Mini Friday (銀城廣場) (已結業)

自己本第好中意食西餐，上個月系疫症最嚴重嘅時期，吾好話西餐，連其他菜式都少食咗好多😓去到呢家5月尾疫症嘅情況終於叫做好番好多，不過大家都要注意同埋時刻警惕⚠️之前同男朋友去過旺角銀城廣場嘅「日本野」，比我嘅印象都幾深刻，因為記得嗰度有款好好食嘅菜式不過之前已經打咗戈間餐廳嘅食評，今次就打佢隔離戈間餐廳嘅食評。個名都幾得意，叫「Mini Friday」裏面嘅環境非常有情調，一班朋友或者情侶黎都係一個唔錯嘅選擇。晚餐嘅價錢係百零至二百蚊，喺西餐黎講應該系正常至小小貴戈個範圍入面，同埋以肉類為主，對於食肉獸黎講會系恩典。最特別嘅一樣系，原本呢度有樣野叫「DIY PASTA」，首先可以選擇醬汁，然後系自選粉，跟住系配料，真系冇喺其他餐廳見過有呢樣野，系特別嘅大家黎到真系可以試試。良心食店，就當然有啲特別顯示到有良心嘅食物，呢度有呢份「時代抗翼」，真系夠曬突圍而出😂大家睇到啲名都會明曬系點嘅一回事～味道方面，就分別系柚子、鹹蛋黃、辛辣同埋胡椒。首先叫咗個是日餐湯，我哋事先吾知個湯系咩湯，嚟到先知係雜菜湯。呢款湯比較特別嘅係，佢唔似平時啲雜菜湯咁剩係得蔬菜，裏面仲會有啲青豆，食落去發覺都幾啱小朋友食

Happy Friday 放工後同朋友去旺角揾食近排Mini Friday好出名 好多人專程book位試 今晚walkin 去Mini Friday 等左大概5分鐘就好快有位啦餐廳環境都幾有情調啊 有唔少食客都慶祝生日Dinner Set唔算太貴 包咗沙律🥗、餐湯、飲品餐湯係雜菜湯 質素唔錯 同朋友決定叫一人一份我叫咗香烤美式BBQ豬肋骨 $188性價比高👍🏻用BBQ醬燒嘅豬仔骨都幾入味 鍾意呢度嘅BBQ醬甜甜地 但唔會好油膩豬仔骨肉質都幾嫩滑🤤唔會燒到乾爭爭 配菜有黑松露薯蓉 幾香黑松露味啊 好味朋友叫咗香烤澳洲羊架 配 薄荷燒汁 $238份量都幾多啊 有3件羊架 朋友share咗一件俾我試下羊架7成熟 燒到好惹味🤤 食落去好juicy 沾一下薄荷燒汁 羊味更特出！ 鍾意食羊嘅朋友一定鐘意🥰

之前係呢間西餐廳食過佢地既即製梳乎厘班戟配雪糕之後, 我講過一定會再黎食架!!!6點幾入座都開始多人喇~~每張枱都隔得幾開, 坐得好舒服呢餐牌都有唔少選擇喔~~好豐富呢!!main, snack, dessert, drink樣樣有~~有dinner set揀添丫~~SET有沙律, 湯, 主食, 飲品, 加$1仲有甜品優惠價一齊抗翼餐前小食有脆脆片~~香口又脆, 好好味喎套餐沙律 & 羅宋湯胡椒雞翼 $584款雞翼都好吸引呀!!!最後揀左最少食既胡椒雞翼胡椒味唔算好重, 連埋蜜糖煮好特別~~味道唔錯!!~ 下次要食埋其他味先得香烤美式BBQ豬肋骨 $188豬肋骨夠晒入味~~肉質軟硬度適中, 咬落仲好JUICY添豬肋骨有質素又有水準卡邦尼扁意粉 $98芝士同蛋味濃郁, 每條意粉 都黏滿醬汁~~扁意粉軟硬度剛好, 有口感之餘又唔會太淋仲有一隻溫泉蛋丫, 超滿足喔!!即製梳乎厘班戟配雪糕 $108終於又可以食到我超期待既甜品喇!!!呢道既梳乎厘班戟配做得好出色~~個種入口即溶既感覺真係超難忘配埋cream同雪糕一齊食簡直冇得頂呀!!!!!超好味丫!!!必食之選!!!

今日同朋友一齊食飯 俾時代抗翼吸引左去左Mini Friday 一試究竟一嚟到就見到枱上面有大大塊既跪片 準備好 似係餐前小食 都幾香脆我哋食咗個是但餐湯係雜菜湯嚟幾開胃 之外仲叫左碗黑松路菌湯 無加忌廉唔係creamy個種 但幾清香菇味同飲落啖啖都係菇顆粒 叫咗個皇牌威靈頓牛柳 蘇皮焗到色水幾靚 外皮幾香口 裡面包左d菇菌 同平時既威靈頓牛柳有分別 牛柳介乎起六七成熟之間 肉質幾軟熟 食落有鹹香 味道不過不失 幾推介佢個香草牛油焗田螺酥盒 酥盒好香脆裡面牛油焗田螺好香濃 兩者加埋幾惹味 嚟到當然想食下佢既時代抗翼 叫咗兩款 叫維尼雞翼既係柚子蜂蜜味 同埋黃到金雞翼就係咸蛋黃醬雞翼 兩款雞翼淋醫都好豐富 味道好鮮明 雞翼口味調得幾好又炸得幾香脆 都唔錯我地仲叫咗個龍蝦西班牙海鮮飯 賣相幾吸精 佢個size真係超級重量級 幾個人share都夠 不過佢同傳統嘅西班牙海鮮飯有出入 飯係比較乾身似焗飯啲炒底既炒飯咁 如果平時鐘意食乾身炒飯既應該都會去欣賞 最後再叫埋個甜品 叫咗個即製梳乎厘班㦸配雪糕 班戟唔係實在個種而係幾有空氣感嗰款 入口即化幾綿密 口感似食緊泡泡 幾有雞香食到好飽都食得落夠

今晚同朋友聚餐，朋友介紹銀城上面有間唔錯嘅西餐廳，於是上去試吓。入面坐位唔迫，都坐得幾舒服。叫咗個set dinner,有湯，沙律，主菜，餐飲，仲可以加1蚊有甜品食。餐湯係羅宋湯，都幾足料，有好多豆同紅羅白，個湯好濃郁，酸酸地幾開胃。田園沙律，d沙律菜好新鮮，個沙律汁酸酸地，好開胃。黑松露忌廉花膠燴雞排，個忌廉汁好香黑松露味，個汁好creamy,雞排煎得好香，加上花膠，好有中西合壁嘅感覺，仲配埋著菜，食呢個排已經好夠飽。溫泉蛋菠菜大啡菇，一切開，d溫泉蛋汁湧出黎，隻蛋冇overcook,大啡菇好厚好大隻好juice，上面釀咗好多菠菜喺上面，好健康，好好食。意式辣肉腸帕爾馬火腿薄餅，呢度嘅薄餅個餅底好薄，脆卜卜，上面d 芝士勁多，加埋帕爾馬火腿一齊食，好甘香好好食。黃金雞翼，原來係咸蛋黃雞翼，個雞翼皮脆卜卜加埋d咸蛋黃醬佈喺面，好惹味，好香咸蛋黃味。加1蚊有甜品，朱古力泡芙，細細粒又幾好食，涷冰冰好透心涼。

今次朋友生日同佢食西餐慶祝 呢度氣氛不錯 都好岩情侶黎約會未叫野食枱面已經有小食 岩晒大家邊食邊睇menuDIY pasta 餐既抵食又有創意 $158又有前菜、餐湯、DIY pasta同埋餐飲由醬汁、粉到配料都係由你自己簡 非常個人化餐湯係羅宋湯 用黎配埋餐廳送既小食墨西哥脆餅都好夾前菜沙律方面，沙律菜都新鮮 食落幾開胃DIY pasta- 溫泉蛋芝士忌廉大啡菇闊條麵呢個配搭都唔錯 一般食大啡菇都係當小食 成個焗再配上芝士今次配上闊條麵令到大啡菇既香味融入 推薦另外仲叫左差不多每一枱都有叫既威靈頓牛柳佢既酥皮非常鬆脆 牛柳同酥皮中間既磨菇都夠 牛柳亦夠鬆軟薯蓉方面我覺得幾出色 煮薯蓉既時候有落到磨菇汁 令到成個薯蓉更香連平時唔鍾意食薯蓉既朋友都話正最後仲加左$1有一件甜品

最近好少出街食飯早幾日出開旺角行過銀城先發現原來樓上有餐廳原來💛 Mini Friday就係銀城樓上二話不說入去💪🏻Lunch價格唔高食物質素都有水準加上環境好舒適可以好休閒咁食個lunch享受下片刻嘅寧靜同朋友一人叫一個lunch set有湯有飲品一百蚊都唔洗嘅西餐性價比超高一上檯，估唔到盲鱨魚原來好大份差啲食唔哂😂配埋個檸檬🍋汁好好味😋牛扒煎得岩岩好有少少肉汁連埋飯一齊食個餐仲可以跟飯/意粉/薯菜幾十蚊嘅西餐好抵食！

唔係Friday不過黎左Mini Friday食飯，原來d野都幾抵食👍🏻————————🔸黑松露啡菇水牛芝士薄餅 $148黑松露味就冇乜啦，不過芝士同菇都好多！而且個pizza係薄批，焗得好脆，每人食兩塊都唔覺得滯。評分：🌕🌕🌕🌕🌘-🔸咸蛋黃薯角 $68鹹到痴線，食完唔知會唔會有腎病，同埋唔係好食到鹹蛋黃既香味😰評分：🤢🤢🌑🌑🌑-🔸維尼雞翼 $58其實即係柚子雞翼，炸得幾香。但太多柚子蜜，好甜，撥走少少柚子蜜食就ok。評分：🌕🌕🌕🌑🌑-🔸溫泉蛋芝士忌廉煙鴨胸意大利粉 (set) $158幾鍾意佢個DIY Pasta Set，一定會揀到自己鍾意食既意粉。意粉唔錯，忌廉唔會太膩，不過我鍾意麵質硬d既，但朋友話好食🤓評分：🌕🌕🌕🌖🌑

Mini Friday係一間多國菜餐廳 主打西餐菜式 裝修格調以吊燈為主 滿天星星 燈光好柔和 都幾有情調☺️.👉🏻火焰脆燒德國鹹豬手($238)呢個菜式幾出色😽食得又睇得！Show time👻店員首先會為豬手點火 等我地打完卡 就拎番入廚房切好再上枱豬手個外皮好脆 啲肉都幾嫩滑醬汁係芥末 我同朋友都覺得加蜜糖會更入味～.👉🏻黄到金雞翼($58)雞翼上有粒粒鹹蛋黃碎 食落爆汁又有鹹蛋黃香🤪都幾有驚喜.👉🏻日本南瓜野菌露荀闊條麵($138)南瓜、野菌同露荀配料 好豐富食落都幾有南瓜香味 但闊條麵質過於軟身———————————Mini Friday旺角西洋菜南街2號銀城廣場9樓

朋友話防疫期間日煮夜煮 都要出街尋覓下美食既 今日就揀左係旺角銀城廣場9樓MINI FRIDAY試下午餐 原來同層有日本野食 一入門口侍應會問食西餐定日本野 我一心食西餐 當然揀西餐 餐廳燈光柔和 環境開揚 坐位寬敞 有吾少座位仲可以望到街景 放鬆心情和三五知己聚會確實一流 點了二份Lunch Set，套餐包括湯、主食及飲品一杯，價錢合理燒紐西蘭肉眼扒配黑松露燒汁肉眼扒厚薄剛好，叫了七成熟切下去還看到粉紅色，肉汁豐厚配上黑松露燒汁，口感超正完全不覺得韌黑松露忌廉牛柳粒焗飯黑松露既香味加埋個忌廉汁 令到個焗飯又香又滑 加埋芝士飯中間仲有D蛋 口感豐富 牛柳粒不會因為焗既關係就韌 今次試過午餐下次就黎食晚餐 晚上加上燈光同環境應該會仲舒服

星期三，對於我和男朋友就是一個Mini Friday。來到一個星期的中間日，心情一定感到輕鬆一點，很快就到週末。男朋友中午已經提議了是日晚餐，正合星期三的主題，就是「Mini Friday」。這間餐廳我聽過很多朋友推介，但我自己又未曾食過，正好今日可以順道與男友嘗試一下。一坐下，Mini Friday 就提供了免費小食，我看餐牌前已經差不多食完，點餐這個功夫就留待男朋友處理吧。他提議每人點一份Dinner Set，再加配一份「時代抗翼」，被這個名字吸引着。⧁ 1. 餐湯、沙律每一份Set 均配有是日餐湯和沙律。⧁ 2. 黃到金雞翼「時代抗翼」系列中，我們挑選了「黃到金」口味。Mini Friday 在食字方面已經取得滿分，而雞翼方面亦都充滿豐富鹹蛋黃醬，雞翼炸得香口爽脆，吃得出浸浸鹹香味。我亦都看到，很多食客都支持「時代抗翼」這碟小食。⧁ 3. 香烤美式BBQ豬肋骨男朋友知我今日不可以食牛肉，所以點了一份 Pork Ribs。豬肋骨一共可分為四支，燒烤醬的味道相當濃烈，配上薯蓉後，非常滿足。⧁ 4. DIY Pasta我就揸主意點了一個DIY Pasta，非常喜歡一些可以自己挑選材料和

難得同我朋友都放假，就中午出去食個lunch傾吓計，心情都開心啲啦！朋友仔就話旺角銀座廣場零零丁丁有一層樓係做餐廳，有西餐亦都有日本菜，個景觀都算係OK，價錢性價比高，咁就一於中午去試一試。Lunch Set價錢介乎$48至$98 ，豐儉由人。雜菜湯味道比較濃，也有不少的蔬菜喺裏面！炭燒香草羊扒配紅酒燒汁 （飯 / 意粉 / 薯菜）$98燒紐西蘭肉眼扒配黑松露燒汁 （飯 / 意粉 / 薯菜）$98兩款都好快就上菜，質素仲要唔錯添喎！羊扒香味十足，而且仲幾juicy，加埋個意粉真係好match～ 燒紐西蘭肉眼扒都幾大件夠抵食，又唔會好鞋，薯菜方面就係薯蓉，甜甜地都幾香滑！熱情果香蕉沙冰+$48草莓牛奶沙冰+$48啲沙冰要來打卡一流，分量十足，而且擺位好靚，味道都唔錯，我個杯草莓味都幾突出，仲有啲棉花糖增加口感。

一坐低就送上一份脆片，之前睇其他食評見到有醬點，但我地今晚就無，就咁食都幾香口，好似酒樓飲茶送粥果d薄脆，細個真係會為左薄脆而叫碗粥黎食。🍴黑松露忌廉花膠燴美國雞扒 HK$168晚餐包主菜、沙律、餐湯同餐，仲可以加一蚊換是日甜品。第一次見花膠配雞扒，覺得幾新奇，於是叫黎試下。黑松露忌廉汁唔算膩亦唔會太甜，幾岩我口味。花膠有兩塊，唔算厚身，幾軟滑，但唔夠黏口煙韌，本來無預過會食到靚貨，所以質素算係咁。雞扒好厚，入面夠熟，幾滑。🍴火焰脆燒德國鹹豬手 HK$238店員即席火燒豬手，然後再拎入廚房切開。燒過ge皮果然特別脆口，仲無咁油膩，豬手肉幾腍，外脆內嫩，雖然肉汁唔算多，但點埋蜜糖芥末醬就夠晒濕潤又好食，而酸菜就酸左少少。🍴凍朱古力 HK$38朱古力味唔算好濃，但都好過唔少餐廳茶記。🍴是日甜品（跟餐）  HK$1是日甜品係朱古力泡芙，一啖食完，一蚊過下口癮都唔錯。整體份量偏細，兩款主菜只係跟左少量配菜，正常食量ge話可能岩岩好甚至唔夠飽，如果搭多幾條薯條會好d。另外，餐廳呢期推出左四款「時代抗翼」，包括「維尼（柚子蜂蜜）」、「黃到金（鹹蛋黃醬）」、「催淚（辛辣）」、「胡椒（胡椒蜜糖）」，但

要過一個Happy Friday 梗係嚟到Mini Friday，今日同朋友慶祝生日去到旺角銀城廣場樓上有一間西餐廳好出面，聽講呢間西餐廳以前都好出名，我有好多朋友都推介過，今次真係來一次實地考察。由於仲係疫情嘅關係，枱與枱之間都有1.5米距離，等食客食得更安心。本身都有諗過叫二人餐，但係發現原來晚市套餐更為吸引。首先點左個芒果黑松露鮮蝦沙律，冇諗過係咁吸引㗎，藍色嘅冰鎮倒模將沙律承載著，沙律有一個固定形狀，食落口感好新鮮，芒果酸酸甜甜仲帶有黑松露嘅香味添。之後再叫咗黑松露花膠煮年糕，我覺得呢個幾特別，好少人會想到用黑松露去配搭花膠，仲要炮製出煙煙韌韌嘅年糕，竟然覺得完全毫無違和感。套餐方面我哋點左香烤美式BBQ豬肋骨同埋紐西蘭肉眼扒， 我同朋友互相分享兩者都幾好食，豬肋骨正正常常，加上BBQ醬香濃又滋味。最後不得不提這個即製梳乎厘班戟配雪糕，是我全晚最期待的部份，它即叫即整需時15分鐘，到達時香噴噴，班戟空氣感十足，烤過後更香甜，加上少許的淡忌廉和士多啤梨雪糕真是值得令人期待的。

銀城喺我印象中一直都係整電話嘅地方，原來樓上除咗office外仲有食肆。餐廳裝潢充滿西式情調，配以柔和慵懶嘅燈光同舒適嘅梳化座椅，無論三五知己聊天小聚、又或係情侶撐枱腳都適宜。價格走親民貼地路線，lunch set包餐茶餐湯都只需$48-98免加一，比平民始祖花園餐廳更平價抵食。餐湯為羅宋湯，對平常食得清淡嘅我嚟講略微偏鹹，勝在湯料雜菜多，蕃茄味亦夠。咖啡苦而不澀，帶烘焙香，口感滑身，以普通餐茶比較質素絕對合格。朋友點嘅焗飯，上枱已聞到強烈嘅松露香，牛柳粒有十幾粒，$68估唔到咁足料。鹹香嘅芝士同飯粒中夾雜嘅蛋件令焗飯口感豐富不少；飯粒選用咗珍珠米，圓潤且有咬口，硬要挑剔嘅係忌廉汁偏稀，無預期咁creamy，好處係唔會越食越覺膩。我order嘅三成熟肉眼，燒汁同樣偏濃味，但黑松露唔太明顯；反而伴碟薯蓉松露味突出，口感好綿好滑，又無牛油抑味。牛肉質量過關，筋唔算多，唔會好韌，肉質偏嫩，以呢個價錢嚟講有驚喜