Le Paradis Cafe & Restaurant

营业中

休息中

今晚終於試到le paradis，之前聽朋友講話呢間食物水準有驚喜，不過就要預先3 2日諗定食咩，然後叫餐廳準備。終於到了星期五，收工行一陣加連威老道，然後和朋友便上去餐廳準備食好西，一入到去，環境氣氛唔錯，夠古典寧靜，可以比到一份遠離塵囂既感覺，舒舒服服咁食一餐晚餐。一開始先黎個牛油果沙律，好清新。然後黎一道法國蜆，好肥美大隻，一咬落去會噴汁，味道調教得好好。龍蝦湯，賣相同味道又係一流，好濃郁入味既湯，可以添飲多一碗就好喇。😂終於到了青蘋果雪葩出場，一見到呢樣野，意味住清清口腔就要上主菜了。主菜上場，黑松露燒春雞，雞肉相當嫩滑，配上黑松露醬汁，無得輸。最後燒乳豬，有別於一般所認知既乳豬，又係驚喜之作，皮香脆，肉夠香，加上芥辣醬，又認識多一種新口味。最後上埋甜品，焦糖燉蛋，連甜品都相當有水準，今晚大滿足😎

同姊妹慶生，金牛座嘛，1早同姊妹Preorder咗尖沙咀呢間法國餐廳。餐廳預先安排好晒食材，我地早d打黎訂位唔洗等，一上到黎好快就好快有得食。😘😘點咗以下食物:田園沙律同一般嘅田園沙律唔同，佢d沙律菜好新鮮，食落勁爽甜，牛油果幾多，甜甜地，好fresh。最抵讚係佢舖蓋了好多Superfood藜麥，增加纖維同營養。汁煮法國蜆，馬刀貝哇，呢個法國蜆真係超大隻，成隻巨型花甲咁，一打開蓋，肉勁厚身，咬落去，超肥美好juicy，d汁標晒出黎，火喉剛好，一d都無過熟，超嫩滑。係我食過最正嘅大蜆餸菜。餐湯有龍蝦湯同蘑菇湯。我地Share兩碟一齊飲。龍蝦湯超濃郁嘅龍蝦膏味，飲完口腔有餘香。蘑菇湯仲正，d蘑菇香到好犀利，未入口都已經聞到。而且有好多蘑菇粒，令個湯好有口感。之後侍應上了青蘋果雪葩俾我地開開胃。我中意佢夠清甜，一般青蘋果野都好酸唔夠甜。但佢夠清甜得黎蘋果嘅酸味香味都好足。滿意。主菜係黑松露燒春雞。全部都係雞脾仔，好正，唔洗撕黎撕去，搵紙巾包住就可以成隻咬，啖啖肉。雞肉超嫩滑，雞皮煎得焦香，無Overdone。醮上勁香嘅黑松露醬汁，令雞肉嘅肉香更上一層樓。另一款主菜係法式燒乳豬。同中式乳豬感覺

今日係拍拖週年紀念日，男友知道我鍾意食法國餐，特登帶我黎慶祝❤❤算佢幾有心思啦🤭法國菜菜色好講求用料新鮮同原汁原味，這是我愛食的原因，而依間餐廳就做到哂我的要求，值得一讚👍🏻👍🏻餐廳的環境擺設行西式復古設計帶出一種優雅感覺，加上淡淡的燈光下，浪漫氣氛十足😍我男友話早知咁好環境就係到求婚wo🤣個衰仔真係鬼馬🤭前菜我地點左個西班牙辣肉腸沙律配柚子蜜醋柚子的甘香清甜配搭蜜醋的酸甜味，加上味道新鮮的蕃茄，令沙律菜食落好開胃❤辣肉腸切粒，口感煙韌有趙口而且肉香味十足，我男友叫我唔好咁快吞，因為越係咀嚼個肉味越出😋可以慢慢品嚐。另外仲有麵包加上黑醋，麵包外脆肉軟，唔會好似一般法包咁咬落好靭，好岩香港人的口味。法式龍蝦湯，味道香而不澀，我最怕係有d苦澀味，而佢只有龍蝦香味，而且杰度控制得相當好，小小黏口，唔會過稀，令湯係口入面浪吓浪吓可以充份地刺激味蕾，好正👍🏻😋餐廳好細心，飲完湯之很會比個青蘋果雪葩比你闢味。之前係特度食過覺得太凍，裏面甚至有冰塊，但依間入唔溫度唔太凍，而且裏面淡淡肉㗎！我地仲叫左個白酒牛油汁煮紐西蘭托托蜆。蜆肉大大隻，啖啖肉，非常鮮味，白酒同牛油味唔會太重，再加上小小洋蔥粒，帶出

為咗同我嘅好朋友慶祝生日，我特登問咗一個平日會周圍搵食既同事睇下邊到會有好嘅地方慶祝朋友生日，佢介紹咗呢間比我！前菜係一個温泉蛋雜菜沙律，新鮮的沙律菜加埋兩隻半熟嘅蛋，正！我嗌咗龍蝦湯而朋友就揀咗黑松露磨菇湯，龍蝦湯味道很濃郁，朋友嗰個湯嘅黑松露分量十足，兩碗湯的表面都用忌廉畫咗精美嘅圖案，睇得又食得！呢位朋友每次食西餐都會叫白酒煮蜆，今次佢生日都唔例外，朋友今晚食得勁開心，因為白酒味濃而不醉，而且每一隻都係好大隻，睇圖都見到啲肉係大過隻匙羹架！！主菜Order咗燒春雞，餐廳將切好一件件嘅雞件好似層層疊咁放好，而最底就是黑松露汁，雞肉鮮嫩而不油膩！我朋友叫咗黑毛豬扒，黑毛豬扒肥美而厚實，份量超多，我朋友都差啲食唔晒！最後係我最期待的甜品，我訂位嗰陣有同餐廳講今日係我朋友生日，叫佢安排下，咁餐廳將我哋叫嘅心太軟同埋焦糖燉蛋放埋一齊，而且亦都加上咗生日字句同埋好靚嘅蠟燭！超鐘意呀！

老公問我生日想食咩 我同佢講我想食西餐 佢就帶左我黎呢間係尖沙既餐廳一入到去就覺得光線好柔和 好有情調好有氣氛 雖然餐廳唔係好大 但唔係太多張檯 所以空間感十足 〰️鮮果沙律配溫泉蛋〰️$138老公知我鐘意食溫泉蛋 所以特登叫左呢個沙律比我 黑醋汁既沙律菜點上沙泉蛋既蛋汁 再加上藍莓/提子粒/車厘茄粒 顏色相當豐富〰️白酒牛油汁煮紐西蘭托托蜆〰️$198D蜆除左個殻大之外 蜆肉亦漲卜卜好肥美 蜆肉吸晒白酒既精華 好入味 我地食完d蜆甚至將d白酒湯飲晒添呀〰️黑松露磨菇湯〰️$68一向都好鐘意黑松露既我又點會唔叫呢個湯呢 香噴噴既黑松露味好正 而且粒粒細小既磨菇豐富左個湯既口感 〰️法式龍蝦湯〰️$88呢個係老公既最愛既湯 佢話呢個龍蝦湯既味道好鮮甜 〰️西班牙黑毛豬扒配芥末籽〰️$298呢間餐廳勁細心 係食呢個餸之前 特登送左個青蘋果雪葩比我地 開頭我以為是比錯左我地 因為我地冇叫 但原來係佢比我地減淡返頭先口腔入面既之前食過既野既味道呢個黑毛豬既肉質一d都唔鞋 每塊差唔多有一寸厚既黑毛豬扒肉質好嫩滑 而且點埋個芥末醬更多豐富左個味道〰️法國燒春雞配黑松露汁〰️$268個皮燒得好香口 而且皮下脂肪唔多 外脆內

樓上的浪漫法國大餐💋同好朋友去食飯想搵一個靜靜嘅地方一於揾一間樓上法國餐廳傾下計☺️店員熱情介紹有咩好選擇點完菜 法式餐包就上碟了✨ 西班牙辣肉腸沙律配柚子蜜醋 $138第一道菜我哋選擇左清新嘅沙律除咗沙律菜之外 仲有西班牙嘅辣肉腸同無花果清甜嘅沙律菜配鹹香嘅辣肉腸 入口味道平均👍🏻✨ 白酒牛油汁煮紐西蘭托托蜆 $198醬汁好香濃 好香牛油味✨托托蜆好大隻喔 啖啖肉又新鮮食嘅時候連汁食 lovely🥰✨ 法式龍蝦湯 $88我選擇嘅係法式龍蝦湯 上面嘅忌廉好似拉花咁好靚🙈龍蝦味非常香濃 鮮味十足又唔會變得苦係我飲過咁多龍蝦湯裏便出色之一👍🏻食埋青蘋果sorbet 清一清味蕾 就可以開始食主菜啦✨ 煎封法式油鴨髀配雜莓醬 $248平時食太多牛扒 嚟到法國餐廳點可以唔試吓法式油鴨髀 一上枱就聞到好香嘅鴨味☺️鴨皮煎封得香脆 鴨肉又嫩 點埋雜莓醬好match喔❤️✨ 法式龍蝦燴意大利飯 $268用芝士焗大大隻龍蝦 肉質爽口龍蝦鉗嘅肉已經拆好 好有心呀🤩意大利飯口感煙韌 好味道✨ 朱古力心太軟配雪糕 $78✨ 法式焦糖燉蛋 $58朱古力心太軟一切開就流晒心而且朱古力味濃郁👍🏻嚟到法國餐廳點可以唔叫焦糖

老公升職加薪，當然要好好慶祝一番，朋友推升的 Le Paradis Restaurant & Cafe，雖是樓上鋪，但氣氛及食物水準都頗高，今晚一於大破慳囊。餐廳擁有特式戶外平台，三五知已的聊天勝地，拘束感大減。經典凱撒沙律 $108，沙律菜新鮮，份量相當多，伴以碎芝士，醒胃前菜。西餐必備的麵包，份量同樣相當多，麵包鬆軟，跟橄欖油及醋，老牌配搭。頭盆是香煎法國鵝肝伴威士忌蘋果 $138，蘋果容用紅酒燴過，甜酸軟綿兼而有之；鵝肝是偏愛，見到已經心動了 😍😍鵝肝份量亦相當足，差不多是跟法包1:1，味道當然不差；外脆內軟是常識吧 😎是日餐湯選了黑松露蘑菇湯 $68，碎蘑菇打造的湯，香濃滑漏，湯面還撒上松露碎片，多添一分矜貴。中場雪葩，清一清味蕾，好讓下一道菜的味道更好表現出來。法式蒜香焗乳豬配雜莓汁 $328，重量級的份量，雜莓汁代替一般的乳豬甜醬，有新鮮感。配菜是南瓜粒及紫薯蓉，比一般的薯條雜菜，多出一份心思及新鮮感，值得一讚。🖒法式焦糖燉蛋 $58，畫花的碟散發著法式風情，那杯燉蛋也是重量級，面脆蛋滑，很喜歡。事事用心，力求盡善盡美；時刻都關顧客人需要。食物份量偏多，大胃王也不用愁 😂😂

跟朋友相約尖沙咀為他慶祝生日，壽星是識飲識食人士，當然由他選擇餐廳。朋友帶我到嘉連威老道的商業大廈，原來是樓上餐廳。餐廳裝潢甚有情調，大量紅酒酒樽作裝飾，看得出店東為識酒之人。法式龍蝦湯（$88）龍蝦味十分香濃，忌廉拉花賣相亦十分討好，色香味全的一道餐湯。餐包配黑醋及橄欖油，雖知胃納有限，依然欲罷不能。經典凱薩沙律（$108）沙律份量可算是超大，用料豐富及新鮮，當成主菜也不為過。磯煮鮑魚伴鮮海膽（$138）磯煮鮑魚可算是日式冷盤的經典，以昆布醬汁炆過的鮑魚十分彈牙，口感一流；加上新鮮海膽，更增添鮮味。上主菜前，餐廳提供蘋果雪葩清一下味蕾，貼心又驚喜。法國燒春雞伴黑松露汁（$268）主菜燒春雞並不是原隻上，而是已經去骨及分件，以刀义享用仍能保持儀態。黑松露汁香氣撲鼻，令人食慾大增；雞肉燒得恰到好處，肉質嫩滑而多汁；塔型的擺盤亦甚為獨特。朱古力心太軟伴雪榚（$78）冰凍雪榚配上溫熱的流心朱古力心太軟，完美的甜品配搭。由餐湯頭盤到主菜甜品，都看得出餐廳的細心及認真，值得推介。

唉，無下次，諗住食好啲傾密計，點解比唔少錢但啲野可以全部唔好味同唔新鮮，海膽咁少都「san」好唔開心。龍蝦湯同龍蝦都有啲san味⋯⋯我幾乎樣樣都食淨。記得早一兩年來食過唔係咁架，真係有啲失望🙍‍♂️

舊同事聚會，再揀LI 間法餐。 今次試食我覺得西色餐廳最易失分的海鮮😏😏。 點知。。都係大唔倒佢喎，仲食到😋😋。 1) 牛油果柚子沙律is so refreshing 🙂,2) 法國青口配白酒汁，最後食到汁都撈埋。3) 龍蝦湯上次飲過今次再點，因為真係好好味👏。4) 主菜原條焗金絲鱲，做得非常出色肥美又焗得啱啱好，條魚新鮮唔在講。5)龍蝦意飯..真係飽咗都仲食得晒。。好味鮮甜龍蝦飯芝士味又啱啱好。 水準不下其他貴價餐廳💖。吖。。 中間🍎雪粑清吓的味蕾都好重要，我又好like 喎😊。p.s. 本人影相技術一般😅😅

係內地生活嘅表妺嚟香港工幹，入住係尖沙咀加連威老道一間酒店。相約係酒店附近一座嘉威大廈樓上法國餐廳吃法國菜。進入餐廳巳感覺充滿浪漫氣氛，燈光柔和，牆壁上掛上懷舊古典電話；有幾張枱在室外,啱曬喜歡在露天進食嘅客人。食法餐唔少得有法包，外皮脆脆，內裏軟熟；伴一小碟陳年舊醋，蘸一蘸再吃，倍增滋味即時加分。龍蝦湯係用龍蝦殼熬製成的，有鮮甜龍蝦味,飲落仲有粒粒龍蝦肉富有口感。西班牙黑毛豬架配蜜糖芥茉籽；還有伴菜紫薯茸和紅蘿蔔，同樣美味,黑毛豬肉質腍嫩豬味濃郁，蘸點蜜糖芥茉，口感更佳😋。法式蕉糖燉蛋，奶味馥郁甜度適中。表妹比較喜歡朱古力心太軟話濃厚朱古力味甜到入心👍。估唔到樓上Le Paradis 法國菜都有相當水準。

之前朋友推介這裡的法國菜🇫🇷，今晚一出電梯，門口已經看見有名人的相片，想必不會太差。店內地方不是很大，卻佈置得很有情調，而且燈光柔和，適合情侶共進晚餐💕💯💝。經典凱撒沙律$108，芝士都有兩款，其中一款煙煙靱靱是很少見的，兩款芝士味道十足，加上麵包糠、火腿、沙律菜，令人胃口大開。白酒忌廉汁煮法國藍青口$198，白酒帶起了藍青口的鮮味，吃得出藍青口是新鮮的食材。法式龍蝦湯$88，這個龍蝦湯濃度十足，湯內還有些龍蝦肉，很少喝到這麼有誠意的龍蝦湯。喝完了龍蝦湯，侍應送上青蘋果雪葩，這個雪葩味道帶點酸，正好為味蕾重新清洗，向主菜出發。法式龍蝦會意大利飯$268，意大利飯以龍蝦🦞湯煮成，加上鮮甜彈牙的龍蝦，這個飯就十分完滿了。法式焦糖燉蛋$58，焦糖脆得像薄薄的一扁玻璃，加上不會太甜的燉蛋，簡直就是一個完美的結合。

老公轉新工作，收入比以前增加更多。千挑百選他喜愛的法國菜。尖沙咀這一家Le Paradis法國餐廳，是不作他想。小小的法國餐廳，10分有情調，雖然座位不多，而你可以選擇露台位置。幸好今晚有預訂枱，所以不用等，食好嘢記得要訂枱呀。選擇了經典凱撒沙律$108，新鮮沙律菜爽口，配上鹹香火腿，芝士。芝士火腿生菜，配搭得十分適宜。讚👍👍👍🐥⭐⭐⭐⭐⭐再來一個白酒忌廉汁煮法國藍青口$198，迷你青口新鮮甜美，配上洋蔥忌廉汁。吃得十分感動。洋蔥的比例，十分喜歡。🐥⭐⭐⭐⭐喜愛喝法式龍蝦湯$88，龍蝦湯十分濃。龍蝦味超級。讚👍👍👍🐥⭐⭐⭐⭐⭐送上一客青蘋果雪巴清清味蕾。窩心的服務，吃到廚師的誠意，讚👍👍👍🐥⭐⭐⭐⭐⭐主菜是煎封法國油鴨脾配雜莓汁$248。曾經聽朋友說過，這個鴨髀是很好味的。今日一嘗，果然是超級美味，是我喜愛的鹹香味。外皮炸得脆口，似燒腩仔。讚👍👍👍🐥⭐⭐⭐⭐⭐甜品時間選了法式焦糖燉蛋$58。燉蛋香滑，加上脆脆焦糖，好味。讚👍🐥⭐⭐⭐⭐老公要了巧克力慕絲$58，巧克力味濃，又不會過甜，是我喜歡的的甜度。👍🐥⭐⭐⭐⭐廚師知道我的來意，特地為我在甜品寫上祝福語，這個服務很窩心。👍👍👍🐥⭐⭐⭐

恨咗好耐終於可以上到車買樓，同hony慶祝新居入伙當然要搵間高質素嘅餐廳。同事之前介紹過喺尖沙咀加連威老道嘉威大廈樓上有間食法國菜嘅餐廳，食物質素好，價錢合理，就藉此今次機會上去試試。每張枱上都擺有一盞似燭台的燈，橙黃柔光令餐廳充滿浪漫氣氛，地方雖然唔算大,但設有露天雅座。第一款菜式係西班牙風乾火腿拼哈密瓜;風乾火腿同芝士各有好幾款，將乾火腿夾哈密瓜簡直係天衣無縫，芝士配餅乾；一淡一濃又係絶配。黑松露蘑菇湯送上枱巳香氣四溢，味道濃郁又creamy 。青蘋果雪芭酸甜醒胃，可清清味蕾。澳洲和牛肉眼伴原個焗蒜，香脆惹味，肉眼質感嫩腍。暖暖朱古力心太軟伴冰涼雪糕，一冷一熱感覺特殊滋味。店長特別送上用木板冩上祝福賀語，仲㸃上煙花，令我倆今個晚上難忘此情此景。

朋友生日，知佢鐘意食西餐，上網搵到呢間餐廳唔錯，性價比高而且裝修令又闊落！去到餐廳，同想像一樣無照騙，朋友都話唔錯！黑松露磨菇湯好creamy! 好濃郁既黑松露味，仲有d磨菇碎碎既口感，非常好飲！白酒忌廉汁煮法國青口配蒜蓉包，蒜蓉包好香，仲熱緊，入口外皮脆內裡鬆軟！法國青口吸哂醬汁creamy味，青口乾淨無沙！好新鮮呢！食完中間會有雪芭比你清清味蕾，非常細心的做法，蘋果味，果粒層次鮮明，唔太甜！酸酸地好好味。雪魚白酒忌廉汁，份量足夠，味道超正！香煎雪魚皮香脆，魚肉嫩滿，薯菜亦很吸引。甜品叫左個焦糖燉蛋，焦糖面烤到十分香脆，燉蛋好嫩滑又香蛋味！呢一餐我同朋友都十分滿意，環境同食物都十分高質！