Mini Friday (The Wave)

营业中

休息中

星期五又到出街食飯的時間。要揾間未去過的又要適合髦毛公主的真係選擇不多，最後揾了間名叫"Mini Friday"的餐廳。位於新活化的工廈The Wave，一層有兩間完全不同的餐廳， "Mini Friday" 及 "米走雞"。兩者是打通，非常開揚，不知道是否同一集團。有live band 在 "米走雞"那邊表演，當晚表演者是「嘆佬（No Time）」音樂歌聲是不錯的。問題#1  在於雞煲火鍋店有Live band，有些格格不入。   "米走雞" 的客人比較多而且坐得密密麻麻，表演者的歌聲被食客的音浪蓋過。"Mini Friday" 面積比 "米走雞"少，枱之間都有足夠空間，用餐環境應該比較舒適。問題#2   與旁邊的餐廳沒有阻隔, 油煙及聲浪不斷湧過來……最大特點是門口位置有幾部飛鏢機，如果不計分數不用收費。問題#3  在於  "米走雞"是間雞煲火鍋店，油煙大的餐廳，做成地下有層油，非常危險。筆者就親眼目睹有店員送餐時滑低，真係危機四伏。2人餐 $398 包括沙律、餐湯、餐包及餐飲。另外有小食及兩個主菜，都叫做抵食套餐。沙律不太翠綠鮮甜餐湯是磨菇忌廉湯，味道不過不失，沒有驚喜。餐包溫度

今日難得收早，於是約左位係觀塘返工既朋友係附近食飯😊因為我地都鐘意食西式野，而且想搵間靜靜地既餐廳傾下計，所以就黎左呢間啦!商廈門口有好大個名!十分搶眼!一定睇到😂由地鐵站行去約十分鐘，十分近👍上到去職員帶我地坐張大抬!門口有四部飛標機!我最欣賞係個傘啲燈圍住好靚😍整間餐廳氣氛不錯!場內燈較暗，但枱有足夠燈光👍 仲有live band show, 絕對唔係好大聲，好嘈果啲，佢好輕好清既背景歌咁，聽落令人好舒服!食物方面，我地叫左個煙三文魚凱撒沙律,新鮮既沙律菜真係爽口，煙三文魚二大塊勁厚肉👍芝味肉丸，肉粒真材實料👍上面配埋芝士十分good fit!仲有薯蓉做底，痴左線咁好食。BBQ 豬仔骨，等佐好耐😆大大舊好厚肉，醬料酸酸甜甜，不過可能太厚, 食落有啲韌，薯條鹽鹽地送酒一流👍最後叫埋呢個蒜香海鮮意粉，有驚喜!都係全餐我覺得最好食!海鮮份量好足夠!蒜蓉真係見到一粒粒，絕對唔似用蒜粉做。每一啖都有忌廉同蒜蓉，意粉口感岩岩好👍👍👍👍我地另外再叫左杯茉莉菊花茶，但餐廳無曬茉莉花，只好改飲菊花茶(餐牌無呢樣野)份量加多左，都好香菊花味💕仲可添飲😋😋總括而言，呢間餐廳服務一流，每位同事都笑笑口，好

Not much service, waiter did not explain menu clearly. Took ages for the main course to arrive even after chasing up the order. Ordered steak, the presentation was ok but it was too salty. The dinner set seemed a good deal because it includes 2 drinks per set....but foodwise, I will not go back.

聽朋友介紹，話呢度價平，味道好。於是約老婆一齊黎試下。點知，7：00入席，等到8：00都未上頭盤。追單，waiter只是敷衍了事。8：30再追，都是話追緊單，足足等了個鐘半都未上頭盤，主菜。眼見隔離枱，後黎都已埋單走。終於8：35上第一道主菜，味道普普通通。都唔知為乜等咁耐。估唔到第一次黎，就有咁嘅不愉快經驗。以後都唔會再黎。

又去工廈開餐啦根據去工廈開餐經驗, 地方大乃是常識吧, 呢度亦唔例外, 昏暗燈光, 路線似走工業風呢度八點前都有HAPPY HOUR, 某酒類有買1送1優惠呢度仲有電子飛標機, 可以一邊飲野一邊測試下自己眼界, 用黎減下壓都不失為唔錯既玩兒!餐牌上提供小食, 沙律, 肉類, 意大利粉/飯類及薄餅, 選擇都算幾多點左呢個抵食二人餐 ($398), 包沙律, 2餐湯, 1主菜, 1意粉/飯類, 2餐飲先送上呢份田園沙律, 份量都夠二人分享, 加點黑醋汁撈均, 酸甜味道夠醒神!是日餐湯為南瓜蟹肉忌廉湯, 質感幾滑, 飲落原來仲有少量蟹肉, 增加口感, 味道有少許南瓜既甜味!身為芝士控的我, 呢客炸芝士條當然走唔過我既五指山, 香脆外皮包住內軟既芝士餡, 食起黎可以拉出絲既效果, 好味道!主菜點左呢客法式原隻烤春鷄, 以鐵PAN上可保持食物溫度, 伴以原個蒜頭及蕃茄及燒汁先試原味無點汁, 鷄肉烤完仍然可以保持肉汁, 可以唔點燒汁都夠味道而個鷄皮無脂肪, 烤得好薄脆, 食得安心!賣相精美既黑松露野菌意大利飯上枱啦, 飯粒索晒香滑醬汁, 配上有咬口既野菌, 食起時亦聞到黑松露既獨有香味, 幾方面配

Kwun Tong真係有好多商廈cafe，但大家真係要好好挑選！原本見呢間d comment都ok，所以去試，但對我黎講係可一不可再！環境方面係ok的，原來係同"咪走雞"同一間，不過分左2面！有飛標玩！但問題黎喇，呢到既野食原來都幾貴，平均都要$120以上，既然收得咁上下價錢，我當然都有返d期望啦！但係，我地落單後，竟然等左45分鐘都未有一碟食物！期間問左侍應2次，第一次話幫我地跟，第二次話唔夠人手！我都體諒前線員工，唔再難為佢地，但咁既價錢，咁既服務，已經大打折扣啦！終於等到我地既食物，我地叫左卡邦尼意粉，雞翼同意大利海鮮飯食物貌相已經好普通，意大利飯無記錯要$150多，但係份量好細，同我之前係其他地方食既差好遠！海鮮麻麻地新鮮！飯既汁唔夠creamy，唔似意大利飯，似普通炒飯！至於卡邦尼意粉同黑醋雞翼，味道普通！價錢同質素唔match!!係kwun tong有更多好質素既cafe，鼓勵大家選擇其他的！

我係open rice寫食評咁耐，都未試過有一間餐廳，可以令到我想俾佢。先俾個佢，原因係open rice度網上訂位，真係好方便，要改要轉要cancel，禁個制就得，所以前一晚book，之後準時到，重有積分儲，唔錯。訂八點，七點九就到左，安排坐係對面就係食雞嘅位置，坐落之後聽到有live band唱歌，都係加分位，可惜係朋友坐近雞煲果邊，走之後成頭雞味，都真係⋯⋯⋯⋯亦都可能後面食雞煲，冷氣開得尤其大，坐一陣都起雞皮。坐低就即叫野食，crab cake、西班牙炒飯同egg benedict，一心諗住crab cake係小食會好快，點知我地等到隔離枱（明明遲過我地入地坐低叫野食） 個crab cake都到左食完，第二個dish都上時，我地就追問點解重未有野食。侍應係有禮貌咁幫我check，原來漏左單，即入番，過多一陣，都係無野食來，個經理都入廚房幫我地睇，終於由落單到上egg benedict，差不多半個鐘，係個「飢寒交迫」嘅環境下，廚房要咁耐先出到貨，確實真係有進步空間，可惜，食物唔係熱，而且外觀上好似放左出來無人拎出來，第一啖放落口，只得暖嘅狀態，一刀切，蛋汁都「bip」晒出來，下低

難得今日大家都在官塘，所以我地又去試食新野。雖然無訂枱，不過餐廳夠大，所以一行10人walk in 都有位。一入門口就見又有擲標機，籃球機，下次得閒一定會黎happy hour 和hea. 午餐大約$80-180左右。做緊promotion 仲有12% off. 餐湯係忌廉蟹肉絲湯，再配餐包。主食要咗All day breakfast. 黑松靈炒蛋唔錯，個蘑茹都幾香。不過薯餅就炸得太硬。整體來說，食物不錯。不過飲品單成日miss,結帳又慢。我地等咗15 mins 先結到帳，明明走時已經無咩人。

星期日要返嚟觀塘區返工，好似無乜嘢食，搵左一間想食嘅餐廳，估唔到爆哂，要等半個鐘。最後就提議去呢間，好耐之前食過都叫有驚喜。星期日無乜人，得一兩枱有人，依家仍然有88折。朋友叫咗黑松露雜菌燴飯，煮得好好味，夠香，雜菌去水去得好好，夠入味，飯仍然係好多，而且煮得好好味。我就叫咗班尼迪蛋，味道就淨小小，太淡，配料用嘅菇明顯有別，包都偏硬。咬開，無乜蛋汁，係差咗小小。。。叫埋兩款小食，一款雞翼，出邊係勁濃嘅汁（唔係好食得出係咩味），還可以。另外叫左炸蕃薯條，朋友係第二度食過一款再好味啲，呢個就甜得濟，對我嚟講都係甜咗啲。。。今次有啲失望，價錢唔貴，不過同上次食係有分別，轉咗廚師還是失了準呢。。。？念在上次確實係好味，或者係唔啱口味，會再黎食嘅。

為慶祝老友牛一，請他去食飯，特別揀了這裏有live band的餐廳，一來食物質素不錯，二來價錢合理，三來大家喜歡聽歌。我們點了二人餐。忌廉磨菇湯：湯很濃稠，裏面有很多磨菇及蜆肉，非常足料。沙律：份量十足，沙律菜新鮮，加上我至愛的油醋汁，味道帶點酸味，零舍開胃。餐包：比較鞋，不夠鬆軟。炸芝士條：有8條，外脆內軟，一咬落去，芝士拉絲，但放涼很食裏面變硬，所以一定要新鮮食完。BBQ豬仔骨：離遠已經嗅到bbq醬味，豬肋骨醃得非常入味，肉質軟腍離骨，粗薯條炸得香脆。蒜香忌廉海鮮意粉：急凍海鮮完全無鮮味，但份量足料，加上忌廉汁調較得不錯，足以蓋過海鮮的雪藏味，意粉軟硬度適中。綠茶千層蛋糕：生日一定要食蛋糕，蛋糕目測最少有十層，綠茶味非常香濃，中間一層是紅豆溶，不會太甜，絕對有驚喜。總結：食物整體不俗，尤其是燒豬肋骨及綠茶蛋糕，價錢合理，加上有大半時間都有live band表演，絕對值回票價。

同事要離開公司了，看到有介紹mini friday走酒吧風，有飛鏢和籃球機可以玩，在觀塘挺近的就想著可以下午茶時間來玩玩飛鏢來一個開心的farewelk下午茶party！大概上午打電話問他們下午茶時段有沒有位，他們說有，不用book就可以直接過來了。來到的時候（觀塘下午可是很熱的，雖然只是一條街的距離，同事們來到的時候已經香汗淋漓了）侍應給我說今天。沒。有。飛。鏢！（內心os：那我為什麼要來？！？！？！）侍應在旁邊說因為地毯拿去洗了etcetc，我的腦子是嗡的一聲長響。飛鏢的位置都被桌子佔了。侍應還和我說為什麼你們打電話來的時候不問一下？下？來這裡難道來吃東西嗎？當然是來玩飛鏢啊🙄只有一台籃球機, 走廊有陣煙味傳出。。室內環境寬敞Truffle pizza係所有野中比較好食既AverageSoso蟹餅入面係青瓜蘿蔔，粉好厚，食完好滯

星期日比老闆急call返公司，朝早食了早餐直至晚上，餓到前胸貼後背，放工即刻飛撲去食飯。今晚去了觀塘THE WAVE的MINI FRIDAY，鄰近觀塘站B2出口的THE WAVE，之前都有曾經到這棟大廈內的餐廳食飯，大廈內有多國菜式的餐廳選擇。裏面有飛標及藍球機供客人玩樂。我們點了威靈頓牛柳及煙三文魚凱撒沙律。煙三文魚凱撒沙律沙律菜很新鮮爽脆，有4-5片煙三文魚，全部都幾大塊，另外還有很香脆的煙肉碎，整個沙律非常清新。威靈頓牛柳差不多等了45分鐘才上枱，店員解釋全部都是下單後才開如製作，所以需時，其實只要好食的，等就不是問題。外層酥皮焗得鬆脆，牛柳內裏還帶有粉色，牛肉味香濃，肉汁豐富，還有濃郁的黑松露等菇香，美中不足是酥皮埋口位較厚，以致那部份的酥皮未焗得透。另外蕃茄燒得香甜，能中和口中的油膩感。Tequila Sunrise有淡淡的酒味，比較似fruit punch，甜度中等。總括而言，食物質素中上，尤其是威靈頓牛柳比較有驚喜。另外現場有live band表演，氣氛不錯。

第一次食mini Friday,淨係環境已經好正，坐得舒服，隔離係米走雞live有歌聽架美國安格斯肉眼排 $228US Angus Rib Eye Steak牛扒煎香，色澤粉嫩，咬落非常juicy重有健康既配菜，牛扒配薯蓉味道真係唔錯墨汁軟蟹殼意粉 $139Squid-ink spaghetti with soft-shell crab食墨汁意粉永遠係犧牲色相既時候，每條意粉都沾上黑色既墨汁，不過煙韌程度岩岩好，鮮味好足，軟殼蟹雖然唔算香脆，但帶點鬆化既感覺，勁香。驚喜既係食到粒粒彈牙既墨魚仔黑松露雜菌薄餅 ＄88未食已經聞到勁重黑松露既香味，幾鐘意佢薄薄既餅底，好香脆，芝士濃濃既，重有火箭菜可以減膩添法式原隻烤雞 $176Roasted chicken烤雞好飽肚，睇得出花左唔少時間焗，入味之餘火候適中肉質一d都唔鞋，而且香草味突出

呢度環境好特別，除左連住米走雞，重聽到好好聽既live,有我最鐘意既長相廝守添芝味肉丸 cheese meatball $69賣相好靚,用芝士包住肉丸食味道唔錯,驚喜既係肉丸同薯蓉好夾,牛油香點綴左成道菜西班牙海鮮飯 Paella $185海鮮好豐富，有魷魚，青口，鮑魚，蝦等等，不過青口肉質比較鞋，蝦唔夠彈牙，加多d蒜蓉調味會更香。但勝在飯粒比較乾身，如果加d魚湯蝦湯去餚會更入味。法式原隻烤雞 Roasted chicken $176烤雞大大隻，要切有d難度，如果店員切做細件會更好但雞肉都幾嫩滑，淡淡香草味，落d檸檬汁感覺清新。用成個蒜頭做配菜都幾新鮮，番茄味道都唔錯，酸酸地幫助解膩美國安格斯肉眼排 US Angus Rib Eye Steak $228點完先醒起唔記得同店員講幾成熟出到黎大概7成熟，肉質軟腍入味，重帶點煙韌既口感醬汁有d類似燒汁，但感覺特別，似係自家製

返左成日工,又累又餓..放工同同事搵啖食經過一間野門口見到DONT WORK FOR MONEY,咁樣樣就上去食飯啦...聽講有間MINI FRIDAY有歌聽又係睇餐牌食飯時間是日叫左以下菜法式原隻烤雞,黃金蟹肉餅,西班牙海鮮飯等住有野食聽到有歌聲都唱得幾好,有LIVE唱歌...搞到我都想唱埋一份餐廳入面仲有遊戲玩等左一陣野食黎西班牙海鮮飯--好足料喎,D料仲要都好新鮮下,有青口,中蝦,細蝦,鮑魚都有一隻仲要係好食,唔係鮑魚菇.仲有帶子,都幾OK又唔油膩黃金蟹肉餅--好正好好食,好多蟹肉,入面仲包含洋蔥,紅蘿蔔等等配料,堅正,成個PACKAGE都好好食法式原隻烤雞--我用盡力將檸檬汁渣晒出黎,記住咁既做法令我後尾食雞更好食...燒雞雞唔油唔燶又香口,配料先係一流,D燒左既蒜林林地隻味更出,個質感勁似食薯蓉咁,一個字正