Mini Friday (銀城廣場) (已結業)

約左朋友食飯，揀左間大家都方便去既旺角餐廳。佢鋪面都幾大同樓底都算高，坐落都舒服，但燈光比較暗，所以同朋友影相d色就差d，不過有光照住張枱，所以影食物既話就ok既～第一樣上枱就係都幾多人推薦既水牛城雞翼，雞翼雖然唔算大隻，但入面雞肉嫩滑唔會乾晒，另外佢醃得入味，而且醬料夠味得黎唔會過辣，所以唔太食得辣既人都可以試下，整體係一碟好唔錯既雞翼。第二樣就係威靈頓牛柳，本身都幾期待，因為今次係第一次食威靈頓牛柳，但食完係有d失望。首先個酥皮唔夠香同酥脆，而且仲要同舊肉分離左。另外個牛柳雖然中間係淋身但無咩肉汁，牛肉味都唔夠濃，同埋肉同底層既酥皮係淋晒出水，食落口感唔多良好。雖然係第一次食，但同我認知上既威靈頓牛柳都幾大出入第三樣就係pizza，佢係薄脆底既pizza，面頭既配料都分得好平均，但略厭有d少，同埋兩款肉既咸香味都唔係好夠，食落似euro gogo既pizza，唔算好特別，所以感覺唔太值依個價。最後仲叫左個卡邦尼扁意粉，依個意粉意外地幾出色，首先佢意粉同配料既份量都多，而意粉都煮得岩岩好咬落彈牙，個汁加埋溫泉蛋既味道都岩岩好，香濃滑身得黎唔會過膩，但就略厭佢稀左d，不過整體都係好食，

幾年前生日時已經去過Mini Friday到食, 好掛住果到既Wellintong Steak, 最近又再去支持下呢間良心小店!🔸黃到金雞翼 ($58)呢到有4款"時代抗翼", 每款個名都夠晒吸睛, 希望唔會比假博士話企圖打擦邊球啦, 因為呢款真係名副其實黃到金呀麻, 每啖都有鹹蛋汁同牛油香, 仲有一粒粒咸蛋黃又唔膩, 雞肉嫩滑, 外皮香脆! 必食呀!🔹威靈頓牛柳 ($298)對Wellington Steak真係百吃不厭, 幾年前係呢到食過翻尋味, 雖然今次既酥皮冇咁貼牛柳, 有少少分離, 但感覺分量比上一次食更大, 一樣金黃, 牛柳係上乘之作, 食落去有好濃牛肉味, 一啲都唔韌, 切開牛肉中間仲有少少粉紅色, 係medium rare既狀態, 整得岩岩好, 呢個價錢食到咁工程繁多既威靈頓牛柳, 算係超值喇!🔸火焰脆燒德國咸豬手 ($238)主食仲點左上次冇叫到既豬手, 店員會先用火槍點著豬手比客人打卡, 再拎入去切片, 豬手外皮幾超, 肉質嫩滑唔乾, 但就有少少淋過頭, 但配搭埋德國酸菜/ 蜜糖芥末醬汁好夾好開胃呀!🔹香草牛油焗田螺酥盒 ($88)超中意食田螺既我又點可以錯過, 呢

前排想係旺角搵個個靜靜地又好坐既地方食個lunch 醒起以前食過Mini friday既晚餐都幾好坐 今次lunch黎 可能比較少人星期日lunch食西餐？同埋係樓上鋪既關係？比想像中少人 揀左卡位坐 非常闊落 就算四人坐都好鬆動 揀左香煎盲鰽柳配香草檸檬忌廉汁意粉 (可以揀飯) $68 set lunch 包埋湯同餐飲through openrice book仲有88折 仲要免加一！實在太抵食啦掛？本身都驚個汁會伏 點知又幾有驚喜 加左檸檬既忌廉汁清新左唔會覺得溜又幾開胃😋魚都煎得好香 略嫌鹹左少少 整體都幾滿意！

呢間係西餐廳，本身都係諗住嚟食威靈頓牛柳之類的Dinner Set，但係一坐低嘅時候，見到佢呢一個宣傳餐牌，宣傳呢度嘅特色雞翼，有柚子蜜糖、鹹蛋、辣椒、胡椒等四款口味。因為太熱氣的緣故，我冇食晒四款，只係食咗其中三款，但都覺得真係幾好食。第一款係柚子蜜糖雞翼，首先雞翼一定係新鮮熱辣辣炸出嚟，放落咀嘅時候都仲好熱，而且非常多汁，再加埋柚子蜜糖，就咁望落去，應該係真係直接係罐都筆出黎，再慢慢放落雞翼嘅外層，所以味道都好Rich，而且佢嘅甜味亦都可以中和雞翼嘅油膩感。下一款就係鹹蛋黃醬雞翼：雞翼嘅外層塗上左鹹蛋黃醬，而且炸得非常香脆，甜鹹蛋黃亦變得好香脆，鍾意重口味嘅人士應該會幾鍾意，好邪惡，但如果稍為重視健康嘅話，油膩+鹹蛋黃呢個配搭可能要配塔下呢度嘅花茶中和一下。在下一款就係呢度嘅辣椒雞翼：我自己就覺得呢一款係最刺激，因為真係用好辣嘅辣椒粉整出雞翼，食嘅時候一定要配埋凍飲，如果飲熱飲嘅話就真係gg了。我就叫咗杯凍Latte。最後亦都叫埋呢度嘅海鮮濃湯，海鮮濃湯裏面有兩隻大蝦、蜆肉、同埋魚柳，呢個湯底係龍蝦湯底嚟嘅，都幾結下唔錯。

今日同朋友出左去旺角買衫，難得見今日唔使趕頭趕命返屋企食飯，日日多數屋企食飯都係食中菜，今日緊係同朋友搵間西餐食下啦。好彩我地預先有訂到枱咋，我book左19:30，但係早左少少19:00多少少去到，門口已經好多walk in客啦，等左陣就可以入座啦。唔知係咪因為疫情嘅關係所以啲枱少咗，枱與枱之間都好寛闊，就算大聲啲傾偈都可以。我order左個Dinner SetSet Dinner包埋左雜菜湯同埋沙律，不過不失主菜是 #香烤澳洲羊架配薄荷燒酒羊架雖然沒有生熟度嘅選擇，但係幸好亦都唔會過熟，羊架肉質都幾嫩，而且有濃郁既羊膻味，喜歡吃羊的人都會接受到。我地點左個小食 #炸薯條配黑松露醬一向我都係黑松露醬嘅愛好者，薯條偏向粗身，而且即叫即炸。金寶蘋果用上蘋果粒加提子乾做底，食粒帶陣陣玉桂粉香味，面層吃到像曲奇餅脆脆。

今天是我跟女朋友的紀念日，當然要找間有情調的餐廳慶祝。跟她逛了一整天街，就來到這間位於銀城廣場的餐廳用膳。幸好一早預約，到埗時門口已經出現人龍！餐廳佈置充滿情調，座位寬敞，甫一坐下，店員已體貼的奉上香口脆片，由於肚餓關係，未點選好菜式我已經全部給吃了！皇牌威靈頓牛柳：這款威靈頓牛柳層次比較簡單，酥皮內只有一層磨菇醬醬，但味道依舊不俗。表層酥脆，牛油味香濃，磨菇醬汁味道極濃，牛柳稍嫌過熟，但肉汁依舊鮮甜。海鮮濃湯：湯裏有蝦、青口及魚肉，十分香滑，海鮮味十分濃烈。即製梳乎厘班戟配雪糕：份量不少，三個梳乎厘配一個雲呢拿味雪糕球，旁邊還有一碟雲呢拿汁，再有幾片士多啤梨伴碟，十分吸引。梳乎厘十分軟熟，雪糕球足夠冰凍，配搭一起相當滋味！

三色藜麥華都夫沙律($68)Waldorf Salad一定有西芹，蘋果，雞肉，提子乾，核桃，再加少少藜麥，Dressing比一般mayonnaise甜少少，有少少芥辣味皇牌威靈頓牛柳($298)牛柳大概7/8成熟，而且都好淋，不過酥皮切嘅時候酥皮比較容易散，伴碟嘅黑松露薯蓉唔錯，非常抵食水牛城雞翼($78)夠熱夠脆，甜甜辣辣，好食不過唔會有驚喜咸蛋黃薯角($68)非常好好食，咸蛋黃非常均勻遍布每條薯條嘅每一，非常熱氣同行高膽固醇，但食到停唔到，推介👍🏻👍🏻👍🏻👍🏻溫泉蛋菠菜大啡菇($78)本身以為大啡菇會好乾，但原來係好moist，整體感覺好balance，較清淡，個人十分喜愛，推介👍🏻👍🏻👍🏻👍🏻蘋果金寶($58)好食嘅Apple Crumble就係一定要熱(要求低lol)，cinnamon味都幾重， 不過如果配埋雪糕就perfect ！即製梳乎厘班戟配雪糕($108)呢個一般，soufflé 空氣咁唔夠重，質感唔夠香滑，朱朱力雪糕都係一般熱情蘋果梳打($68)稍為有啲太甜，如果果汁嘅portion多啲會香啲，價錢黎講，我覺得有啲貴整體黎講，價錢貼地，份量多，味道比我except中好

其實真係勁失望, 因為年頭食過覺得啲扒類晚餐唔錯, 所以再來, 點知........首先, 碳燒鹿兒島黑豚西冷扒配藍梅燒汁- 黑豚西冷肉質粗鞋, 一啲都唔爽脆, 藍梅燒汁無藍梅香味得燒汁味其次碳燒紐西蘭牛肉眼扒配黑松露燒汁- 真係未試過食五成熟牛肉眼扒塊扒係要出盡力先切得開, 就算切得開都趙唔開, 啲黑松露燒汁又係得燒汁味, 一啲黑露味都無。幸好, 仲有個香烤澳洲羊架配薄荷燒汁肉質嫩滑, 而且無騷味。

我上次嚟食過午餐覺得高質又平，只是今次試吓食晚餐見到隔離枱食個火焰豬手好吸引於是自己又叫咗份試下首先係成隻上枱跟住店員會來點火，好震撼隔壁枱都放哂過嚟影完相會再返拎入廚房幫我地切開味道方面唔會太鹹，豬手皮燒得好脆好好食，雖然有啲溜，但係兩個人都勉強食得晒黃金雞翼呢個好抵食，除翻開都唔使$10 1隻，炸好咗嘅雞翼面頭淋左啲鹹蛋黃嘅醬汁，同黃金蝦既概念係一樣，好正！叫左個dinner set，包括有餐湯，沙律，自選意粉或飯同餐飲選擇左溫泉蛋忌廉芝士意大利飯配大啡菇，飯好creamy，軟硬度剛剛好，味道濃郁，同我配既大啡菇好夾，雖然佢整體好膩，但因為太好食既源故我地都係食哂

話說媽媽喜歡吃豬肋條即是ribs☺️ 是西餐中唯一她不會吃悶的菜式🙊 所以今次又點了️，醬汁味道偏濃味，肉的比例比一般的多，但豬肋條烤得稍欠焦香🤔反而黑松露芝士年糕有驚喜😍😍 個汁有香濃的黑松露，年糕煙韌好有咬口👍🏻好合我個人口味😋溫泉蛋芝士菠菜焗大啡菇，味道不錯，但以價錢來講應該要有2件吧🙊 心太軟配雪糕，朱古力夠流心，味幾濃，正常水準～ 我估計這裡的豬手應該較出色，因為過半數客人都有點😎有機會下次試試

🌸#girlsfoodies旺角#girlsfoodies西式 🌸​【💛 #GF_List 】​———————————————​呢間餐廳一直都幾多人推薦，去到都好多人排隊。以呢個環境嚟講，定價偏貴，不過openrice book位有折頭。——————————————————​
▪️晚市套餐C :香煎三文魚柳配紅花忌廉汁 ( $208 )​​▪️自選意粉餐：黑松露忌廉汁大啡菇帶子扁意粉($158+48)嚟到坐底未嗌嘢食，已經有盤脆片喺到，少少鹹香我覺得正正常常，至少後未我食哂嘅（原因係咩我一陣再講），但問題係點解唔等客人嚟到先擺？疫情又好，平時都好，咁樣有啲唔衞生，何況你收費唔平😳。嗌咗set會有沙律同餐湯跟，沙律好似茶記咁用鐵碗裝，新鮮度正常，羅宋湯超級稀🥺意粉落單後5分鐘就有，快過車仔麵😃一般用黑松露醬都會好大浸味，但今次呢個嚟嘅時候完全聞唔到香氣，食落都係忌廉味重，唔認真食完全感受唔到有黑松露。Gas味黑松露醬其實係唔貴嘅食材，160蚊嘅意粉都咁孤寒。如果真係唔想落，不如索性整忌廉汁算啦。大啡菇以為係一個完整嘅菇，點知係碎上點解唔叫野菌⋯⋯嚟到條三文魚細到我嚇親，同平時係超市冰櫃買嗰啲

酥皮龍蝦湯就飲得多，酥皮焗牛柳真係第一次試，原來好好食㗎！呢間朋友食過話酥皮焗牛柳好鬼正，特登推介我。#皇牌威靈頓牛柳 $298在焗得香脆鬆軟的酥皮內，一切開除咗牛肉香味之外仲有濃郁的香菇味，令人為之精神一振！這款皇牌威靈頓牛柳有着繁複的製作工序才能帶來的絕佳口感。先以大火煎香兩邊牛柳，再包上香菇和醬料，在蓋上酥皮烤焗而成。使得牛柳的質感保持鮮嫩，而且食起嚟嘅時候仲會隱隱透着香菇香味，帶來與眾不同的口感和享受！這個牛柳厚厚的一塊，食嘅時候還可以大片大片的品嚐，可以把嘴都塞到滿滿的，口感特別正！第一次食到幾乎全熟嘅狀態，卻保持到生肉嘅鮮嫩肉質，是一家大細包括小朋友或老人家都可以充分地享受到的美食！下次要帶婆婆來食先得！真的很值得為這個威靈頓牛柳再來，無論外型、口感、品質都無懈可擊，係食過會令人返尋味嘅美食！牛柳的份量超多，還有蘆筍蔬菜和黑松露薯蓉伴碟，足夠我們兩人開心share食，食完都差唔多飽，叫埋甜品就just fit!#即製梳乎厘班戟配雪糕 $ 108震騰騰彈下彈下嘅梳乎厘班戟真係睇見都好心動啊💓而且仲係即時新鮮製作，食嗰陣真係超鬆軟啊！而且勁香蛋味，中間仲軟綿綿有流心feel

難得有機會 #二人世界 ，梗係要食餐好嘅慰勞一下自己啦！Mini Friday呢度價錢唔貴，食物質素OK，坐得舒服環境又好，所以我哋耐唔耐都會嚟二人世界下！#香草牛油焗田螺酥盒 $88西餐來講田螺都係比較常見嘅菜式，一般都係原隻焗或者加薯蓉，這款用酥皮脆盒配埋牛油一齊焗，就比較少見同特別，而且仲幾好食添！#香烤澳洲羊架配薄荷燒汁 $238 (晚餐)羊架我哋叫咗五成熟，出到嚟啱啱好👍羊肉嫩嫩的，口感超軟熟，略帶少少香羶味，配埋燒汁入口更Juice😋加上羊架好大隻下，而且有三支骨，啖啖肉真係好滋味！旁邊仲有蘆筍同埋黑松露薯蓉，第一次食黑松露嘅薯蓉，又香又滑，入口即溶好似雪糕咁，好味到不得了😋 呢度食物份量比較多，通常我哋都係叫一個晚餐加一款小食就OK，晚餐包埋田園沙律(有少少三文魚籽㗎😍)、是日餐湯、咖啡或茶，我哋仲加埋一蚊換是日甜品🥰

今晚朋友約左小妹食minifriday, 好耐之前食過觀塘分店覺得唔錯, 今次就試下有冇新菜式😋! 入到餐廳雖然座位無觀塘分店多, 不過勝在環境比較靜而且有情調d, 菜式方面亦多左選擇, 今次小妹就揀左一個Set同兩款小食同朋友share, 邊食邊傾!墨西哥脆片一坐底就會擺係枱面, 比你邊食住邊揀野食, 口感香脆唔油膩!沙律🥗餐湯🥣維尼雞翼🐔酸酸甜甜嘅柚子蜜🍊🍯沾滿哂成隻雞翼, 咬落去熱辣辣出哂煙, 外皮微脆內嫩幾juicy, 非常開胃!咸蛋黃薯角薯角份量幾多, 咸蛋黃味道極濃厚, 啖啖滋味😋, 不過小妹建議多人share!碳燒鹿兒島極黑豚西冷扒配藍莓燒汁🐖黑豚西冷肉質厚實, 口感軟腍無豬羶味, 配菜方面有露荀bb，粟米🌽同薯蓉🥔, 薯蓉混合左黑松露, 口感幼滑, 幾有誠意!焦糖布丁🍮蛋味濃郁, 質感較厚實, 不過不失是日甜品🍰士多啤梨慕絲蛋糕🍓🍰, 上層軟滑, 下層係濕潤嘅芒果味餅底, 味道幾特別!

今晚近近地又黎到旺角食西餐，mini friday 都食過好幾次～不過一次比一次多人，沒想到周一晚上都爆滿。餐牌有單點，dinner set同diy pasta, 甜點同cocktail酒類。未點餐就會有一碟薄脆嘅前菜，份量都幾多。叫左一個晚餐：有餐湯及沙律。沙律最特別有乳酸爆珠，口感特別。另叫左卡邦尼意粉及水牛城雞翼水牛城雞翼 $78 雖然餐廳出了時代抗翼系列有4款新口味，但我偏愛傳統水牛城嘅酸同辣口味，共6隻。卡邦尼扁意粉 $98 食落夠creamy, 扁意粉掛汁力強，有埋溫泉蛋加分。Dinner set: 黑松露忌廉花膠燴美國雞扒 $168見佢醬汁幾特別，平時又食牛扒較多。今次就試下雞扒。雞扒好大塊又厚肉，食落嫩滑。黑松露忌廉口味嘅花膠真係第一次食到，黑松露味幾濃郁，仲配埋黑松露薯蓉。晚餐加$1 甜品焦糖香蕉芝士蛋糕 食落焦糖同香蕉味道都幾突出。最後叫左即製梳乎厘配雪糕 $108雪糕口感似雪葩，感覺似自家製。梳乎厘好似平時杯焗果種嘅變奏版，食落蛋糕感較重。