Oyster Princess (已結業)

今天放工心情很好，決定同朋友去食餐好嘅，跟住諗住近近地就揀咗杏花村。見到一間日式餐廳，裝修唔錯，價錢合理所以就坐低試下一開始嗌左兩碟刺身，韓國象拔蚌同埋三文魚腩刺身。店員推薦店員象拔蚌，因為今日啱啱到，夠曬新鮮。三文魚非常厚切，很大一件，口感唔錯。象拔蚌非常新鮮鮮甜，下次一定會再嗌。之後仲叫左幾件壽司，熟蝦壽司和鰻魚壽司，飯粒粒分明，唔錯🤣三色花之戀 $60 呢個好特別 有魚子係面 幾鮮甜 然後就係海膽 之後再一層吞拿魚 外面係三塊厚切三文魚🤩 入面係飯 加沙拉醬👍🏻芝士天婦羅蝦卷 $70 呢個抵食 有成8大舊 面上一塊微焦芝士 入面香脆天婦羅😆👍🏻加州卷 $30 裏面青瓜爽甜 大大舊咁😆 黑豚肉烏冬鍋 $68 呢個湯底味濃郁 烏冬煮得軟腍 又大大鍋 推介～梅 魚生丼 $178 有甜蝦 三文魚腩 帶子 油甘魚腩 劍魚腩等等 全部都好新鮮😆 同幾個朋友share 食 好滿足👍🏻

今晚又黎杏花村探朋友，路經此店就不自覺被Oyster呢個名鎖住，心引即起要入去望下Ｄ生蠔…店舖地方雖然唔大，但店內供應既生蠔種類都有幾多選擇；見到都幾新鮮，最後穩陣Ｄ揀左我至愛愛爾蘭生蠔！愛爾蘭生蠔肉質薄身爽脆，味道清新，海水味淡入口甜美，最啱我口味，而且價錢都算大眾化過下口癮都唔錯～除了主打生蠔外，店內有日式料理供應，食完冷盤食返Ｄ熱野係最好，跟手點左燒油甘魚鮫同燒牛小排烏冬鍋。燒油甘魚鮫魚皮香脆十分惹味，魚油甘香魚肉嫩滑，燒黎食係最好味，係店內必點！而小牛排烏冬鍋份量都幾多，好多蔬菜配料而且湯汁都幾濃，扁身稻庭烏冬軟滑彈口，好好味呀～食完凍野再食個鍋真係好滿足！

今天放工後無所事事，發現左呢間杏花村餐廳仲未食過架wor.。。。就一於叫左個牛扒餐，坐低休息下先。 餐廳內有串燒，海鮮 ，生蠔 ，烏冬 燒物。是間典型既日本餐廳。。。。， 餐廳坐位唔算多，所以坐得幾空礦 ，有果種繁囂既感覺，所以真係唔錯。。。。牛扒終於都到左喇 ，我覺得d牛煮到岩我心水。加上前菜同沙律同個湯。幾滿意既一餐。。。燒羊架呢個羊架較大件，燒得亦好熟燒菠蘿好美味餐廳內有d雪櫃可以買下冷凍食物 眼見d生蠔同帶子好新鮮。仲有唔少肉可以揀。。。附近廁所亦好乾淨。食完再行街先回家。

朋友約了今晚到杏花新城內的Oyster Princess小聚，見面時她説同事請了吃下午茶，所以食不下太多食物，故我們只叫了一些食物分享。餐廳面積不大，但位置方便，食物種類也不少，有不同的海鮮、串燒、炸物等等。除了提供堂食，還有一系列凍肉如鮑魚、帶子、斧頭扒、蟹腳和生蠔等給顧客選購。燒熊本一口牛和鹽燒牛脷心串燒一口牛肉質多汁軟淋，調味很好。牛脷心串燒爽口彈牙，用鹽燒方法已十分惹味。海膽帶子鍋飯食材新鮮，海膽略帶海水味，帶子份量也不少，配以蔥花提升香味。炸香蕉炸香蕉外表微脆，內裡用上熟香蕉切件特別香甜。

記得以前呢間係鴻福堂，宜家已經變左日式西餐廳了。因為食杏花村都食得幾悶，所以發掘到新餐廳的確好開心。餐廳係開放式設計，我地好快就打好主意，先叫個優越海鮮拼盤$248，再叫個小食。海鮮拼盤彈性高，可以自由配搭和有多款可揀。今次我地揀左鮑魚大蜆螺 帶子既拼盤。總括黎講好多總類 ，亦幾新鮮。 係個坐下，hea下既好去處。另外，我地叫左份燒鯖魚 ，d皮燒到卜卜脆。最正就係冇麥細骨，又香，所以我地都好滿意個魚。餐廳亦會送上綠茶 ，又有冰鮮食物賣。

好像我一直沒有來過杏花村這邊，對我來說是好遠好遠的地方，今天我跟男朋友想找一下地方，我們是沒有去過的走一走，坐了快一個多小時才來到，當然要食一個好食的午餐了。我們轉角遇到了這家餐廳，看起來不是連鎖餐廳，外面的冰櫃有好多好多，全部都是放好多新鮮材料，又看到好多高級的生蠔，長腳蟹之類的，好了，找到我們想要的高級午餐了，進去了。只是午餐已經有好多選擇，平價一點的有，貴價的都有，超高級的都有，我們當然選擇中間的，哈哈。我要了一個極上魚生飯定食，裡面包括有(三文魚腩，油甘魚腩，劍魚腩，原隻甜蝦及帶子)全部都是高級的腩位，又新鮮又多又厚，它們的東西好正宗日本，飯真的是有醋味，因為是套餐，還有跟一個沙津及麵豉湯，沙津有一點咸味，不知道是醋還是什麼，但菜是新鮮的，還有麵豉湯，我不知道原來日本真正是不用湯匙的，我問了一下店員才知道，湯是清清的，不會像粉沖出黎的感覺，好好喝。我男朋友叫了一個鵝肝煎蛋定食，鵝肝超厚，煎到金黃色，外脆多汁，鵝肝的油流下白飯，白飯把鵝肝的香味都帶出來，超級配。因為男朋友的不是套餐，所以叫多一個串燒定食，包括有(雞翼，雞軟骨，冬菇串燒，配三文魚碎飯團)，串燒要等比較久，可能現在叫

難得放假當然係家庭日啦，咁啱杏花商場有多間商店有折，身為知慳識儉嘅香港人，梗係唔執輸啦，掃完貨之後，梗係要食餐好啦～老公就帶咗我去食一間Oyster Princess嘅日本餐廳，餐廳地方雖然唔算大，但座位都唔會話好迫，喺門口就已經見到個生蠔吧，價錢都唔算太貴，黎得日本餐廳食嘢，刺身飯當然唔少得啦，極上魚生飯定食，分量夠晒十足，鮮味道都ok。老公怕食生野就叫咗個滑蛋豬扒飯，豬扒即叫即整加埋滑蛋口感一流啊，仲有唔少得壽司啦，三文魚腩壽司厚厚實實嘅口感令人再三回味，玉子壽司老公話都係咁（可能佢少食壽司），花之戀分量十足夠澎湃XP蟹子多到瀉晒出嚟，一個字抵食，日本野份量唔多，所以追加一個串燒定食，有雞翼、雞軟骨同冬菇，我比較喜歡雞翼可能因為皮夠趣，而老公比較喜歡雞軟骨，味道唔錯夠咬口，加埋支冰凍玻璃樽裝可樂，真係冇得彈啊！埋單都係兩百零蚊都可接受，食飽就再shopping消化下XD

無黎一排杏花邨，又有新食店。呢間主打食蠔, 但集燒物與日本菜於一身 。門口有幾個凍櫃, 有凍肉, 海鮮, 刺身, 酒類, 雪芭等等, 食完野仲可以掃貨番屋企。✨生蠔望落好大隻, 好吸引✨午餐價錢比起晚市經濟好多, 最平$58 有交易, 仲唔收加一, 選擇都唔少。✨跟餐仲有沙律同埋麵豉湯送, 加$5 有汽水/柚子蜜。個沙律菜幾新鮮, 麵豉湯幾好飲, 清甜得黎唔會太咸。✨燒牛小排烏冬鍋定食($108) :  初初以為牛小排係連骨果D, 原來都係薄薄一片片好似肥牛咁。個牛牛味幾濃, 食落仲好嫩滑, 不過就唔係好夠喉😚✨烏冬份量係勁多, 而且係超入味。烏冬扁身得黎滑嘟嘟, 帶小小彈口~~~~配料仲有金菇菜, 娃娃菜, 東菇, 紅蘿白,同樣非常入味。✨壽司定食($128): 呢個SET跟細烏冬, 味道清清地都唔錯。✨壽司飯比較大舊, 醋好突出, 仲配自磨WASABI~~~ 刺身都幾新鮮,三文魚好肥美， 蟹棒勁鮮味。 ✨串燒定食($60): 個燒東菇好好味, 勁JUICY~~ 雞軟骨好香好爽脆, 雞翼燒到外皮帶點脆同焦香, 但肉質唔會乾身 👍🏻。我覺得佢D 串燒唔錯, 因為我好怕食串燒係調味料勁重

喺杏花新城嘅呢間餐廳驟眼睇似係賣生蠔、刺身等食材，但原來都有唔少座位可以常食，MENU item仲幾豐富，包括刺身、壽司、串燒、鍋物...有平有貴，魚類、生蠔種類好多，整體都幾多元化。可能因為係自己食材，呢度嘅刺身特別厚切。我哋點咗三文魚腩刺身同韓國象拔蚌刺身，都新鮮冇腥味。三色花之戀有海膽、吞拿魚蓉同三大片厚三文魚，再加埋大粒魚子，配搭都幾吸引。黑豚肉烏冬鍋嘅味噌湯底好香好夠鮮味，烏冬採肉扁身兼掛湯嘅稻庭烏冬。黑豚肉肥瘦適中，吸滿湯汁好入味。叫完一堆刺身，我會推薦大家叫大件夾抵食嘅加洲卷。$30食飽飽，醋飯加蟹籽、蟹柳同青瓜，簡簡單單已經好滿足。刺身製作需時，所以可以慢食慢慢坐，如果朋友間好耐冇見想聚舊傾好耐就最好不過。

今天到杏花的體育用品Outlets，中文名字：奧特萊斯！！！　想為小米添置守門員專用手套，順便在此商場午餐。由一樓體育用品區，經扶手電梯到地下餐飲區時，看到這家新餐廳。還記得去年暑假，這個位置是鴻Ｘ堂。店門有大型雪櫃，放了很多凍冰冰的食材。小米看到澳洲和牛和日本和牛，終於明白二地的和牛有何分別：澳洲和牛白色少尐！日本和牛白色多尐！不過，自己還是比較關心旁邊的蠔吧！杏花竟然有生蠔，所以想試一試。反正有大量座位，於是入內就座了！法國貝絲生蠔Bourriche在冰櫃上放有多款生蠔。有熟悉的蠔后Gillardeau 和Fine de Claire，但是又想試其他款式的生蠔。選擇困難症又發作了！幸好，職員提議貝絲生蠔。終於解決了三心二意，猶豫不決的問題。貝絲蠔殼細小，裙邊比例上較大，蠔身不算厚。初段是海水的鹹鮮味為主，口感介乎Creamy和脆身之間，帶子位較脆，蠔味中等。但到中後段，甜味就跑出來了！先鹹後甜，層次感較豐富，只是餘韻不長。整體感覺還OK，全程無有加入檸檬汁或紅色醬汁。　　個人覺得：享用生蠔，應該要閉上雙眼，專心地品嚐！　　　無奈，小米經常不守規矩，坐姿左搖右擺，左典右典。實在要金睛

杏花村商場最近有間賣日本魚生同生蠔嘅舖頭。午餐set lunch都好抵食，價錢由58-78不等。除左主食之外，仲有沙津同味噌湯。相信係杏花村都好難搵到咁平嘅日式料理。生蠔都算係新鮮，出面有個凍櫃可以自己揀自己嘅生蠔種類。沙津好清新，唔會落好多沙津醬搞到好肥利。而個味噌湯都好正常。火灸三文魚丼落左好多沙津醬，感覺好肥美三文魚親子丼三文魚唔算薄，而且三文魚魚籽都幾濃味三色魚生丼呢個有齊三款魚生，都幾抵食三文魚，劍魚，三文魚籽壽司三文魚嘅魚脂都幾夠。而劍魚切得好厚，口感十足。三文魚籽嘅紫菜就好脆身唔會話淋哂食唔到咁。

行完outlet食個午飯，杏花邨商場入面嘅餐廳大部份都係連鎖經營，不過最近新開一間日本餐廳，一於試下。餐廳串燒、壽司、海鮮、丼集於一身，壽司方面我哋叫咗四款。壽司飯醋味適中，左口魚裙邊壽司有淡淡魚油感，至於蒲燒鰻魚壽司口感軟嫩。甜蝦壽司口感唔黏糊糊，幾爽口。最後係期待已久既拖羅壽司。有少少筋，不過油香味重，口感細滑，食完好滿足。串燒方面，雞翼大大隻而且厚肉，外表香脆。雖然有少少燶，但整體味道不錯。鹽燒牛脷心係厚切，充滿肉汁，而且爽口。至於雞軟骨，香脆之外帶有嚼勁。翠肉瓜1串有3塊，每塊又大片又juicy，非常出色。至尊海鮮盤可謂應有盡有，包括生蠔、帆立貝、海蝦、蜆同螺。蠔非常肥美，完全冇腥味。帆立貝size非常大。海蝦鮮甜無比，肉質彈牙。鮑魚有驚喜，本身醃製過，所以味道帶鹹味，凍食更但突顯鮮味。最後就係馬糞海膽，我朋友係海膽fans，所以讓俾佢食，朋友三扒兩撥就食晒，應該好出色，有啲後悔冇食一兩啖。

同朋友黎到杏花村呢頭探fd, 順便係附近食少少野先原本search 呢間，以為佢係間西餐廳，黎到先知原來係商場open area 定價其實唔算平，好彩同朋友都唔算餓，share 左幾樣..三文魚同油甘魚壽司，個人同fd都較喜歡前者，大大塊salmon 香味幾出另外就係等左接近1小時鰻魚壽司，無平時食到既鰻魚汁就更易食到本身魚原味. 魚質軟腍，不過較為薄切，不太滿足燒北海道珍寶凡立貝 $68隻凡立貝厚身多肉，上面堆滿蒜泥同蔥花，食落就更惹味另外order 左半打oysters. 美國珍寶生蠔 $300半打，我地order 左3隻 $160. 真係有成隻手掌咁大 肉質爽滑，海水咸味較重，咸中帶點鮮味，幾好食.另外3隻選左比較平既貝絲貝絲 $130 3隻，size 就較細肉質無咁厚身，不過都係咸水味較重。始終一分錢一分貨就無美國珍寶蠔咁滿足啦

商場入面嘅小小居酒屋****************************同媽媽鍾意周圍食嘢就去咗東區嘅杏花村搵食啦😉😉呢一間係專門食生蠔，海鮮嘅餐廳所以海鮮嘅質素就唔使擔心啦特選海鮮盤$198海鮮盤分量大有齊生蠔， 翡翠螺，海蝦，大蜆蠔肉肥厚，飽滿味道甜而不腥，帶子位爽口蠔肉嫩滑，生蠔殼盛載著海水，同蠔肉一齊食落去鮮味加倍。 海蝦- 蝦頭充滿著蟹膏，鮮甜無比，爽滑彈牙大蜆- 爽口清甜，但略嫌有少少沙， 佢好細心咁樣幫你起曬出嚟，等你唔使自己喐手就可以食到啲肉啦烤 鰻魚- 白鱔 係鹽燒，較為清香，突出到鱔味白鮮皮脆，肉質柔韌有咬感😋😋😋煙肉芝士烤大啡菇- 呢一份菇真係好大呀滿滿嘅芝士用都係菇面， 撩起面中發現有啲汁喺度，我諗應該係嗰啲菇嘅汁嚟㗎😐😐只菇都容易切，我同媽咪可以一人一半咁食吉列蠔卷- 見呢樣嘢幾特別就嗌咗嚟食下一碟有四件分量，都大大件， 味道就不過不失啦，但係佢附送嘅薑片，又真係幾好食嘅。送上嚟嘅時候個卷係暖笠笠，所以食落去都幾有飯香。臨走嘅時候我哋仲去望下個雪櫃有啲咩賣，全部都係海鮮同埋有黑毛豬嘅地址： 杏花邨盛泰道100號杏花新城地下G53B

杏花村商場樓下一帶開咗好多食肆，中式西式，各有特色，所以提供咗好多選擇！今天晚上就去咗呢間有生蠔，海鮮，又有魚生刺身，又有燒烤小食飲酒談天好地方嘅Osyter Princess！地方整潔，招呼都好好，店員又好耐心地等我地點餐！三個人就點咗個生啤套餐，（$358）已經有一份燒三文魚頭一份M6和牛，加埋兩大杯 (1 pint一杯）Brookly生啤！泡沫豐富的生啤，清香酒味，滿滿的喝一大口！感覺好舒服，好爽呀！跟著上桌的燒三文魚頭，好大件呀，鹽燒的肉質，鮮滑甘香，送啤酒一流！牛肉亦口感豐富，充滿肉味，醮些燒醬汁，幾顆海鹽把牛肉味更加提升！叫咗半打蘇格蘭生蠔，（$190）好新鮮好飽滿蠔肉，入口感到海水鹹味，加上混和嘅鮮檸檬汁，好正！意尤未盡，點多一個魚生丼，（$178）內容都好豐富，有帶子，三文魚腩，劍魚腩，蟹子，甜蝦等等剌身，食味鮮甜可口，呢餐大杯酒大塊肉，魚生鮮蠔，食得開心又滿足！