影片
更多
2020-11-06
85 浏览
🌸#girlsfoodies旺角#girlsfoodies西式 🌸【💛 #GF_List 】———————————————呢間餐廳一直都幾多人推薦，去到都好多人排隊。以呢個環境嚟講，定價偏貴，不過openrice book位有折頭。——————————————————
▪️晚市套餐C :香煎三文魚柳配紅花忌廉汁 ( $208 )▪️自選意粉餐：黑松露忌廉汁大啡菇帶子扁意粉($158+48)嚟到坐底未嗌嘢食，已經有盤脆片喺到，少少鹹香我覺得正正常常，至少後未我食哂嘅（原因係咩我一陣再講），但問題係點解唔等客人嚟到先擺？疫情又好，平時都好，咁樣有啲唔衞生，何況你收費唔平😳。嗌咗set會有沙律同餐湯跟，沙律好似茶記咁用鐵碗裝，新鮮度正常，羅宋湯超級稀🥺意粉落單後5分鐘就有，快過車仔麵😃一般用黑松露醬都會好大浸味，但今次呢個嚟嘅時候完全聞唔到香氣，食落都係忌廉味重，唔認真食完全感受唔到有黑松露。Gas味黑松露醬其實係唔貴嘅食材，160蚊嘅意粉都咁孤寒。如果真係唔想落，不如索性整忌廉汁算啦。大啡菇以為係一個完整嘅菇，點知係碎上點解唔叫野菌⋯⋯嚟到條三文魚細到我嚇親，同平時係超市冰櫃買嗰啲
【💛 #GF_List 】
———————————————
呢間餐廳一直都幾多人推薦，去到都好多人排隊。以呢個環境嚟講，定價偏貴，不過openrice book位有折頭。
——————————————————
▪️晚市套餐C :香煎三文魚柳配紅花忌廉汁 ( $208 )
▪️自選意粉餐：黑松露忌廉汁大啡菇帶子扁意粉($158+48)
嚟到坐底未嗌嘢食，已經有盤脆片喺到，少少鹹香我覺得正正常常，至少後未我食哂嘅（原因係咩我一陣再講），但問題係點解唔等客人嚟到先擺？疫情又好，平時都好，咁樣有啲唔衞生，何況你收費唔平😳。
嗌咗set會有沙律同餐湯跟，沙律好似茶記咁用鐵碗裝，新鮮度正常，羅宋湯超級稀🥺
意粉落單後5分鐘就有，快過車仔麵😃一般用黑松露醬都會好大浸味，但今次呢個嚟嘅時候完全聞唔到香氣，食落都係忌廉味重，唔認真食完全感受唔到有黑松露。Gas味黑松露醬其實係唔貴嘅食材，160蚊嘅意粉都咁孤寒。如果真係唔想落，不如索性整忌廉汁算啦。大啡菇以為係一個完整嘅菇，點知係碎上點解唔叫野菌⋯⋯
嚟到條三文魚細到我嚇親，同平時係超市冰櫃買嗰啲樣差唔多。份量細is okay，味道可以補足，餐牌寫香煎，但佢似係煎幾吓辣熟就算，完全無三文魚嘅香氣、亦無焦香，切落去塊皮係唔識斷。咬落超腥，下面啲配菜仲要好似平時食大快活嗰啲咁，成個餐收你200幾蚊，哈哈。最後要食埋啲脆脆先飽😅
最後講埋杯嘢飲，凍樽茶用茶記鐵杯裝，好細杯完全不值。衛生方面，啱啱講過個前菜嘅問題，地下又痴笠笠，成間餐廳環境、餐具同食物質素都同你屋企樓下間茶記無分別，但個價錢夠你食茶記放題。大家評價都咁好，可能又係我唔好彩啦😬
✨ Mini Friday ✨
📍 旺角西洋菜南街2號銀城廣場9樓
📍 觀塘興業街4號The Wave 3樓
⏰ 1200-1600 | 1800-2300
#黃店#黃店系列#minifriday#懲罰黃店#米豬連#三文魚#三文魚柳#黑松露#黑松露扁意粉#大啡菇#伏食#yellow旺角#西餐 #酒吧餐廳 #HappyFriday #TGIF #觀塘 #MiniFriday旺角 #樓上餐廳 #威靈頓牛柳 #girlsfoodies觀塘#yellow西式#旺角黃店#旺角美食 #yellow觀塘#觀塘黃店
张贴
