Mini Friday (銀城廣場) (已結業)

自從肺炎之後，每次都好期待同珍惜出街食飯的機會。今晚同朋友仔來到旺角好高評價的西餐廳「Mini Friday」嘆返餐。餐廳燈光夠柔和，氣氛浪漫。一坐低，已經奉上一籃脆片。一路睇餐牌一路食。我地點了一客 Set Dinner，同埋一客自選意粉。不得不讚凡是，自選意粉的自由度很高，醬汁、麵類、配菜，加配食材全部自由配搭。Dinner set 有田園沙律、是日餐湯、餐飲。沙律酸酸地，幾清新開胃。「黑松露忌廉汁，雞柳，龍蝦，扁意粉」。一上菜就聞到黑松露獨有的香味！龍蝦真係好大隻好吸引，而且爽口彈牙，夠新鮮。每條意粉都煮得軟硬適中，配搭埋好香，好 Creamy 的黑松露忌廉汁，真係每一啖都食到雪雪聲。「香烤澳洲羊架配薄荷燒汁」。羊架有三件咁多，肉質鮮嫩可口，咬落去有肉汁，食到我哋津津有味，無令我失望！是日甜品，係精緻的朱古力布朗尼蛋糕。晚餐以濃濃的朱古力味作結，真係恰到好處。

✿╮❤╭✿ ✿雜感女生   好味日記✿ ˚*•✰。Mini Friday．Jazz中細味情調。✰•*˚ ✿✿小資女的Dolce Vita✿✿ ❤餓底飯聚．食勻全世界❤ ❤吾係POL - Peggy On Line．Proof Of Life❤❤ 朋友想吃西餐，又身在旺角 想起上次經過一家頗有情調的西餐廳於是上銀城一吃，抹搓手液消毒 非常衛生細心餐廳裝修雅致，卡位舒適寬敞 晚市套餐抵食，又有DIY意粉套餐 菜式選擇很多，聽著Jazz，感受悠閒，慢慢點餐我們點了2個主菜 1.香炸美式BBQ豬肋骨 2.磯燒紐西蘭牛肉眼扒配黑松露燒汁田園沙律好特別，竟然配了大粒爆珠 口感和滋味是意想不到的夾！今天大家都是食肉獸，吃西餐主要是來吃肉肉 美式BBQ豬肋骨，好有肉感與骨香 配上幼滑薯蓉波及雜菜份外惹味紐西蘭牛肉眼扒點了5成熟 肉質嫩，口感好，肉味濃 黑松露燒汁又帶出濃香的滋味 更加多了一份滿足非常有層次最後來杯即磨咖啡 是夜的飯聚，非常寫意 在疫情之中，以美食撫慰人心 是最佳選擇小評： 味道：★★★★☆ 環境：★★★★☆ 服務：★★★★☆ 衛生：★★

疫情下出少左好多街，相對食飯budget同埋想食好野既心都高左今日同男朋友決心試下一直都好想好想食既Beef wellington 知道好幾間有得食既餐廳都要至少預早一日預訂Mini Friday只需要等半個鐘就得，確實幾方便👍🏻晚飯時間到，已經有食客等緊位入到去，餐廳幾大，走西式設計，裝潢幾有情調座位夠闊落，梳化幾舒服，可以好好enjoy呢餐菜單選擇唔少，賣相全部都好吸引不過今日我目標明確，好快落左單叫左beef wellington and set DIY Pasta以香口既脆片代替麵包，個人幾欣賞呢個安排首先普通餐包味道普通又飽肚呢個脆皮雖然唔係熱辣辣，但食落仲係非常香脆可以開到胃又唔會飽肚影響食量唯一小問題係有幾塊比較油意大利粉跟餐所以有湯同埋湯律湯無得揀少少失望，但飲落味道幾好非常非常多料，翠魂瓜，豆，洋蔥🧅，甘荀，蕃茄，薯仔🥔係好咳料好有誠意既羅宋湯味道剛好唔會太酸又唔會太淡沙律個人幾鐘意佢個意大利醋酸酸地夠開胃 配新鮮既沙律👍🏻我地揀左 黑松露忌廉汁 + 闊條麵 + 雞肉 + 大啡菇加多個餸+$10 唔算貴黎到賣相十分不錯👍🏻而且份量唔少上面既芝士溶左之後微微拉絲入口香濃

雖然疫情嚴重，但係屈咗喺屋企咁耐點都要帶媽媽出去食下好嘢，今次就揀咗呢間 Mini Friday入到去坐低已經見到枱上面有一盤小食，我哋叫咗香烤澳洲羊架配薄荷燒汁 dinner set 同埋千島海鮮薄餅新鮮嘅沙律和羅宋湯，配埋脆脆薄片做前菜，唔錯香烤澳洲羊架配薄荷燒汁，我哋要咗七成熟嘅羊架，肉質鮮嫩，有少少騷味，啱曬我媽咪嘅口味，配菜嘅茄子翠肉瓜粒和黑松露薯蓉都非常好味，特別係散發住淡淡黑松露幽香嘅薯蓉，有綿密嘅口感千島海鮮薄餅，大大隻嘅蝦，魷魚，加上三色椒同埋香草，配上濃濃嘅千島醬，係我嘅最愛，加上佢係好脆嘅薄批，味道和口感都一流！飲品方面我哋叫咗菠蘿汁同埋橙汁，而最後嘅甜品係布朗尼朱古力，厚實嘅質感加上香濃嘅朱古力味，為今晚嘅晚餐畫上圓滿嘅句號，下次要帶我老婆嚟食

閨蜜今個月生日，我一早就已經開始問定朋友有冇好食嘅餐廳介紹。其中一位介紹咗呢間餐廳俾我•Mini Friday •佢話呢間餐廳個威靈頓牛柳整得好好食而且餐廳環境氣氛不俗。🥰餐廳燈光柔和，播放令人放鬆嘅音樂，而且空間感幾好唔會覺得好逼。氣氛好浪漫，非常適合慶祝紀念日或者情侶約會。第一眼就睇到呢個優惠🙈因為咁岩我身分證號碼都冇「2」同「3」呢兩個字😛，真係好好彩，晚市全單可以八折🥳一坐低侍應就會俾盤脆片你，等你可以一路食住一路捻食咩好😋啲脆片好香口，完全忍唔住食完一塊又一塊🙈（脆片係免費架😆）我係一心諗住試佢個皇牌威靈頓牛柳，所以都冇考慮到佢個晚市套餐。最後我哋决定嗌皇牌威靈頓牛柳、南瓜闊條麵同埋海鮮濃湯。首先黎嘅係海鮮濃湯～以龍蝦🦞湯做底配上蜆、蝦、魚塊等海鮮配料😋龍蝦味濃郁👍🏻再黎嘅係皇牌威靈頓牛柳👑落單嘅時候侍應已經有提醒食客酥皮入邊嘅牛肉大約只有四成至五成熟，再問食客可唔可以接受，感覺好細心🧡外層酥皮香脆酥軟，食落有陣蛋香味😋內層除左有牛柳之外仲有一啲炒香左嘅蘑菇，口感層次豐富。最後上嘅係南瓜闊條麵🎃用新鮮嘅南瓜配上野菌和露荀，非常健康清新嘅配撘，食落一啲罪惡感都冇😜闊條麵咬落有嚼

想試呢間餐廳好耐 見到呢排疫情好似有改善 就同呀媽黎食好西XDD 入到黎覺得好令 好多大玻璃窗 入面燈光都好舒適我地叫左2個set dinner 首先係黑豚西冷配藍莓燒汁 第一感覺係好厚!! 但裡面係完全整得熟 又唔鞋架 其實仲好滑好爽口 外面有少少煎香左嘅油 咬落去係香氣大爆發😍 佢亦都配左一球薯蓉同埋少少燴雜菜 食左感覺balance番 有咁大罪惡感🤣然後叫左set diy pasta 可以自己配汁 粉同配料 我用左溫泉蛋芝士忌廉 risotto 菠菜 煙三文魚嘅組合 忌廉好夠creamy 加埋溫泉蛋篤開蛋漿撈埋 口感好滑 好有滿足感😍然後就係比我發現原來佢係黃店嘅小食🤪 佢有四款雞翼 每個名都有含義架 揀左維尼雞翼 係柚子蜜味😋 好香甜 正最後要推介唔係周圍都有得食嘅souffle pancake💜 好軟滑 大大碟 2個人share perfect! 仲配上生果同雪糕 為晚餐畫上一個完美句號😉

唔肚餓但攰攰地，想搵個地方坐底食少少野傾下計。搵左銀座Mini Friday 坐下，Mini Friday 環境幾靚，天花有啲燈飾又有吊燈，都幾有情調，滿天星甘。一坐底餐枱上已經有一籃墨西哥脆片，好脆好香口，一塊接一塊甘食，唔得要等杯野飲黎先！我地叫左皇牌威靈頓牛柳、海鮮濃湯、梳乎里、椰奶菠蘿smoothies 。海鮮濃湯無得頂，裏面材料十足，蝦肉，蟹肉，石斑，蜆肉，真豐富。皇牌威靈頓牛柳一聽就知係餐廳既皇牌菜式，香脆酥皮包著肉嫩多汁的威靈頓牛柳，牛味香濃，配菜都好味。梳乎厘份量十足，蛋香濃厚，軟綿綿香噴噴。椰奶菠蘿smoothies 都好滑，椰香十足，配菠蘿口味清新。係度過左一個輕鬆既晚上。

旺角有好多樓上餐廳近日小編係旺角覓食就試左一間樓上西餐🥂.🍝DIY pasta餐廳可以比客人自選pasta 🤘🏻小編就揀左雞柳 啡菇 黑松露忌廉汁配闊條麵🍝黑松露味都幾出 闊條麵軟硬適中 幾有口感所有套餐都會有埋餐飲 沙律 湯同甜品 總體質素都唔錯👍🏻.🥩皇牌威靈頓牛柳皇牌菜色 緊係要試下可惜包住牛柳既酥皮略嫌有啲冧令到口感有啲失色🤔不過好在牛柳都幾juicy 生熟度又岩岩好口感同味道都唔錯 為菜色搶返啲分數🤙🏻.🥚溫泉蛋菠菜大啡菇大啡菇上面釀左芝士菠菜同溫泉蛋🍳口感多重又唔會太heavy加上多汁健康 味道不俗👍🏻

今晚唔係friday，但去咗餐廳 Mini Friday 就好似Friday night咁輕鬆。餐廳環境舒適，坐在窗邊卡位有情調🌃💕 芒果黑松露沙律$98超驚喜嘅菜式，沙律以冰雕盛載，美輪美奐。芒果鮮甜，沙律有香濃嘅黑松露味，裏面嘅蝦同洋蔥粒好爽口😋💕 龍蝦蕃茄意粉$168 意粉上有半隻龍蝦肉質彈牙，意粉伴以蕃茄醬同大量蘑菇，幾健康。💕 梳乎厘pancake配雪糕$108梳乎厘pancake好鬆軟，彈下彈下好得意。💕 紅棗桂圓茶$68好大壺，配西餐食可以去掉油膩感，係養生飲品選擇。

好耐冇出旺角食飯啦!今晚同朋友來到這間我也很久沒有來的餐廳吃晚餐!餐廳比從前細左少少，但環境仍然舒適，我們坐的卡位可以看到窗外旺角的夜景。餐牌上有多款食物可以選擇，亦有晚餐，晚餐除了有主菜，也有沙律、湯和飲品!湯是雜菜湯，內有很多蔬菜，酸度剛剛好!沙律很fresh，配有爆珠，口感特別!胡椒雞翼，這款新出的雞翼味道都不錯，有香濃的蜜糖味，上面灑滿黑椒，甜甜辣辣，十分惹味!法式紅酒燴羊膝，羊膝都算大隻，有淡淡的羊羶味，配上紅酒汁味道更鮮，肉質夠冧。還配有炒雜菜，酸酸味味，十分開胃。薯蓉配上紅酒汁，味道美味!皇牌威靈頓牛柳，第一次食威靈頓牛柳，口感特別!外面的酥皮很鬆脆，在牛柳和酥皮中間還有夾著蘑菇，味道鮮甜。而牛柳大概7成熟，牛肉很鬆軟，牛肉味濃，還配有牛肉汁，令牛肉味更突出。看上去份量不多，但食落會很飽，還配有薯菜，十分飽肚。這裡的威靈頓牛柳較出面的便宜，而且味道也不錯，有機會要再來!

今次係我第二次黎到Mini Friday, 呢間餐廳對於我黎講有特別意義架!!佢既裝修好有情調, 而且坐位都好舒服事隔左差唔多一年再黎, Menu都有加入左唔同既菜式而家有自選意粉set同埋另一邊既dinner set, 都幾抵食!!仲推出左時代抗翼, 有4款唔同口味雞翼我地叫左維尼雞翼, 即係柚子蜜雞翼, 雞翼新鮮熱辣仲好juicy, 配埋甜甜既柚子蜜的確幾好味另外叫左個自選意粉set, 包括左餐湯同埋沙律我揀左溫泉蛋芝士忌廉大啡菇闊條面另外仲額外追加左帶子同鵝肝, 肥美既鵝肝真係令人流哂口水, 煎香左既帶子都非常鮮甜!!果然keep住水準!!

我食得牛啦🤩🤩🤩我回歸啦呢到有set lunch有a la carte唔需要有規限食死一樣嘢 我就梗系要牛扒 老公就要左份set lunch香煎盲糟栁 放假半日拍下拖幾嘆😏🥳🥳🥳嚟到 喺久違嘅rib eye🥩🥩🥩呀 medium啱啱好 二邊燒到剛剛好 焦香 試埋份盲糟柳個香草檸檬汁🍋好搶味 令到份魚更奶油香份餐跟左湯同一杯咖啡 ☕️☕️唔知做咩呢排日日都飲一杯咖啡😅😂重點來了 原來而家做緊一個優惠 就係如果你身分證號無2同3號 set lunch 🥙 系買一送一呀 😝😝😝😝我蠢仔左無留意到 不過不過我份單點牛扒系好大嘅又好好食😋都無咩嘅 下次再享受呢個優惠😄😄

而家日日都向屋企，無得周為去玩，唯有食返啲好野滿足下。今日晚餐食西餐，餐廳防護工作都做得好好，加高晒啲圍板，除左減底細菌傳播機會，重大大增加左私人室間感👍🏻👍🏻枱與枱之間距離好離，亦都無咁嘈吵👍🏻我地叫左幾樣野食同埋一壺花茶，價錢算實惠👍🏻凱撒沙律加煙三文魚，三文魚好新鮮，咸味適中，配上特製沙律醬，食完會好開胃海鮮濃湯名副其實，海鮮味好濃，入面有大蜆，蟹肉及魚柳，有得飲又有得食，餐前吾錯既選擇👍🏻美國頂級肉眼排，肉質鮮嫩，7成熟，充滿肉汁，牛肉味都算香濃😍配菜有薯蓉，加上牛肉既肉汁，非常好味👍🏻最後我地叫左一壺花茶，一路飲，一路傾下計，好好既享受，亦都有助消化。呢啲時間，人人都要食野，所以空間夠大，衛生，的確係用餐首選👍🏻

午餐本來就平 仲要有半價或75折再加碼送雞翼真係平到呢～～～湯不過不失啦黑松露忌廉汁牛柳粒飯個炒飯底幾香牛柳都幾多皮炸得夠脆，汁甜甜地幾開胃好大一條魚柳，但係個汁冇乜味兩個餐送咁多嘢計埋折扣都係80幾蚊兩個人抵到爛啦！冇乜嘢可以再挑剔啦

第一次食Mini Friday原來都係牛扒控既同伴已經黎過食5, 6次今次陪佢再黎未到餐廳佢已經諗定左一定要再食呢度既牛扒我揀左香草燒牛小排配蜜糖燒汁牛小排(即係平時我地叫開既牛仔骨入面既第6至第8條肋骨)有三大舊牛味好香好濃肉同筋都唔硬香草份量適中能夠帶出牛肉既香味之餘又唔會有肥膩感我鐘意牛小排係因為佢係肉，筋，脂肪都有既部位肉既鮮味脂肪既香加埋筋既咬口啱曬我呢個食肉獸佢就揀左最鐘意既炭燒紐西蘭牛肉眼扒配黑松露燒汁識食一定係叫medium rare肉眼扒既最大特色就係部位夠淋對於牛扒既生熟度廚師掌握得好好性格比高柚子雞翼既蜜糖甜甜地幾開胃都唔錯㗎唔知大家又有冇鐘意既扒房呢？