Luna Kaffe

营业中

休息中

今次真係唔爆唔得，上星期日同老婆叫左一份威靈頓牛扒、炸雞share食，麻辣魷魚，檸檬茶，全部都係普通野，味道一般，叫五成吸到已經變七成，口感非常差😵‍💫到第二日兩公婆一齊持續肚瀉同嘔吐，見醫生後是病毒性腸胃炎🦠我老婆就發燒，肚痛同持續嘔吐，食肆食物質素好有問題。今次出Post, 純粹提醒大家,希望大家選擇食肆要小心，都希望小店盡快改善食物質素同衛生問題，由於病得太甘，都只能夠「只此一次，以後不再來」我地一向都好支持小店，但都希望保持食物水準，始終食落肚要多加留意。

呢間位於旺角嘅 Luna Kaffe係一間主打價錢貼地親民嘅西餐廳！今次終於有機會來朝聖，食下傳說中100蚊有找嘅威靈頓牛柳～威靈頓牛柳💰HK$98威靈頓牛柳叫咗五成熟，中間色澤粉嫩，用鐵板上可以維持住熱辣辣嘅溫度！外層嘅酥皮香脆，牛柳味道濃郁～白布烏冬配咖哩吉列豬扒💰HK$88咖哩吉列豬扒外層脆卜卜，內裡肉質唔會柴，配搭旁邊嘅醬汁更滋味！白布烏冬雖然係凍食，但溫度剛剛好，帶有微涼感，而且厚薄適中，口感Q彈～脆香雞鎚💰HK$38外層酥脆可口，雞鎚肉嫩滑多汁～蒜香牛柳粒💰HK$38牛柳粒每一啖都充滿住肉汁，仲帶有濃郁嘅蒜蓉香味添～✨是日餐湯忌廉味濃郁，而且仲有粒粒蜆肉～✨熱檸蜜暖笠笠又滋潤，冬天飲就啱哂啦～

白布烏冬配咖喱吉列豬扒 $88 吉列豬扒炸得好酥脆🤤🤤🤤❤️食落啖啖肉豬扒配左胡麻醬/沙律醬 真係好邪惡😋😋白布烏冬 落望白雪雪煙煙韌韌 好彈牙👍配左咖喱醬汁有啲啲辣但好惹味 仲好掛汁 威靈頓牛柳 $98呢個價錢食到絕對係驚喜之選😍😍上枱既時候熱辣辣出哂煙牛柳幾厚身 食落軟 酥皮好脆配左黑椒汁 都係偏辣仲有翠玉瓜同粟米😋 酥皮湯幾脆 今晚是日湯係粟米湯 總括幾高CP值👍不過就要加一Luna Kaffe旺角通菜街25號地舖#Foodie _aki #yum _yum #foodie _aki旺角#旺角美食 #西餐廳 #白布烏冬 #烏冬 #LunaKaffe #威靈頓牛柳 #吉列豬扒 #日本菜

服務態度真係差，book左枱，未人齊未入得唔緊要，都明白嘅做生意，但態度可以好啲。。。以下係真實對話：：我哋Book左架，可唔可以入？（當時我哋已經有一半人到左）女侍應：人齊未？：行緊嚟，5分鐘內到女侍應：我淨係問，人齊未？P.S 入面係有空枱，唔係爆場的 …….然後，食食吓有隻曱甴仔🪳係我面前行過emmmm……平心而論，大部分食物質素又未到難食，但亦唔係好啦，除咗個牛仔骨黑到唔知點解會上到枱又乾，勁差，其他就正常啦，冇肉味嘅牛，不過咁嘅價錢ok lor不過冇下次🙃

平心而論 野食係唔錯既但係樓面好明顯趕客走食到最後我地食緊兜薯條, 無錯 係就咁用手拎D薯條食但個樓面問都唔問, 直接清空哂枱面所有餐具碗碟係咩玩法🤔🦑魷魚濃味好惹味不過貝殼做碟就好睇唔好用...拮野食隻碟一係就會轉一係就斜埋一邊就拮到🥣酥皮湯外形焗得靚同脆湯料亦有粟米等等🍝軟殼蟹貓耳朵粉軟殼蟹普通 貓耳朵粉同個汁好味🐮威靈頓牛$99 性價比高 味道正常無特別出色🍔芝士牛肉Burger 味道正常無特別出色🍟 薯條出奇地香脆 擺左一輪食到最後仲係好好食💁🏻‍♀️總括：環境偏暗 座位不算太多 尚算坐得舒服食物正常西餐水準但成條街咁多野食, 未出色到非要再去食不可

上星期同朋友去咗一間西式餐廳Luna Kaffe🌕，位於餐廳雲集嘅女人街，真係俾我哋尋到寶。先講吓佢哋嘅前菜「香辣魷魚」🐙。用嚟裝魷魚嘅碟係一個紫色嘅貝殼碟，超靚呀👍🏻。魷魚切得薄厚適中，而佢哋個香辣醬汁🌶️勁惹味，辣度又唔過分，啱啱好，提神開胃🤤！然後到呢到嘅特色菜——「白布烏冬」配香烤油封鴨髀🦆。第一次見呢種烏冬，肥嘟嘟好可愛。超闊嘅烏冬應該係蒸熱嘅，所以非常彈牙，唔會淋，加埋個麵豉湯食，有啲食沾麵嘅感覺🍜。至於鴨髀外脆內嫩，肉質豐富，同烏冬一齊食都幾夾🥢。另外點咗「炭燒美國牛仔骨伴黑椒汁」🥩。想講佢哋個鐵板拎上嚟嘅時候真係好誇張，係拍得住扒房嗰種熱🔥，2大塊牛仔骨不斷發出滋滋聲，勁有feel！而牛仔骨最後燒得啱啱好，配埋個黑椒汁，perfect 池！飲品方面，我哋試咗「西洋菜蜜」同「檸檬菜蜜」🍋🍵，十分正常，好飲嘅。甜品方面，又再一次驚艷到我哋喇！佢哋個「焦糖燉蛋」🍮✨✨ 大推啊！！賣相已經幾得下，我用匙羮敲落去個焦糖脆皮就有「咔嚓」一聲💥，證明焦糖燒得啱啱好。而入邊嘅蛋滑捋捋，入口即溶，味道滿分！

聖誕就到當然係約班朋友出黎吃個靚飯啦！今日約左個中同黎旺角，Luna Kaffe 係好有人氣既cafe，好彩6點前黎到唔洗等，吃完發現出面已經排緊隊等入坐。侍應推薦新出既白布烏冬系列，甘我當然唔執輸試下佢！白布烏冬配咖理吉列豬扒好大份！白布有7大條，咖哩汁同炸豬扒係另上既，仲配有兩款醬汁，幾講究！先講烏冬，大大片幾特別，放落咖哩度好夾又好掛汁，煮到係幾彈牙既，好味！豬扒即叫即炸，見到仲出既煙，配搭埋沙律醬吃真係正！朋友叫左個蕃茄忌廉牛肉大通粉，醬汁好濃，滿滿既蕃茄味，忌廉味反而少d，應該係落左質感度，夠滑！要講佢既牛肉，好大份仲要煎到剛剛好，非常嫩滑，配埋蕃醬吃正呀，大通粉仲有少少彈牙，係好完美既al dente，有水準！另外叫左兩份小食蒜香牛柳粒同埋香辣魷魚。牛柳粒係好有水準的，都係煎到好嫩滑，面頭既炸蒜好香，配搭一齊食就最岩。香辣魷魚都唔錯，唔係好辣，但口感都係好彈牙的，唔錯。意猶未盡叫左個甜品焦糖燉蛋，即叫即燒。面頭既焦糖燒到好香脆，燉蛋超級滑，又好香蛋味，如果唔係吃左正餐我地應該會再吃多個，正呀！整體黎講食物質素好高，怪唔得甘高人氣，下次一定再黎吃佢個燉蛋！

「Luna Kaffe」係一間以親民價格和高性價比著稱嘅餐廳 好多人推薦佢哋嘅威爾頓牛柳和白布烏冬 價格僅需$98 忍唔住嚟一試▫️是日餐湯-蜆肉忌廉湯🥣足量嘅蜆肉搭配濃郁嘅忌廉味 十分開胃▫️白布烏冬配香烤油封鴨髀$88冷沾烏冬質地煙韌彈牙 偏爽滑 搭配上香烤嘅鴨髀 選擇鴨湯或芝麻醬作為調味 讓每個人都能根據自己嘅喜好來享用😎▫️威爾頓牛柳$98建議選擇五成熟 侍應表示這樣的熟度最為合適 鐵板上枱👍🏻熱辣辣 配菜有翠玉瓜和玉米🌽酥皮包裹著牛柳 外層烤得恰到好處 鬆脆可口 牛柳口感軟嫩 性價比極高☺️▫️另外我哋仲加咗两款小食 香辣魷魚同埋脆炸軟殼蟹分別都係$38 香辣魷魚🦑味道適中 香口得嚟唔會太辣 有鐵板燒嘅風味 而脆炸軟殼蟹🦀原隻上枱 外皮酥脆 啖啖都食到蟹肉嘅鮮美▫️甜品方面就揀咗焦糖燉蛋$28燉蛋滑嫩 焦糖表面燒得香脆 脆卜卜 搭埋香滑嘅燉蛋 成個餐好滿足😌📍Luna Kaffe旺角通菜街25號地舖

Luna Kaffe (旺角)📍旺角通菜街25號地舖油封鴨白布冷烏冬 $88油封鴨好脆身附左芝麻醬估吾到都幾夾白布烏冬好煙銀配昆布面麵豉湯極體都幾好味7.5/10威靈頓牛柳 $98牛柳幾厚身酥皮好脆🤤🤤配菜翠玉瓜同粟米配菜都好食😋性價比好高7.6/10

店名: Luna Kaffe地址: 旺角通菜街25號地舖旺角站E2出口，行4分鐘環境: 4/5價錢: 4.5/5味道: 4.5/5餐廳位置方便，晚飯時間5:30開始已經陸續入黎食飯，入面位置都好多🍽️環境舒服。呢次我哋俾CP值高🔝嘅威靈頓牛柳吸引👀喺旺角鬧市搵到呢間高CP值西式又可以鋸扒餐廳一定要嚟試吓😋白布烏冬配咖喱吉列豬扒❤️❤️❤️❤️❤️$88呢個白布烏冬係第一次試👏🏻烏冬質地煙靭彈牙，配上咖喱汁、芝麻醬。咖喱汁🍛有少少辣配上烏冬，好惹味❗️吉列豬扒炸得啱啱好好香脆，而且亦都唔會好肥膩，亦都配上沙律醬。個人認為白布烏冬值得推薦😍威靈頓牛柳❤️❤️❤️❤️❤️$98之前就睇中咗呢一個威靈頓牛柳🥩見到CP值好高👍🏻今次我哋就揀咗七成熟，佢嘅配菜有翠玉瓜同粟米🌽肉質粉嫩唔會太熟，而且咬落去好有牛味，牛柳偏腍身配上黑椒汁。$98可以食到威靈頓牛柳呢個值得大推🤗香辣魷魚❤️❤️❤️❤️❤️$38魷魚唔會靭🦑肉質彈牙，再配合醬料味道甜甜辣辣🍽，雖然係小食加配，但係份量都好多，可以兩個人share食👭🏻焦糖燉蛋 ❤️❤️❤️❤️$28食完正餐見到有呢個甜品焦糖燉蛋🍨決定一試。焦糖燉蛋比想像中份量大份🫢上面有一層脆卜卜嘅焦糖，配上甜甜

目的係去食白布烏冬配油封鴨髀～～不過有少少失望烏冬配的胡麻醬感覺不太夠用⋯⋯然後鴨髀真係好乾唔係話特別好味⋯⋯不過我真係鍾意d烏冬ge～個麵豉湯真係好鹹⋯⋯食左入面d昆布就算每日餐湯都唔一樣今日係蘑菇湯～ 開心🥳配左一個酥皮～ 正常～ 另外，叫威靈頓牛柳～叫左五成～～建議大家快d切完放起佢！！如果唔係會變全熟⋯⋯ 味道無咩牛味～～普普通通大家可以加錢配薯條～係價錢上講其實就差唔多啦杯熱朱古力都ok～要等位唔想排隊就最好book定

原先上網睇到呢度威靈頓牛柳竟然唔使$100就食到！但係嚟到之後見佢西餐竟然有白布烏冬其實從來未食過呢種白布烏冬不過黎到又唔想食威靈頓，一於試吓佢！白布烏冬配咖喱吉列豬扒 $88阿媽大讚吉列豬扒，佢話搵返佢年輕時候食過嘅味道😳豬扒厚度啱啱好，食落啖啖肉唔會柴，炸到好香口仲有少許肉汁！豬扒可以點胡麻醬/沙律醬點埋真係好邪惡但係好好食好夾😭到主角白布烏冬估唔到係咁煙靭 有少少似食寬粉嘅感覺 不過再彈牙啲好咬既程度同平時食手打粗烏冬又係另一種口感就咁食都已經好好味點埋個咖喱汁，少少辣好惹味呢個就唔日式咖喱汁嘅感覺，因為唔係偏甜紐西蘭穀飼肉眼伴燒汁 $148燒紅既鐵板放上大大塊肉眼😍鐵板既「咋咋聲」令我食指大動！叫左五成熟塊扒煎得非常之靚！一睇就知好食食落肉嫩多汁 仲帶點焦香～不過就要食快啲，因為鐵板一直加熱令啲牛好快變七分熟😂配埋粟米同翠玉瓜兩塊❤️是日餐湯（酥皮）+$20呢個非常有驚喜！黑松露酥皮湯超級香，酥皮焗到金黃鬆脆湯底係我最愛既忌廉湯 濃郁滑順食住同聞住都係黑松露香味，每一啖都係享受

Main👉🏻鐵板威靈頓牛柳 （7成）上菜嘅時候鐵板熱辣辣上面嘅粟米配菜都彈下彈下， 酥皮香脆 牛柳雖然叫咗七成但係都唔會話太熟，切開肉仲有好多肉汁，delicious🎃👉🏻白布烏冬配咖喱吉列豬扒冷沾麵白布烏冬 口感非常煙韌 ❤️配炸到十分酥脆嘅 巨型豬扒、 配埋三款醬汁、 有沾豬扒嘅 沙律醬、for 白布烏冬嘅 麻醬同咖喱醬，大滿足❤️❤️❤️小食👉🏻脆炸軟殼蟹超級可愛嘅 脆炸軟殼蟹 原隻上枱 好睇又好食😺👉🏻蒜香牛柳粒牛柳粒配埋揸到香脆嘅蒜片 食到停唔到口🎃👉🏻芝士煙肉焗蠔芝士焗蠔都非常之香豪都好嫩滑多汁😺👉🏻檸檬茶👉🏻Yakult Mocktail是日餐湯👉🏻蜆肉忌廉湯整體嚟講無論菜式同埋呢個小食嘅配搭都好多 全部都好吸引， 而且小店都好多人， 下次想食可能都係訂咗位先👻

旺角女人街兩邊有好多唔同小店選擇，行過Luna Kaffe…門外看似西餐廳，夜晚8:30呢個鐘數 店內仲有唔少客人微昏的光線配合簡約乾淨的裝潢，播著細細聲既廣東話歌 好鐘意呢個mood，坐得舒服鮮龍蝦汁軟殼蟹耳朵粉 $148其中一個最Cafe感既位就係 – 貓耳朵粉，唔多餐廳Menu會提供，口感是彈牙彈牙的 獨特形狀令佢更能掛滿醬汁，龍蝦汁濃郁香甜 唔會膩，軟殼蟹是原隻上碟的炭燒慢煮豬肋骨伴BBQ汁 $98原來用鐵板上枱的，未放低已經聞到香味 熱辣辣滋滋響 好吸引，醃得入味又唔會太over 肉質是軟稔的 唔會乾爭爭硬弸弸芝士煙肉焗蠔(1pc) 套餐+$35蠔都幾大隻，加個小食 來一個變調都唔錯焦糖燉蛋 套餐+$28燉蛋做得又香又細滑 入口口感輕型唔會太甜，完整焦糖面 脆脆的等我拷碎，成晚最驚喜部分 一定要點Yellow Pine 套餐+$15其實係菠蘿沙冰，有菠蘿味 甜度岩岩好*好多Main Course都有餐湯送*食物種類多元化，Burger/ Pizza/ 鐵板/ 咖喱/ 意粉，連白布烏冬都有*店員姐姐幾好人👍🏻，我坐到差唔多打佯先走 佢地都無做任何野令我hard feeling*

出開黎旺角都會睇有咩特色餐廳。呢到有未試過既烏冬，所有特登黎呢間餐廳食個白布烏冬。我地點左兩個餐，都配有餐湯。黎到係白湯，飲落有洋蔥同蟹柳絲，係傳統酥皮湯湯底飲落幾順口。 安格斯牛肉漢堡伴炸薯條麵包內層有烤過所以食落脆卜卜，芝士同洋蔥夠曬香口香脆，估唔到入面熱辣辣牛肉漢堡，一切開肉汁爆開。漢堡牛肉味濃外，薯條夠晒香脆。 白布烏冬配咖哩吉烈豬扒，吉烈豬扒好鬆化，炸到外脆內軟。第一次食白布烏冬，估唔到咬落咁有彈性有咬口。呢種烏冬做到好薄好滑。我地配咖哩汁一齊食真係好好食。 香辣魷魚，香辣唔老炒香過勁入味但又唔會太辣仲有小小麻辣香，而牛柳粒，估唔到牛肉粒炒到咁淋咁滑。好入味好香口，上面有小小香豆苗都幾清新下。