Mokumoku Yakiton (厚福街)

营业中

休息中

心情不好，想要喝點酒解解悶呢 閨蜜在附近弄指甲 (呵呵，要靚靚啊）， 放工後立馬飛奔過來，很近地鐵站，交通便利!對酒當歌，人生幾何? 譬如朝露，去日苦多 一邊喝著柚子 - 檸檬酒，也嚐了菠蘿味 (自家釀白酒，酒精濃度有25%)，味道清香，容易入口！Lady Night ~ 星期四來，女士們有一杯免費酒精飲品呢! 而且晚上10點後，賣一送一添，甘我哋繼續慢慢坐，慢慢嘆呢有酒，又怎能少了佳餚，我最喜歡燒烤串。。。職員推介，試了馳名的岩手縣豬豬，每個不同的部位，其實都有不同的口感!好像胛心肉 ~ 較沒有油脂, 只要拿捏的好，烹調得宜，肉質便不會柴和澀，保持彈口!黑豚肩肉串 ~ 肩胛骨處的肉，屬於豬隻身上運動量較大的部位。肩胛肉的肉味豐富，有著迷人的肉香，加上帶筋又有油脂，做串燒一流!豬面肉 ~ 想咬你＂面豬登" 囉， Q彈肉脆， 不會有肥腻的感覺!豬心 ~ 原來燒烤都可以甘好味! 有種獨特又難忘的口感，你都不妨一試啊!又轉下吃牛類了，我始終係牛魔王的 fans 嘛 >>> 抵不住 A5 和牛排的誘惑 ~ 不禁吃到嘩嘩聲，伴著酒來吃，真是絕配!燒鯖魚 ~ 均衡

多得友人介紹又多一個可以「好好享受晚餐」的好地方😌粒貝刺身原隻粒貝切片，一入口就知道很新鮮，因為肉質超爽口！😋西班牙夾心肉西班牙黑豚肩肉串豬顎骨肉串厚切白金豚肉一連試了幾款不同部位的豬肉，雖然我們未專業到可以一看/一咬就知是什麼部位，但濃濃的豬味卻是吃得出的～秋葵豬肉卷原來燒完的秋葵不似平日的，燒過後秋葵中間沒有了黏黏的口感，變得爽爽的好好吃😋自家釀酒除了普通的清酒米酒外，店入面還有店主親自釀制不同味道的酒：咖啡、檸檬、蘋果等等，我們試了檸檬，味道很香好似檸檬草，推推推！柚子雪葩椰子雪糕

今晚跟朋友做完運動想找個地方輕鬆一下，經過尖沙咀最多隱世餐廳的街道隨便就走上去碰碰運氣～入了這間格局似是日本居酒屋的店有吧枱位置，立刻就坐下找吃的了！店員邊上前菜邊介紹食物，這裡主要吃的是串燒，但他們也有刺身和其他熱食🤤煙燻豬腩肉厚厚豬腩肉入口不會太油膩，有一點似火腿的感覺，燻味也濃白鱔串魚肉又厚又新鮮！厚切牛舌燒得剛剛好的牛舌很爽口！免治豚肉串吃串燒必食的免治串，這是他們用豚肉手打而成的，賣相跟味道一樣，正！吃到中段店員還介紹了他們親手釀制不同味道的日本酒給我們品嚐😱❤️味道有點似花茶😌大大滿足的一夜！

TGIF，近排學識咗呢個新TERMS都係女朋友教先知存在咗好耐，哈哈真係好孤陋寡聞。但好彩又俾我係厚福呢度搵到間正野，日本名物- 豚肉專門店！由便宜到貴價嘅嘅豚肉都有啱晒我啲食肉獸，同朋友放工過黎鬆一鬆。生蠔刺身。眼見店員極力推薦之下，先黎食返兩隻日本空運生蠔。大大隻之餘肉質結實爽口，仲幾飽滿。日本蠔嘅海水同金屬味輕盈，所以前菜都鐘意柯打黎食。煙燻豬腩肉／豬顎骨肉。顎骨肉呢個部位都係第一次食，質感腍腍地幾好咬口。煙燻腩肉香味十足，不過就咸咗啲。唯有飲多兩啖梅酒平衡返。哈哈。豬頸肉／腩肉。油分比較多嘅肉位，所以完好香又夠多汁。少少燶邊令到食起上黎好惹味。燒雞翼。雞中翼直接燒製，考嘅係耐性同功夫。因為雞鎚位要熟而雞翼尖唔會乾柴，難度有返咁上下，而呢隻做得唔錯而且調味又足，幾好食。刺身5點盛。食到一半轉換一下口味兼清一清油膩感。三文魚／油甘魚厚切又新鮮。不過最正都係大蝦同海膽，甘甜又滑糯。除咗串燒之外刺身都幾有水準。蕃茄沙律。食串燒點可以漏咗佢，酸甜冰涼嘅蕃茄下火一流，又可以清一清味道，消消滯。豬舌／黑豚肩肉／腩骨肉。三樣都好厚身上到枱仲出緊煙，所以入口時熱辣辣充滿肉汁。豬大腸／豬生腸。唔係

係尖沙咀忙完，諗住厚褔街多野食，一丁友去個邊hea食一餐。原本諗住去一間去過既餐廳，點知係樓下比一個店員攔住，sell兩sell就決定去試新野🤣呢間餐廳主要食燒物，但我見有最愛既沾麵，一條友快食個沾麵就算。點完菜，但店員就上左個前菜，係醋漬番茄。個番茄係好正，因為有醋，勁開胃，係好出色既。原本以為係送既，但埋單發現竟然收左28蚊。跟住就醒起係菜單最底有一句，唔要前菜請提早同店員講。個時仲諗，邊個會唔要。埋單個下先明佢個意思，但都消化左喇😭雖然好少錢，但都感覺唔良好。如果可以清楚標明要收錢，或者落單時講一聲就好喇。跟住到個沾麵。唔理個番茄，其實個麵勁好食。佢地得一款味，但個醬好濃厚，但一啲都唔咸，同我食過既其他沾麵唔同，佢有種咸蛋黃煮完既綿密既口感，好味。會再返黎食個沾麵既。

厚福街我成日嚟，但以前完全唔知道有呢間Mokumoku Yakiton的存在，或者因為佢唔係街舖，都係朋友介紹先知道原來還有呢間串燒店的存在。環境佈置幾溫馨氣氛，幾岩黎飲下酒傾下計。呢度有個特別之處，就係...豬🐷。真係乜豬都有得食，睇睇餐牌，唔同的豚肉串燒、豬內臟串燒，超特別的還有豬肝慕絲。既然來了一間豬肉專門店，點可以唔食豬😍——不過食肉之前飲d酒暖胃先，我叫咗杯京姬葡萄酒，$65，口感香甜順喉，一點也沒有酒精的嗆辣味道，反而甜甜酸酸，超開胃。首先嚟個豚肉蒜芯卷，係我嘅是日最愛！豚肉包裹著新鮮的蒜芯，蒜芯有微微辛辣味，加上鮮嫩豚肉，味道已經很豐富，完全無需多餘的調味，入口鮮嫩多汁，非常美味。然後是白金豚肉林檎紅薑卷， 白金豚有著極品豚肉之稱，可謂豬中Prada。五花腩肉包裹著蘋果塊，然後用串燒點特製mayonnaise，mayonnaise入面好像有磨碎的薑蓉，酸酸咪咪但帶辣，加上爽脆的蘋果，酸、甜、辣混合一齊，中和咗豚肉的油膩感。西班牙黑豚肉肩肉串， 油脂分佈平均，肉味較其他豚肉重，但唔係羶味個種。厚切白金豚肉雖然同上面嘅肩肉串好似樣，但因為是腩位，油脂比例更加高，但完全唔會膩，

比起高貴的懷石料理，我更喜歡到一些簡單的日式小店吃東西，朋友之間在這種地方才能更不拘謹，所以我挑選了這間MokuMoku Yakiton。不過說它是小店也不多適合，畢竟這裡環境還是蠻大的。剛坐下來，店員就已經介紹這是間專門食豬的店，豬肉主要採用西班牙和岩手縣的豬，而內臟則會用香港出產的（因為豬內臟不允許出口），所以讓我們不用擔心什麼非洲豬瘟的問題，因為他們對產品來源十分堅持。作為一間豬為主題的餐廳，所有用具都有🐷🐷的影子。這個豬八戒小釘耙知不知道幹什麼的？在這賣個小關子。甫坐下來不久，店家就送來一份前菜（要收費），有點像中式餐廳送花生米、醃菜的感覺。不過這個蒜子番茄沙律倒是比花生米開胃，番茄皮已經去掉，頂上放著磨碎的蘿蔔蓉，再澆上特調過的醋，帶點蒜味但又不會太濃烈，很開胃。繼而上桌的是生蠔刺身｜$58 per one｜這生蠔修長，蠔肉潔白，值得👍🏻的是廚師已經把黏著殼的蠔肉起了，所以超容易夾起的。這蠔肉質厚有彈性外還有脆脆的口感（有蟹籽嘛），帶有海水的鹹味和淡淡的鮮甜果味，味道肥美且精致。食完生蠔後，則是一份白子刺身 |$58| 如果不知道白子是什麼，那就不要問，只要吃！白子入口後先感

又同搵食好友周圍去試新嘢的時候，朋友介紹呢間專門吃豬的餐廳，咁就一於去試一試見到門牌、有種去左日本嘅餐廳嘅感覺，環境舒服，坐位上有好幾隻豬公仔，等食期間已經不停同D可愛公仔合照一番見到枱面有一個泥扒嘅工具，店員即場示範，原來方便將串燒推離竹簽，真係方便又有趣月見免治豚肉串，賣相不錯，點上日本生雞蛋更香滑豬大腸串，乾乾淨淨，彈牙豬味香白金豚肉林擒紅薑卷，好新穎配搭，一片豬肉包住蘋果，蘋果清甜配上豬肉香味、必吃之選山形縣産煙燻豬腩，唔好睇佢好似有點肥，入口立即愛上，味道似煙肉豚肉露筍卷同豚肉秋葵卷，燒得有水凖，豚肉唔會韌，露荀秋葵保持爽口叫左二款豬以外嘅食物厚燒牛舌，肉質爽而柔軟，完全合格一夜干，尼種魚嘅肉質比較淋，魚味不太濃，點上醬汁更野味，加上魚已開邊，魚肉豐富，拿起手大大啖吃，好過癮有homemade 燒酒，我地呢D酒徒必試，蘋果燒酒，香甜蘋果味，荔枝燒酒就燒酒味濃中帶點荔枝味，再叫多杯咖啡燒酒，好濃咖啡味，就似expresso 加點酒精一樣，咖啡迷不妨試試店員見我地飲得起勁，介紹我地第日十點後黎，因為清酒買一送一，仲拎出不同款嘅大中小清酒比我地睇，全部都有番咁上下質素，太抵了、下次

好友介紹尼間餐廳，話明主打食豬，正好今次飯局其中一位好姊妹唔食牛，一於就揀呢間餐廳先黎個生蠔， 肥美無比，食落新鮮，淡淡蠔味，如果唔係留肚食更多好西，必定encore油甘魚，三文魚，海膽刺身，全部刺身都新鮮美味，油甘魚，三文魚油脂香味充滿口腔，但一啲都唔肥膩，海膽大大嚿，食落鮮甜店員介紹呢度嘅豬係嚟自日本同西班牙，所以質素很有水準，於是決定今日全豬宴，先叫個白金豚肉林擒紅薑卷，呢個比較有新意嘅配搭，薄薄嘅豬肉包住蘋果，蘋果清甜減去豬肉油膩感，絕配！必試之選山形縣産煙燻豬腩，賣相有點似豬腩仔，入口一股濃濃嘅炭燒香味之餘，仲有一股煙肉味，一啲都唔油膩，食完一塊忍唔住再食一塊豬顎骨肉串，又係唔常有嘅食物，燒得香口，食落有趣口感爽口無比西班牙黑豚豬肉串，入口好juice,肉質軟熟，豚肉味香濃豬肝串，食落比牛肝更軟熟，有點爽口，沒有牛肝咁粉味重，鍾意食內臟嘅人，必叫最特別係網油豬腦卷，從未食過豬腦，膽粗粗叫嚟食下，賣相仲有點精緻，只係一個似炸物嘅圓球，食落煙煙韌韌，有點黏口，冇腥臭味，店員解釋廚師花時間整得好乾淨先煮，喜歡試新野嘅朋友，可以一試舞茸，食咗咁多肉，叫返個蔬菜類，清新一下口腔，舞茸菇

全部都係豬全部都係豬 呢度唔單止以食豬為主要嘅菜單外 就連擺設 放置係餐廳嚟嘅公仔 同埋裝修 都融入咗豬豬非常幸運 剛巧碰上星期四女士免費嘆一杯指定飲品食住串燒嘆住啤酒 簡直係人生一大樂事 生啤夠冰凍又大杯 充滿小麥嘅香味白金豚肉林檎紅薑卷$38配搭非常神奇而且出色 薄薄嘅金豚肉包住新鮮蘋果 蘋果嘅爽脆及清甜可以去除豚肉嘅油膩感 感覺非常清新 山形縣產煙燻豬腩$128煙燻嘅味道非常香 味道有啲似煙肉及港式嘅燒味火腩之間 外皮燒到脆卜卜 一半肥膏一半豬肉 味道鹹鹹香香 肉質嫩滑又多汁豬大腸$38火喉拿捏得非常好 表面燒到脆卜卜帶點焦焦的 但依然保持大腸煙韌彈牙嘅口感 非常香口豬肝$28我就是喜歡豬肝沙沙的口感 沒有腥味 加咗秘製醬汁一齊燒 別有一番風味豬顎骨肉串$38第一次食感覺好似食薯片咁樣 脆卜卜嘅軟骨 下酒一流月見免治豚肉串$58秘製醬汁配上鮮雞蛋黃 這個醬汁是無敵的 充滿蛋香味 豚肉串啖啖肉 鬆鬆嘅肉質好鮮味網油豬腦卷$38第一次食燒豬腦 唔講其實你係唔知佢係咩嚟嘅 成粒八爪魚丸咁 但係口感似食緊豆腐花 非常綿畫 餐廳事先用咗清酒精熟豬腦 已經去除腥味 所以味道相當以接受 是很好

今日同男朋友去尖沙咀食飯，佢話帶我嚟呢間叫mokumoku yakiton嘅居酒屋 🏮去之前我特登睇過openrice呢間居酒屋有咩嘢好食推介，感覺豬內臟好似比較出名，但因為我係唔食內臟嘅，所以反而嗌咗以下幾樣嘢 😝生蠔刺身（$156）- 啲蠔好肥，好重海水味刺身盛（$298）- 總共有五種刺身，全部都好新鮮，份量都幾多月見免治豚肉串（$58）- 一直都好鍾意食呢款串燒，個燒汁甜甜嘅，加埋啲蛋汁，令更多燒汁可以痴係串燒上面仲有好多其他款嘅串燒：露筍豬肉卷（$32）日本青椒芝士豬肉卷（$36）秋葵豬肉卷（$32）雞翼串（$32）甜品我哋叫咗椰子雪糕（$48），食完串燒再食感覺好refreshing 😋

好朋友約局晚餐,這次選在以專吃日式豬串燒的名店--Mokumoku Yakiton;其實這家在銅鑼灣率先登場的食肆,開到尖沙咀真是方便了一眾活躍於九龍區的饗客,尤其是好友及我這些對美食持熱誠態度的!由於餐廳所處的厚福街精品食肆林立,能在這裡佔一份額的一定有其過人之處!餐廳一隅擺放著很多可愛的豬公仔,添加了趣緻感;氣氛上以簡潔的暖木色調為主打,經過調節的呈現暗色調的燈光,映照著整個餐廳,漫不經意地營造一種浪漫的氣氛;透過一幅大玻璃幕牆,望著熙攘的街景,更是過癮!菜單的選擇十分豐富,除丁主打的豬串燒外,還有時下一些人們十分喜愛的蔬菜類及關於牛的燒物,所以一點都不會沉悶!選好食物後,再研究了酒單,其主打的名品清酒是不可錯過的,就馬上落單了;先來一枝在香港極具名氣的清酒--雅乃智的作,甘甜沁人,米香突出之餘更有水果香氣!以此清酒配搭西班牙夾心肉,將其油份肉香及鹹香感包圍著,回味慢慢滲出絲絲甜美,十分美妙!或許是此店特有的豬喉軟骨串,一入口煙燻氣息突出,加上有黑椒的香辣勁道,可謂祛臊提味,而豬喉軟骨本身極之爽脆彈牙的質感,令喜愛香脆食物的人仕必定甘之如飴!豚肉露荀卷,外軟綿內脆嫩,豚肉的本味搭上

一直對豬不算太喜好，但mokumoku顛覆我對豬肉的感覺！話說去日本一定要去居酒屋飲返兩杯，食下串燒刺身先過癮，今日嚟到mokumoku又喚起左我係日本既感覺！店面地方唔算大，但整潔舒適，柔和燈光令到環境好放鬆。首先一坐低，就送嚟一個前菜—-蒜子蕃茄，鮮甜凍蕃茄，加上柚子汁，少少蒜，有趣清新既組合，作為starter真心好開胃同時點左2杯自家製清酒，用檸檬同菠蘿浸清酒又係兩個字—-清新！配串燒一d油膩少少既食物就係岩岩好再嚟個五點刺身盛，海膽同帆立貝勁鮮甜，送清酒又係一大享受！moku主打豬肉，主要分日本產同西班牙產。個西班牙黑豚肩肉串油脂分佈平均，無豬肉膻味，反而肉味重，輕輕用鹽燒已經好正！西班牙夾心肉，屬於上肩胛肉，油脂分布均勻，是最常使用的部位，因有筋有肉，吃起來口感好，用途廣泛，過去也是價位最高，俗稱「上肉」，用嚟燒就最岩，保留肉汁！薄薄既豚肉包住好香既紫蘇葉，味道特別又開胃好味既豬肉真係包咩都好食，用健康既秋葵一齊燒同樣好好味！煙燻豬腩係我其中一樣最愛既，豬腩肉理應好肥膩，但煙燻迫左多餘既油脂出嚟，帶有淡淡既煙燻味，點埋個芥末醬，好好好好味月見免治豬肉串又係正，免治豬肉瘦同肥