Le Paradis Cafe & Restaurant

营业中

休息中

呢晚周末去左間法國fine dining 浪漫下入門級嘅法國兩人餐5 course Set A {for 2 ppl}$1088前菜新鮮青口配香草牛油白酒汁牛油香氣洋溢，新鮮青口鮮甜富彈性～沙律牛油果煙三文魚沙律 遠看好似長型盆栽，三文魚同牛油果係fd，做了乖寶寶食左好多菜湯 配香草蒜蓉包黑松露野菌忌廉湯 黑松露味唔算突出，但菇菌味就幾濃郁～法式龍蝦湯 香濃龍蝦湯從來係至愛、尾調會帶干邑酒嘅香氣法式慢烤鴨髀油封鴨髀外皮脆脆滿油香鴨肉一絲絲用叉已輕易骨肉分離，肉質軟嫩～西班牙豬鞍架 +$28火候控制得幾好，豬鞍架切開粉嫩pink pink有肉汁甜品意大利奶凍奶凍非常creamy軟滑，奶香突出，超多雲呢拿籽！法式焦糖燉蛋脆脆焦糖、燉蛋綿滑，入面充滿雲呢拿籽！連Chef select dessert 都睇得出勁用心，今餐好滿足～～

很可怕的經歷。法國餐價錢，茶餐廳質素。未知其他食評如何來！除了枝紅酒外，沙律到主菜都係茶餐廳。Quite an unpleasant experience, nothing Frenchy or at least western, just localized. Its not a French restaurant at all! And it's $1000+ per head Calling it a cha Chang tang would have been more appropriate

男友神秘地同我吃法國菜，到樓見到有小露台仔，氣氛唔錯。叫咗兩個tasing menu, 可以食到廚師的推介，樣樣都好啱食。🍴磯煮鮑魚配上魚子醬，好香濃。🍴龍蝦湯超濃郁，好香好滑，唔割喉。🍴法式煎封油鴨髀，以前好鞋口，實際很juicy🍴Tiramisu 細細件，滿足。

想搵一間有質素嘅法國菜真係唔容易之前喺網上見到位於尖沙咀的「 Le Paradis Restaurant 」 @Le Paradis Restaurant好評如潮 大贊食物質素高就決定同朋友一齊去試吓❣️一出電梯右邊已經係餐廳感覺神秘浪漫而有格調一推門見到餐廳有室外同室內位置我哋就被安排沙發四人枱位置感覺舒適而寬闊其後店員就為我們推介Course Menu⊰⊹════════════════⊹⊱💬 ✎食後感 ：✨💛【 #黑醋香橙煎北海道珍寶帶子 】一碟有兩件非常肥美嘅珍寶帶子兩邊分別經過煎一煎令新鮮嘅帶子味道更香口再放上珍貴嘅魚子醬一切開外面熟透裏面係半生熟正是我想食嘅口感同質感🖤️【 #黑松露蘑菇湯 】先來一碗香濃黑松露蘑菇湯熱辣辣舀起每一啖都非常足料真係有粒粒蘑菇㗎飲落去唔會太甜太鹹太漏整體來說都煮得恰到好處💚️【 #青蘋果雪葩 】中場休息要食個清香雪葩除咗可以解油膩之外仲可以清除口腔味道去細膩下一道主菜🤎️【 #西班牙黑毛豬配蜜糖芥末汁 】這一塊相當有份量的黑毛豬望落去都感覺到非常Juicy切落去肉質非常軟熟而鮮嫩每一件黑毛豬都帶有肉汁底下還有一些配菜包括蕃茄仔、薯仔及蘆筍等確實會令

今日嚟到一間位於尖沙咀嘅樓上法國菜食晚飯。環境好有情調，好啱嚟約會。如果鐘意仲有outdoor seat，望到街景。我嗌咗個五道菜套餐（$1088），呢度嘅套餐係2人份量。沙律係海撒沙律 - 估唔到頭盤嘅份量有咁大！啲羅馬菜好新鮮爽口，仲加上乾煙肉片同芝士片，口感十足。頭盤係北海道帶子紅蝦他他伴粟米片 - 呢個有驚喜，beef tartar 就食得多，帶子紅蝦他他我真係第一次食，個肉質好鮮甜彈牙，好似食緊魚仔咁。配埋個辣辣地嘅醬汁食好惹味。湯係黑松露野菌忌廉湯 - 真係好creamy，仲好重黑松露味。個野菌打得好爛，每一啖都咁有口感。另外嗌咗法式龍蝦湯，個龍蝦味好濃郁好香。配埋香草蒜蓉包真係絕配。主菜嗌咗法國油鴨脾，個鴨皮燒到好脆食，肉質又唔乾身，好高質。我哋仲加錢叫咗個西班牙黑毛豬鞍（+$28），一啲都唔失望。塊肉好厚身，但口感爽口得嘅又唔覺韌，反而juicy彈牙，好好味。甜品係Creme brulee同雲呢拿奶凍，雖然好好味，好軟滑，而且又唔覺太甜，但份量真係好多，真係食唔晒。

朋友介紹咗間好好嘅餐廳，今日有開心嘢慶祝所以揀咗嚟呢度。環境真係幾浪漫～$1,088 五道菜，其實係個2人餐嚟嘅。唔好以為法國餐一定細份唔飽，呢度食物不但質素高，而且份量好多添。沙律好大盤海撒沙律，好似平時食main course咁。材料都有好多，沙律菜配上有煙肉、croutons同芝士，夠晒fresh！頭盤北海道帶子紅蝦他他伴粟米片係必點！北海道帶子非常彈牙，而紅蝦都好鮮甜，兩者加埋好夾，如果個醬汁帶啲辣味更惹味。配埋粟米片個口感脆脆的仲好。湯我哋試咗兩款湯，黑松露野菌忌廉湯同埋法式龍蝦湯。前者勁 creamy，平時鐘意飲野菌湯一定鐘意，因為佢無blend 到淋色，反而食到粒粒嘅菇，口感一流。後者係香濃重龍蝦味湯，雖然都好濃郁，但我都係鍾意飲野菌湯多啲。個湯仲配埋看到脆口熱辣辣嘅包。主菜法國油鴨脾，份量超大，個鴨皮好脆口，似食緊薯片咁！肉質一啲都唔鞋，推介。西班牙黑毛豬鞍，塊肉好厚但又煮到嫩滑多汁，表面仲燒到有少少脆身，加錢叫都值得。甜品有焦糖布甸同雲呢拿奶凍，就覺得焦糖布甸好食啲，蛋味好香，前面頭個焦糖就燒得脆脆，味道又唔太甜。

臨近聖誕節，同好友提早食聖誕大餐~先黎個2個主菜～西班牙辣肉腸沙律配柚子醋，愈食愈開胃，沙律菜好FRESH，辣肉腸薄切既咸香，加上柚子醋汁既酸甜，唔錯！紐西蘭托托蜆配香草牛油白酒，呢個真心要推介，由香草牛油調製成既白酒汁，同肥美既蜆肉，超正~之後黎左個龍蝦湯, 唔算太濃, 但我中意, 因為諗落感覺唔會太HEAVY!然後到兩個MAIN COURSE!西班牙黑毛豬架配蜜糖芥末汁，黑毛豬份量都有返咁上下厚度，食落好爽口，一D 都唔鞋，而且有飽肚感！香煎智行鱸魚拌番紅花魚湯，鱸魚香得黎啖啖肉，平時唔中意食魚既我，都真心覺得好食！最後甜品點左CREME BRULEE 同奶凍！CREME BRULEE 外表薄脆，入口非常柔嫩、口感間於布丁和蛋撻之間～奶凍就不過不失~OVERALL 呢度環境舒服, 而且價錢合理, 下次有機會再黎！

係好耐好耐之前睇到一篇報道係方健儀介紹呢間餐廳收藏左好一段時間，依家終於去餐廳環境比較暗 都可以話有情調嘅😆唔係好鍾意啲咁暗嘅餐廳 一邊食一邊眼訓反而鍾意出面食煙既環境嚟咗個小食先 辣肉腸田園沙律 菜新鮮 辣肉腸吾辣但惹味 嫌醋汁太酸南非鮑魚 磯煮係日本一種煮法 會用醬油昆布慢煮 鮑魚係爽口彈牙但吾夠入味托托蜆 好鮮 蜆肉肥美 牛油香味出加陣陣白酒味 👍吾錯龍蝦湯 係好濃 濃到有少少🤏澀味 普通唔可以話好味冇芒果味嘅芒果雪芭 清味蕾食主菜 😆自己鍾意食雪芭所以👌油封鴨脾 肉質吾嫩又老死鹹 好在冇騷味🙅‍♀️黑毛豬 肉質鞋又硬 煎得亦吾香 同普通豬扒冇分別 但肉味較濃🙅‍♀️最好味係兩碟主菜嘅配菜 加上有南瓜蓉同薯蓉 好入味好好味❤️焦糖燉蛋 食咗一啖仔 但唔記得咗味道😆朱古力心太軟 外層焗到外脆內軟 流出幼滑朱古力醬 甜品好食整體黎講 合格嗰條線都掂唔到😅 究竟餐廳啲like係點樣得返嚟吾會encore

去過法國？原來呢度都有好味😋法國餐！呢度仲有室外座位，我哋坐室內，已經坐得好舒服同埋好浪漫，坐落唔錯再加上餐廳裝修都好有心思設計到成個環境好有情調，充滿浪漫氣氛紐西蘭托托蜆配香草牛油白酒汁托托蜆配上白酒，原來會更加鮮甜真係味道會更加出，同埋真係超級大隻而且隻隻都冇沙好新鮮！好驚喜🙈瘋狂食法式龍蝦濃湯見唔見到個圖案～真係超級有心機❤️同埋整得好靚龍蝦味都超級濃郁，絕對香濃！西班牙黑毛豬配蜜糖芥末汁，呢個一定要食出奇地好味，水準好高，蜜糖唔會話太甜因為有芥末嘅搭配更加惹味，又非常入味同埋完全唔驚over cook，絕對係啱啱好青蘋果雪葩可以解膩，方便之後品嚐主食法式焦糖燉蛋 Creme Brûlée之前喺法國都有食過，不過唔知點解都冇呢間咁好味😋焦糖燉蛋，蛋香味濃，凍凍地，有火燒嘅焦糖，脆脆地好正啊隱藏高質餐廳等對我哋發掘❤️

嚟到一間非常之有情調嘅法國餐廳，好浪漫嘅感覺，而且裝修都唔錯，幾適合同朋友或者情侶💑黎呢一度食飯約會！仲有侍應嘅服務態度都好好，所以喺呢間餐廳食飯都算係一種享受呢！我哋嗌咗幾樣嘢食，前菜就叫咗紐西蘭托托蜆，啲蜆好大粒，有香草牛油白酒嘅配搭令到蜆嘅鮮味特別突出，鮮甜好吃😋跟住就有食佢嘅餐包佢嘅餐包餐包焗得好香😙😙而且熱熱地有啲溫度，特別好食。湯嘅部份我哋就叫咗法式龍蝦湯，龍蝦嘅鮮味突出，龍蝦肉如果可以再多啲嘅話我哋會食得更加開心！所以主食方面我哋就叫咗個波士頓龍蝦意大利飯，嘩隻龍蝦好大隻呀！我鍾意佢嘅製造方法，因為咁樣可以保留左同埋突出龍蝦嘅鮮甜味道，而且意大利飯亦都吸晒龍蝦嘅精華，正呀😍😍😍最後食咗個燉蛋真係滿載而歸啊！我都幾滿意你一餐飯，因為可以靜靜咁樣同朋友傾心事，亦都可以慢慢品嚐美食，唔會好匆忙，好享受呢一種慢活嘅感覺☺️☺️

呢間西餐我預約咗好多次，但係都唔成功，唯有平日去食先成功。預約嘅時候其實已經可以話俾店員聽你想食邊一個course，因為佢有時會有啲主菜係冇咗，或者轉左嘅，預先知道埋就更加好啦。煙三文魚蟹肉牛油果沙律煙三文魚都有成六塊咁多，牛油果亦都好香，熟得啱啱好。我最欣賞嘅係佢沙律嘅汁，唔係普通嘅黑醋汁而係有少少甜少少酸，又有少少鹹味，比起出面淨係用黑醋就更加好食。紐西蘭托托蜆配香草牛油白酒佢嘅蜆超新鮮，雖然勝出佢係新鮮蜆定係冰鮮蜆，但係有鮮味就得啦！而且佢嘅牛油白酒汁，我當湯來飲，非常之鮮味。🤣🤣🤣黑松露蘑菇湯佢嘅黑松露味好香，而且睇得出佢好揼本咁樣落勁多黑松露，令到成個口都充滿着黑松露味㗎 ！西班牙黑毛豬配蜜糖芥末汁唔知大家有冇食過黑毛豬？佢嘅豬有種香味，據說係因為黑毛豬本身係食橡果而養成嘅。而且肉質非常之冧，真係不枉此行。最後甜品就嗌咗個雲尼拿布甸，就滿足地回家去。

今日同老友去食法國大餐，餐廳佈置有心思，走復古路線又帶高級餐廳嘅風格，好浪漫💕嘅感覺。嘢食質素好高，好推薦呀！牛油果煙三文魚沙律 同朋友不約而同地哇左一聲，好大份！食多啲菜係好嘅！加上佢啲菜係好新鮮，煙三文魚好鮮甜，仲有啲穀物脆脆，配上一個酸酸甜甜嘅醬汁，非常開胃🙌🏻黑松露野菌忌廉湯 好creamy嘅忌廉湯，蘑菇嘅香味好吸引，入口香滑濃郁拎嚟點麵包食都正跟住侍應俾咗杯雪葩俾我哋清一清喉香煎智利鱸魚伴黑松露忌廉汁鱸魚肉質好鮮嫩，煎完之後外皮好香脆，味道鮮美又冇骨！加上側邊嘅配菜全部都好好味，紫薯蓉好甜又綿密😋😋法式奶凍好味道！奶味非常香濃，香滑可口，加上鮮果果仁等，增加口感，食完甜品好滿足呀！呢度環境好舒適，服務好好，同閨蜜密密斟，好盡興！同埋食物一流，選擇好豐富，下次會再黎！

朋友正日生日，想搵一間舒服又可以坐得耐的西餐廳， 在網上看見這間環境和食評不錯， 便在 openrice 訂位，之後餐廳通知，預訂晚飯一星期前，會 whatsapp 菜單給我，另外會有條 link， 需於預訂晚飯當天下午兩點半前，自行在網上預訂要吃的食物，以便廚師準備。牆邊有一個裝滿迷你香水樣板嘅玻璃櫃法式龍蝦濃湯 Lobster Soup ( $ 88 )朋友飲咗，說味道不錯。西班牙黑毛豬配蜜糖芥末汁 ( $ 288 )煎封法國油鴨脾配雜莓汁 ( $ 248 )餐廳嘅裝潢都比較復古]白酒意大行蕃茜牛油汁煮紐西蘭托托蜆 ( $ 198 ) 真係好大隻, 味道好吃. 朱古力心太軟伴雪糕 ( $ 78 )總括嚟講, 呢間餐廳嘅食物質素係唔差,份量唔多，不過要有心理準備, 每樣食物都是慢慢出，慢慢嘆🙂就唔係咁適合好心急嘅朋友啦。😬 環境都舒適，餐具及佈置都好精緻同講究，不過室內好細，只有幾張枱，另外有一個門口出室外，可以選擇室外用餐， 侍應只有一個，服務態度都好。

依間餐廳我食咗幾次，但係每一次都冇為佢寫食評，我鍾意食佢嘅原因係因為貪佢夠靜，餐廳環境又唔錯，嘢食都好好食。重點推介幾樣嘢食先餐包有蕃茄，好似食緊pizza gum 🤣煙三文魚蟹肉牛油果沙律。佢入面有一啲好似穀物咁嘅脆脆，食落去嘅質感更加好，而且佢嘅牛油果同煙三文魚都好多！作為前菜好開胃。龍蝦湯呢個係我每次去到都必叫嘅，因為出面飲嘅龍蝦湯大多數都係用普通罐頭整出嚟嘅龍蝦湯，但係依家就有燶蝦肉喺入面，真係好驚奇，而且龍蝦味都好濃法式煎封油鴨髀依個都係冇可能食，因為一上碟嘅時候佢嘅皮係超級鬆化，配上鴨嘅油香，完全係有史以來食過最好食嘅肉。焦糖布甸我至愛食完咁好食嘅主菜就梗係要食甜品，我每次都會叫焦糖布甸，因為佢嘅裝飾好靚之外，味道亦都係好鍾意。大家都可以趁着聖誕節你食呢個靚靚甜品！好有聖誕氣氛㗎 ！

一直聽說Le Paradis的食物質素上乘而且環境清幽，所以特地趕來一嘗究竟。一進入餐廳，便發現環境安靜舒適，座位寬敞，還點著電子蠟燭，既環保又氛圍恬靜。第一道菜，煙三文魚牛油果蟹肉沙律，三文魚口感很嫩，搭配牛油果更加爽口清新。第二道菜是紐西蘭托托蜆配香草牛油白酒，湯的味道十分醇厚，托托蜆肉大多汁，回味無窮。第三道菜是兩種湯，龍蝦湯濃厚，黑松露蘑菇湯則有濃濃的鮮味和香味，讓人愛不釋口。兩道肉類主菜是晚餐的重頭戲。燒春雞肉質鮮嫩，醇香可口。法式煎鴨腿是我最喜歡的菜式了。入口嫩滑，而且鴨皮也煎得很香，回味也是醇香無比。最後的甜品也是很不錯的，真的很喜歡這家餐廳的食物和用餐環境。加分項是餐廳的廁所非常乾淨，看得出來店主注重衛生呢。總的來說，真的是一間很值得光顧的餐廳！