Luna Kaffe

营业中

休息中

今天去Luna Kaffe吃西餐，各式菜餚無論是色香味，皆讓人難以抗拒，彷彿每一道都是一場味覺的盛宴。**白布烏冬配咖喱吉列豬扒**頭一次見這種寬大像白布的烏冬麵，沾咖喱醬之後，入口清爽柔滑多汁，吉列豬扒外酥內嫩，沾上咖喱醬更加香氣四溢！選了這個套餐還免費贈送餐前湯和熱飲！**炭燒美國牛仔骨伴黑椒汁**牛仔骨高質鮮嫩，炭燒的香氣與黑椒醬的微辣相得益彰，每一口都彷彿在品味一場肉質的饗宴！**香辣魷魚**魷魚肉質鮮嫩，咬起來不費勁，入口能充分感受到海洋的鮮味與香料的熱情！**芝士煙肉焗蠔**新鮮的生蠔被濃郁的芝士和煙肉覆蓋，咬下時鮮甜與鹹香交融！**焦糖燉蛋**滑嫩的蛋羹上是一層玻璃焦糖，又脆又甜，帶有一絲焦香的回味！

自從大角咀間白布烏冬執咗之後都好耐冇食過白布烏冬。係花園街搵到呢間都唔錯。白布係長條型，都方便擺入口。佢有一個溫暖嘅鴨湯可以浸一浸，有啲似沾麵的感覺。麵條都煙韌但唔難咬開。鴨髀嘅油封有少少似油炸感覺，但裏面嘅鴨肉都唔算太乾，浸完湯或者點完佢嘅芝麻醬之後都好味的。威靈頓牛柳出乎意料地好味，冇諗過$98可以食到咁大份，而肉汁都鎖得幾飽滿、入口有juicy feeling. 每一舊咬開到唔黏牙、唔難消化咀嚼。酥皮都算幾薄身、做到香脆。如果可以有埋焗蒜頭就仲正。飲品杯 fruit punch ok

呢款烏冬好特別，好滑，好粗｡沾上昆布湯咁食，味道好特別｡隻鴨髀要點啲芝麻醬先好食，整體來講唔錯｡個忌廉湯有點咸。上菜時間算係合理，但係午餐時間限時90分鐘，實在太短了，如果可以再長一點就好了。

今日下午1:08入座，我等咗我朋友13分鐘就有人過嚟問我係咪兩個人，然後佢竟然同我講用餐時間得60分鐘😅😅而當時餐廳入邊係有空位，同埋出邊完全冇人排隊😅👌🏻最好笑嘅係食完埋單之後問返收銀佢哋都講唔出個原因點解要限我60分鐘🙂最好笑嘅係佢哋餐廳自己出邊食晚餐時間食75分鐘🙂原來食午餐仲少得60分鐘 諗住俾少少錢支持吓隱世餐廳，但原來香港嘅餐飲服務業都係咁差，有時態度差，真係搞到啲食物大打折扣，希望佢哋會改善一下態度 。

約朋友收工之後旺角食飯，行過通菜街25號地舖『Luna Kaffe 』店前，見到好多人食完行出門口，行入去又都見到好多人🤔，咁多人一定好，就食這間😬坐低拿餐牌睇，好多不同美食，同埋知道人多原因之一系👉，價錢大眾化，好抵食😽先來個例湯「黑松露忌廉湯」，熱騰騰入口香滑👍再叫咗二個小食「芝士煙肉焗蠔」及「香辣魷魚」，@$38咁嘅價錢可以食到，讃👍主食系：「白布烏冬配咖喱吉列豬扒」，烏冬口感好正🤤，豬扒炸得香炸，水準之作👍另外主食：「紐西蘭殼飼肉眼伴燒汁」，鐵板上，牛扒超熱又軟腍，不錯👍一定要提一提飲品，我哋叫咗👉「藍色庫拉索葡萄柚冰沙」，非常吸引眼球的一杯飲品，一個字🤩靚🤩另外一杯系👉「菠蘿橙汁」，又係好好飲😍成晚同友人邊食邊傾，食得開心傾得又開心，又渡過愉快的一個晚上，開心🥳

今日同朋友喺旺角行街，經過見到有間小店竟然有威靈頓牛柳同白布烏冬，仲要唔使$100，即刻諗住試吓佢😗餐廳位置都好方便喺旺角地鐵站行過去都係非常近嘅位置，所以我覺得都非常容易搵🥹 絕對冇問題，我呢啲路痴都搵到！餐廳非常熱鬧，好彩我哋早咗入去，見到餐廳後尾都九成滿座。所以大家都要早啲去。！🤍威靈頓牛柳呢一道菜時間控制好重要，牛肉我哋嗌咗三成熟。上菜嘅時候，的確肉質控制到啱啱好，好Juicy ，而且呢度嘅牛柳都好高質。酥皮嘅鬆脆度鬆脆可口，呢個價錢食到絕對係好有驚喜！必嗌之選！🤍白布烏冬配香烤油封鴨髀朋友叫咗呢個白布烏冬，呢一隻烏冬好少喺出邊可以食到，所以呢一間餐廳提供呢一個烏冬嘅時候我同朋友都非常有驚喜，所以我哋就特登叫咗呢一個烏冬大家試吓！烏冬非常爽口彈牙我同朋友都非常鍾意再加埋佢本身條配嘅醬汁真係做得非常好！油封鴨髀我哋就覺得非常好食，餐廳呢一個鴨脾呢一個價錢CP值真係非常高，而且絕對做到有高級西餐嘅口感！🤍蒜香牛柳粒 牛柳粒非常好食，而且一啖一粒非常方便，再加埋少少蒜蓉嘅味道，我同朋友都覺得呢一個配搭做得非常好，本身都幾鍾意食牛柳粒，所以覺得呢一個牛柳粒都可以推介俾大家鍾意食牛柳粒嘅

今天又到了旺角工作，晚上約了老公到附近食晚餐，走過通菜街，看見這間西餐廳，裏面坐滿是客人，看到餐牌的價錢很合理，賣相也很吸引，一於在這裏吃晚飯！香蒜欖油海鮮意粉意粉煮到剛剛好，很彈牙，用爆香的蒜蓉來炒意粉，蒜味超濃郁！用的也是橄欖油，很健康。簡簡單單配上各式各樣的海鮮配料，十分滿足。紐西蘭殼飼肉眼伴燒汁肉眼鮮嫩多汁，剛好是我喜歡的熟成度，咬落去很有口感，而且牛味香濃，食肉獸的老公大讚滿足！另外我們還加點了兩款小食，分別是牛肉薯餅和酥炸軟殼蟹！牛肉薯餅看似非常特別，決定一點。薯餅炸得非常金黃又香脆，內裏滿滿是牛肉，很少見，挺特別的。酥炸軟殼蟹非常大份，足足有一整隻大軟殼蟹。請將的厚薄度剛剛好，不會太厚，咬落外面非常香脆，內裏是酥脆的軟殼蟹。價錢相當合理，性價比絕對高，可以有下次！

自費同男朋友去食，大概6:30去到唔使等位。先講吓環境，其實就唔夠光，本身個裝修都黑蚊蚊。不過係乾淨嘅。食物種類唔算多，男朋友揀威靈頓，我就揀128嗰個漢堡。咁其實都等咗幾耐先有得食，但係好嘅位係佢真係需要時間整，薯條係真係好食嘅。我覺得128嗰個漢堡完全唔抵食，個價錢根本唔值呢個價。頂盡$90。。。威靈頓牛扒一般般，不過價錢嚟講都OK店員服務麻麻，冇咩笑容，放啲嘢落嚟好大力，其實真係唔驚焫親我哋嘅咩….. 同埋就係啲粟米放喺威靈頓牛扒隔離，但係個鐵板就好熱。啲粟米真係有彈出嚟。。。整體嚟講：價錢唔抵 服務中下 環境一般唔推介，不過唔知點解好多人排隊，到七點幾已經排長龍

約左朋友去旺角搵食-經過這間cafe 都多人排隊所以入去試試😉當時係lunch time 都有好多lunch set 揀👍每個餐都有餐湯送-黑松露蘑菇湯 🎉夠creamy 好飲。我哋揀左卡邦尼意粉， beef burger and chip , 同埋威靈頓牛扒 ，碟碟熱辣辣薯條又好味。冇諗過cafe 都有靈頓扒仲要係好juicy😋 價錢仲唔貴冇加一 是不錯的選擇

通菜街有好多餐廳，揀黎揀去見到佢有白布烏冬幾吸引，於是同朋友一於試下~餐湯係蘑菇栗米濃湯，豐富又香濃。白布烏冬 配咖哩吉列豬扒，第一次食白布烏冬，口感黏黏又彈牙，夏天冷沾非常清涼。吉列豬扒好大塊，炸得非常香脆。威靈頓牛柳，估唔到依度連威靈頓牛柳都有。鐵板一上黎就滋滋聲，叫咗7成熟，一開頭大概5成，用鐵板再將佢煎到7成。酥皮非常酥脆，牛柳好大份，好腍一啲都唔韌，肉味濃郁。可以追加小食，依個香辣魷魚係用貝殼裝住，少少辣辣地好開胃。最後再追加焦糖燉蛋，超嫩滑，蛋味好香。飲品揀咗sky blue同fruit punch，即刻要打卡，清新消暑。

餐廳非常受歡迎，晚市時段一直滿座。等位等一陣先入到去，想食嘅朋友可能早少少去避開晚市時段會好啲。威靈頓牛柳$98鐵板熱辣辣，黎到嘅時間鐘有滋滋聲。鐵板本身會有威靈頓牛柳、粟米同埋翠肉瓜。鍾意食重口味啲嘅朋友仔可以點埋隨餐附送嘅黑椒醬，黑椒味好重，同埋牛柳一齊食嘅時候會有好強嘅辛辣感。威靈頓牛柳好軟熟，而且完全冇跟。蒜香牛柳粒$38 呢一款小食都好多牛柳粒，同埋有一邊傾偈，一邊咁樣一粒一粒咁樣食好適合。蒜頭切到薄片之後煎炸到脆口，脆脆嘅蒜頭同牛柳粒口感做成對比。而且炸到好脆之後嘅蒜片味道會冇咁刺激，反而加多咗一陣惹味落啲牛柳粒度。Fruit punch $48 Fruit Punch飲到橙同埋菠蘿味，唔會太甜。大大杯咁樣好適合同朋友慢慢傾偈慢慢食飯。

旺角女人街一帶好多野食，最近去左一間Café試試佢手勢，都算驚喜！首先，隨餐會有忌廉餐湯，接住，試咗脆炸軟殼蟹，外層炸得金黃香脆，蟹肉鮮嫩多汁，咬落去唔油膩感。香辣魷魚就係另一個驚喜，魷魚煮得剛好，口感彈牙，香辣的味道令人一口接一口，特別適合喜歡重口味嘅朋友。海魷墨汁意粉，意粉煮得恰到好處，墨汁醬汁濃郁而不過鹹，配上新鮮嘅海鮮，味道非常豐富，食落去好有層次感。紐西蘭穀飼肉眼伴燒汁（五分熟）有驚喜，肉質鮮嫩多汁，燒汁味道恰到好處，輕輕一咬就能感受到肉香。飲品點左菠蘿沙冰清新爽口，完美解膩，而焦糖燉蛋則滑得來又香甜，食完後令人心情愉快。呢度環境舒適，光線亦足，不論三五知己都非常推介可以黎傾計食飯呢！😀

Luna Kaffe📍旺角通菜街25號地舖放工又約咗朋友去旺角搵食，今次早早預約好去前上司介紹嘅Luna Kaffe食晚餐。佢非常推介Luna出品嘅Beef Wellington，話算係佢喺香港食過數一數二、性價比高嘅選擇。見佢咁滿意，我都特登約朋友嚟，睇下係咪真係值得咁高評價。 💰$88白布烏冬配香烤油封鴨脾 🍜🦆估唔到一心嚟係食西餐，居然發現近排餐廳主打白布烏冬，喺西式cafe食日式美食，居然無太大違和感！我同朋友都未食過白布烏冬，所以無辦法評價佢正宗與否，但以CP值嚟講，呢個烏冬算好抵食。西餐廳食油封鴨脾，無一百幾十都落唔到樓，仲要多數配薯菜，唔算飽肚。呢個套餐除咗有隻烤得非常靚仔嘅油封鴨脾外，仲配有滑溜溜嘅白布烏冬，用托盤上菜更顯和風，頗有特色。烏冬set配有昆布湯同芝麻醬兩款沾汁，隨個人口味冷沾，因白布烏冬有薄、闊嘅特色，所以份外掛汁，入口順滑，好味道。 💰$128黃金脆香雞堡伴薯條 🍔🍟另一主食揀咗黃金脆香雞堡伴薯條，隻碟有幾大，塊雞扒就有幾大，稱佢為巨無霸雞堡都不為過！漢堡包鬆軟香脆，兩邊都有塗牛油煎香，芝麻粒亦增加口感、香氣，唔錯！主角無骨大雞扒肉質滑嫩，面衣炸至金金黃

今日好開心同屋企人去咗一間好高質素嘅餐廳，喺門口，已經見到好多人坐滿晒位，排晒隊，證明呢一間餐廳真係好受歡迎，而且生活質素好高，真係好有驚喜呀，而且食物質素種類好多，而且分量十足，價錢經濟實惠，真係好啱一家大細，情侶嚟食飯，而且佢哋嘅裝修都好靚，好有格調，而且衛生程度好高，質素都好好，侍應都好主動去為客人服務，而且我真係好推介佢哋嘅紐西蘭肉眼扒伴燒汁，個牛扒非常之彈牙，而且好惹味，配襯真係好好呀，仲有焗蠔非常足料，個肉都好多，香辣魷魚都好好食，個魷魚係非常香啦，好惹味，非常單啊，仲有佢哋最特別嘅就係八寶烏冬配輕柔鴨髀，個鴨髀個皮好脆卜卜，而且啖啖肉，仲有個昆布湯好正，個芝麻醬都好突顯到鴨味，真係好特別，出面市區都食唔到啊

今日嚟到旺角經過呢間 Luna Kaffe 門口寫住有白布烏冬 二話不說即刻入去試😬好彩6點左右早少少入去 坐咗一陣就開始好多人😀 坐低睇睇餐牌 必點白布烏冬 冷沾啱晒而家仲係熱熱地嘅天氣😬 仲有其他Cafe有嘅主食 圖文並茂 好幾樣都好吸引😋 揀好就落單啦～ 落咗單之後好快就上咗餐湯 係白湯 有少少蔬菜同蘑菇 暖笠笠作為晚餐嘅開始😇 重量級安格斯牛肉漢堡伴薯條 $128好大份！果然係重量級😋 麵包加牛油烤過好香 安格斯牛肉切開仲有肉汁 調味做得啱啱好 配上芝士煙肉同埋洋蔥 仲有食漢堡我最鍾意嘅酸瓜 加埋一齊食好好食呀😌 薯條炸得金黃香脆 份量仲有好多！ 白布烏冬配咖喱吉列豬扒 $88吉列豬扒炸得香脆肉嫩唔會柴 可以點咖喱汁或者沙律醬 兩個味都好夾😬 白布烏冬煮得啱啱好 煙靭有咬口 配上芝麻沙律醬 好好食呀😋 我哋仲加咗兩個小食～ 香辣魷魚- 整得好香又唔會好辣 魷魚彈牙 調味啱啱好～ 脆香雞鎚- 炸得香脆 肉唔柴 作為小食好香口呀～ 益力多沙冰好濃郁嘅益力多味 好耐冇飲過益力多 好有兒時嘅回憶🤣 Peach tea揀咗少甜啱啱好 淡淡嘅桃味 好清新～ 整體嚟講 呢間Luna Ka