Le Paradis Cafe & Restaurant

营业中

休息中

夜晚7:30叫野食，一開波已經呢樣冇果樣冇，算啦唔緊要啦，可能而家生意難做，準備唔到咁多貨叫完嘢食去到8點上左兩個沙律、一個頭盤同埋一支紅酒8:30先走過來同我哋講其中一個main course冇，大佬我地成個鐘頭前落單㗎喇喎，有冇病呀我哋再追問究竟幾時有嘢食，侍應就話整緊好啦我哋都容忍，去到夜晚9:00，我哋等咗成個鐘都冇嘢食忍唔住要埋單走侍應態度非常惡劣，仲好串咁話「咁你仲食唔食，唔食就埋單」呢d咁既餐廳等執啦！最後睇埋張單，飲5個湯2個沙律2個頭盤2支cheap cheap紅酒仲要2500，貴到！

上星期同咗朋友食呢間想試好耐嘅法國菜，呢度服務周到、環境舒適、食物都非常滿意👍🏻白酒牛油汁煮紐西蘭蜆 🦪白酒味香但唔重酒精，啲蜆好大隻好新鮮😚黑松露雜菌湯 🫕黑松露味好香，個湯creamy得嚟仲有啲粒粒雜菌添，推介！雪芭 🍨雪芭好清新，啱晒喺主菜之前食，清清個口腔☺️煎法國油封鴨脾 🍗鴨脾肉質夠煙韌，鹹香惹味，連側邊嘅伴碟都好有心思！🤩法式焦糖燉蛋 🍮焦糖夠厚，燉蛋又香又滑，朋友超鍾意啊！

同朋友慶祝生日決定食好啲，我哋揀咗呢間尖沙咀嘅樓上法國菜🥰 環境幽靜古典，裝修別緻，坐得都好舒服。🥗 西班牙辣肉腸沙律𠌥唔到個沙律咁大份！有黑醋同柚子醬，開胃又好味😋！🦞 法式龍蝦濃湯龍蝦湯超級香濃，夠creamy，仲有龍蝦肉喺入面㗎🥰👍🏻！🐷 西班牙黑毛豬架配威士忌蘋果蓉伴蜜糖芥末汁黑毛豬超級無敵推薦！肉質軟腍，鹹香適中，肥瘦亦適中☺️！🍮 意大利奶凍奶凍超級香滑！凍凍哋，入口又滑又清香😋

呢個禮拜有好多日都放假，所以就同朋友去行山，行完山我哋去咗尖沙咀呢間西餐廳食dinner~佢個環境氛圍都好靚同好正！西班牙臘肉腸沙律配有子將醋$138一大個長碟嘅沙律菜🥗配埋柚子醬醋，酸酸甜甜，同沙律菜好夾～沙律菜好新鮮，仲有西班牙臘肉腸，圓片，食落鹹鹹地，幾好味😋仲有啲穀物脆脆，幾特別～黑松露蘑菇湯$68好香濃嘅黑松露味，好creamy嘅蘑菇湯，飲落覺得好濃郁～佢嘅花紋好靚，好好飲煎封法國油鴨髀配雜莓汁$248好大隻油鴨髀，食落外皮脆卜卜，入邊啲肉質幾香，配埋雜莓汁，酸酸甜甜，幾夾～仲有好多配菜，好似烤薯仔🥔青豆等等～好好味😋焦糖布丁焦糖布丁好滑🍮食落甜甜地，仲有焦糖脆脆喺面，香甜又香滑嘅口感好正！

尋晚趁住放假，約咗朋友嚟到尖沙咀食好嘢～好耐冇食法國菜，好想試吓！我哋就嚟到呢間樓上餐廳～餐廳嘅裝修好有情調，好適合家庭，朋友，情侶聚會～別有一番風味！白酒牛油汁煮紐西蘭托托蜆$198呢個前菜係一大碟蜆肉，大大隻托托蜆，入邊嘅蜆肉好大粒，仲有白酒汁作為湯底，飲落幾清香，好好味😋法式龍蝦湯$88超級濃郁嘅龍蝦同紅色嘅湯，表面嘅花紋幾特別～飲落仲有龍蝦肉🦞幾清甜，幾creamy，好好飲香煎智利鱸魚伴蕃紅花魚湯$298大大嚿嘅智利鱸魚🐟食落覺得魚質幾香滑，魚湯幾清甜幾好味😋仲有薯仔等等嘅配菜，幾豐富～杏仁奶凍甜品係香甜嘅奶凍，食落有濃郁嘅杏仁味，擺盤仲要好靚添！食落覺得幾creamy，好好味😋

以前我最愛尖沙咀加連威老道買水貨化妝品，疫情之後都少咗行街，但對Le Paradis 這一間法國餐廳卻是念念不忘，趁天氣涼爽來這裏露台享受一頓燭光晚餐。西班牙辣肉腸沙律配柚子蜜醋燈光偏暗好有氣氛，西班牙辣肉腸薄切吃起來鹹香十足，配新鮮沙律菜好夾，再加上柚子蜜醋汁，非常開胃。白酒牛油汁煮紐西蘭托托蜆白酒牛油汁味道香濃，紐西蘭托托蜆生熟程度剛剛好，入口柔軟，鹹中帶甜，清新開胃。黑松露磨菇湯 很喜歡黑松露同磨菇的配搭，香濃而且入口幼滑。磨菇碎增加口感，質地夠厚好 creamy，有讚冇彈。法式煎封油鴨脾主菜細意品嚐煎封法國油鴨脾，法國油鴨脾皮脆肉滑，可口多肉汁，肥瘦適中。配上酸酸甜甜的莓汁，可以中和油膩感，滋味無窮。雜莓奶凍我最期待的甜品，賣相可愛，法式雜莓奶凍，甜度適中，口感細滑，滿滿幸福感。總結豐富晚餐，侍應上菜節奏控制得很好，我們可以慢慢享受美食。好有情調，好適合情侶 or BFF 一起來。

十月生日月特別開心可以有藉口食多D平時少食既餐廳今晚約左朋友去尖沙咀加連威老道既樓上私房菜餐廳氣氛好浪漫最適合情侶 / 閨蜜們靜靜地坐低食餐飯傾下計西班牙辣肉腸沙律 ($168)前菜我地揀左辣肉腸沙律沙律菜好爽口加左啲柚子醋特別開胃黑醋香橙煎北海道珍寶帶子 ($138)帶子非常厚肉兩邊煎到金黃色切開入面僅熟肉質鮮甜好彈牙法式龍蝦濃湯 ($88)餐湯可以揀黑松露雜菌湯同龍蝦湯我地海鮮控當然要揀龍蝦湯啦好重龍蝦味啱哂我入面仲有啖啖龍蝦肉😋西班牙黑毛豬配蜜糖芥末汁 ($288)黑毛豬扒好juicy唔會太韌油脂分布得好平均唔會太漏煎封法國油鴨髀伴自家製雜莓汁 ($248)第一次食油鴨髀好驚喜煎到外皮香脆鴨肉唔會煮過火好嫩滑配菜有雜菌、翠玉瓜、薯仔同甘筍唔會好油膩啱哂我食飽飯最緊要有個好食既甜品作結今日有兩款甜品我地叫哂兩款share食精選甜品: 雲尼拿奶凍 ($58)好濃郁既奶味奶凍好滑加埋啲士多啤梨同藍莓一齊食好清新精選甜品: 焦糖燉蛋 ($58)我比較喜歡呢個creme brulee嫩滑既燉蛋加上燒過既焦糖脆卜卜甜度適中啱哂我

餐廳位於尖沙咀一棟唔顯眼既大厦，裝修行古典風格，亦都有唔少既小擺設，最特別既係有好多細細枝既香水版，非常別緻～西班牙辣肉腸沙律配柚子醋（$168）第一次試呢個配塔。沙律菜好新鮮。水瓜榴、黑水欖同辣肉腸既咸香味，再加上柚子醋汁既酸酸甜甜，非常開胃。黑醋香橙煎北海道珍寶帶子（$138）帶子好大隻同厚身，只係外表微微煎燶，裡面非常嫩滑鮮甜，我本身唔太鍾意食刺身都覺得好食。法式龍蝦濃湯（$88）,法式蒜蓉包（$48）入口香滑濃郁，飲到啖啖龍蝦既香味，湯入面仲有一絲絲既龍蝦肉，用蒜蓉包點黎食更加滋味。煎封法國油封鴨脾伴自家制雜莓汁（$248）法國菜中既經典菜式，我自己都試過做，需要用鹽醃好長時間令鴨脾做到好似半風乾既肉質，之後仲要用低溫慢煮一段時間，非常需要耐心。而且咸度控制得岩岩好，食到一絲絲既鴨肉，點埋雜莓醬令咸香味更突出。西班牙黑毛豬架配威士忌萍果蓉醬拌蜜糖芥末汁（$288）黑毛豬好厚身，熟度岩岩好中間位仲帶少少粉紅色，一口咬落充滿肉汁，而配菜亦都有蔬菜既鮮甜味，令人想一啖接一啖咁食落去。意大利奶凍（$58）奶味濃郁，口感比較厚身，唔會太甜，味道岩岩好法式焦糖燉蛋（$58）好香雲妮娜味，蛋

朋友結婚派帖，順便一齊食法國菜。凱撒沙律🥗⋯⋯菜好新鮮夠juicy ~法式麵包🥯⋯⋯最先嚟， 我哋一直等龍蝦湯點麵包～但D湯嚟得好慢，忍唔住食哂麵包先有龍蝦湯😋龍蝦湯，好creamy 好味😋鈕西蘭托托蜆配白酒汁， 白酒🍶將蜆嘅腥味煮走哂，好出色，飲咗淡湯，好惹味～只有一粒蜆食到有沙。有沙，是遺憾？接著上雪芭清清味蕾，之後就食主菜我食羊架，唔羶，配啫喱薄荷汁，好味😋朋友們食黑豬［無試過唔知咩味］牛柳［無試過唔知咩味］智利鱸魚🐟⋯⋯［深海魚多數唔腥嘅］最後，食埋心太軟甜品🍮⋯⋯我哋有order 嘢飲嫁完，很滿足！

Outstanding French Fine Dining❤️🕯🍽🥂🍾💫..知道嗎。。位於尖沙咀樓上一間法國私房菜，餐廳環境寧靜優雅，菜式精緻又有心思，高質又有水準，而且服務好好呢。設有室內`室外，都一樣咁Chill。在尖沙咀想吃隱世又浪漫有氣氛既法國菜，別錯過喔。✨西班牙辣肉腸田園沙律配柚子蜜醋汁 $168Chorizo Salad w/ Citron Honey Sauce✨白酒意大利藩茜牛油汁煮紐西蘭托托蜆 $198White Wine Italian Parsley Butter Sauce w/ New Zealand Tau Tau Clams先來2道Appetizer：Salad Pepperoni 配上柚子蜜醋清新開胃；Tau Tau Clams 新鮮滿有海水咸味，粒粒飽滿厚肉呢。✨黑松露蘑菇湯 $68Black Truffle Mushroom Soup✨法式龍蝦濃湯 $88Lobster Soup接著2道Soup：Black Truffle 味道濃濃又蓉蓉，湯品滿有菌香🖤，充滿蘑菇蓉又creamy, 我好喜歡呢。另一款Lobster Soup 同樣濃濃，滿鮮味重龍蝦

行開街發現依間穩世私房菜食法國菜，就一於上去試下。餐廳環境感覺神秘又浪漫，好有氣氛，幾岩情侶周年紀念或者特別日子嚟食。首先係餐廳自家製既麵包，咬落麵包好鬆軟，夾有一點蕃茄，好香好食。西班牙風乾火腿芝士拼盤拼盤內有三種唔同口味嘅火腿，由淡味到濃味都有，每一款都好好食。凱撒沙律沙律好新鮮，食落清新清爽。法式龍蝦濃湯濃郁龍蝦味，好似食緊啖啖既龍蝦肉，鮮味直湧口內。黑松露野菌湯黑松露同野菌好夾，飲落好creamy順滑。青蘋果雪芭餐廳好貼心安排左自家製雪芭，中和口腔味道，酸酸甜甜，既清新又開胃。法國油封鴨髀配雜莓紅酒汁西班牙黑毛豬架配密糖芥末籽汁兩款主菜好出色，食材新鮮。油封鴨髀皮脆肉亂好好味，肉質好淋，輕輕一切已經可以骨肉分離。黑毛豬架口感好嫩，煎得岩岩好。心太軟、朱古力奶凍朱古力味香濃、心太軟外脆內軟，切開有流心，奶凍亦好香滑。

第一次同男朋友食法國菜，慶祝紀念日。呢間野要提早book定位，佢會介紹當日嘅菜式，係book位嘅時候落單。好鍾意呢度嘅環境，超級寧靜，而且真係可以慢慢享受晚餐，慢慢傾偈。真係覺得book啱餐廳慶祝周年紀念日。以下係我哋嗌嘅菜式。辣肉腸沙律沙律菜配上橄欖、黑醋、辣肉腸，估唔到辣肉腸個味同黑醋都夾到。清新得來有少少鹹香。白酒牛油汁煮蜆呢個簡直係驚喜，白酒牛油汁嘅奶油香配搭上新鮮嘅蜆，再加上香草，好足鮮味。我忍唔住飲咗幾啖牛油汁，不過真係好肥。食到我舔舔脷。我覺得佢同餐包會好夾，好可惜我食完先諗起呢樣野。龍蝦湯依家龍蝦湯絕對係我飲過最好飲嘅龍蝦湯。係會忍唔住一啖有一啖咁飲！佢嘅龍蝦味好出，有浸又香又鮮嘅味道。我飲過好多唔同地方嘅龍蝦湯，個感覺都好化學。黑毛豬扒、燒春雞呢兩個主菜淨係伴碟都好吸引。佢煮得個肉質好好，味道都唔差。心太軟、朱古力慕絲朱古力味勁濃，唔會太甜，真係好怕太甜嘅甜品，呢兩款朱古力甜品就啱啱好！總括而言，我哋兩個人都好滿足，食咗兩三個鐘，渡過左愉快嘅一晚。🥰

打風前夕有些事情猶豫不決想不通 先去食餐好的叉叉電😂 來到尖沙咀這間頗隠閉的餐廳藏身於一橦平平無奇的舊大廈中 門面也非常低調 推開門才發覺另有一番環境•西班牙辣肉腸田園沙津配柚子蜜醋汁 $168沙津新鮮 黑醋味濃 醒胃Overall 不過不失•磯煮原隻南非鮑魚配煙燻希靈魚子醬 $198 點菜時 見這鮑魚來頭不少 即管試試特地查了一查磯煮的意思 原來是日本的一種慢煮法 用上昆布和醬油 令肉質不會過硬 難怪這鮑魚彈牙爽口 醬汁黏稠度剛好 不會太濃太咸 有驚喜 價錢不親民 但好食•龍蝦湯 $88磨菇湯 $68磨菇湯有驚喜！濃郁的磨菇味感覺舌頭都長滿菇😂 淺嚐了友人的龍蝦湯Umm 本人私心推介磨菇湯•煎封法國油鴨脾伴自家制雜莓汁 $248 嘩 油封鴨脾上場了！賣相一流 看得出配料顏色都有用心搭配切開鴨脾啖啖肉 好肥美呀！肉質十分嫩滑！入味又好食！推介！👍🏻👍🏻 •西班牙黑毛豬架配威士忌蘋果蓉拌蜜糖芥末汁 $288 份量十足 粉嫩粉嫩的黑毛豬 吃得出威士忌味道的醬汁 有驚喜 配菜種類多！侍應親切有禮 值得一讚！•As always, menu for ref:-

同老公行開街 睇openrice見到依間法國菜 就想上去試下依一間係私房菜 環境有啲神秘又帶點浪漫 幾有氣氛 前菜前，有自家製既麵包 （真心好想叫職員refill比我🤣🤣好好好食）一咬落去 麵包質感好鬆軟，而且好香蕃茄味前菜西班牙風乾火腿芝士拼盤（有三種唔同口味嘅火腿，每一款都好好食 入口即融！）凱撒沙律沙律菜好新鮮 唔會有草青味同苦澀！ 法式龍蝦濃湯好濃郁既龍蝦味！每一啖都好似啖啖既龍蝦鮮味湧入我口入面😍黑松露野菌湯黑松露同野菌完完全全融合左一齊 好香😘上主菜前 職員仲送上自家製青蘋果雪芭依款口味好清新同獨特 平時都無食過 有驚喜🥳 法國油封鴨髀配雜莓紅酒汁西班牙黑毛豬架配密糖芥末籽汁真 出色！兩款主菜口感入口即融 食材食得出好新鮮 汁醬比例調得岩岩好油封鴨髀煮到 一切一切，鴨肉就分開🤣 好好味鴨髀既皮仲要超香脆當鴨髀既皮連埋肉咁食 肉同油脂分配岩岩好 唔怕膩 黑毛豬架口感好嫩😇甜品 心太軟、朱古力奶凍朱古力味香濃、心太軟做到外脆內軟既感覺 朱古力漿仲好流心😆🥰 朱古力奶凍好香滑 唔覺意一啖接一啖咁食😂除左食物質素高，每一碟菜式都伴有精心擺設既伴碟，感受得到廚師對每一碟菜式既認真

近排要食返餐好慰勞自己，好在有閏密搵隱法國菜，放慢平時急速嘅腳步，難得慢食3個鐘。係平平無奇嘅商廈有一間法國餐廳，真係要仔細啲搵。一入去已經同外面煩囂嘅尖沙咀不同，燈光偏暗，每一台有個小燭台，好有氣氛。最特別嘅係排滿迷你香水樽。西班牙辣肉腸沙律配柚子蜜醋，柚子蜜醋中帶甜，清新開胃。西班牙風乾火腿芝士拼盤有三款火腿，富有鹹香。香煎珍寶帶子伴黑松露油。帶子煎得金黃色，配埋黑松露，更加突顯鮮味。黑松露蘑菇湯，又係黑松露嘅產品。黑松露味喺蘑菇湯嘅配襯下更突出。湯好濃郁，仲會有啲野菌碎。口感方面好creamy，閨蜜同我都對呢個湯情有獨鍾。另一個湯係法式龍蝦湯，好濃嘅龍蝦味，好適合重口味人士。好欣賞佢入面仲有一絲絲龍蝦肉，口感豐富。上主菜之前店員好細心俾咗雪芭我哋清一清口腔。主菜有西班牙黑毛豬架配蜜糖芥末籽。豬扒竟然有得揀生熟！我哋就膽粗粗食七成熟。果然係睇到同食得出分別。雖然豬扒有厚度，但溫度火力控制好好，一切就見到淡淡的粉紅色，同平時嘅豬扒唔同。食落好嫩滑。外邊煎得好，有封肉汁嘅作用，入面仲有moisture。黑毛豬本身豬味濃，唔使點樣點醬都有味。以為普通嘅煎豬扒都好有驚喜。另一款主菜點咗煎封