Mini Friday (The Wave)

营业中

休息中

周末到觀塘，唔想又係去APM食飯，於是行咗去工業區。行行吓聽到音樂聲，見到有幢叫The Wave的大廈，地面果層啲牆同地都好colorful. 響升降機隔離擺咗呢間餐廳的poster,就上去試吓。原來餐廳係試業中，所以客人不多，環境幾静。lunch menu價錢合理，唔駛加一 。是日餐湯餐包好軟熟，加少少牛油已好好味。黑松露什菇意大利飯 $78意大利飯軟硬適中把芝士、黑松露醬攪拌後，味道更香濃。燒烤豬仔骨配薯條 $138賣相不俗。豬仔骨以燒烤醬烹調，肉質稔，又入味，仲好似有少少雜莓的酸味。粗薯條有質感。加埋少少沙律菜，減少了飽滯感。餐廳枱的分佈不會有侷促感，而且光顧的客人都係細細聲講野，唔會好似響大商場啲餐廳咁嘈，同朋友傾計就最啱。

之前聽朋友講過，話觀塘廣場附近，有一間工廠大廈翻新左，外牆有大螢幕裝飾，開咗幾間西餐廳，見今日星期六得閑出觀塘試吓啦！去咗一間叫mini friday西餐廳，計嘅位置喺嗰間工廠大廈叫做the wave 的3樓，如果由觀塘廣場行上大概3分鐘就會見到！見到寫住試業中，店員話呢期做緊推廣，午餐有六折，二晚餐就有七折，我哋見餐牌嘅吸引於是就入去。可能係新開張，所以都幾乾淨，環境都幾好情調！叫咗個黑松露蘑菇飯，味道好正喎！好少咁濃黑松露味仲要好多蘑菇，我都係最鍾意佢個忌廉煮意大利飯，間唔中一次都無所謂啦！午餐包埋一個餐湯，餐包同飲品！老公就叫咗個班尼廸蛋，一上枱俾佢個樣吸引住！因為佢係用煙三文魚同埋蛋配合菠菜，因為我最鍾意就係三文魚！我哋另外跟餐再加左一份特色雞翼（ ＄28 )午餐來講都算好大份亦都好抵食，可能因為新開張，唔算太多人，位同位中間都好闊落，環境舒適，令我見佢都有啲飛鏢機，籃球機，同埋有drum set，可能晚事會有live Music show兩個人百零蚊可以買單，都算唔錯，下次都會考慮再來！

話說知道試業期間dinner 有7折，所以過來試下大約七點半到餐廳，應該因該新開所以冇乜人，氣氛幾好，幾有情調，d人幾有禮貌，好好服務我地話因爲買左戲票睇戲，希望佢可以煮快d講完就見佢馬上跑去廚房了😂😂叫左個羊扒本來$198折左$138咋好抵！仲有三大件，味道唔錯係生左d，熟多少少就very good d配菜都幾好食，幾有誠意個南瓜湯就唔多濃，同唔夠熱，要改善下同個餐包硬左少少，不過上面有d芝麻又幾好食wo岩岩試業算係禁，我會再來試下其他菜式的！

尋日收到朋友係郡組轉發過來的信息話觀塘the wave 有新餐廳開業 搞緊優惠憑信息可享午市六折/晚市七折優惠 Happy Friday 一向都係一班同事外出食lunch，見甘抵有六折即刻打電話去問下有無得book位 (lunch time得一個鐘 時間緊迫 有得book位吾洗等係好重要的) 係可以book位的，再問清楚係咪有六折優惠 係真係有的一點鬆小小去到環境好寬敞 裝修得幾有氣氛今日吾算好full 大約有七成入座 lunch set吾算有好多款揀set包左餐湯，餐包，餐飲 就算收正價 $62～$70左右都算抵食一坐低落完order馬上送上餐包不過餐包好硬咬到嘴有啲累南瓜湯 好甜(並非南瓜本身的甜味)甜到似係食糖水 我個人不太喜歡甜的湯飲左幾啖放棄了我同另一個同事都分别叫左辣肉腸意粉一兜係多配料(紅黃椒，辣肉腸)小意粉另一兜係小配料多意粉 好不均勻味道方面都不錯 蕃茄醬 酸酸味味幾開胃不過份量我覺得偏少 男仔食未必夠飽同行同事叫的雞肉沙律 佢話都ok 沙律份量都正常 見都有好多菜不過有同事叫左意大利飯就等左大半個鐘催左四次話再吾來就取消 最後1：45pm先來到 要拿拿聲食 到餐飲部

又到食晏時間，返埋今日就放假啦，硬係對自己好d啦！同同事去左附近The wave到搵野食，見到有新開餐廳，menu唔太貴，就食呢間啦Soyp of the day: 南瓜甘筍湯配法式麵包個湯好甜，麵包焗熱攤凍少少囉出黎，好香烘香左既芝麻味。一邊飲湯一邊yam yam 湯食麵包，好好既開始三人行，最好就可以乜都食d d.. 呢個係個套餐另加$18要左個沙律。 有橄欖， 車厘茄， 火箭菜同生菜。菜新鮮，食落去chok chok聲，再配埋佢地既醋，個醋好特別，酸酸地又有少少甜味.. 撈埋生菜食，好開胃而呢個雞翼另外加左$28/4隻，老細好好人，送多左兩隻比我地好分d, 哈哈。呢個雞翼炸過，再加類似蕃茄燒烤醬。食落去，唔太酸，都係開胃菜之一話明係星期五，對自己好係常識啦！繼續加小食- 炸魷魚圈。 魷魚圈算係厚身，而且炸粉唔多，再配沙律醬。好惹味all day breakfast: 入面有炒蛋，火腿，煙肉，腸，沙律菜，燒蕃茄，甜豆同窩夫。 一嚟到， 已經好自然嘩一聲，因為真係好大份。蛋炒到好滑溜。窩夫鬆脆可口， 再另加蜜糖。 燒蕃茄保留原有味道。卡邦尼意粉: 意粉唔會太淋， 口感煙韌彈牙， 而且