404
16
14
| 餐厅: | Le Paradis Cafe & Restaurant |
|---|---|
| 优惠: | 国泰会员凭「国泰 - 亚洲万里通」应用程式內会员二维码，赚高达HKD4 = 2里。受有关条款约束。 |
|
条款及细则:
|
|
|
|
影片
港铁尖沙咀/尖东站 B1 出口, 步行约5分钟
继续阅读
电话号码
44003900
开饭介绍
坐落尖沙咀闹市中的精致法国餐厅，为客人带来浪漫舒适的用餐环境，法国菜式由头盘，餐汤到主菜及甜品，均由大厨自行研制，别出心裁
讲求原材料质素及酱料的完美配搭
继续阅读
营业时间
今日营业
18:00 - 23:00
星期一至日
18:00 - 23:00
公众假期
18:00 - 23:00
公众假期前夕
18:00 - 23:00
以上资料只供参考，请与餐厅确认详情
有关奖赏计划
优惠
| 餐厅: | Le Paradis Cafe & Restaurant |
|---|---|
| 优惠: | 国泰会员凭「国泰 - 亚洲万里通」应用程式内会员二维码，赚高达HKD4 = 2里。受有关条款约束。 |
|
条款及细则:
|
|
|
|
食家推介
所有菜式由头盘到甜品都用心制作。食物质素好高。餐饱收工制作，罗勒好香！推介白鳕鱼，鱼好香好滑。老板话系用贵白鳕鱼。鲍鱼好入味好滑弹牙。服务好好。好满足舒服的生日饭。
继续阅读
大开眼界。本来成个情人节好开心，有花收有惊喜有礼物。点知就系呢一年冇book到食自助餐，谂住因为年年食自助餐好闷，所以老公就帮我book咗呢一间餐厅谂住庆祝情人节。点知成个情人节就咁俾呢间餐厅搞到所有气氛同心情都冇晒。我哋约咗夜晚8:45入座，去到餐厅门口已经有一对情侣喺度等紧，我哋入去同侍应讲我哋约咗8:45 ，侍应叫我哋喺出面等一等，谂住应该好快可以入，点知等到九点，都完全未有可以入去嘅感觉，出面等位嘅地方好细，有啲局促，因为仲带住小朋友，所以老公在入去问多次几时可以入座，强调我哋系约咗8:45 ，侍应叫我哋再等一等，好快就可以入座。我哋再等多15分钟，终于可以入座，但最精彩嘅而家先上演。入到去之后，侍应就同我哋讲话枱面有两支水，如果开嘅话就要加$38一支，我老公问佢可唔可以俾两杯暖水，女侍应同我哋讲，我哋冇水提供，如果要嘅话就要开水，要加钱，跟住佢就话：「我免费开俾你哋啦，唔好意思要你哋等咁耐，不过你哋唔好嘈，唔好咁大声。」我哋一头雾水，不过谂住算啦都见到佢哋有诚意，但是大时大节应该都系比较忙，应该安排上有少小失误啫，谂住都开开心心食埋餐饭就算。我哋9:15入座，等咗15分钟，都未见有任何嘅食物上枱，因为小朋友都已经有啲攰同肚饿，所以我哋就再次催促一下几时可以有食物上枱，侍应都系一贯地叫我哋等一等，话好快好快，喺中途我哋都听到隔篱枱有一家四口话已经等咗半个钟头但系都仲系未有嘢食，我哋已经心知不妙，最后9:45先上第一个头盘（总共有四个），因为头盘都系比较简单嘅沙律菜，我哋其实几啖就食完，跟住就等第二个头盘，中途我哋都有要求侍应不如上咗个汤先，可以俾小朋友饮住等，侍应话冇问题，但系都系冇咗件事，最后佢𠮶四个头盘，每一道头盘与头盘之间都系相隔最少15至20分钟先有下一道菜上枱，所以净系食晒四个头盘已经10:45 。因为小朋友已经好攰，又肚饿，再加埋我本身自己个胃都已经唔系好舒服，于是同老公讲不如离开，我哋已经冇办法再等咁耐，不如真系出去食个麦当劳就算数，听日再补庆祝。与此同时个汤终于上咗，我就同小朋友饮埋个汤，其实当时已经夜晚11点。老实讲我真系冇谂过食一餐饭可以11点都未食到主菜，我同老公讲咗一句话我去埋洗手间我哋就离开啦，我真系冇办法再等落去，点知去完洗手间之后，其中一个主菜就上咗嚟，咁都冇办法啦唯有食埋先，下一个主菜就11:10左右上埋，老公就话食埋2个主菜我哋就离开，唔再等佢个甜品同饮餐茶，𠮶阵我哋已经系饿到有小小狼吞虎咽，但系最后食唔晒因为个三文鱼系咸到入唔到口。最后我哋食完主菜之后甜品都已经冇晒心情再食就已经埋单离开咗，盛惠$1745。我哋走嘅时候大概系11:15分，如果真系等埋甜品同餐茶，可能真系要食到12点。今次真系一个极之极之极之差嘅体验，我完全唔明白点解一间餐厅可以做到咁差，明知厨房细，完全冇办法handle到咁多客人，就唔好接咁多客。我哋完全系食到发晒脾气，而餐厅完全冇谂过可以点样安抚客人，冇谂过情人节会搞到心情咁差完全都系因为呢间嘢，食完之后已经系又攰又劳气，小朋友系扭晒计。总括而言，呢间嘢喺人生中不会再去，冇可能有下次，垃圾之中嘅垃圾。
继续阅读
喺尖沙咀呢个美食天堂，你如果未去过Le Paradis Cafe & Restaurant，就真系走宝啦！呢间隐身喺大厦入边嘅法国餐厅，唔单止价钱平过一半嘅Fine Dining，仲系物超所值，非常惊喜！一入座，佢嘅前菜已经令人印象深刻。首先系蒜蓉包，外脆内软，蒜香扑鼻。跟住系烟三文鱼Caesar沙律，呢个沙律真系清新得嚟有层次，菜洗得非常干净，口感鲜脆，夹埋芝士烟三文鱼片，配搭啱啱好。而其中一个最特别嘅前菜就系香煎鹌鹑髀，呢个唔系每间餐厅都有得食，但煎得非常香，虽然略嫌油腻，但味道好特别，值得一试。而另一道亮点就系橄榄油蒜片虾，虾肉新鲜弹牙，橄榄油唔会过于油腻，蒜片味道浓郁，唔会抢晒虾嘅鲜味，呢道菜绝对系必试之选。至于餐汤方面，虽然我哋原本想试黑松露蘑菇汤，最后冇系餐牌上有啲失望，但法式龙虾汤完全补救返我哋嘅心情。龙虾味浓得黎唔会过咸，层次感丰富，钟意海鲜汤嘅朋友一定唔可以错过；相对地，洋葱汤就普通啲，味道偏甜，汤上枱时热腾腾，饮嘅时候要特别小心。讲到主菜，真系各有千秋。我哋拣咗挪威三文鱼同油封鸭髀。三文鱼煎得外层香脆，入面鲜嫩多汁，仲带住一阵浓厚嘅鲜味。而鸭髀方面，虽然味道唔错，但稍微干身啲，唔够Juicy。因为惊餐唔够食（其实非常够，唔洗额外加），我哋仲加咗个龙虾汁三文鱼子意大利粉，呢个绝对系惊喜！意大利粉煮得啱啱好，龙虾汁香浓，再配上三文鱼子，真系非常滋味。不过要提提，如果你拣咗呢道菜，咁就唔好拣龙虾汤啦，因为味道差唔多。最后，甜品方面我哋加咗个心太软。因为庆祝周年纪念，餐厅仲好贴心帮我哋写上想要嘅字，仲附送一支仙女棒添！𠮶一刻真系好感动。更难得嘅系老板娘亲自服务，每道菜都好细心解释，甚至帮我哋摆好花，真系非常贴心嘅体验。总结嚟讲，Le Paradis Cafe & Restaurant绝对值得推介，无论你想享受法国美食定系揾个平靓正嘅庆祝场合，呢度都系个好选择！
继续阅读
朋友邀请我去呢间楼上餐厅为我庆生成餐饭充满惊喜, 首先我要推介嘅就系个自家制蒜蓉包, 外脆内软充满浓浓嘅pesto 味🤤🤤🤤真系忍唔住要食多几嚿. 继而头盘嘅蟹饼同龙虾汤真系好好味蟹饼煎得又香又脆仲要淡淡蟹肉, 龙虾汤好浓（龙）好香甜, 真系好想再encore多一碗 🤪🤪🤪 主菜嘅羊架好腍又冇臊味, 个pasta 同鱼直头系我至爱 😍😍 我本身并唔系一个甜品爱好者，但系佢个心太软香而不腻又唔甜我都唔知几耐冇试过成个甜品食晒 呢一晚餐厅都有啲忙，但系个服务员都好细心咁服务我哋, 希望我哋唔会笑得太大声骚扰到其他客人啦😆😆 如果想揾一间餐厅可以饮嘢食饭倾偈呢度一定系一个好好嘅选择
继续阅读
平日工作好忙，好少写食评，但今次实在太失望，不吐不快，亦希望其他食客考虑餐厅嘅时候有所警惕。早前于邻住买购入了套餐打算和母亲大人庆祝生日，于是提早whatsapp了店家要求加$48转心太软写字及赠送小烟花一支。另外，由于母亲大人偏爱生蚝，亦预订了$368/半打生蚝，店家声称是French Gillardeau N0/N1。1. 刚到埗，疑似是女板娘的女侍应向我们介绍 still and sparkling water。我礼貌地表示 tap 就可以，侍应立即黑脸，说只有滚水，而且要等，无咁快，我表示唔紧要。女侍应离开后后面嘅男侍应立即帮忙斟水，的确是滚的，店家很想客户额外消费饮品，哈哈。2. 店家声称生蚝是French Gillardeau N0/N1，但以我所见连N4都唔知有无，六只入面有两只几乎连肉都见唔到。3. 菜式与菜式之间每每都要等足半个钟，长时间 keep 住张枱无野食，越食越肚饿。4. 其中一个主菜，海虎虾米多，虾肉系霉嘅，肉质好淋好唔新鲜。5. 终于挨到食完所有courses，女侍应送上两个跟餐嘅 creme brulee，我示意叫佢过嚟，佢表示自己收紧碟，稍后过嚟。我地都以为佢放低啲碟就会睇下我地咩事，点知佢仲慢条斯理清理啲碟，扫厨余落垃圾桶。等咗十分钟等到佢过嚟，我同佢讲我加咗钱转咗生日message心太软，佢好大声咁话无收过㖞，我开返whatsapp俾佢睇，佢先话ok依家做，之后想收走我面前嘅creme brulee，又放返低，又收走母亲面前嘅creme brulee。 6. 等咗又半个钟，心太软嚟到，女侍应匆匆忙忙放低只碟叫我准备影相点烟花，我电话都未拎起佢已经点完走咗，母亲问我点解唔一齐影相，我话等侍应返嚟再叫佢揸机。点知原来隔离枱都order咗心太软，女侍应系未点烟花已经主动帮个pair情侣影合照仲影埋video。妈咪好嬲好唔开心话侍应歧视我地用邻住买 coupon，连甜品都无食完就话要走。平心而论，餐厅出品系唔差，但厨房可能只得一个人一脚踢，根本做唔切。最惨系女侍应好无礼物态度令人反感，庆祝特别日子无要求你做到宾至如归，但至少唔应该食到一肚气。埋单唔系平，HK$1,544，女侍应仲话希望我地下次再光临，母亲一离开餐厅即刻话无可能，直头要列入黑名单，只值$600。🥲可怜作为女儿的我，钱又俾咗，又做咗罪人。😪如果餐厅系会俾面色用折扣购买套餐嘅客人，建议店家唔好做优惠，做臭自己个招牌。
继续阅读