Mini Friday (銀城廣場) (已結業)

去吃飯難得沒有開車，點了一支紅酒Aguaribay Malbec（$298），酸度適中易入口。香草牛油焗田螺酥盒（$88）田螺一向不算是我最喜歡吃的，但酥皮做得蠻鬆脆！催淚雞翼（$58）非常惹味，不算太辣，適合不同年紀的人吃。蒜香炒雜菜（$58）蒜味重，不會過熟，而芒果黑松露鮮蝦沙律（$98）賣相很好，芒果鮮甜，整體連上鮮蝦、玉米等食材口感豐富，黑松露沙律醬也夠濃郁。皇牌威靈頓牛柳（$298）烹飪時間掌握得很好，熟度恰好，非常鬆軟，酥皮稍微偏薄。另外配上了醬汁、番茄雜菜及薯蓉，不錯！

琴晚約左我的好朋友在旺角食飯，現時疫情好耐都唔聚下，當然想搵個好地方慢慢嘆，慢慢食，好好傾😜❤️在網上介紹，見到銀城廣場9樓有間Mini Friday西餐廳，環境唔錯呀，坐得闊落又舒服，兩個人傾計絕不會被隔離枱打擾，正呀👍🏻👍🏻餐廳和其他美式餐廳好相似，都時以意粉，肉扒為主。我們點了三道菜色第一道前菜是溫泉蛋菠菜大啡菇，上枱時賣相已經很精美。拍照一輪，我慢慢切開中間溫泉蛋部分，蛋黃流出，配合埋芝士菠菜一齊吃，非常可口😋😋第二道是主菜，亦是店內主打的皇牌威靈頓牛柳（Beef Wellington) $298 呢道菜，我在山頂某餐廳見過，已經好想試一試。外面是脆脆的酥皮外層，裡面包羅著鮮嫩既牛柳，配合埋黑椒磨菇，放入口脆脆連牛肉味，的確幾正😋😋👍🏻最後是另一道主菜，我們點了Set Dinner, 碳燒紐西蘭牛肉眼扒配黑松露燒汁，包前菜沙律，餐湯，飲品 $258。牛扒肉汁好味，配埋個黑松露汁薯蓉，味道剛剛好。我們由晚上7點坐到10點，邊食邊傾，從來沒有人騷擾，而且環境都好清靜，傾計好舒服，下次會再來試試龍蝦意粉，和梳乎厘甜品❤️❤️

提前係Mini Friday迎接聽日既Happy Friday.一入座，每張枱都已經擺左一籃墨西哥薄脆片既小食，炸得好脆口，味道有點似油炸鬼，但卻無半點油膩感，估唔到連小食都整得唔馬虎，令人好期待佢既主菜。二個人一共叫左2個菜式和1個甜品:火焰脆燒德國咸豬手 ($238)一上菜時，侍應生就會係你面前點火，燃燒隻豬手，十分有視覺效果。待火焰熄左，佢仲會幫你攞入廚房幫手切賣，先再次上菜，實在十分細心，唔係洗自己切得咁辛苦。 豬手皮炸得卜卜脆，十分香口，里面既肉質好幼嫩，一點也不“稭"，調味亦適中，唔會過咸，最重要係食完，完全唔會有油膩感，同罪惡感。黑松露啡菇水牛芝士薄餅。($148)味道十分有驚喜，出奇地各種配料都十分搭，而且各自既味道都好突出唔會被其他材料覆蓋左，黑松露味唔會過濃，不單止保留住自己淡淡既香味，更加帶出左啡菇既濃郁，每一口都相當滿足。整個薄餅底好薄，卜卜脆，就算擺左一陣都仍然保持住脆既口感，而且真係好抵食，2個人，每人食左4塊，但仍唔覺好濟。蜜桃雪葩 ($68)用原粒蜜桃去冰震，所以連隻碟都係凍冰冰，雪葩甜而不膩，冰凍左既桃亦都可以食，但就無咩味。Mini Friday 由

上次吃日本野看到這裡的Mini Friday，今天在旺角想起來試一下。芒果黑松露鮮蝦沙律 $98被餐牌上的照片所吸引，賣相果然澎拜，在一大塊藍色的冰上面，很好拍。黑松露醬包住了鮮蝦及其他配料，上面放上了芒果，滿滿的黑松露醬味呢！香草牛油焗田螺酥盒 $88焗田螺酥盒有四件，酥皮非常鬆脆，略嫌田螺有點乾，不然就更好吃了。蒜香炒雜菜 $58最近吃菜不夠，點了個炒菜，炒得剛好。催淚雞翼 $58催淚雞翼其實是辛辣雞翼，外面是炸過，沾滿了孜然粉及其他調味，對愛吃辣的人來說不算太辣，好吃呢！皇牌威靈頓牛柳 $298威靈頓牛柳做得不錯，牛柳肉味濃而腍身，美中不足是我們一開始吃已經冷了，有點意料之外。Aguaribay Malbec $298性價比高的一支紅酒，非常容易入口！整體食物水準不俗，適合朋友聚餐呢！

近日，主要集中在頻道上（緣食。慢活），已有一段時間沒有更新。剛好在旺角，幫襯了一間西餐廳，便決定寫它一下。店位於旺角銀座樓上，主打西餐，店家在西餐廳旁亦有經營一間日本料理，日本野。西餐廳，店名Mini Friday，裝修寬敞很舒適。除了有單點的菜式，亦有數款晚市套餐，價錢合理。女朋友，選擇了H餐，我則選了F餐，再點了一款沙律，雞翼，兩客甜品，跟餐已包了兩杯飲品。主菜是甚麼？容後再説。點餐後，待應已奉上一客脆片，很脆，但有點未開餐先滯飽的感覺。套餐沙律及單點的沙律，前後腳到步，套餐沙律醋味十足。單點的是芒果黑松露鮮蝦沙律（98元），黑松露配鮮蝦，真的不錯，很開胃。鹹蛋黃雞翼，很香的鹹蛋味，但略油，58元四隻。主菜，分別是羊架及肉眼扒，前者採納了待應的建議，選擇了五成熟，肉眼扒同樣。肉眼扒，肉質有點過火，略嚡，牛味十足。羊架，肉質略肥，嫩口，味道不差。最後再來兩道女朋友最愛的甜品，梳乎厘及心太軟，完結了今晚一餐。Mini Friday (旺角)旺角西洋菜南街2號銀城廣場9樓

環境好舒服 就算情侶撐台腳或者一班朋友食都好適合，坐得好舒服田螺酥盒十分推介，外層既酥皮好香脆，加上入面既薯蓉同田螺有好香牛油味，三者加埋口感好好，份量唔會好大，一口一個岩岩好龍蝦海鮮意粉好足料，龍蝦食落好惹味又新鮮，除左主角既龍蝦之外意粉入面既鮮蝦亦都好好食，意粉唔會太淋或者太硬，剛剛好👍🏻不過如果海鮮可以再多少少種類就好喇心太軟比起主食黎講稍微有點遜色，雖然聞落好香既朱古力味，但係心太軟個餡太傑，冇流心效果，而且食落去外皮比較硬除左甜品需要改進之外，主食完全超乎預期，不過今次冇試到肉眼扒同雞翼，下次會想再黎試下據下扒☺️

生日月，食不停，個口好攰🤣🤣🤣今晚喺旺角食飯，餐廳一邊係食日本嘢，另一邊係食西餐，我哋揀咗右邊🍽餐廳環境幾有氣氛，坐位闊落好坐😊食物多樣化，還有各種啤酒餐酒、cocktail 、mocktail……我哋叫咗兩個套餐， 一個甜品🥞~首先送個有三角形態，有油炸鬼口味嘅脆片😎餐湯係久違了有金寶口味既雜菜湯， 重拾兒時味道呀🤗鮮菜沙律啲菜好新鮮、爽甜👍香草汁大啡菇帶子意式燴飯( 自由配搭)帶子鮮甜、燴飯好香，煮得剛剛好😋啖啖有🍄啲飯份量實在多，我哋發揮唔好嘥嘢嘅精神😏妳推我讓好耐至食完😣鹿兒島黑豚西冷扒厚切好大塊😮 肉質好嫩，中間小小粉紅色，爽口唔乾有肉汁👍配搭藍莓燒汁🤤~ 梳乎厘班戟配雪糕，完美嘅ending🤤跟餐加多30蚊ps~ 套餐一啲都唔mini😚

同朋友慶祝生日聽人介紹book左呢間時代抗翼！ 好彩有book位 平日夜晚都坐爆左場. 餐廳位置好闊落 環境燈光好有氣氛 仲要冇限時 果然係好岩朋友聚會～香烤美式bbq豬肋骨豬肋骨烤得岩岩好 唔會太冧/太硬 個醬汁甜甜地好入味 冇肥膏位 兩個人share食都唔會好膩.旁邊仲配左個黑松露薯蓉 黑松露味好夠！黑松露啡菇水牛芝士薄餅超推介呢個！！夠晒足料 芝士做到拉絲效果 啖啖黑松露味 薄餅底烤得好脆. 不過兩個人食真係食唔晒 始終芝士有啲漏 所以剩低幾件打包左番屋企 驚喜既係第二日焗番黎食都好好味！咸蛋黃薯角 咸蛋黃真係近年不敗既食材 薯角表面包滿咸蛋黃 一送上檯已經香到流晒口水 炸得香脆唔油膩 但真係要趁熱食 擺到最後就開始出油～即製梳乎厘班戟配雪糕班戟有3件 份量好足 但口感稍為遜色 唔夠鬆軟 比較厚實～

皇牌威靈頓牛柳果然名不虛傳😎😎我哋叫咗隻牛柳大概七成熟左右，嚟到嘅時候已經香噴噴，食落口感仲一流添！威靈頓牛柳外面嘅酥皮非常鬆脆，而牛柳同酥皮中間仲夾住啲蘑菇，感覺好新鮮，食到停唔到口。而牛肉味亦都好濃，每咬一啖都有牛肉汁必出嚟😝，而且牛肉口感鬆軟，仲有其他薯菜食，飽到捧住個肚，今日真係大滿足呀！🤩🤩

這間食肆，一直在我的觀察名單內，今晚終於有空，便訂了座位，來到一試。香烤美式BBQ豬肋骨$188，豬肋骨的肉不是很多，不過近骨的位置，爽口中帶點嚼勁，令人回味無窮，加上醬汁的酸甜味道，吃完都不會覺得肥膩。磯燒鹿兒島極黑豚西冷扒配藍苺燒汁$248，黑豚西冷扒，外表剪得香氣四溢，內裏肉汁豐富，可能近期吃到很多牛扒，現在改吃黑豚肉，反而覺得更加美味。田園沙律，加上了爆爆珠的沙律，增加了味道的層次感，令人胃口大開。是日餐湯，羅宋湯的味道濃郁，酸酸甜甜，非常適合餐前進食。咖啡味道濃郁，頗為不錯。甜品只需加$1，不過味道甜美的泡芙，簡直超值。

上次食wellington steak已經係好耐之前啦，上網搵倒呢間menu竟然有呢道菜香港實在唔多見架，所以收工馬上去試一下呢度環境同裝修係唔錯既，望出去有旺角城市景，幾有氣氛，用左好多木既元素。餐前小食脆脆有些淋了，而且用藤籃裝，應該好難洗，唔太衛生。蘑菇湯好足料，蘑菇碎好多，不過我比較中意無咁稀既。Wellington steak 可以有90分以上，推薦，不過建議有翻個汁會好d，總括而言都係既好既。

朋友推介，說這間餐廳可以在鬧市中我坐耐一點，不會趕人走， 所以便和朋友去試試。我們訂了7:30的枱，進去已經full house。食物方面點了兩個set dinner，朋友點了個Angus beef。牛扒肉味濃，點了五成熟，煎得剛剛好，不會太熟。我點的雞扒，外面煎得香而肉質非常嫩，黑松露汁也好吃。最後和朋友坐了兩小時，舒舒服服在鬧市中吃了個晚餐。整體服務不錯，價錢合理，以這個價錢吃到這個質素的食物，性價比高。

因為日日都有好多朋友生日，每次都要諗去邊食真係好麻煩，幸好友人建議去呢間💛店，當然立即係openrice book枱。我哋一行四人book咗6:30pm，我同友人準時到達入座。位置唔錯，我哋坐係窗邊位。裝修都唔錯，環境優美。等齊人後，我們便點餐了。威靈頓牛柳，做工複雜，所以一定要出街食。千島海鮮pizza，批底比較薄，味道一般。豬肋骨入味，又冧又軟，好好味。值得一題的是他的薯蓉，好軟滑，creamy，好食！-最後我哋叫咗個海鮮意大利飯，唔推薦，好腥！真心唔推薦！-但整體黎講，又唔叫切餅費，價錢又抵食，環境又好！係值得一讚💛💛💛💛最緊要佢好黃㗎！

今晚去了旺角這間黃店西餐廳食晚餐，支持一下黃色經濟圈。餐廳除了有晚餐供應外，還有多款單點的菜式，亦有自選意粉，套餐由百幾至二百多不等。一坐低會有份薄脆小食。催淚雞翼表面灑滿了辣椒子，剛入口時微辣，但越咬越辣，食到大汗淋漓，個種辣味係慢慢滲出來，雞翼唔會焗得太乾，不過略嫌不夠脆。意式辣肉腸帕爾馬火腿薄餅圖片明明應該有些火箭菜，但現實就唔見有，餅底很薄又脆，巴馬火腿咸味適中，茄醬帶微酸，食落唔會太滯。火焰脆燒德國咸豬手上枱後店員淋上酒精後點火，之後幫忙切開，豬皮都幾脆，份量又多，味道不俗，豬手肉保留了肉汁，肉質唔鞋口。

餐廳：Mini Friday (旺角)地址：旺角西洋菜南街2號銀城廣場9樓晚餐去到呢間銀城廣場9樓嘅Mini Friday黃店西餐廳食飯🍴，同隔離嘅日本野係同一集團，之前就食過兩次，今次一於懲罰埋呢間黃店，一入坐就已經有小食Nachos 👍🏼，係等野食果陣都有野咬下黃到金雞翼(鹹蛋黃醬) $58黎到黃店緊係要叫返個夠代表性嘅時代抗翼🤣，有維尼雞翼、黃到金雞翼、催淚雞翼同胡椒雞翼，唔知你又知唔知佢地4款代表咩呢🎗？我就揀左黃到金雞翼，一碟有四隻，鹹蛋黃醬充滿香脆雞翼嘅外層😍，一咬落口又juicy又惹味意式辣肉腸帕爾馬火腿薄餅 $158呢個pizza係我最愛嘅薄批😍，唔知你鍾意厚批定薄批呢？每一塊都放上勻均嘅餡料🍕，辣肉腸、Parma ham、芝士同洋蔥🧅，仲有香脆嘅餅底，真係好好味香煎三文魚柳配紅花忌廉汁 $208dinner set包salad🥗、餐湯同飲品，我仲加$1要多個是日甜品，原來係泡芙😋，三文魚嫩滑新鮮，加上香草、黑胡椒等調味連腥味都癖走哂😎，配上creamy嘅紅花忌廉汁，仲有黑松露薯蓉，高質高質蜜糖檸檬玉桂茶 $68 最後叫左個花茶，香甜清新，每一啖都充滿甜甜蜜蜜嘅味道☺️，