Luna Kaffe

营业中

休息中

餐廳非常受歡迎，晚市時段一直滿座。等位等一陣先入到去，想食嘅朋友可能早少少去避開晚市時段會好啲。威靈頓牛柳$98鐵板熱辣辣，黎到嘅時間鐘有滋滋聲。鐵板本身會有威靈頓牛柳、粟米同埋翠肉瓜。鍾意食重口味啲嘅朋友仔可以點埋隨餐附送嘅黑椒醬，黑椒味好重，同埋牛柳一齊食嘅時候會有好強嘅辛辣感。威靈頓牛柳好軟熟，而且完全冇跟。蒜香牛柳粒$38 呢一款小食都好多牛柳粒，同埋有一邊傾偈，一邊咁樣一粒一粒咁樣食好適合。蒜頭切到薄片之後煎炸到脆口，脆脆嘅蒜頭同牛柳粒口感做成對比。而且炸到好脆之後嘅蒜片味道會冇咁刺激，反而加多咗一陣惹味落啲牛柳粒度。Fruit punch $48 Fruit Punch飲到橙同埋菠蘿味，唔會太甜。大大杯咁樣好適合同朋友慢慢傾偈慢慢食飯。

旺角女人街一帶好多野食，最近去左一間Café試試佢手勢，都算驚喜！首先，隨餐會有忌廉餐湯，接住，試咗脆炸軟殼蟹，外層炸得金黃香脆，蟹肉鮮嫩多汁，咬落去唔油膩感。香辣魷魚就係另一個驚喜，魷魚煮得剛好，口感彈牙，香辣的味道令人一口接一口，特別適合喜歡重口味嘅朋友。海魷墨汁意粉，意粉煮得恰到好處，墨汁醬汁濃郁而不過鹹，配上新鮮嘅海鮮，味道非常豐富，食落去好有層次感。紐西蘭穀飼肉眼伴燒汁（五分熟）有驚喜，肉質鮮嫩多汁，燒汁味道恰到好處，輕輕一咬就能感受到肉香。飲品點左菠蘿沙冰清新爽口，完美解膩，而焦糖燉蛋則滑得來又香甜，食完後令人心情愉快。呢度環境舒適，光線亦足，不論三五知己都非常推介可以黎傾計食飯呢！😀

Luna Kaffe📍旺角通菜街25號地舖放工又約咗朋友去旺角搵食，今次早早預約好去前上司介紹嘅Luna Kaffe食晚餐。佢非常推介Luna出品嘅Beef Wellington，話算係佢喺香港食過數一數二、性價比高嘅選擇。見佢咁滿意，我都特登約朋友嚟，睇下係咪真係值得咁高評價。 💰$88白布烏冬配香烤油封鴨脾 🍜🦆估唔到一心嚟係食西餐，居然發現近排餐廳主打白布烏冬，喺西式cafe食日式美食，居然無太大違和感！我同朋友都未食過白布烏冬，所以無辦法評價佢正宗與否，但以CP值嚟講，呢個烏冬算好抵食。西餐廳食油封鴨脾，無一百幾十都落唔到樓，仲要多數配薯菜，唔算飽肚。呢個套餐除咗有隻烤得非常靚仔嘅油封鴨脾外，仲配有滑溜溜嘅白布烏冬，用托盤上菜更顯和風，頗有特色。烏冬set配有昆布湯同芝麻醬兩款沾汁，隨個人口味冷沾，因白布烏冬有薄、闊嘅特色，所以份外掛汁，入口順滑，好味道。 💰$128黃金脆香雞堡伴薯條 🍔🍟另一主食揀咗黃金脆香雞堡伴薯條，隻碟有幾大，塊雞扒就有幾大，稱佢為巨無霸雞堡都不為過！漢堡包鬆軟香脆，兩邊都有塗牛油煎香，芝麻粒亦增加口感、香氣，唔錯！主角無骨大雞扒肉質滑嫩，面衣炸至金金黃

今日好開心同屋企人去咗一間好高質素嘅餐廳，喺門口，已經見到好多人坐滿晒位，排晒隊，證明呢一間餐廳真係好受歡迎，而且生活質素好高，真係好有驚喜呀，而且食物質素種類好多，而且分量十足，價錢經濟實惠，真係好啱一家大細，情侶嚟食飯，而且佢哋嘅裝修都好靚，好有格調，而且衛生程度好高，質素都好好，侍應都好主動去為客人服務，而且我真係好推介佢哋嘅紐西蘭肉眼扒伴燒汁，個牛扒非常之彈牙，而且好惹味，配襯真係好好呀，仲有焗蠔非常足料，個肉都好多，香辣魷魚都好好食，個魷魚係非常香啦，好惹味，非常單啊，仲有佢哋最特別嘅就係八寶烏冬配輕柔鴨髀，個鴨髀個皮好脆卜卜，而且啖啖肉，仲有個昆布湯好正，個芝麻醬都好突顯到鴨味，真係好特別，出面市區都食唔到啊

今日嚟到旺角經過呢間 Luna Kaffe 門口寫住有白布烏冬 二話不說即刻入去試😬好彩6點左右早少少入去 坐咗一陣就開始好多人😀 坐低睇睇餐牌 必點白布烏冬 冷沾啱晒而家仲係熱熱地嘅天氣😬 仲有其他Cafe有嘅主食 圖文並茂 好幾樣都好吸引😋 揀好就落單啦～ 落咗單之後好快就上咗餐湯 係白湯 有少少蔬菜同蘑菇 暖笠笠作為晚餐嘅開始😇 重量級安格斯牛肉漢堡伴薯條 $128好大份！果然係重量級😋 麵包加牛油烤過好香 安格斯牛肉切開仲有肉汁 調味做得啱啱好 配上芝士煙肉同埋洋蔥 仲有食漢堡我最鍾意嘅酸瓜 加埋一齊食好好食呀😌 薯條炸得金黃香脆 份量仲有好多！ 白布烏冬配咖喱吉列豬扒 $88吉列豬扒炸得香脆肉嫩唔會柴 可以點咖喱汁或者沙律醬 兩個味都好夾😬 白布烏冬煮得啱啱好 煙靭有咬口 配上芝麻沙律醬 好好食呀😋 我哋仲加咗兩個小食～ 香辣魷魚- 整得好香又唔會好辣 魷魚彈牙 調味啱啱好～ 脆香雞鎚- 炸得香脆 肉唔柴 作為小食好香口呀～ 益力多沙冰好濃郁嘅益力多味 好耐冇飲過益力多 好有兒時嘅回憶🤣 Peach tea揀咗少甜啱啱好 淡淡嘅桃味 好清新～ 整體嚟講 呢間Luna Ka

Fafafoodblog為食花太郎 🍴紐西蘭穀飼肉眼伴燒汁 148 蚊🐂牛扒好彈牙 牛味夠 上枱熱辣辣 有茄子甜粟米拌碟 燒汁好香 🍴芝士煙肉焗蠔 38 蚊🧀 焗蠔芝士足料入味 蠔肉juicy 🍴香辣魷魚 38 蚊🦑魷魚香辣度夠惹味 魷魚彈牙 新鮮🍴白布烏冬88 蚊 配香油封鴨脾 🦆鴨脾個皮幾彈牙 鴨肉味香濃 點d芝麻醬突顯到鴨味 烏冬好爽口夠彈牙 點d昆布湯好正 🍴SKY blue 48 蚊🍴yakult 48 蚊呢兩款沙冰好冰涼足料 夏天飲正#魷魚 #沙冰 #益力多 #烏冬 #鴨脾 #芝士 #焗蠔 #燒汁 #肉眼扒 Score 平均分< 7.8/10>Taste 味道：👍🏻👍🏻👍🏻👍🏻Present 外觀：👍🏻👍🏻👍🏻Decor&Hygiene 環境衞生：👍🏻👍🏻👍🏻👍🏻Value for $ 性價比：👍🏻👍🏻👍🏻👍🏻Service 服務：👍🏻👍🏻👍🏻👍🏻~~~~~~~~~~~~~#lunakaffe 旺角通菜街25 號地鋪~~~~~~~~~#fafafoodblog #為食花太郎 #fafafoodblog旺角====================

今日我同朋友喺旺角行街，咁啱見到一間幾精緻嘅西餐廳，於是即刻決定去試吓。首先上嚟嘅係今日嘅餐湯——白汁忌廉蟹柳湯。呢碗湯味道濃郁，蟹肉嘅鮮甜同忌廉嘅香滑完，飲落味道都幾好跟住試咗白布烏冬配咖喱吉列豬扒。白布烏冬口感幾特別，咬落去彈牙又爽口，加上香濃嘅咖喱醬汁，咖喱吉列豬扒份量都好大，豬扒仲要係外脆內嫩！我哋仲叫咗紐西蘭穀飼肉眼，揀咗五分熟。牛排一上到嚟，真係大到驚人，肉質鮮嫩，牛味濃郁，厚度份量真係好足！無論直接撤離食食定加上燒汁，都好好味。最後仲點咗幾樣小食，芝士煙肉焗蠔味道濃郁，蠔肉鮮美，配上cheese真係好正！脆炸軟殼蟹外面酥脆，裡面肉質鮮嫩，仲要啖啖肉，成個食都唔會好油膩！焦糖燉蛋就係西餐經典嘅甜品，香滑又唔太甜，加上蛋味都幾濃，值得推介！

之前喺舊舖食過一次 覺得性價比好高於是今次再同朋友食跟餐可以加錢轉酥皮湯 酥皮湯都係啱啱焗起所以塊酥皮好脆 加埋啲湯度都好飲湯就係忌廉蘑菇湯 起碼忌廉湯唔係好稀主角 威靈頓牛柳 雖然唔係好大嚿真係得酥皮包住個牛柳 中間冇蘑菇醬或者包住ham咁牛柳咬落慢慢先食到牛味 而且真係做到裏面5-7成熟 唔會太韌 咁嘅價錢 我覺得正常啦不過其他主菜就一般般叫咗黑椒汁豬扒意粉就真係正常普通出面食到嘅快餐味道意粉偏乾 豬扒都幾厚身 好香豬味嘅 但係都幾難咬總括而言 我覺得小店咁嘅價錢有咁嘅質素 真係性價比好高 要支持吓

女人街呢度相對上比較少cafe西餐，前排行過見過呢間簡單裝修無起眼deco嘅cafe，見餐牌啲食物吸引咗我去試🤭Dinner Set餐湯 黑松露忌廉湯🥣餐前湯尤其白湯好怕太濃味影響之後嘅胃口，呢個味道適中很可以👌🏻紐西蘭穀飼肉眼扒$148超平價🥹但份量好大好足夠肉質係幾好，鐵板上保持溫度海魷墨汁意粉同出面食開有啲分別 唔係成碟黑色魷魚係另外放上去 味道香辣惹味會為咗呢碟意粉再去😍🙂‍↕️小食香辣魷魚同意粉上面放嘅係一樣的完全唔介意🫣味道好令人回味！焦糖燉蛋係好食而唔膩嘅燉蛋👏🏼檸檬菜蜜跟dinner set免費🆓凍飲+$3益力多乳酪 +$15好濃益力多味 推介⭐️Overall性價比超級高下次試埋其他菜式🚩

Luna Kaffe位於旺角通菜街，地鐵站步行幾分鐘就到，非常方便。價錢親民，選擇都多，餐廳有鐵板燒，威靈頓牛柳 , 意粉、沙律、咖喱.............最近見有人推介呢間餐廳新出左2款白布烏冬，今日就同朋友黎試吓,星期六下午2時左右到 , 餐廳已經排緊長龍 , 好彩等大約10分鐘到就有位 , 所有套餐已包括餐湯及餐飲，餐飲有升級優惠，又可以用優惠價加配小食/甜品。而飲品方面，我地叫左2款沙冰唔記得影。我地食到好飽 , 食物質數高, 價錢相宜，值得再回頭 , 要支持本地消費 , 好食嘅餐廳真係買少見少

📍旺角喺旺角行完街好攰，見到呢間新餐廳就試吓。人山人海，都排咗幾個字。跟咗湯方，係忌廉湯。$38 炸軟殼蟹$38炸雞鎚加咗錢要咗呢兩款小食，炸雞鎚都好大隻，有三隻。炸軟殼蟹有成隻手掌咁大。熱辣辣勁好食。$88 炸豬扒白布烏冬冷沾烏冬，係咖喱汁，白布烏冬其實都出咗好多年，今次都係第一次食，口感好得意，打卡一流。另外仲有兩款沙律汁，配炸豬扒，炸豬扒勁大塊，兩個女仔share都好大份。$148 肉眼扒叫咗五成熟，啱啱好，落啲汁落去嗰陣，好似出去食花園餐廳嘅感覺，好懷念。仲有啲粟米，翠玉瓜做配菜。$48YAKULT勁好飲，係益力多沙冰，唔會太多冰，味道啱啱好。食炸嘢飲呢個好爽。$48 FRUIT PUNCH朋友就揀咗呢杯，感覺甜度啱啱好，而且漸層都好靚。

最近喺旺角行街 咁啱見到間西餐廳睇落唔錯咁 就入咗去食白汁忌廉蟹柳湯首先上來的是今日的餐湯——白汁忌廉蟹柳湯。這碗湯的味道濃郁，蟹肉的鮮味與忌廉的滑順搭配得相當不錯，飲下去的時候感覺很舒適。紐西蘭穀飼肉眼配燒汁接著我點了紐西蘭穀飼肉眼，選擇了五分熟。牛排上桌時，份量還算可觀，但食落去感覺牛味稍微不足。不過，無論是直接食用還是沾上燒汁，整體的味道仍然相當不錯。終結嚟講食物都不過不失嘅，不過牛肉味道稍為不足，希望下次可以有進步啦

想食西餐又唔想破產嘅朋友可以試下呢個叫Luna Kaffe嘅西餐廳,份量大到不得了首先講黃金脆香雞堡配薯條，個雞肉厚到誇張，一啖咬落去，外皮香脆到爆，裡面嘅肉又多汁又嫩滑，配埋薯條簡直完美！焦糖燉蛋滑到冇朋友，入口即溶，甜度啱啱好冇過頭。忌廉湯濃郁得嚟又唔會太漏，香濃滑溜，啜一啖就暖笠笠。蒜香牛油包香氣撲鼻，外脆內軟，沾埋牛油食簡直係罪惡感爆燈。威靈頓牛柳五成熟外層酥脆，入面嘅牛肉粉紅色靚到震，一刀切開嘅時候仲會見到肉汁慢慢流出嚟，食落口嫩得嚟又唔失牛肉本身嘅咬感。香辣魷魚就真係香辣到爆，啲魷魚炸得香脆，又唔會太韌，辣味夠晒刺激，配埋啤酒就一流！飲品方面，奶茶就香濃滑身，唔會太甜，啱晒香港人口味。

呢間嘢前身叫LA Restaurant and Dessert Bar，入邊裝修冇乜大變，餐牌唔係好大分別，仲保留咗signature嘅威靈頓牛柳，但係其他菜就加咗價，懷疑只係改咗名。個湯完全係以前港式餐廳麵粉湯，唔係忌廉湯，搞搞吓會變水嗰種，入邊得少少蟹柳絲，麻麻地，當佢花園餐廳咁食就OK個朱古力係水溝朱古力粉，應該冇奶嘅成份，成杯嘢勁奇怪，仲要超甜，飲到成口粉，仲要好稀，得個顏色。威靈頓牛柳好細舊，就算女仔食都一定唔會飽，脆皮幾香整得幾好，但係牛柳感覺好似制過，唔係天然淋嗰種。整體就…冇下次如果原本飽飽地再去食就OK嘅，當佢正餐就不了

最近都有人推介呢一間餐廳，都話威靈頓好抵食，今日就試吓佢。6:00到都已經有唔少人。威靈頓牛柳$98既威靈頓牛，職員會問需要幾成熟，佢係以鐵板形式上碟嘅，所以大家都可以按照喜好嚟決定生熟程度。 佢嘅酥皮唔會話太厚，牛肉質素幾高，肉質軟熟，咁嘅價錢嚟講真係冇得輸。白布烏冬伴咖喱吉列豬扒天氣熱食呢個白布烏冬都唔錯，白布烏冬口感Q彈，真係好好食。佢配上咗咖喱或者麻醬。另外佢嘅吉列豬扒勁大塊，豬扒都充滿肉汁。蒜香牛柳粒叫完主食可以加錢叫小食，呢個蒜香牛肉粒，上面有好多嘅蒜片，所以好香，另外牛肉嘅肉質都係好飽滿，仲要幾有牛肉味。焦糖燉蛋上網見到呢個燉蛋勁吸引，所以嚟到一定要叫嚟試吓。果然呢個燉蛋真係唔錯，匙羹扑落去嗰一下好治癒，燉蛋軟滑夠晒香。 FRUIT PUNCH /YELLOW PINEFRUIT PUNCH 味道就正正常常。YELLOW PINE 係菠蘿沙冰，個人幾推介呢個 ，因為菠蘿味濃郁，仲要沙冰透心涼。