Mini Friday (銀城廣場) (已結業)

今晚，又去了旺角食Mini Friday，一間屬於香港人的店。裝修是典型的西餐廳格局。太肚餓了，立即下單。女朋友要的是紐西蘭肉眼扒的套餐，店員推薦了五成熟。肉眼扒的質感確實不錯，調味亦上佳。套餐配的沙律亦很清爽。我選的是意粉套餐，可自由配搭喜歡的口味 ，我選的是温泉蛋芝士忌廉闊條麵配煙鴨胸及鴨肝 。闊條麵口感很強，醬汁濃厚，配的鴨胸很肥味，鴨肝亦不錯，但略欠厚度。火焰咸豬手，打卡者必叫，上菜後店員會幫你把豬手點火影相，燒完後店員會幫你切件。豬手的味道略咸，但皮很脆，肉質鮮嫩，很肥美。炸魚薯條，炸魚的粉略厚，肉質不會太老，雖然有點油膩，但味道尚可。總括，Mini friday是一間品質不錯，價錢也不算太貴的西餐廳。Mini Friday (銀城廣場) (旺角)旺角西洋菜南街2號銀城廣場9樓人均消費450元

放工想食懷舊西餐，今次一於試吓銀城商場入面嘅Mini Friday。我哋叫咗兩個dinner set: 香煎三文魚柳配紅花忌廉汁、炭燒紐西蘭肉眼扒配黑松露燒汁，同埋維尼雞翼（4隻）。兩個dinner set都配有沙律同埋餐湯，是日餐湯係薯仔忌廉湯，沙律菜凍得黎夠fresh新鮮👍🏼另外每枱都贈送一籃墨西哥脆片，送湯一流！影唔切相已經食晒成籃😋香煎三文魚柳：煎到外脆內軟，配紅花忌廉汁幾特別，配好似雪糕球咁大個嘅薯蓉，健康之選👍🏼分量剛好，女仔食啱晒！燒紐西蘭肉眼扒配黑松露燒汁：七成熟嘅肉眼扒，配黑松露燒汁，肉質嫩滑，熟度啱啱好，醬汁唔會太搶，食完好滿足，鍾意食扒人士必點！推介👍🏼👍🏼👍🏼維尼雞翼：其實即係炸雞翼落咗柚子醬，醬汁酸酸甜甜好開胃，中和左雞翼嘅肉味，脆炸雞皮內啖啖雞肉，食到流哂口水，呢個必叫！勁好味！推介⭐️⭐️⭐️⭐️⭐️

Mini Friday 真係好多人都話去左支持！！！！！今次就等我去支持一下～叫左好多好多野食，太耐冇出街食野啦！！！！雖然得兩人，但都叫左好鬼多野食～～～～哈哈哈～1- Pizza 黑松露大啡菇一黎到就好香黑松露味！！！！！正啊～～好在佢係薄批哈哈，所以我地兩個人都食得哂～～～～好多料，多菇又多CHEESE！！！！但又吾會太濃味wor～～～2- dinner set 羊架配薄河汁我食左一啖就俾朋友食鬼哂。。。。。。。好傷心！！！好香羊味，勁重羊味！中意食羊嘅朋友一定要叫啊真係～3- 美國牛扒哈哈哈，係我食哂架～yeah ！好好食啊～牛味重！佢配嘅薯蓉都好好食～

二人限聚👩🏻‍🤝‍👨🏼同老公快閃食個lunch 🍽Minifriday我地已經食過幾次 近我地之餘佢D lunch真系唔差 🥂無論質素同價錢都好合理 🤩🤩已經有聖誕🎄裝飾好有feel 🥰我都系一樣食個紐西蘭肉眼扒🥩🥩Medium Rare配飯 今日餐湯係海鮮🦞仲會包咖啡或茶 呢個真系燒出嚟啱啱好火候 有脆邊小小根perfect ✅✅✅夠Juicy 老公就叫左炭燒香草羊扒配紅酒🍷汁 完全無羊嗰種膻味好快已經清左成碟 叫多份水牛城雞翼 原來有成6隻 食完我地真系棒住個肚 😋😋😋😋又系時候返去接老闆 有左朱豬🐷二人世界時間大概就只有一個Lunch 或者等佢瞓咗之後🥲🤣🤣

💛 Mini Friday 💛.多謝科勞  CR.EATING_HK ٩(˃̶͈̀௰˂̶͈́)و些些！..............................🎅🏻就到聖誕 呢度已經痴晒聖誕裝飾 播緊聖誕歌🎄呢度風格偏懷舊 而且食物大件夾抵食(*¯︶¯*)資金有限又想慶祝聖誕 嚟呢度食聖誕大餐就啱晒🥂入去已經有兜薄脆送 唔好食太多呀食完都有啲飽🤣.🔅想知黃店原因請Dm💛..............................🍽碳燒紐西蘭牛肉眼扒 配 黑松露燒汁。配沙律 餐湯 飲品 甜品+$1 $258（👏🏻7/10）.牛扒叫咗5成熟 有少少生咗啲偏向3成熟🥳如果熟翻啲就仲正 不過食落牛味好濃郁好鮮嫩伴碟有黑松露薯蓉同啲野菜 薯蓉都幾正(⁎⁍̴̛ᴗ⁍̴̛⁎).跟餐 沙律、湯、飲品、甜品（+$1）沙律好清爽好夠醬 個湯就普普通通飲品原來可以揀凍咖啡 好抵呀個set🥳蛋糕雖然少hea 但加一蚊就令呢餐有個完美句號 抵啦🤩.🍽卡邦尼扁意粉 $98（👏🏻8/10）.扁意粉掛汁力更加好 汁又收得啱啱好 抵讚😍意粉煙韌 再加埋個汁好濃郁好creamy火腿好鹹香啲菇又落得好豪爽 呢個幾推薦！.🍽鹹蛋黃薯角 $68

就算唔係星期五都要食mini Friday😋食完竟有少少開心星期五既感覺～因為好好味!!!Dinner set 有沙律 餐湯 餐飲 依家加$1仲有甜品食埋添啊.我好喜歡呢度既餐湯 超幼滑粟米湯🌽好香濃 唔會太咸 略帶清甜沙律有爆爆珠 酸酸甜甜好開胃口呢度有主打既’時代抗翼’ 我地叫左黃到金雞翼係用上咸蛋黃醬煮的 超惹味 好邪惡🙈一食就收唔到口咸香味重 非常出色～.BBQ豬肋骨超入味 可以好輕易咁順住骨切成一條條骨同肉好容易就分開 煮得剛剛好 又唔會太乾配上黑松露薯蓉 幾特別 估唔到又夾到呢～.朋友既牛仔骨有三大件😍筋位雖然係有啲難咬但我每次都會食埋 超香！牛味濃郁 好軟腍 如果怕太多既話 可以好似我同朋友咁share食 就無問題了‼️❤️

又去左旺角，又試試吾同餐廳！！！！今晚想食西餐叫左好多個main，大食到不得了哈哈哈我諗個waiter都會呆左1.燒美國頂級肉眼扒2.Dinner Set 香烤澳洲羊架配薄荷燒汁3.溫泉蛋菠菜大啡菇4.黑松露啡菇水牛芝士薄餅兩個人叫左3個main，1個小食～因為only叫左一個dinner set，就有一個salad，一個湯同一杯野飲！朋友就欣賞個羊，我就吾食羊嘅哈哈哈我都係問左佢嘅意見再話大家知，佢話個羊係好食，好有羊味！！！個汁都好match～～我就欣賞個pizza同埋個菇～～～～正pizza，多芝士又有黑松露！！！！！好香，又好脆～

Friend子話帶我食好西，呢晚到左位於旺角銀城廣場嘅【Mini Friday】~ 呢度主打多國西餐，仲有好多自家首創嘅菜式㗎~ 真係要嚟多幾次先可以試晒我想食嘅野呀！餐廳地方寬敞，裝修有情調，好啱情侶或朋友~入座送【墨西哥脆片】，等大家可以邊食邊點野食，都幾細心~ btw, 墨西哥脆片都幾香脆，唔算油膩~必點【火焰脆燒德國咸豬手】 （$238），係呢度嘅signature dish之一，好惹火㗎~ 店員先係枱邊用火槍點着隻豬手俾我地打卡，之後拎去切片，實在太方便，唔洗自己落手切到雞手鴨腳，好貼心啊！豬手外脆內軟，塊皮卜卜脆，肉質香滑，可以配德國酸菜或蜜糖芥末醬一齊食，特別美味!卡邦尼扁意粉（$98）呢個好抵食，好香好夠味，最特別係有隻溫泉蛋放面，有驚喜~ 即製梳乎厘PANCAKE配雪糕（$108）好有份量，又有蛋香，如果個質地可以再結實少少會更好味，配朱古力雪糕味道好夾~美味又開心的晚餐，謝謝friend子好介紹~

今次嚟到一間環境唔錯嘅樓上西餐廳😌.次次食西餐都好想食薯條😂今次專登叫個炸魚薯條🐟🍟炸魚唔算好大份，外層炸得好脆，都唔錯。另外叫咗個BBQ豬肋骨嘅Dinner set，有沙律餐湯餐飲。BBQ豬肋骨份量都唔少，整體不過不失啦😌餐飲俾咗朋友叫凍檸茶，原本想叫果汁，但係個店員好誠實咁話佢哋嘅唔係鮮榨果汁，只係普通果汁先生🤣🤣我就額外叫咗杯凍朱古力，原來上面係有cream嗰種，好邪惡🥴朋友話想食炸雞，不過呢到冇炸雞叫，得炸雞翼🤣都照叫啦！雞翼整得香脆，咸蛋黃醬都幾香。辛辣雞翼望落好似落咗好多辣粉咁，但其實食落都唔會太辣。.呢到係燈光有少少暗嗰種🤏感覺環境都唔錯，店員都好nice🥰

餐廳既佈置帶有美式既風格，播住悅耳既爵士音樂，再配合柔和既燈光，感覺幾relax。等緊上菜仲有啲脆脆係枱比你食，幾香口。先叫左份炸魚薯條。餐廳選用左銀雪魚作材料，外層炸到好酥脆，咬開後裡面既銀雪魚晶瑩剔透，可以食得出魚係非常新鮮，份量仲超多，抵！薯條都係冇得彈，粗身脆卜卜，滿分。佢既卡邦尼意粉都好有驚喜。香濃既芝士，再加上半生熟蛋既配合，每一啖都滿滿既蛋汁同芝士醬，好滿足！主菜方面，我地仲揀左燒紐西蘭肉眼扒。五成熟既牛扒，上枱熟度完美，肉質嫩滑，肉味濃，而且口感豐富。整體黎講，餐廳食物質素非常高，食材無論用料同份量都好大方，值得一試

見咁多人推介所以Bookmark左Mini Friday好耐🌚點知原來係大伏🌚完全overpriced & overrated 🌚唔值得去我地兩個人係即日openrice book枱 仲有88折 因為唔算好肚餓所以只叫左一個dinner set 同小食share.🎈碳燒鹿兒島極黑豚西冷扒配藍梅燒汁($248)其實一開始食都幾好 醬汁就係一般既燒汁味不過不失呢塊豬扒都幾厚下 一上碟已經有種不良預感🌚切邊邊位係嫩粉紅色 但去到中間完全係唔係咁熟😮牛扒我接受到medium rare個豬扒我expect一個well done...見到入面咁紅我真係非常驚訝😮😮配菜都算幾敷衍 薯蓉似薯仔唔夠creamy蔬菜類都係一般🌚有諗過想換過碟 但因為已經食左大半同其他食物質素都一般 所以已經對佢冇任何期望😮收得呢個價錢至少要比塊煮熟既豬扒比我🤦‍♀️評分: 1/10.🎈維尼雞翼 ($58)即係柚子蜜糖雞翼 見非常多人推薦所以都叫左一份試試佢我呢世人冇食過咁甜既雞翼😨食多幾隻可能會有糖尿病基本上佢全部汁都係柚子蜜 好懷疑佢有冇稀釋過🌚唯一可以讚既係佢雞翼炸得算脆 只係個醬汁出左事🤦‍♀️評分: 3/10.🎈黑松

Mini Friday透過OpenRice 網上訂座有88折餐廳環境舒適而且座位空間夠大當天點了set lunch F是日餐湯是南瓜湯南瓜湯味道濃，湯又不會太稠，恰到好處燒紐西蘭肉眼扒配黑松露汁配薯菜，點了五成熟肉眼扒，店員遞上時已嗅到很香的黑松露味，肉眼扒肉質厚而且口感不會太韌，每一啖都有很香的黑松露味，麼至連薯蓉也是跟黑松露蓉在一起。另外再點了份咸蛋黃雞翼，皮很黃而且不是死咸，咸蛋黃味香香，雞翼肉滑多汁，形成外脆內軟的口感。最後點了兩杯飲品做結尾總括然而這餐廳是在旺角區是不錯的選擇之一

💛💛揀依間因為有88折+ 生日送甜品已係app預約位於銀城九樓佢係同另外一間餐廳「日本野」同一個門口然後分左右兩邊有客廁可以問職員拎鎖匙我地食六點 可能太早成個場得兩枱客可以坐卡位 下面係馬路景侍應多過客入座前已經擺好左有碟nachos(?)但又冇醬點 （得pepper同tabacos), 同埋已經唔係好脆唔建議食。menu菜式唔多基本上去親食嘅人會係叫雞翼 + 威靈頓牛/ 咸豬手我地兩個女仔揀左1）咸蛋黃雞翼2）威靈頓牛3）薯條配黑松露醬 4）fruit punch🍹, corona🍺 （有水供應）咸蛋黃雞翼 有4件個皮好香好正 咸蛋黃味唔會太濃蓋過雞翼味雞肉仲好嫩very juicy威靈頓牛柳外貌好吸引 好大份 個酥皮整得岩岩好 超好食旁邊有好多款配菜 唔知係咪太期待個牛中間係粉紅色which is very good但外面有啲太熟 咬落有少少韌就咁食個酥皮同入面啲菇都好好食😋佢個gravy sauce好有味，一定要淋黎食薯條配黑松露醬& 茄醬薯條真係唔會唔好食 好大盆👍如果可以我會想係有坑紋果種薯條🤪或者手切薯條會再吸引啲（我太多要求lol）最後因為太飽個甜品都食唔晒下底係芒果

我住新界閨蜜住九龍，所以通常約食飯都離不開旺角太子呢Ｄ地方～今晚佢就約左我係旺角試下呢間咁高評價既西餐😄我地點左兩份set dinner加一客小食炸薯條配黑松露醬～薯條新鮮熱辣炸起好脆，幾粗身好有口感但唔油膩😋 閨密係黑松露lover佢盛讚呢個醬好好食😂我突然之間好想食三文魚所以叫左set dinner既香煎三文魚柳拼紅花忌廉汁，而我本身唔太鍾意食忌廉汁因為覺得太重奶味所以最初都有猶豫左一陣，但原來呢隻汁有忌廉稠稠地既質地但係無左果種奶味，換黎既係鮮艷嘅黃色同埋淡淡嘅香味👍👍三文魚皮煎得超級脆！！魚柳幾重香草味，好大舊啖啖肉，岩晒我😋 朋友就叫左香烤美式BBQ豬肋骨～份量同肥瘦都適中，切開裡面肉質幾嫰滑，調味剛好👍伴碟薯蓉入口幾滑，裏面均合左啲黑松露所以好香，閨密再次大讚呢間餐廳製作好有心思同誠意😂😂呢個閨密平時對餐廳要求都幾高，難得佢都咁滿意，咁高人氣果然有啲料到！🤣

Mini Friday是旺角蠻受歡迎的西餐廳，不少朋友，家人和情侶的好去處。對於身邊不乏嘴很刁的朋友，能被二訪或以上的餐廳，其實真的很難得，這晚已是四訪Mini Friday。常去Mini Friday用餐都知道，餐桌總會預備一籃脆脆供食客作餐前小食，脆脆非常香脆，當我輕輕咬下，脆脆咔滋咔滋的，無論吃幾多次都會回味無窮。首先上桌的是開胃的田園沙律，沙律採用車厘茄，粟米，沙律菜和爆珠，搭配意大利黑醋調味，視覺繽紛又豐富。田園沙律吃起來微微酸甜，清爽脆口，尾韻帶點爆珠果香，沙律層次多元。是日餐湯是大家喜愛的雜菜湯，湯頭保留了蕃茄，青椒，蘿蔔，椰菜等菜蔬天然原味，濃濃的酸香，滿適合作為餐前湯品，先令人胃口大開。香烤美式BBQ豬肋骨表層裏上焦褐色的BBQ醬，醬香四溢，十分誘人。這次是我們初嚐香烤美式BBQ豬肋骨，豬肋骨份量十足，鹹甜滋味在交織，豬肉軟嫩易咬，吃來真的爽快，愈吃愈涮嘴。香草燒牛仔骨配蜜糖燒汁頗有厚度，肉質扎實不失柔軟且多汁。牛仔骨吃得到牛肉的香和蜜糖的甜，不過骨的部份比較難切，帶些許牛筋，牛仔骨旁的薯蓉，露筍，蘿蔔，粟米也可以搭配蜜糖燒汁一起享用。黃到金雞翼都加入鹹蛋黃醬來調味，