Luna Kaffe

今晚跟朋友過旺角吃晚餐，這間餐廳相當抵食！點了兩客主食，加配了兩個小吃，然後仲配上了餐湯和熱飲！忌廉湯，粟米味道清甜，忌廉湯口感幼細香滑！熱檸蜜，非常滋潤，檸蜜清甜！香辣魷魚，非常惹味，帶點點微辣，魷魚彈牙爽口，作為小吃來講冇得頂！芝士煙肉焗薯皮，非常邪惡，焗薯上面鋪滿了滿滿芝士，而且醬汁很多，每一啖都芝味無窮。而且非常熱辣辣，薯蓉軟綿綿的，又多汁及芝士，除了邪惡都不知說什麼！正！香蒜欖油海鮮意粉，食材有魷魚、蝦、蜆肉、椒類等等。意粉份量充足。意粉味道不錯，而且用上了香蒜欖油拌勻意粉，陣陣蒜香好吸引！清香又不膩，非常不錯！又飽肚又滿足！白布烏冬配香烤油封鴨髀，這間餐廳也有白布烏冬吃！本人非常喜歡吃這烏冬！因為白布烏冬的造型是像一匹白布似的，一片又闊身又長的烏冬，口感非常煙韌彈牙，而且白布烏冬非常長身，賣相十分特別，而且不是太多餐廳能夠吃到，所以是必試的！白布烏冬可以沾上胡麻醬和紫菜和風醬來吃，有不同的味道，一份烏冬可以帶出兩種不同口味！正另外香烤油封鴨髀都相當美味，啖啖肉超多汁！超級滋味！…查看更多

餐湯加$20可以轉酥皮湯，咁抵梗係加啦，10分鐘左右就有得飲，小心燙嘴～ 撈埋啲湯嚟食～餐湯係忌廉湯。呢一杯特飲sky blue 人如其名，成杯都係藍色，沙冰類嘅特飲，真係透心涼👍🏻 鍾意甜嘅朋友可以試吓。我見隔籬枱都有叫呢個威靈頓牛扒，咁就跟風試吓。伴碟嘅蔬菜唔係平時普通嘅椰菜，而係翠玉瓜同埋粟米，粟米好甜呀～牛扒叫咗五成熟。焗芝士醬軟殼蟹意粉上面有成隻軟殼蟹，意粉用鐵兜煲，小心手掂到會焫親～ 面頭嘅芝士焗到焦香，香噴噴 😋跟餐加咗香辣魷魚，對我嚟講唔算好辣，同埋冇食到雪藏味，食完一啖又一啖～芝士煙肉焗蠔$38有咁大隻，都係跟餐加嘅，鍾意蠔嘅朋友可以試吓 ～總結而言，餐廳位於旺角幾點非常方便，埋單三百幾蚊就可以食到兩個主菜兩種小食兩杯飲品兩個湯，性價比嚟講都OK。…查看更多

旺角餐廳林立有好多不同選擇，但我最終決定食西餐。重量級安格斯牛肉漢堡伴薯條
漢堡扒牛肉汁多肉香有牛味，漢堡有微微焦香味，薯條外脆內軟！一旁仲配了蕃茄及生菜，可以讓我自由配搭。可以將蕃茄及生菜放入漢堡包中會清新一點，或者好似我食完漢堡包再食配菜，每一啖漢堡包都是充滿牛肉及芝士味道霸氣滿足。焗芝士蟹醬軟殼蟹（意粉）
芝士濃厚綿滑，蟹醬鮮甜濃郁而意粉彈牙！整個意粉都有蟹味像海邊派對，整個意粉最出色是軟殼蟹炸得酥脆無比。酥皮忌廉湯
酥皮鬆脆可口，忌廉湯香濃滑，牛油味濃郁！香辣魷魚
魷魚彈牙鮮嫩，辣醬微麻野味，XO醬濃郁撲鼻！XO醬帶出魷魚的鮮味，好味道！特飲Lychee Lemon
荔枝甜香配試檸檬酸爽清新，再加上薄荷葉令特飲冰涼順口！值得一試！甜品：焦糖燉蛋
焦糖香脆微苦，燉蛋滑嫩香甜，奶香濃郁！飯後甜品最佳選擇。…查看更多

專程嚟到旺角呢間主打西餐嘅專門店，目標明確：試吓佢哋最推介嘅威靈頓牛扒。老實講，以呢道招牌菜嚟講，表現算係穩打穩紮。先講優點：必須要讚嘅係，當日試嘅兩碟牛扒（包括威靈頓），肉質都處理得相當唔錯，琳易入口，火候控制得宜。威靈頓牛扒外層嘅酥皮焗得金黃，未至於好驚艷但都算香脆。入面嘅牛柳（估計係）熟度掌握合理，呈粉嫩狀態，肉質軟腍，唔會韌或者乾柴，蘑菇醬嘅份量同味道都算平衡，唔會太鹹搶走牛味。整體嚟講，食物嘅基本質素係合格以上，可以話係穩陣、易接受嘅口味。然而，略嫌特色不足：雖然味道唔差，但食落總覺得欠咗啲令人「嘩」一聲嘅獨特風味或者記憶點。威靈頓牛扒嘅組合同烹調手法比較傳統，酥皮、蘑菇醬、牛柳嘅配搭同味道層次未見有特別創新或突出之處，同坊間唔少提供呢道菜嘅餐廳相比，辨識度未算好高。食完係滿足嘅，但未至於好有衝動想即刻再encore或者好興奮咁同朋友分享。講到最現實嘅一環——價錢。對比番同一條街其他餐廳，無論係同類西餐定係其他菜式，呢間專門店嘅定價（尤其係主打嘅威靈頓牛扒）似乎未夠吸引。食物質素OK，但未去到「超班」嘅程度，性價比喺激烈嘅旺角戰場上顯得有啲尷尬。你會覺得佢唔難食，但同一筆錢，喺隔離街可能食到更有特色、份量更足或者環境更優勝嘅選擇。如果你喺旺角行緊街，突然好想食一客穩陣、唔伏嘅威靈頓牛扒，呢間店可以係一個選擇，起碼碟牛係易入口、質素過得去。但若然係要山長水遠特登過嚟朝聖，或者追求高性價比同驚喜體驗，就可能會覺得有啲吊癮，未必會專程再訪。屬於「順路可試，但未係非食不可」嘅類型。…查看更多

已經好耐無係旺角街鋪食飯，朋友約話有間西餐廳唔錯，試下先🙋🏻‍♀️雖然餐廳唔大，但裝修都幾骨子同都坐得幾舒服。叫左兩個餐，每個餐有餐湯，加錢小食同餐飲🙂🍽️蜆肉忌廉湯其實我唔太鐘意飲餐湯，但好鐘意酥皮，加$20 就可以轉酥皮，所以毫不猶豫就加左個試試。👍🏻睇賣相就知加得好，其實個蜆肉湯本身都ok, 一碗湯都撈到5-6粒蜆肉，酥皮香脆得黎唔粉。建議要加！🍽️焗芝士蟹醬軟殼蟹可以揀飯同意粉，我地揀左意粉。賣相好唔錯，軟殼蟹炸得好脆，最怕脆醬係硬邦邦又無味個種，呢個個脆醬係幾好味。另一樣係成個意粉鋪滿芝士同蟹醬，一d都唔馬夫，覺得有用心製作。蟹膏味都好濃郁，兩個人share食剛剛好，一個人食曬一份可能會太'漏’🍽️芝士煙肉西藍花作為芝士控，真係好欣賞佢既芝士係足料，鋪滿的感覺🥰🍽️ 威靈頓牛柳不得不講$98係性價比好高! 我地叫左7成，熟既程度剛剛好。無論係肉質，味道同份量都絕對係物有所值🍽️香辣魷魚似係韓式辣醬個種但又唔會好甜，爽口唔韌又入味，見到其他人都有讚呢個魷魚，認同係好食❤️🍽️Lychee Lemon…查看更多

bookmark咗呢間餐廳好耐，終於有時間試到。小店座位唔多，平日夜晚可能都要等一陣焗芝士蟹醬軟殼蟹飯 $98飯本身跟埋餐湯，當日係白湯，味道正正常常。而個飯就好有驚喜喎，軟殼蟹大大隻，炸得金黃酥脆，飯嘅表面鋪滿芝士，望落都覺得好邪惡，最重要嘅係味道非常好，個飯帶有濃濃嘅蟹味😋威靈頓牛柳 $98威靈頓牛柳應該係呢間餐廳最出名嘅一道菜。我哋嗌咗五成熟，牛入口都算嫩滑，重點係$98就食到，主打性價比。芝士煙肉焗蠔 $38/1焗蠔都算大隻，入口飽滿，芝士味濃，冇得輸Yakult +$15加$15就可以揀特飲，呢杯係益力多味嘅沙冰，嚟到嚇咗一跳，超級大杯😋Lychee Lemon +$15同樣大大杯，入面仲有荔枝肉，味道清新，適合解膩…查看更多

呢餐真係要畀個「正」字！今日同朋友去旺角食dinner。一上枱個焗芝士蟹醬軟殼蟹意粉就夠晒吸睛，橙黃色嘅蟹醬勻勻裹住每條意粉，軟殼蟹炸得金黃酥脆，咬落卜卜聲，芝士焗到溶晒成層金漆，撈埋一齊食，蟹鮮同奶香撞出個驚喜，鹹香得來帶少少海鮮甜，意粉硬度啱啱好，掛汁一流。重量級安格斯牛肉漢堡真係夠晒「重量级」，塊牛肉厚到成隻拳頭咁，煎到外層微焦，切開見到粉紅色嘅內裡，肉汁順住切口流落嚟，入口鬆軟多汁，肉香爆炸！底層個麵包烘得夠脆，夾埋成個堡夠晒飽肚，配粗薯條，外脆內綿，灑少少鹽就夠味。小食都好有驚喜，香辣魷魚夠晒惹味，辣度適中帶少少麻，魷魚彈牙唔韌；芝士煙肉焗薯皮簡直係邪惡首選，薯皮邊微焦，入面芝士溶到牽絲，煙肉香滲晒入薯肉，一口一塊停唔到口。玉米忌廉湯夠稠身，玉米味濃郁，飲落滑溜溜，開胃一流。熱檸檬水夠酸夠醒神，解膩最好。荔枝檸檬雞尾酒就清新，荔枝甜夾住檸檬酸，酒精味唔重，女士一定鍾意。…查看更多

在OpenRice 度見到呢間餐廳評價不俗，就約朋友來一試。我在OpenRice 訂了4位，晚上6:30。但其中一人有事要遲少少到（大概15分鐘），我們其餘三人便諗住先行入坐，叫定嘢食。誰知侍應表示我們不齊人入坐食視之為訂坐後缺席，而餐廳亦預先通知了只會留枱10分鐘，所以我們只好照樣先行入坐。而在入坐時才發現餐廳有限時75分鐘進食，我在訂座時也沒有留意😓本人認為75分鐘就確實太趕，食得一點也不輕鬆，建議朋友聚餐就不要選擇這裡。最後，在食物質素方面就不過不失，性格比確實係高既。而待應的態度都屬正常，不太差亦無特別好。不過個人就唔太接受到餐廳既政策，進食有點壓力，自己就不會再惠顧了。…查看更多

好耐無見既朋友可以約到今晚出黎食飯。上openrice app睇下油尖旺有咩好食。見呢間幾多好平評咁，就諗住試下。入到去見侍應好似好忙咁，無咩表情都無咩招呼。朋友要餐前食藥，有叫侍應俾杯水，但有個應左但無下文，再叫另一個先攞到。係無留意有加一既情況之下，我都自己攞碟。發覺有d碟都唔係好乾淨。最終揀到兩隻乾乾淨既。叫左野食，後就等上菜。發覺張枱都有D油（淋淋）～第一份野食係熱門推介既威靈頓牛柳同加20蚊有個酥皮湯。個威靈頓牛柳係幾淋既但個汁就吸夠熱啦。另一份係千島菠蘿脆蟹薄餅。個千島菠蘿脆蟹薄餅係幾脆既但上面個炸蟹個粉就好厚下。無想像中既脆口。整體體驗係一般啦～應該唔會再去食🙄…查看更多

在旺角這片美食戰場，一家隱藏於喧囂中的西餐專門店，憑一道「辣炒魷魚」殺出重圍，成為老饕私藏名單中的性價比之王！靈魂辣醬 × 現撈鮮魷，引爆鑊氣有別於傳統椒鹽做法，主廚以秘製「三重辣醬」定調：韓國辣椒粉的豔紅辛香、泰國指天椒的野性後勁，再調和意式番茄膏的微酸果韻，層次如浪撲襲。每日清晨到街市搶購的「火箭魷魚」，肉厚如指，精修筋膜後切花刀，過油三秒鎖住彈嫩，隨即與蒜片、乾蔥在鐵鑊中烈火共舞。關鍵在於「雙爆」技法——先爆香辣醬至油色金紅，魷魚回鑊後沿鍋邊嗆入紹興酒，火焰騰空的瞬間，焦香與酒氣穿透每道刀紋！震撼份量 × 創意搭配，顛覆想像上桌時，直徑30公分的鑄鐵盤盛滿硃紅發亮的魷魚，目測足足兩整隻份量，堆疊如火山爆發。入口先是酥脆的微焦邊緣，咬下卻迸出飽滿肉汁，辣意如電流竄過舌尖，隨即被海潮般的鮮甜反撲。驚喜藏在盤底：以辣油燜煮的日本年糕，吸盡魷魚精華後膨脹如海綿，外脆內糯的口感，竟比主角更搶戲！超值哲學在旺角動輒西餐店中，這道足夠3人分享的辣炒魷魚，附贈烤蒜蓉法包解辣。午市更推「魷魚+主菜+飲品」套餐，街坊笑稱：「連鎖店炸魷魚鬚，這裡簡直是慈善級定價！」夜宵時段常見情侶專程外帶一盤，配啤酒看球賽，痛快淋漓。…查看更多

在旺角鬧市搵食，總想發掘些令人驚喜的滋味。最近試咗一間人氣唔錯嘅西式專門店，兩道招牌菜式體驗可謂天淵之別，必須同大家分享。極力推介：惹味香辣魷魚首先，必食首推佢哋嘅辣汁魷魚！一上枱已經香氣撲鼻。魷魚圈炸得金黃酥脆，咬落去「咔嚓」聲，外皮輕薄乾爽，完全唔油膩。最精彩係入面嘅魷魚肉，火候掌握得極好，保持住鮮嫩彈牙嘅口感，一啲都唔韌、唔乾柴，證明食材新鮮同師傅手勢到家。重點在於個自家調製辣汁，辣度屬於中上，夠晒刺激，但唔會死辣，反而帶出層次分明嘅香料風味，微甜微酸，非常惹味「送酒」！沾滿醬汁嘅魷魚，食落過癮又開胃，係令人食到停唔到口嘅小食之選。鍾意香口同辣嘢嘅朋友，呢道絕對值得專程一試。總結喺呢間旺角西式專門店，強烈建議將胃口留俾出色嘅辣汁魷魚，香脆彈牙配上惹味辣汁，真係水準之作。…查看更多

今日同朋友去旺角行街食飯，朋友想食優質的西餐，行過見到有間餐廳的晚餐有多款選擇，仲可以加配小食和飲品，價錢在這區就唔算貴，所以試吓！ 餐廳位於通菜街25號地下，鄰近旺角地鐵站E出口。 室內裝修簡約，以西式佈置為主調，枱椅整齊排列，地方寬敞，坐得舒適！食物款式多樣化，除了晚餐外，有Burger、焗飯、鐵板、咖喱等等！🥣是日餐湯係忌廉蜆肉湯，煮得好滑顺和有奶香！ 有很多蜆肉，鮮味可口！🐮紐西蘭穀飼西冷伴燒汁（5成熟）西冷牛扒有濃郁的牛肉味， 口感柔嫩多汁，肌肉纖维细腻，豐富的油花在高温下融化，入口溶化，但不會過於肥腻！ 廚師烹飪得剛剛好，能鎖住肉汁，凸顯油脂香氣！ 還有配上新鮮翠玉瓜和粟米粒，清新爽口又解膩！ 值得一讚係燒汁，味道極佳，可增添牛肉的鮮甜味！🐷🍟芝士豬扒漢堡伴薯條一個超巨型的漢堡包！ 結合了芝士美味、洋蔥的甜味！ 包住肥瘦適中的豬扒烤煮，外焦裡嫩，肉汁豐盈。 配上特製醬汁和沙律菜，清爽不油膩！每一口都咁豐富！真係十分美味！ 薯條熱辣辣即叫即炸，非常香脆可口，真的吃過不停！小食： 🐙香辣魷魚、🐮香煎牛仔骨香辣惹味的魷魚圈，鮮味可口！ 牛仔骨煎得香口又唔會乾，肉質細嫩有咬口，超正！☕🍋熱檸檬菜蜜、熱奶茶茶味都夠香濃的！ 熱檸菜蜜幾好飲，適合配以上牛扒餐和漢堡包，可解膩！ 餐廳的食物質素高，這個價錢喺唔算貴，性價比高，喜歡吃西式料理的朋友，應該去試試！…查看更多

【旺角平民西餐威靈頓牛柳$98】．大推巨型蟹醬軟殼蟹焗飯．旺角有間抵食到爆嘅平民西餐，威靈頓牛柳、大大隻軟殼蟹焗飯全部$100有找！閑日都好爆場，因為真係太抵食，平平哋鋸扒都係$100左右。原個鐵板上嘅威靈頓牛柳，酥皮仲脆，牛柳大份得嚟又夠淋，絕對對得住呢個價錢，已經跟埋餐湯同飲品，加$20仲可以升級埋做酥皮湯。大推呢個芝士蟹醬軟殼蟹焗飯，睇個樣係估唔到佢係咁好味，個蟹醬係超濃郁，食完一啖想繼續食落去連白布烏冬都有，可以跟吉列豬扒或者油封鴨髀，鴨髀外皮煎到好香脆，油份超香，啖啖肉夠惹味。呢度追加小食都係幾十蚊，轉特飲加$15，真係平民西餐之選。威靈頓牛柳 $98芝士蟹醬軟殼蟹焗飯 $98白布烏冬配油封鴨髀 $88白布烏冬配吉列豬扒 $88香辣魷魚 +$38…查看更多

👧🏻想食西餐但出面閒閒地都要$100幾$200一個Main? 去Luna Kaffe 就唔洗擔心價錢 但又可以食到好食既西餐💕🍴威靈頓牛柳 $98威靈頓牛柳份量比想像中大舊 我地叫左7成熟 牛柳又嫩又好多汁 連埋酥脆既酥皮一齊食🤤好味!🍴白布烏冬配油封鴨髀 $88外型獨特的白布烏冬 口感煙韌 仲可以自己簡點鰹魚汁定麻醬👍🏻配埋外皮酥脆內超嫩多肉汁既油封鴨髀😍高質!🥹威靈頓牛柳同埋白布烏冬都係餐 仲會包餐湯同飲品!🥣餐湯 (+$20 轉酥皮)是日餐湯係栗米忌廉湯 幾夠料 啖啖都食到栗米粒 佢仲可以加$20 轉酥皮湯🥹❤️我同朋友仲叫左小食同甜品🤤🍴蒜香牛柳粒 $38牛柳粒同威靈頓牛柳既口感相若 都係好細嫩💕🍴香辣魷魚 $38夠辣😆食完一舊會想食多舊🍰焦糖燉蛋 $28敲碎焦糖之後就見到好綿密又滑嫩既燉蛋🤤係一個完美既收尾!📍Luna Kaffe@旺角通菜街25號地舖…查看更多

這間真的是性價比極高的Fusion 餐廳比很多高級餐廳的餐點還更優秀！每份餐點也會包括餐湯，我們另外加配了蒜蓉包（+$28）一起來吃，他們的餐湯是煮得很有口感那種，試過南瓜忌廉和粟米忌廉都非常好喜歡！但蒜蓉包就一般，下次淨係飲湯就好了～白布烏冬配香烤油封鴨髀 $88近期大熱的白布烏冬，暫時在香港非常罕見，烏冬口感很好，鴨髀即叫即烤，很香口，已經光顧這份餐點三次以上了！海魷墨汁意粉 $98香濃的墨汁混合了忌廉味，味道層次感豐富的意粉，魷魚鬚也大大條，烤得很香，份量亦不少，很推薦！威靈頓牛柳 $98第一次吃這種款式的牛扒，一般這種款式也要$200以上，所以這款真的是很便宜，牛柳烤得軟熟，酥皮也很香，高質！焦糖燉蛋 +$28個人比較喜歡凍燉蛋，這款可能因為碟子比較淺，面頭是燒熱了的焦糖，裏便不冷也不熱，所以口感不太好…查看更多