Luna Kaffe

营业中

休息中

每次同朋友唔知道食咩，都會嚟到旺角女人街覓食，今日就揀咗呢間平民西餐，價錢親民，選擇都多， 有鐵板餐、漢堡、意粉、pizza、咖哩等種類。是日餐湯： 粟米蘑菇忌廉湯餐湯好幼滑creamy，味道好濃郁，充滿奶油香味。香蒜欖油海鮮意粉($98)有魷魚、蜆肉、蝦、蟹柳等配料，意粉軟硬度適中。蒜味好香，但醬料唔會太多太油膩。加配小食：脆香雞槌($38)真係好脆， 咬開時入面啲肉仲噴緊煙，可惜有啲dry，如果有醬汁可以點會更好。巨人芝士豬扒漢堡伴薯條（$128）呢個漢堡嘅份量真係好大， 豬扒好似我隻手咁大，而且有成cm厚，但又唔會太韌，份量十足，非常飽足。加配小食：香辣魷魚($38)魷魚好爽口彈牙，辣度適中，個醬汁有啲似家常菜既昧道，非常開胃。Fruit Punch

Luna Kaffe位於旺角通菜街，距離地鐵站只有數分鐘嘅步行距離，非常方便。一入餐廳已經聞到好香嘅鐵板燒味，餐廳主打鐵板燒，都有意粉、薄餅，可以以優惠價加配小食。套餐送餐湯同熱飲，可以加$15加配主食，飯、意粉、薯條都得，性價比真係好高。🍽️ 蘑菇忌廉湯忌廉湯好濃味，用料一啲都唔馬虎，每淡湯都有蘑菇同肉粒。🍽️ 紐西蘭穀飼肉眼伴燒汁肉眼切得好薄，燒得好入味，肉質鮮嫩多汁。伴碟有車厘茄、粟米、翠玉瓜，配色鮮艷。🍽️ 威靈頓牛柳配意粉牛柳油脂分佈平均，牛肉質量好好，咬落去好嫩滑，出邊嘅酥皮好鬆軟，同牛柳嘅肉質好大對比，一齊咬好有口感。牛柳燒得岩岩好，入口即溶，保留咗牛肉嘅鮮味😋Luna Kaffe 📍旺角通菜街25號地舖

雖然夏天熱辣辣，但一時興起想食鐵板🤣，於是喺旺角試咗呢間平民價錢嘅餐廳，有幾道菜好值得講下～🥩威靈頓牛柳切開嗰陣個酥皮鬆化到不得了，入面嘅牛柳仲係粉紅色🥹，肉質juicy又軟淋淋，配埋嗰啲蘑菇同醬汁，味道層次好豐富，真係好正🤣🐄慢煮黑椒牛舌牛舌個texture煎到超級軟，再加上黑椒嘅香辣味，忍唔住食完一塊又一塊🤩，份量方面，每塊都勁大塊，兩個人先食得曬，呢個價錢絕對有驚喜🤣🦑香辣魷魚呢味小食勁開胃🤤，魷魚好彈牙，辣味適中，夠晒惹味，一嚿接一嚿，完全停唔到口🦀脆炸軟殼蟹原隻軟殼蟹炸到金黃香脆，一咬落去嗰種脆卜卜嘅感覺，再加埋啲簡單嘅調味，有啲後悔冇嗌多隻🥹🍮焦糖燉蛋焦糖面好脆，都要啲力打散佢🤣 燉蛋好滑，溫度係微暖狀態，做飯後甜點一流😚🍸Yakult mocktail 帶有少少酸酸甜甜嘅味道，質地似沙冰，飲落好開胃🍹Fruit punch mocktail果香濃郁，但味道又唔會過甜，夠晒清新，兩杯都係大熱天時行街行到身水身汗嘅絕佳選擇整體嚟講，呢間餐廳無論係食物定係飲品都做得好有心思，幾道菜各有特色，值得一試！

最近同朋友去咗喺旺角嘅Luna Kaffe，呢間餐廳係一間價錢親民嘅cafe，整體體驗非常愉快。餐廳內部裝修有一種溫暖嘅氛圍，布置得舒適而溫馨，非常適合同朋友或家人一齊享用美食。🔶重量級安格斯牛肉漢堡伴薯條一登場就非常吸引嘅重量級安格斯牛肉漢堡🍔，一啲都冇令我哋失望。漢堡入面嘅牛肉扒非常厚實，煎得剛剛好，內裡軟嫩多汁，肉香四溢。搭配嘅薯條🍟，新鮮即炸，外脆內軟，非常香口，超滿足！🔶炭燒美國煙燻豬肋骨間BBQ醬：豬肋骨外層燒得非常香脆，內裡肉質嫩滑，輕輕一撕即骨肉分離，配合甜甜嘅BBQ醬，味道非常誘人，令人一口接一口，完全停唔到🤤🔶酥皮湯是日餐湯轉咗酥皮湯，今日嘅選擇係海鮮湯。海鮮湯底濃郁鮮美，入面有勁多粒蜆肉，好足料。上面嘅酥皮非常酥脆，金黃香甜，撕下一塊浸埋海鮮湯度，口感豐富，好好味😋🔶脆炸軟殼蟹軟殼蟹炸得非常脆口，外層炸粉非常薄，蟹肉甜美，好juicy有鮮味。🔶焦糖燉蛋焦糖層煮得非常完美，輕敲一下，焦糖碎開，裏面嘅燉蛋綿密滑溜，口感細膩🤤。雞蛋味好濃郁，又唔會過甜。🔶Yellow Pine (菠蘿沙冰)🍍菠蘿沙冰真係非常爽口，酸酸甜甜，非常醒胃，好適合夏天飲。

### 旺角 Luna Kaffe 食評位於繁忙旺角的 Luna Kaffe，以其獨特的裝潢和創新的菜品而受到食客的喜愛。#### YelLow Pine 菠蘿特飲首先，點了一杯 YelLow Pine 菠蘿特飲。這款飲品色澤鮮艷，菠蘿的香氣撲鼻而來，口感清新，酸甜適中。特別是在炎熱的天氣裡，這款飲品絕對是一個消暑的好選擇。飲品的冰涼感與菠蘿的果香交織在一起，讓人心情愉悅。#### 紐西蘭穀飼肉眼伴燒汁（5成熟）接下來是紐西蘭穀飼肉眼伴燒汁，選擇了5成熟的熟度。肉眼的質地鮮嫩，經過精心烹調，外層略帶焦香，肉質多汁。搭配的燒汁濃郁，為肉眼增添了豐富的風味。每一口都能感受到肉的鮮美，搭配旁邊的粟米和翠玉瓜，讓整道菜在口感上更加平衡。蔬菜的新鮮感也讓這道菜更加健康，讓我對這份肉眼的評價提升了不少。#### 鮮龍蝦汁軟殼蟹帽子粉這道鮮龍蝦汁軟殼蟹帽子粉是我此次用餐的亮點之一。軟殼蟹的外皮酥脆，內裡鮮嫩，配上濃郁的龍蝦汁，讓人一口接一口。粉條吸收了龍蝦汁的精華，口感滑順，讓整道菜的風味更加突出。每一口都充滿了海鮮的鮮香，讓人陶醉。#### 是日餐湯：羅宋湯作為餐前的暖身菜，是日餐湯選擇了羅宋湯。

同朋友嚟旺角呢間嘅咖啡店Luna Kaffe食晚餐首先,佢哋嘅「是日餐湯 - 蜆肉忌廉湯」湯底濃郁豐富,每一勺都飽含了鮮甜嘅蜆肉味道。蜆肉份量好多，基本上每羹都有。忌廉香而唔會油膩。佢哋嘅「紐西蘭豬肉眼伴黄金菠蘿」：豬扒厚身咬落去非常夠肉、味道偏淡，好彩有附醬汁。而佢哋有咗黃金菠蘿作配襯,不但增添了味道,亦帶來了一點微酸,整個拼盤特別出眾、均衡得宜。鐵板上，仲有翠玉瓜，粟米!其次,「鮮龍蝦汁軟殼蟹帽子粉」亦非常吸引。軟殼蟹大大隻，2人share 剛剛好。軟滑的帽子粉,配合濃郁嘅龍蝦汁一齊上碟,實在太讚啦!咬落嘅感受好豐富,蟹肉軟滑多汁,粉更加有咬勁,非常開胃。佢哋嘅「香辣魷魚」用香辣辣嘅醬汁,非常下飯。檸檬菜蜜 熱 都幾好飲，夠檸檬。檸檬水 凍 都好好，真係做到走甜。

先介紹嘅係「墨汁魷魚意大利粉」，呢道菜一上枱就已經引人注目。黑色嘅墨汁包裹住每條意大利粉，賣相獨特之餘，墨汁嘅味道濃郁，魷魚切嘅厚度啱啱好，嫩滑彈牙，咬落去唔會覺得韌，反而好入味。意粉本身煮得剛剛好，唔會過軟，仲保持住彈牙嘅口感。🦑接住就係「炸軟殼蟹」，呢個係我哋跟餐加錢嘅小食，金黃酥脆嘅外皮，包裹住啖啖肉嘅軟殼蟹，炸得非常到位，外脆內嫩，食落去完全唔覺得油膩。🦀之後介紹嘅係「紐西蘭穀飼肉眼伴燒汁」，呢個係我嘅朋友點嘅，肉眼牛扒煎得外層微焦，內裡仲保持住鮮嫩多汁嘅口感，五成熟度啱啱好。呢塊牛扒嘅肉質細膩，入口即溶，每啖都充滿濃郁嘅牛味，淋上燒汁一齊食，將牛肉嘅風味提升到另一個層次，鍾意食牛扒嘅朋友，呢道菜係必試。🥩

男友感冒初癒，當然要慶祝一下！上網search見到呢間風評不錯，就bk左位是日餐湯係蘑菇粟米忌廉湯，非常濃厚幼滑，男友大讚！點左傳聞唔使$100的威靈頓牛柳（5成熟），表面有香脆酥皮，配黑椒汁。切開有驚喜，非常軟稔，入口肉汁四溢，認真高質！加$38配左個小食：芝士煙肉焗薯皮薯皮外脆內軟，芝士厚厚一層，鹹香滋味香蒜欖油海鮮意粉 $98蒜味好濃郁，充滿每一條彈韌的意粉，雖然話加油，但唔會有種好油的感覺，而係好均勻，唔想食得太飽滯可揀呢款！加$28配左個甜品焦糖燉蛋，個人覺得都ok，不過焦糖厚左啲同硬左啲我地加$15叫左兩款mocktail，分別係peach tea 同sky blue。蜜桃紅茶就是一般香甜的茶；而後者用blue curacao同西柚調成，非常冰震清新！

不用HK$100竟然可以食到威靈頓牛柳，而且熱辣辣鐵板上!?旺角女人街Luna Kaffe以超親民價錢，提供品質合理鐵板牛排餐。每日晚市都人氣爆滿，非常誇張!! 🤑🥩- 威靈頓牛柳 HK$98 🥧🥩每台必點鐵板威靈頓!!牛排非常厚實。酥皮酥脆又充滿牛油香氣，完美地襯托出牛柳口感。牛柳肉質柔軟，色澤粉嫩，肉味香濃，絕對物超所值!!- 紐西蘭穀飼肉眼伴燒汁 HK$148 🥩香濃肉香!!肉眼扒的厚度合理，肉味香濃，可惜油脂稍嫌不足。- 香辣魷魚 HK$38 🌶️🦑鮮辣香口!!魷魚圈肉而柔軟，充滿鮮味。加入辣油煎香，表面微微焦香，超惹味!!- 焦糖燉蛋 HK$28 🍮親民價甜品!!燉蛋綿密香濃，雲呢拿的香氣迷人。可惜焦糖稍微過厚，整體味道都算不錯。

誤打誤撞嚟咗呢間西餐廳食晚飯，好有驚喜。睇menu主要有扒餐, burger, salad, 意粉同pizza, 我地選擇左pizza+扒餐紐西蘭穀飼肉眼伴燒汁完美演繹咩叫「大件夾抵食」！大份得嚟，肉質鮮嫩多汁，好軟熟，易咬開，料靚我哋嗌咗五成熟，一淋啲汁上去即刻「炸炸聲」～配埋甜甜嘅粟米粒，睇落好似唔係好多配料，我呢啲易飽嘅人就覺得好好、好夠了千島菠蘿脆蟹薄餅好鍾意呢啲脆底pizza, 唔會係厚批咁食麵粉，口感好好多。呢個烤得恰到好處，唔燶而且啲料仲「痴得實」，唔會好易跌晒落嚟，菠蘿又夠多（係呀香港人特色呀呢個係跟鐵板餐加嘅薯條🍟仲可以揀飯或意粉，都只係+$15，平過加配小食，又可以當小食趁熱食好好味Fruit punch + 檸茶：唔係大半杯都係冰㗎！套餐嘅餐湯：滿上！唔係溝好多水！估唔到平日都咁多人, 但食完又唔意外! 因為價錢親民食物質素高

呢排個個都話返大陸消費, 男朋友就話要留返係香港支持小店.假日我地出左去旺角行街睇戲再食飯, 咁岩經過見到呢間小店價錢性價比高就入左去試下啦!我地首先叫左B1. 重量級安格斯牛肉漢堡伴薯條跟餐包埋白湯, 我地就加左+$20升級轉酥皮湯酥皮湯真係好耐都冇飲過, 而且賣少見少, 好似飲返我既童年回憶咁~白湯入面仲有蟹柳TIM~我地再加左2個小食+$28黃金蝦多士；（2pcs）----入落去真係食到蝦! 而且脆卜卜.+$28蒜香牛油包（4pcs）----經典既香蒜包, $28/4件真係比出面既平好多!漢堡包上菜既時候熱辣辣, 即叫即整!入面既安格斯牛肉勁JUICY!!! 入面仲有BEACON洋蔥, 一啖食哂咁多料, 好滿足!薯條份量好多, 而且好脆!之後我地再叫左E.炭燒慢煮豬肋骨伴BBQ汁上到菜, 我地冇耐過會有2件咁多. 通常都係得1件再加少少配菜.味道岩岩好, 不過如果可以比多少少汁我點下就更加PERFECT!最後2杯飲品Yakult Smoothe & Fruit Punch, 係咁熱既天氣降降溫.總結黎講, 我終於都明白點解呢間小店可以6點鐘已經多人, 因為性價比真係高.環境服務都

今日去食左一間喺旺角嘅鐵板燒專門店，發現入邊除咗鐵板燒，仲有好多其他嘢食揀，個burger同意粉都幾好食！價錢都好親民，跟set嗌仲可以加甜品同埋小食，值得大家試吓！是日餐湯粉首先套餐會包咗一個湯，今日嘅湯係忌廉蜆肉湯，忌廉湯口感好順滑，仲有好多蜆肉仔～重量級安格斯牛肉漢堡伴薯條一嚟到見到個份量，有啲驚喜！超級大塊安格斯牛肉漢堡扒！真係重量級，另外仲有好多新鮮配料，例如煙肉洋蔥同埋芝士，非常Juicy, 旁邊仲放咗啲酸青瓜同埋蕃茄可以自由決定落唔落。食落口肉感非常飽滿 ，而且牛肉非常多汁，充滿安格斯牛肉味！另外配上新鮮炸嘅薯條。香蒜欖油海鮮意粉香蒜味味味好濃郁，海鮮都有好多款式，包括有魷魚蟹柳蜆仔同埋蝦，同欖油味好夾。香辣魷魚 （+$38）燒到好香嘅香辣魷魚配上照燒汁，非常惹味，口感煙韌～焦糖燉蛋 （+$28）最後加咗錢食咗一個甜品，$28嚟講都幾抵食，焦糖燒到非常脆，而且燉蛋做得都幾滑，整體感覺唔錯。Yellow Pine 一杯油菠蘿沙冰，菠蘿味好香甜，夏天飲沙冰就啱晒！檸檬菜蜜另外就嗌咗杯熱飲檸檬菜蜜。

星期日喺旺角食好西朋友帶我嚟呢間Luna Kaffe話性價比好高6點鐘坐低見都幾多人食 不停有客入嚟 生意唔錯👍🏻鐵板餐都係一百蚊左右 包餐湯同飲品 幾抵食餐湯加$20就可以升級酥皮湯係童年回憶！細個成日飲 而家反而難搵到酥皮好香口 非常酥脆 即叫即焗 熱辣辣湯底係忌廉蘑菇湯 加埋酥皮一齊食 超滿足！威靈頓牛柳$98用鐵板上 上枱時仲有zip zip聲 倒埋黑椒汁落去 成個感覺好似去咗扒房咁一切開 牛柳好鮮嫩 叫5成熟剛剛好外面酥皮香脆 裡面牛柳juicy滑溜 好食！伴碟仲有粟米同翠肉瓜卡邦尼大通粉$78份量比想像中大 卡邦尼夠creamy 加埋洋蔥同煙肉 食落去味道剛剛好 唔會太heavy或油膩加廿幾蚊仲可以加配小食牛肉薯餅+$28 好大件裡面牛肉軟嫩 外層炸得香噴噴 夠脆口黃金蝦多士+$28多士同蝦份量都好大食落去非常酥脆 蝦有咬口焦糖燉蛋+$28上面焦糖燒得香脆 下面燉蛋滑捋捋甜度剛剛好加$15 就飲到Mocktail食咁多嘢 埋單每人都係百零蚊 性價比果然好高！

今日朋友忽然說想吃扒餐，於是我們便來了這餐廳吃晚餐。見價錢都幾親民，唔貴。餐湯是忌廉湯，幾香滑。跟餐+$28要了黃金蝦多士蝦多士外脆內軟，麵包的酥脆感與蝦仁的鮮嫩形成鮮明對比。當你咬下去時，會感受到麵包的香脆和蝦肉的彈性，非常令人滿意。 跟餐加$38:脆炸軟殼蟹脆炸軟殼蟹的外皮極其酥脆，咬下去時會發出清脆的聲響，與軟殼蟹柔嫩的肉質形成鮮明的對比。蟹肉鮮甜，配合外層的香氣，讓人一口接一口。威靈頓牛柳（$98）：威靈頓牛柳的牛柳肉嫩滑，在酥皮烘烤過程中，酥皮變得金黃酥脆，與內部的嫩肉形成鮮明對比，讓人每一口都能感受到不同的口感層次。紐西蘭穀飼肉眼伴燒汁（$148）：紐西蘭的穀飼牛以其豐富的肉味而聞名。肉眼牛排的部位包含了肉質較為豐滿的脂肪紋理，口感更加滑嫩。脂肪融化進入肉中，增加風味與多汁感。飲品：Sky blue 飲到薄荷味，幾清新。

今日黎到旺角，試下呢間開左冇耐既西餐廳，一入去已經聞到好香既鐵板味，呢間主打鐵板同一些西餐。打開menu，價錢十分親民，威靈頓牛柳也只是$98！我點了：炭燒美國牛仔骨伴黑椒汁 $128🌕🌕🌕🌕🌕肉質嫩滑，一啲都唔韌，份量岩岩好牛肝菌松露意大利飯 $98 🌕🌕🌕🌕🌕一黎到已聞到好香松露味，菌既比例亦岩岩好，望落唔算大份但食落份量岩岩好夠晒滿足脆炸軟殼蟹 $38大推介，大大隻好鬆脆，鍾意食軟殼蟹既朋友仔一定唔會失望，好後悔無叫多隻牛肉薯餅$28熱辣辣上碟，作為前菜見到都流口水酥皮湯同軟殼蟹一樣係必點之選，香港平民價錢想搵到一碗正既酥皮湯絕唔容易，但呢度就比到你酥皮鬆脆完全唔淋，配埋個海鮮忌廉湯一絕Yakult益力多沙冰🍧綿綿的冰入口即融，想不到益力多冰那麼配搭