硬物，一心期望可以食一個軟綿綿啖啖魚香日本米的丼飯，點知大失所望！三文魚ok啦，配咗蒜油算幾香。配菜亦唔覺得特別新鮮，$80呢個質素應該唔會回頭了！

荃灣開咗Pickabowl，終於唔使再出荔枝角先食到，啱晒我呢啲新界人🥰🥣經典雙併（$84）呢款poke主要有三文魚及吞拿魚，兩款魚生都夠新鮮，加入和風混合蔬菜（烤南瓜、玉子燒及豆類等），配埋沾烏冬及自家制醬油，很有日式感覺之餘仲充滿口感，真係幾惹味😋🥣蒜片油熟蝦（$84）追加配料：泡菜（+$8）追加飲品：野菜生活甘筍混合汁（+$12）呢款poke主要係蝦肉，加入炸蒜片及紅菜頭混合蔬菜（紅菜頭、甜黃椒及豆類等），另追加咗泡菜，所以份量看似較多，配埋沾烏冬及果醋，整體酸酸辣辣幾開胃，蝦肉又夠爽口彈牙，味道比另一款poke更清新😋🥣升級套餐（+$25）套餐包括溫泉蛋、堅魚昆布湯及甜品，溫泉蛋加入poke一齊食充滿蛋香，堅魚昆布湯內有勁多昆布，味道清清地唔錯😋甜品係焦糖布甸，最鍾意布甸唔太甜，確係幾好食😋

放工來到荃新天地，見到呢間之前係荔枝角食過既Pickabowl，於是外賣自取2盒返屋企回味。值得一讚的是，店家包裝穏妥，長途跋涉回到家中，外賣仲係咁靚仔。I Giant’s Bowl 夏威夷四重奏(含洋蔥、芫茜) $108:入面有煙燻辣味三文魚、經典吞拿魚、泰式酸辣大蝦、牛油果等，魚生食材算新鮮，大蝦爽彈， 半個牛油果香滑可口。蕃茄、青瓜、甜椒配自家制醬油，沾烏冬配上索有醬汁彈牙，份量十足。Meal it 套餐+25套餐温泉蛋、昆布湯(濃淡適宜)、黑糖布甸DIY 自選薑汁松板豬＋西班牙蒜油熟蝦 combo泡菜 base白飯＋辣味八瓜魚 :　　店員提醒辣味八瓜魚好辣，食落果然好惹味，刺激口水分泌。薑汁松板豬入味香口，肥瘦均勻。西班牙蒜油熟蝦有炸蒜片同麵包粒，旁邊青瓜、蒟蒻配韓式辣椒醬，乾莓粒，配上白飯，營養十足。

之前喺荔枝角都食過呢間食肆嘅分店已經覺得非常之咁出色今日行街喺荃灣發現咗呢度開咗一間分店梗係即刻入去幫襯支持下而家嘅食店啦因為而家嘅食店喺香港經營下實在非常之咁困難加上左疫情關係但係鋪租就完全冇減嘅情況底下所以一有機會就要出去支持一下啲食店一月以往我就叫咗褲呢款乜都包羅萬有嘅魚生飯因為入邊唔單止有嘢未嘅三文魚仲有吞拿魚仲有非常之大嘅大蝦仲有中華沙律菠蘿仲有其他配菜底而我選擇嘅飯底就會選擇左呢個黃姜椰菜花飯底再加白飯啦因為貪佢除咗有澱粉質之外仲有勁多嘅蔬菜感覺所以唔會進食得太多澱粉質引致肥非常之咁好而且味道非常之咁濃郁可能加上左自家製嘅醬汁令人哋完全唔會覺得太過飽制而且呢度叫一個飯嘅份量非常之咁多完全係推到滿晒咁滯而且種類做包羅萬有所以有陣時好似我呢啲咁樣嘅選擇困難症揀咗一款之後有晒其他配菜就唔使我麻煩去揀而且我就最鍾意呢間食肆但非常之咁衛生每個員工會去準備食物嘅時候戴上一隻全新嘅手套再去處理食材令我非常之咁欣賞

今日收工去家姐屋企,順便買幾個外賣同家姐一齊食飯,家姐就好欣賞佢嘅賣相好吸引。 材料好豐富,每款都好多配菜,夠曬健康。一款夏威夷海浪三文魚,三文魚閃令令的,肉質軟綿綿,鮮甜無比,不少份量。另一款慢煮天多利雞,雞肉幼嫩多汁,配搭多款蔬菜同食,非常恰當。還有一款薑汁松阪豬,呢個松阪豬非常滋味,肉汁非常豐富,烹調時間恰到好處,薑汁清香無比,配上松阪豬烹調法非常出色。如果想食得更豐富仲可以配上蟹子及溫泉蛋,價值錦上添花。

前日去荃灣逛街，看到有少見的夏威夷魚生飯賣，即時外賣兩份回家做晚餐，來個美味light meal! 我點了Giant’s Bowl 和Classic Couple， 更可以加$25升級套餐，有溫泉蛋、雞蛋布甸和昆布湯，也算抵食！外賣即叫即做，店員會即時執放配料，所以很新鮮。兩個pokebowl份量也很大，Classic Couple有經典的三文魚和吞拿魚雙拼，魚生很新鮮，醃製過咸香十足，而且切到一口size，很方便！魚生飯裏面還有豆角、蕃茄、菠蘿、蛋卷和豆腐皮，很豐富！菠蘿酸酸甜甜，很好味！我點了黃姜椰菜花和糙米飯組合，比一般白飯更健康更好！椰菜花加上黃姜粉很香，而糙米飯煙煙韌韌很好吃！而Giant’s Bowl 是夏威夷四重奏，材料更豐富，可以試到更多款！除了經典醬油吞拿魚，這款三文魚是有煙燻辣香，食起來更惹味！亦有泰式熟蝦，爽口新鮮。加上牛油果份量很足料，食起來很Creamy! 這款更會多上中華沙律，食起來味道更好！

好多朋友介紹Pickabowl，特別keep dit個幾個，哈！算superfood既？！夏威夷四重奏 $108配白飯有洋蔥、芫荽、辣味三文魚、經典吞拿魚、泰式熟蝦、牛油果、菠蘿整個飯好香口，雖然得海鮮，但成個感覺都好飽滿！辣味三文魚同埋牛油果嘅配合帶到鮮而不油！熟蝦配上菠蘿同埋洋蔥就酸甜爽口！飯底多份量夠食，同唔會太乾身！吞拿魚加咗蔥、芝麻同芫荽比平時日本刺身咁食重味好多，另類嘗試！泰式青檸熟蝦 $84 配黃姜椰菜花半糙半米飯+$18 熟肉 - 薑汁松板豬有d似燒肉，油脂分怖一半半，有薑汁但唔辣反而香口。中華沙律、蟹子青瓜先食當小前菜！青瓜份量好多，清新爽口！芫荽加青檸蝦爽口提鮮！鄭天后之前推介過椰菜花飯，自己喺屋企試過整唔太成功覺得麻麻地。但依度黃姜椰菜花切得好碎好似飯之外，同屋企整唔同！值得try try，又真係飽肚喎！蜜桃汁汽水 +$6含果肉，偏甜少少！蘋果菠蘿石榴羽衣甘藍汁 $22依個值得試！本身以為會好青草味，因為成枝綠色！但飲落甜度剛好，有菠蘿果香！反而羽衣甘藍既味不顯著，但精華盡在內！

位於荃灣的Pickabowl，是一間主打夏威夷魚生飯 Poke Bowl的餐廳。夏威夷魚生飯是幾年前才在香港興起的食物，色彩繽紛的丼飯，大多以魚生粒和新鮮蔬菜組成，其後加入醬汁調味，是道簡單健康的美食。 在荃灣區堪少有主售夏威夷魚生飯的地方，所以餐廳很受街坊歡迎，即使已經過了午飯時間，依然排起長長的人龍。 店內以落地玻璃設計，感覺開揚舒適。加上開放式廚房設計，客人能看到製作過程，整潔乾淨，令人感到很安心。 預先配搭好的19款丼飯，款款都非常吸引。除了預定款式外，客人更可以自行配搭出合自己胃口的丼飯。 慢煮天多利雞丼 $73 天多利雞丼帶有印度色彩，除了有慢煮雞外，更有大量青瓜粒、車厘茄、蟹籽、菠蘿、中華沙律等，味道豐富，口感層次分明，很特別呀。 薑汁松坂豬丼$73 滿滿的一碗薑汁松坂豬丼，有豬肉、菠蘿、蕃茄、南瓜、四季豆組成，雞肉結實鬆軟 菠蘿香甜，醬汁甘甘甜甜，味道不錯。 經典雙拼三文魚吞拿魚丼 $84 Poke Bowl的經典款式，非三文魚和吞拿魚的配搭莫屬啦。經過醃製的魚生，鹹香味濃，肉質幼軟。不過店員放醬油放得過多，加上我選擇已調過味的椰菜花，令整碗丼有點過鹹。

近來真係外出食飯太多，真係要做返多啲運動，今日做完運動當然要食得健康啲，決定試吓依家pickabowl. 叫咗個經典吞拿魚，有紅菜頭，今日唔想食飯，叫咗個沙律底，另外進加一個牛油果。 整體來講尚可，沙律菜都算新鮮，但係個紅菜頭唔夠甜，個魚生新鮮程度亦都係普普通通。其中一個最大問題係一個沙律要收90一蚊，性價比真係比較低。不過好在店員嘅服務態度都非常好，因為第一次買，佢都好耐心解釋可以點樣揀，店舖環境都算乾淨企理。

原本想話停底部機車係荃新天地路邊, 之後去一轉廁所, 叫女友睇實部車, 點知佢轉頭就走咗入去 pickabowl 幫襯."返正今晚都未知食咩,近期又無點食過三文魚刺生,咪買D魚生飯返屋企囉!"okay.... 又一次唔洗我粗心...... 女朋友揸主意, 買咗客經典三文魚同泰式青檸蝦.可以配烏冬,白飯等等, 而我地就㨂咗配白飯.望望份完成嘅外賣, 份量比想像中多, 無偷工減料之餘亦砌得好靚.女友知我中意食三文魚, 而"經典"三文魚嘅配搭係炸豆腐,王子燒,四季豆等等, 三文魚有其他配搭,而女友話哩款味夾我.三文魚鮮嫩,落咗佢嘅秘汁更加惹味!點 wasabi 太多，轉吓口味點哩個秘汁又有意外驚喜.而哩碗飯俾我好大嘅感覺, 就係健康, 原因來自外賣有份量不少嘅四季豆, 而四季豆同蟹籽一同放入口, 果種爽脆感好特別.女友嘅泰式青檸蝦肉鮮甜,彈牙,蝦肉唔係細隻品種嘅蝦,份量亦唔少.兩碗外賣經過我嘅電單車運送之后, 原以為打開個外賣會炒到亂哂, 居然出奇地整整齊齊無亂籠!係pickabowl高手, 定係..... 我手車..... 差咗慢咗.....

住荃灣既朋友有口福了🙋🏻‍♀️清新高質健康bowlの選🥗🥑🐟- - - - - - - - - - - - - - - - - - - - - - - - - - -經典雙併。三文魚。吞拿魚（和風） HKD 82👍🏻食材好新鮮，用料一d都唔馬虎，配左沙律做base（可自選配飯/烏冬/沙律），配料十足，好多三文魚同吞拿魚，而且色彩繽紛，沙律簡左和風味，有d黑醋汁好開胃，岩曬想食得開心又想減肥既朋友，感覺食完個人都健康左🙋🏻‍♀️- - - - - - - - - - - - - - - - - - - - - - - - - - - 環境舒適度 4/5食物好味度 5/5影相打卡度 4/5 🌈餐廳： Pickabowl📍荃灣楊屋道18號荃新天地2期地下G06號鋪分店：🚩荔枝角長義街D2 Place 一期一樓112號鋪