Luna Kaffe

营业中

休息中

今日約咗同朋友收工一齊去食嘢，佢話好想鋸扒，於是我就係OpenRice book 咗呢間餐廳～我哋order 咗1️⃣紐西蘭穀飼肉眼伴燒汁（💰148)大大塊又厚身，我哋叫咗七成熟，切咗係粉粉嫩嫩嘅粉紅色，好嫩滑多汁😋有少少脂肪，配合埋啲紅肉，好有牛香😍2️⃣加配小食：黃金蝦多士（2pcs) (+ 💰28)好多餐廳嘅小食會係頹頹地，但呢間個多士熱辣辣、金黃酥脆，咬落去蝦肉彈牙、多士脆到「咔」一聲，幾有誠意👍3️⃣千島菠蘿脆蟹薄餅(💰128）薄餅係薄批底，上面有三色椒、洋蔥、菠蘿、芝士，仲有主角：大大隻嘅軟殻蟹🦀，味道屬於清新fresh 個種，所以我哋兩個唔經唔覺就清哂一大塊pizza 🫣🤣4️⃣跟餐送：黑松露蘑菇忌廉湯好有奶香同黑松露嘅香味，我朋友唔食菇類嘅都可以接受😋，同樣地係一個感受到餐廳誠意嘅位👍聽講佢個威靈頓牛柳都幾出名，下次試埋先🤔Btw 好彩有book 😂，呢間餐廳真係好多好多好多人！大家想試就記得一定要book ! 一定要book !一定要book !

通菜街兩邊有好多食肆，有一啲更是臥虎藏龍，Luna Kaffe就是其中一間，店舖唔係好大，裝修簡約，但座位坐得很舒服。👍餐牌選擇有漢堡🍔、意大利麵🍝、意大利飯、鐵板、沙律🥗、咖哩🍛同薄餅🍕，每個餐都配是日餐湯和飲品🥤，凍飲🥤加$3和Mocktail🍹🍸 加$15，另加錢可加配小食，小食都有九種選擇，由於價錢實惠抵食所以好多人幫襯，建議可預先打電話book枱。👍💯💯💯💯💯💯是日餐湯今天的餐湯是黑松露蘑菇湯，黑松露很香蘑菇湯很滑，好飲。🫶💯👍飲品叫了：凍檸檬茶🥤（套餐+$3）Yakult🍹 (套餐+15）這是一款沙冰，飲落酸酸甜甜很開胃，配肉類是一個唔錯的選擇。🥰🫶💯👍黃金脆香雞堡🐔伴薯條🍟$128脆雞堡🐔有手掌咁大塊表面炸得很金脆裡面唔乾，漢堡🍔包皮裡面烤得微脆，生菜和蕃茄片🍅、醬汁另上，避免麵包皮🍞變淋，很有心思。👍薯條🍟新鮮即叫即炸，表面金黃脆口，裡面食落軟淋唔乾，好味到忍唔住食曬。😋🫶👍💯威靈頓牛柳🐮$98加意粉🍝$15好多地方都已經冇威靈頓牛柳食，所以今次見到就叫了一個來試試，表面酥皮很鬆脆，威靈頓牛柳🐮我們叫了五成熟上枱剛剛好，牛肉🐮軟淋嫩滑多汁，好好味。🫶👍💯追加小食：脆香雞

女人街有好多野食，自從琴晚食完一次之後我以後想食西餐或者鋸扒都一定會嚟返依間。已經8點都仲係滿座! 鐵板餐以外仲有飯或者意炒，但因為餐廳大部分客人都係食鐵板，個香味實在太吸引，已經鎖定係某一頁度。選擇都好多，基本上嘅選項都有之餘，仲有比較少見嘅威靈頓牛柳!咁當然其中一款就決定係佢啦!而另一樣就揀咗紐西蘭穀飼肉眼伴燒汁，餐本身已經包是日餐湯同埋熱飲，凍飲或者特飲就另外加錢。是日餐湯當日只有一款，黑松露忌廉湯，其中一個餐湯加咗酥皮。另外仲加咗三款小食﹕焦糖燉蛋、黃金蝦多士、脆炸軟殼蟹。好快餐湯就送到，個酥皮超香超脆，加埋落忌廉湯係完美嘅配搭，如果同我一樣都中意酥皮就一定要加! 而小食同正餐都好快就送到，超級香嘅肉味，未落汁已經流晒口水。當然食鐵板最開心就係聽住啲醬汁倒落燒到熱焫焫嘅鐵板上面發出嘅嗞嗞聲，而且襯熱倒嘅話塊扒同埋菜蔬可以吸收埋醬汁嘅味道，超正!第一時間就係先試威靈頓牛柳，叫咗七成熟，切開中心係好靚嘅粉紅色。酥皮同牛柳真係好夾，酥皮吸收咗啲肉汁之後好入味，肉質好嫩。肉眼都好大份，同樣地叫咗七成熟，中心都係粉嫩嘅顏色，好易切開，好滑好夠肉味!而小食都炸到好香脆好好食，尤其係蝦多士超

最近星期六上完堂未諗到食咩，行行下女人街見到呢間新開既【Luna Kaffe】就去試下。餐廳主打港式扒房西餐，有意粉、burger同鐵板等等、仲包餐湯同熱飲（我加錢要凍利賓納）。重量級安格斯牛肉漢堡伴薯條：真係超級無敵大份！而且牛肉漢堡好厚、非常juicy同軟霖，但又唔會好似用鬆肉粉喇到無曬牛肉口感，而且好香濃牛肉味。漢堡用牛油煎過，所以唔會太乾。薯條好新鮮、好脆，係俾沙律醬而非番茄醬，加分！黃金蝦多士：蝦膠都滿滿一層，炸得好香脆，好特別、比較少地方有得食。酥皮湯：要加$20，不過都非常值，因爲已經好少地方有得食。而且酥皮牛油味重、仲要焗岩岩好。不過略嫌個湯本身有少少遜色。

98蚊居然可以食到威靈頓牛柳😱真係估唔到今時今日可以用呢個價錢食到咁高質嘅平民版西餐😋同事放工即捉埋我一齊去食gogogo✌🏻套餐包括餐湯同飲品，可以加$20轉酥皮湯，另外仲可以用優惠價加配小食👍🏻威靈頓牛柳店員會先詢問牛柳想要幾成熟，我地嗌咗7成熟，上枱時鐵板熱辣辣，將牛柳切開裏面呈現淡淡粉紅色，生熟程度啱啱好，肉質口感嫩滑充滿肉汁，肉味濃郁，酥皮鬆化酥脆，配搭黑椒汁冇得頂👍🏻配菜有翠玉瓜同粟米粒，翠玉瓜軟腍多汁，粟米粒清甜爽脆，勁fresh😋黃金脆香雞堡拌薯條超級大塊嘅炸雞，足足夠成隻手掌咁大，雞扒炸得金黃酥脆，皮脆肉嫩，一啲都唔乾身，將新鮮嘅蕃茄同生菜加入漢堡包配搭千島醬，好味道又份量十足，粗薯條香口又脆卜卜，薯條愛好者表示大愛😆酥皮湯蟹柳忌廉湯上蓋上一層酥皮，先將酥皮篤開浸入忌廉湯中，幼滑creamy嘅口感融合千層酥皮別有一番滋味香辣魷魚必點嘅小食👍🏻魷魚彈牙爽口，配上辣汁零舍惹味，魷魚圈同魷魚鬚都鮮味十足脆香雞鎚雞鎚外皮炸得金黃香脆，裏面嘅雞肉十分juicy，難怪我見在場嘅食客都會嗌呢個小食😋Peach Tea凍檸蜜我轉咗特飲蜜桃茶，入口充滿清香嘅蜜桃香味，上面仲加咗薄荷葉，

旺角平民價鐵板牛排估唔到夜晚勁多人，一定要book定位啊～是日餐湯周打蘇打忌廉蜆肉湯白湯忌廉好香滑 入面重有足料蜆肉～凱薩沙律 $78勁fresh嘅生菜 混入香濃巴馬臣芝士碎碎同兩大塊煙肉 重有香口脆口面包 配沙律醬撈埋有齊食 味道好豐富紐西蘭穀飼肉眼伴燒汁 $148三成熟 上菜個陣聽到鐵板啫啫聲😍 旁邊重有粟米伴碟肉眼扒都幾大塊 有少少筋位 不過都容易切得開食落肉質鮮嫩 如果醬汁有更多選擇就更好啦～加配薯條 $15加配香辣魷魚 $38熱辣辣配埋醬汁一齊食 夠晒邪惡！凍檸茶 +$3加一服務費Luna Kaffe (旺角)旺角通菜街25號地舖

好耐冇出旺角行下啦，行完街就入左女人街睇下有咩新餐廳吸引，行左就發現左呢間Luna Kaffe。睇左個menu ，價錢幾公道，所以就簡左佢啦😆😆😆🐻黃金脆香雞堡伴薯條（$128-包括是日餐湯&飲品）出於好奇，想知係咪同menu一樣咁大份量所以就決定試試佢🤤🤤🤤🤤一黎到真係呆一呆，圖片與事實相符👏👏👏👏雞肉外層金黃酥脆,咬落去滿滿既鮮嫩的肉汁,保持到彈牙既質地，搭配埋酸甜番茄，完美平衡左雞肉既口感。粗薯條外皮香脆,內裡蓬鬆綿軟，一食就知係岩岩炸起👍👍👍🐻牛肝菌松露意大利飯（$98）作為菌類松露意大利飯既愛好者必點，意大利飯飯粒煮到岩岩好,軟嫩多汁既牛肝菌同濃郁松露油完美融合，香味四溢🤤🤤🐻黃金蝦多士（+$28）外層金黃酥脆,咬下去蝦肉鮮嫩彈牙,內裡飽滿多汁，好食丫👍👍

$98 威靈頓牛柳😘$98 威靈頓牛柳☺️$98 威靈頓牛柳😍你冇睇錯！$98就可以食到好好味既威靈頓牛柳😍🙈～威靈頓牛柳🤪外層酥皮非常脆口☺️牛柳雖然叫咗七成熟😍但肉質依然鮮嫩👍完全唔會韌☺️非常有牛味😍～紐西蘭殼飼牛扒伴燒汁牛扒五成熟😍岩岩好👍肉質非常正🙈食到停唔到口啊😘以上套餐包埋熱飲同餐湯☺️凍飲加$3加$20餐湯轉酥皮湯😍酥皮外皮非常脆口☺️一嚟到嗰陣仲要勁香😘配上淡淡白汁忌廉海鮮湯真係人間絕頂享受😘😘🤪

聽聞係旺角有間平民鐵板餐 立即去試下.先黎個海鮮忌廉湯好多餐廳忌廉湯都要加錢，但這間餐廳竟然係跟餐送 ，忌廉creamy濃郁，有唔少蜆肉同帶子.威靈頓牛柳$98 配薯條+$15平常去開餐廳威靈頓牛柳都會比較貴呢度$98就可以食到 ，即刻叫咗犂試吓 ，一嚟到見塊扒用酥皮包住非常之特別，一試牛柳鮮味十足，真心推介呀！薯條即叫即炸，黎到熱辣辣.牛肝菌松露意大利飯$98黑松露味十分濃郁意大利飯粒粒分明，軟硬適中簡直食唔停口.脆香雞鎚+$38雞鎚十分香脆 炸到個皮脆度啱啱好.焦糖燉蛋$28甜品一啲都唔馬虎 薄薄嘅焦糖外面再加上香滑嘅燉蛋，成餐都勁滿足😋

今日同男朋友來到Luna Kaffe食主打的$98威靈頓牛柳，我加左$15意粉同$15飲品。上菜威靈頓牛是鐵板上的，我要了7成熟，牛肉肉質有點韌，但整體感覺還是不錯的，切開牛柳，酥皮帶點肉汁，叉住酥片同牛肉一起食，感覺在吃酥皮湯，夾埋煎熟了的兩片翠肉瓜就更加正了，多汁呀！意粉ok正常，飲品就差點，是波羅冰沙，冰沙太冰凍到食道，之後稀了果汁也沒幾多……主要還是牛柳好吃😋 外面貴的wellington beef 要300-700不等，這爐算性價比超高的！！

✨是日餐湯(酥皮) +$20黑松露酥皮湯香氣撲鼻，酥皮金黃鬆脆，湯底濃郁滑順，配黑松露香味每一啖都係享受👍🏻✨威靈頓牛柳 $98正常尼款扒應該好貴，而且好少地方食到，因為製作需時而且事前功夫又比較多😳但今次尼款平價版威靈頓牛柳，嗌左medium但廚師都係overcook 咗，隔離枱都係嗌medium，但就靚好多所以有小小sad，影響左口感。呢款威靈頓牛柳會冇咗層蘑菇泥，但考慮到價錢😏都基本上無得挑剔，整體上味道都Ok的🤣✨紐西蘭穀飼肉眼伴燒汁 $148🥩肉眼扒既脂肪分佈均勻，肉質鮮嫩多汁，烤得剛剛好👌🏻係5成熟，恰到好處，外脆內嫩，燒汁都幾match，濃郁得來帶點微甜。配菜則有翠肉瓜，栗米🌽整體不論味道、質感都十分出色😁✨薯條🍟+$15熱辣辣即叫即炸，數量都幾多，而且薯蓉都足料，對我黎講配薯條既鐵板餐先係最吸引，茄汁任添👍🏻✨芝士煙肉焗薯皮🥓🥔+$38有少少煙肉配肉醬既感覺，加埋芝士一齊焗既組合就無得輸🧀外皮焗到脆脆地，幾好食😎可以一試！✨黃金蝦多士🍤 +$28必嗌，必嗌，必嗌❗️勁好食❗️蝦味重而且入面食到少少沙律醬🤩配搭不錯，唔夠喉呀陰公好想再食多件🥲不過仲有好多野食，唯有一次再黎！✨

餐廳位於旺角通菜街 位置便利座位闊落 有唔少卡位 空間感大最緊要嘅係夠冷氣 感覺好舒適！•出面食西餐起碼三舊水呢度竟然只係$100左右🫢•A-G套餐奉送是日餐湯及熱飲加$20升級轉酥皮湯凍飲+$3 Mocktail+$15•威靈頓牛柳 $98+$15配飯/意粉/薯條酥皮焗得啱啱好 非常酥脆牛柳嗌咗五成熟一切開已經見到肉質粉嫩牛味好濃好香 好腍唔韌性價比極高🔥•周打蜆肉忌廉湯質地濃稠 忌廉味濃郁 有唔少蜆肉好大兜🫢一兜等於人哋兩兜•薯條外脆內軟 一上到嚟熱辣辣點埋茄汁一齊食 正～•凍檸茶少冰唔會成杯都係冰 成個套餐都好抵食！會再encore💞•📍Luna Kaffe (旺角)旺角通菜街25號地舖

喺旺角鬧市中想搵一間cafe食飯傾偈～就揀咗喺通菜街嘅Luna Kaffe因為見佢又有得食鐵板又有意粉等Cafe食物 所以就決定嚟試吓😍雖然舖頭唔算好大 但係座位都充足～👍🏻我哋叫咗兩個晚餐會配埋餐湯同飲品 餐湯係白湯 超級推薦加$20轉酥皮湯酥皮超級脆超好味😍飲品加$3就可以轉凍飲🥤套餐方面 首先叫咗個威靈頓牛柳五成熟 $98一上到嚟意想不到嘅係竟然威靈頓牛柳係鋪住個酥皮😍 對於本身超鍾意食酥皮嘅人嚟講加晒分🫶🏻個牛柳真係燒得啱啱好五成熟 建議唔想太熟嘅話就早啲切開佢食啦～另外配咗個黑椒汁 點埋一齊食就最夾啦🤪再加咗$15加咗個薯條🍟 性價比超高 因為超大份 炸到熱辣辣 俾埋薯條食就啱啱好啦🥳另外仲叫咗個牛肝菌松露意大利飯💖 $98仲要食黑松露加牛肝菌就一定要叫呢個😍啲飯超級入味！ 而且啲飯唔會淋晒 而係粒粒分明 好有口感😋之後仲加咗兩個小食+$38 脆香雞鎚脆香雞鎚炸到好香 而且個皮係夠厚 亦都唔會粉！+$28 黃金蝦多士呢個蝦多士係真係食到蝦嘅口感 又係炸到好脆👍🏻最後埋單$350左右 而我同朋友都食到好飽 每個人$200都唔使食到咁多嘢 性價比真心高🥳

朋友介紹旺角新開左間抵食威靈頓牛柳。我哋叫既鐵板套餐，奉送是日餐湯及熱飲，另外仲可以優惠價加配小食。蟹柳忌廉湯：忌廉湯濃稠適中，加左蟹柳絲，份外鮮甜。蒜香牛油飽：麵飽烤得脆卜卜，蒜蓉和牛油比例充足。黃金蝦多士：在多士上塗滿蝦膠，再炸至金黃色，非常香脆，有水準。芝士煙肉焗薯皮：芝士味十分濃郁，跟美味既肉醬，鋪滿焗薯上面，未食都feel到香噴噴。威靈頓牛柳：份量十足，牛柳同酥皮煎得恰到好處，肉質鮮嫩，牛肉味濃，配埋黑椒汁，美味絕倫。炭燒慢煮豬肋骨伴BBQ汁：豬肋骨肉質十分嫩滑，只須用刀輕輕一切，就骨肉分離，配上BBQ醬汁，特別惹味。焦糖燉蛋：如絲般幼滑既燉蛋，再在最上面用火槍燒出一層焦糖，滋味無窮。總結，餐廳位置方便，食物好味，真係平靚正。

聽說這間新開不久的咖啡店的「鐵板威靈頓牛柳」非常便宜，而且質素不賴，便找了一天晚上，在預早一日訂位後，與太太一起來到這間咖啡店一試它這招牌菜。兩夫妻配不約而同點了這個包餐湯和餐飲的「鐵板威靈頓牛柳餐」（$98），另外再加 $15跟一客「炸薯條」和一份加配小食「香辣魷魚」（+$38）這晚的餐湯是「蟹柳忌廉湯」，奶味重，又夠稠身是傳統的港式西湯。「炸薯條」份量充足，炸得也夠脆身，水準不錯。「香辣魷魚」以半邊扇貝殼盛載，魷魚彈牙，香辣度適中，開胃惹味得來又不會太辣。幾乎每檯客人都叫的主角「威靈頓牛柳」是經典的英國菜式，以英國名將威靈頓公爵命名，做法繁複，一般餐廳不會有，較好的餐廳如果有這菜式吃的話，價錢又不便宜。這裡的「鐵板威靈頓牛柳餐」如不計加一的話，一百元便可吃到，實在經濟相宜，難怪有這麼多客人點它來吃。以鐵板送上，配以粟米、翠玉瓜、車厘茄等配菜的五成熟威靈頓牛柳都幾大件厚身，而且熱度十足，香氣四溢，以刀叉切開後，牛柳裡面粉紅色的嫩肉清晰可見。把附上的燒汁澆在切成小塊的牛柳上吃，肉質軟腍易嚼，肉味也不錯，藏在酥皮和牛柳中間雖只得薄薄的一層蘑菇與鴨肝醬等餡料，不夠厚身，以這價錢，已經絕對收