PAN de PAIN Pancake & Sweets (K11購物藝術館)

营业中

休息中

今次係第二次食K11呢間pancake。然後發覺已經唔再好食, 都幾失望!記得第一次食個pancake, 空氣感真係好足夠, 好輕, 食落口真係有幸福既感覺。所以當佢裝潢既時候真係好期待佢再開返可以去食。點知.. 今次食已經唔再係嗰回事..7點幾去到餐廳, 冇乜人, 可以直接入去坐。其實裝潢冇咩點變, 都係日系粉黃tone 加 淺啡木傢俱, 係簡單舒服既感覺。係menu見到個綠茶好吸引 (利申:綠茶控) 就即刻就叫左。另外再揀左個caramel pancake。另外再配埋三款果茶, 諗住食甜野可以冇咁漏。2份Pancakes個擺盤係靚既。但係單講啲pancakes就唔係太吸引, 兩塊疊埋好似榻左咁謝晒皮。上面仲要有白色團子同caramelised pears砸到中間凹陷左。綠茶 Pancake食落去味道幾好, 唔會太甜。綠茶醬都幾濃郁, 夾埋團子 蕨餅 綠茶雪糕 同 紅豆蓉 一齊食都幾夾。Caramel Pancake個maple syrup夾埋pancake有點點怪, 唔難吃既。有啲caramelised walnuts & pears伴住一齊食都係特別既。總結, pancakes既

第三次黎食，一向水平都係average，但今日5:30pm左右去食，叫左Berry  Cheese  Souffle  Pancake，朋友就係抹茶味，兩碟都等左好耐，但等完咁耐既結果係.....pancake入面水汪汪，根本就好似唔熟咁.....大佬呀，我寧願你overcook整到蛋糕咁款，總好過而家都唔知係一pat咩黎啦...正式宣布，無第四次！bye

2大3小，下午進去點2份pancakes, 服務員態度超級無禮貌咁話：“你地先點2份？ 我地有最低消費，每個人必須要點一份，野飲都可以！但我們真係唔肚餓，唸住試試，兩份都200几元啦！吃唔落點解都仲要谷住點啊！3個小朋友吃得幾多啊！我們話咁可唔可以打包？服務員話我地點左嘅就唔可以，未點嘅就可以！激到我地啊！

之前未擴充店面之前已經食過，個陣食原味梳乎厘，真係覺得好好食，真心好過gram 好多 以尖沙咀區黎講擴充後，夾岩時間同fd 再黎食過星期六下午三點三時間都開始排隊，不過如果人齊既話其實好快入得入去前店面會比menu 你order 食物同飲品先，但佢整係比左本主menu 我地，無比新款同期間限定個張，所以我地無叫到佢新出蘋果同抹茶個款上面cream 係有少少芝士味，pancake 本體都係原味，厚度比起之前下降左。。d 士多啤梨好薄。。應該唔係因為有野壓住而降左隨住個厚度下降，當然口感都無甘梳孚無甘空氣感berry 醬偏酸～～同埋d 士多啤梨都係酸上次黎飲茶，好淡今次叫咖啡，cappuccino 係細杯過latte, 但奶泡厚度都係甘薄咖啡味以cappuccino 黎講淡左d, 但都算唔錯，有咖啡香，同埋唔會偏酸整體黎講souffle pancake 水準有下降左少少，但唔駛排甘耐既話都會keep 住encore

上星期日，我哋三大兩細一齊去咗k-11呢間日本疏乎厘甜點專門店店舖其實唔大，上一次經過原本已經好想食，夜晚會比較少人。我哋2pm其實都已經見到有一條隊排緊,輪候時間大約15分鐘可以接受👍🏻首先要讚下呢間店舖嘅疏乎厘，即叫即整，比想像中整得快👍🏻caramel apple 疏乎厘超級好味😍鬆軟得來，又有口感！French toast 我哋叫咗兩個，分別係pan de pain & brûlée French toast, 比較有驚喜嘅係brûlée French toast，熱食咬落去嗰個焦糖配埋去疏乎厘口感嘅French toast, 好食到暈😍😍😍😍另外個strawberry custard parfait 比 chocolate custard parfait都有驚喜!小朋友大叫好味♥️♥️♥️♥️題外話要讚讚店員，佢哋對小朋友十分有愛心，對於小型嘅店舖都有足夠嘅兒童座位，10分抵讚👍🏻

每星期天在尖沙咀K11都會見這間排長龍的班戟店，之前和朋友吃過，對我這個梳乎厘粉絲迷來說"普普通通"吧！今天又有新產品推介喎……嗯🤔俾多次機會自已，返正今天沒人龍，進去之前下單是規則，點了夏日雜果冰茶、草莓蛋糕芭菲和北海道紅豆抹茶梳乎厘班戟，因是即時製作，等太約15至20分鐘是平常事，3款甜品最好吃應該是草莓蛋糕芭菲，新鮮草莓加上多層次的味道和不同口感，雖然紅豆和抹茶味是絶配，但梳乎厘衹算是厚身班戟，沒動L的感覺，而雜果冰茶也因吃完梳乎厘後變得淡而無味，真的沒下次。

一直都好想試呢間pancake好耐，今次同同事食完飯，佢地係店外划左條隊俾人排，平時都要經常排隊，今次經過見到冇乜人排，真係要試一試先～原味梳芙厘 $85蛋味唔夠香，食落真係一般般，形容佢鬆軟又唔係，口感平平無奇～比起Flipper’s真係爭好遠😂比較過先知～士多啤梨pancake $88啲士多啤梨較酸🤦🏻‍♀️pancake都算鬆軟嘅，仲有啲吉士醬同士多啤梨cream都幾滑，令到整體不會太dry，算係較滿意嘅一樣野Tiramisu pancake $98呢個pancake真係好唔掂，見到啲pancake面有好多窿窿都心感不妙，點食啲pancake食落超削又稔，應該係個pancake粉加左太多水，整體口感食落覺得失望🙍可能期間太高😑所以比較失望，價錢同食物質素都唔成正比，所以唔會想試第二次。。

相信平時行開k11的朋友對這間日式pancake都會陌生, 因為常常都會大排長龍,這天平日下午的時間，見人龍不算太長， 就入去一試究竟坐底看看餐牌， 叫咗兩個pancake 兩杯飲品， 第一款是梳乎厘pancake一上枱彈下彈下入口鬆化， 充滿蛋香味， 另一種pancake 賣相漂亮 ，外面充滿士多啤梨，影相打卡一流 充滿少女心 之後再上二兩杯飲品， 飲得出是新鮮生果打成，入口充滿生果味， 但始終比不上pancake好食 如果人龍不是太長，相信也會再來

對於要排隊食空氣一直以為都好糾結，今日只有兩個人排緊唔係唔試呀！因為最低消費係每人叫一樣野，所以叫左個抹茶梳乎厘加法式多士。梳乎厘比我想像中薄，抹茶味濃，上枱聞到好香蛋味。容許我講食落唔夠空氣感，蛋味亦消失左。不過反而紅豆好好味，粒粒飽滿。個多士同menu都幾大分別，配埋糖漿竟然比梳乎厘好味，每一下切開都有煙飄出黎，岩岩出爐就係呢啲啦！食左之後，仍有輕微蛋香留喺口度。成件多士非常鬆軟，不過值得一提嘅係糖漿係成件多士嘅精髓，一定要有，呢一小勺未必夠點唒成份多士。

Had a sudden cravings for pancake and decided to drop by this restaurant. Ordered an Original soufflé - fluffy, airy and yummy with its butter and syrup. Next came the Strawberry Pancake - looks super appetizing presentation wise. Too pretty to eat. Lots of cream and not much substance though. I would give it a 6/10.

每次喺K11行街都見到呢間pancake店無論咩時段都係大排長龍🔸🕴🏻🚶🏻‍♀️🚶🏻‍♂️每次行過都聞到好香嘅牛油忌廉味🧁🍯可能因為今日落雨嘅關係 ☔️🌧我哋去到嘅時候 等咗大概15分鐘左右就有得入座啦🌟🌞叫咗個焦糖梳乎厘🥞🤪🍯其實本人唔係咁鍾意食梳乎厘 因為食完好似冇食過咁🤣😂 越食越肚餓2層梳乎厘 無論賣相 口感 味道 都同日本食嘅差唔多🙆🏻‍♀️ 入口即溶 ✔️ 甜度適中🍽

想試好耐，但每次見到條人龍都卻步。今日的起心肝去試下到底有幾好味排隊速度算快，星期日下午3:00等左 20分鐘左右已經入坐，排隊既時候亦有職員落單。Original soufflé: 味道一般，質地亦太過淋Signature strawberry pancake: 中間既士多啤梨cream好味。加左糖漿食既話。味道好飲麥當勞熱香餅。唔建議配糖漿食Pan de pain French toast: 個人認為太過甜，再連埋雪糕一齊食。質地亦都係太淋。應該可以乾身少少。呢度有個規矩，每張枱限時2小時。但野食速度真心慢，平均15分鐘先會出一度，所以2個鐘好易過。亦都係呢個原因，永遠有條長龍喺出面。希望可以改善

推薦指數：🤩🤩成日經過K11都見到呢間好多人排隊，知道專賣日式PANCAKE同甜品🥞想試好耐終於有日係尖沙咀食完飯就同朋友黎食甜品，不過可能期望有點過高，實際上食落都比較普通。🤭Berry Cheesecake Souffle 味道一般未有太大驚喜，食落口感較有Ｄ太軟身同唔夠蛋香。🤔但即叫即整呢樣係抵讚，一口雪糕一口Souffle都唔錯，但係Berry醬都偏甜 。🥪Brulee French Toast 反而呢個幾好味！但未算好特別，似西多士咁，但蜜糖焦糖味配上Toast係幾夾。睇黎香港同日本的Pancake水準都始終有分別，記得之前係日本食過真係好好味，一試難忘！😋如果下次大家經過呢間餐廳又無人排隊，大家都可以一試。但味道就相對普通未有驚喜，而且價錢唔平哦🙊

呢間人氣pancake店相信大家都唔陌生，無論是剛剛開業或是現在已開業一段時間，都經常大排長龍，令討厭排隊的我卻步，但又心裡精常常記掛住要一嚐人氣pancake。終於，在星期日比晚飯時間早少少黎到，唔洗點排隊就入得喇！首先坐低就叫左個strawberries pancake，因為佢餐牌既賣相太吸引喇！實物黎到同張相係一模一樣嫁！絕對唔係騙相🤣呢個pancake非常吸睛，少女們一定會鐘意！但味道無我想像中咁好食，pancake只係普通既pancake，無咩大驚喜，不明白人氣既地方係咩🤭另外再叫左宇治抹茶pancake，呢個pancake既口感偏向似梳孚里，空氣感重但食落仲有蛋香同creamy既口感，配埋抹茶🍵味濃，唔會係死甜既味道，有淡淡既抹茶苦澀味，呢個pancake就值得一試👍🏻👍🏻總括而言，如果要我排隊既話就應該唔會再黎，但唔洗排隊又去唔到日本食pancake既話，就可以一試🤣

對上幾個星期六早上都要尖沙咀參加工作會議、每次經過 K11 Mall 這家日式 pancake 店都見門外大排長龍。 首先吸引我的其實就係呢條成日都見過嘅長龍, 好想知道乜嘢原因咁多人排隊。 今日同夫人經過、見長龍還未成型之際立即上前在隊中穩佔較前的位置。 等了大概20分鐘左右便可入座，服務員禮貌地帶我們入座後覺得環境舒適唔會好逼，只是冷氣有啲凍。 起初只點了一客 Apple Caramel Souffle Pancake (焦糖蘋果梳乎厘班㦸) 同夫人分享叫做總算食過。 點知唔食好地地、一食就出事，口感鬆軟，不會太甜、蛋味香濃，好快就食完。 一向對甜品興趣不大的我急不及待要來多客再加杯 Macha Latte 來穩住呢一刻忐忑嘅心情。 只此以後，對班㦸呢樣食品改觀了。