Le Paradis Cafe & Restaurant

营业中

休息中

First time to  visit a local private French kitchen. To be fair , food is  all very nice and very good quality . I had 9 courses  including the dessert . I did look very pregnant when leaving.  We paid 2000 for 2 , I can't say it's overcharged for the quality and quantity I am getting. Is it delicious ? It is also a yes . but am I coming back again ? Guess No .  I don't feel comfortable having a romantic pricey dinner in an old residential building in Tst. If I have $1k , I rather go to a nice d

今晚同BF慶祝Anniversary，原本係抱著唔想去fine dining、又唔想hea食既心態book左呢間餐廳。但我想講，成個用餐體驗係超級驚喜餐廳並無好fancy既門口，但一入到去就覺得成個環境好適合小情侶靜靜地，食一個有情調又有d privacy既晚餐，我地選擇左坐indoor位置。總共有5個menu，我地揀左menu B (HK$1,088)，分別有5個course 前菜、湯、雪葩、主菜、甜品，呢個價錢係超級抵食!!同埋可以先打電話落booking，之後再係whatsapp揀定想食既menu，成件事有效率又細心。先係初榨橄欖油.意大利包之後上前菜燒牛肉沙律配青檸楓樹糖醬油醋另一款前菜法國藍青口配香草牛油白酒汁，好難想象呢個只係前菜！蒜茸包整到好香好脆，青口亦都幾甜，加埋cream sauce真係食唔停口然後就上黑松露野菌湯，個湯blend得好滑好好飲，而且加埋黑松露令個湯更加香，又食到d蘑菇碎，超正我逼BF揀左法式龍蝦濃湯HAHA 其實都好飲，好重龍蝦味，不過我地一致認爲野菌湯好飲d。食完濃味，再食返個青蘋果雪葩清一清。然後正式上主菜日本水飼豬架配蜜糖芥末汁 不過不失法國燒

《le paradise》餐廳名已經好浪漫，叫天堂的餐廳，位於尖沙咀加連威老道樓上鋪，其實好易搵。一入去，餐廳用紫色做主題，暗暗的燈光下，好有情調，好有氣氛。浪漫之餘每張台也相隔甚遠具私隱度，好適合談心。我們倆叫了兩個full set再開左支白酒。吃法國餐當然少不了餐前麵包，首先，要知道一間法國餐廳好吃不好吃，要先從法包決定。因為好吃的法包比較有口感，不像機製麵包般軟身，吃了好像空氣般沒有感覺。這餐廳的法包熱烘烘又香脆，配上油醋汁一起吃，真的好正宗。白酒牛油汁煮紐西蘭托托蜆超巨型的托托蜆，大隻到有點令我傻眼。帶有淡淡酒香的牛油汁，蜆肉好鮮甜和啖啖肉。粒粒蜆肉都黐實個殼，證明超級新鮮。法式龍蝦湯首先有視覺的享受，拉花非常非常漂亮。龍蝦湯非常甘香醇厚，濃郁的蝦膏甜香，還帶著粒粒的龍蝦肉在內。黑松露蘑菇湯這個湯也是我最難忘的，未飲已經聞到黑松露的香味，第一啖蘑菇味非常非常的濃郁，成個湯入口好滑，非常好飲。青蘋果雪葩青蘋果雪葩有少少微酸和好香青蘋果味，加上冰涼嘅感覺，絕對食主菜之前可以清一清你的味蕾。日本水飼豬架配法國芥末豬架超級厚切，肉質結實豐原，外層輕輕煎至香脆，肉質剛好熟透還保留著豐富的

今晩同老友慶祝生日，她選擇了這間法國菜。 訂位時已經提供不同的menu, ,有多款combination 的set ，啱晒我Li d又胃食又懶嘅人。 friend 未到先點個cocktail 已經好refreshing, 餐酒都係48 蚊好經濟。 每樣野都好食 。又新鮮。龍蝦湯真係好香濃， 甜品唔太甜 。 食出真心的一餐。一定要再嚟，請保持水準呀。今晚 Sharing menu 2ppl 初榨橄欖油.意大利包1)西班牙辣肉腸提子卷x12)紐西蘭托托蜆配香草牛油白酒汁3)法式龍蝦濃湯x2*青蘋果雪葩 2客4)香煎三文魚扒配青芥辣忌廉x15)法國油封鴨脾配雜莓紅酒汁x 6)廚師精選甜品x2$988

早排同個嗜食嘅朋友仔傾開，知道尖沙咀加連威老道有間樓上嘅法國餐廳 《Le Paradis》，呢日我哋兩個就專程嚟試下。餐廳位於嘉威大廈四樓，裝修既高雅又有情調，除咗室內仲有半露天嘅位置，感覺開揚舒服。先送上黑醋配上鬆軟香脆嘅餐包。經典凱撒沙律 ($108) - 加有溫室豌豆苗及風乾火腿片，味道清新，好食健康之選。白酒牛油汁煮紐西蘭托托蜆 ($198) - 紐西蘭托托蜆十分大隻，蜆肉飽滿肥美，香滑鮮甜嘅白酒牛油汁有少少微辣，令蜆肉更加鮮甜好食。黑松露蘑菇湯 ($68) - 一上枱已經聞到黑松露嘅獨特香味，飲落黑松露味同蘑菇味十分夾，順滑得嚟帶質感，應加入好多蘑菇打成，味道濃郁芳香。上主菜前，餐廳特意送上青蘋果雪葩，畀客人清一清味蕾。味道酸酸甜甜，裏面仲有青蘋果肉粒。西班牙黑毛豬架配蜜糖芥末籽 ($298) - 粉紅色嘅西班牙黑毛豬豬味濃郁，味道鮮甜。肉質爽口得嚟略帶咬口，配上酸酸甜甜嘅蜜糖芥末籽醬，份外滋味。朱古力慕士 ($58) - 口感順滑綿密，朱古力味香濃，配上表面嘅鮮果，忍唔住一啖接一啖。總括嚟講，呢度環境舒服，食物味道同服務都相當好，用餐嘅體驗相當唔錯！

好朋友剛剛升職加薪，梗係要搵個靚地方食返餐賀一賀佢。今晚揀咗呢間位於尖沙咀加連威老道嘅樓上法國私房菜《Le Paradis》一賞法國情懷。餐廳環境清幽，格調浪漫，談心好地方。餐廳的另一邊設有戶外座位，環境也十分舒適優美，喜歡呼吸新鮮空氣，絕對適合不過。先嚟個 經典凱撒沙律 $108沙律菜好新鮮，入口清新，配上乾火腿和芝士，食落鹹鹹地又好香口。法式麵包麵包皮脆，口感柔軟，點上黑醋橄欖油入口醒胃。法式龍蝦湯 $88忌廉拉花賣相一流，湯底夠濃，龍蝦味香。白酒牛油汁煮紐西蘭托托蜆 $198托托蜆好新鮮，大大隻份量十足，辣辣地，好香牛油蒜蓉味。跟住送上 青蘋果雪芭 清清味蕾澳洲M5和牛西冷 $338和牛西冷份量十足，牛味濃郁好咬口，配上原個焗蒜、紫薯、雜菜，食落口味道剛剛好唔太膩。最後餐廳侍應用木板送上甜品，木板上邊仲寫住祝賀字句，並點上煙花，為今晚嘅慶祝作出完美句號。法式焦糖燉蛋 $58焦糖不太甜，蛋味夠哂香，味道唔錯，面層的水果也襯托得好美麗。

今日週年紀念日，因為同另一半係法國讀書而認識，所以特地選左一間法國餐廳去慶祝。之前有朋友介紹左一間樓上法國小店餐廳，今次特別去重溫法國的風味。《le paradise》位於尖沙咀加連威老道樓上鋪，由地鐵站行去只需5分鐘，其實就係cotton on 對面。餐廳雖然較小，不過有個好大的室外用餐區，不過今日無開，週末才會開。正因為室內比較少台，所以店員好細心照顧顧客的需要。另外，餐廳用紫色做主題，暗暗的燈光下，好有情調，好有氣氛，好浪漫，好適合談心。我們叫了兩個full set和開了一支白酒。食物超級有質素和驚喜，而且物超所值。🍽首先，餐前法包就可以要知道一間法國餐廳好吃不好。正宗的法包比較有口感，比軟硬身，不會太軟，再配上油醋汁一起吃，真的好正宗，我們食曬全部法包。🍽白酒牛油汁煮紐西蘭托托蜆一上枱發現超大隻！帶有淡淡酒香的牛油汁，蜆肉肉質鮮甜和啖啖肉。而且大隻無沙有咬口！超滿足，推薦！🍽法式龍蝦湯每碗湯的拉花非常非常漂亮。未飲已經心花怒放，龍蝦湯非常甘香醇厚，濃郁的蝦膏甜香，好好飲。🍽黑松露蘑菇湯好濃味的黑松露茹湯，未飲已經聞到黑松露的香味，非常非常的濃郁又滑，絕是高質。🍽青蘋果雪葩呢個係

差不多半個鐘多 先一道菜由7點食到9點30都未食完5個course 食左2個半鐘有多Main course 仲要係唔熱，非常失望餐廳好焗 唯一好嘅就係環境幾靜下次唔會再黎

經朋友介紹去咗呢間法國餐廳慶祝周年紀念，朋友話間餐廳環境浪漫，座位又好寬闊同女朋友傾計都唔驚俾人聽到 環境同氣氛咁浪漫梗係叫杯紅酒飲下，單單紅酒我覺得味道太濃，Sangria 有少少果汁味同生果配搭 香濃法式龍蝦湯龍蝦肉大大塊，味道幾好西班牙風乾火腿拼盤伴哈密瓜，估唔到會咁多有不同月份嘅風乾火腿，每一個月份口感同風味我都覺得唔同燒牛肉沙律沙律真係好大盆，牛肉又多切到一片片，厚薄適中而且係我想要5成熟牛肉香 沙律甜，其實冇估到只係兩個前菜已經令我哋有飽肚嘅感覺，因為法國菜通常都係少又唔飽佢食完頭盤飲完湯之後會上一個青蘋果雪芭俾你清清味覺，再食主菜煎封法國油鴨髀配雜莓汁，油鴨髀嘅油同埋鹹香味好香，外皮香脆肉質偏腍，配野莓汁嘅酸味，啱啱好中和左油鴨髀嘅肥膩感覺

臨近既5週年紀念日點慶祝，真係諗到我r爆頭但有個鍾意食好西既女朋友，有啲事都易話為，有個好食到叮一聲既週年晚餐，應該就開心哂呢揀餐廳係老死推介，有真實既評價，都放心一試，就打左去訂位，因為餐廳枱數量有限餐廳有露天坐位，但女朋友怕凍，所以就無出去坐環境是情調滿滿的，很有格調，偏暗燈光打造私隱度女生最愛的沙律-凱撒沙律沙律菜好爽甜，沙律醬分量都岩岩好，唔會太膩，失去沙律清新之感呢到既凱撒沙律，有一特別之處，就係配以2種脆脆，各有不同口感同大小，為常見既凱撒沙律帶來新鮮感女朋友自係外國食過鵝肝之後，就對佢心心念念，但一直都搵唔到間同外國一樣口味/一樣咁好食香煎法國鵝肝配雜莓汁我同女朋友都一致推薦，外層香脆，滲出既油香伴上雜莓汁一啲都唔覺膩，反之雜莓汁既酸酸甜甜令鵝肝味道更豐富同吸引女朋友更覺得呢到既鵝肝能夠媲美外國出品餐湯部份，我地點選左兩款湯西餐常見既黑松露蘑菇湯，同埋法色海龍皇湯黑松露蘑菇湯味道好重好香，但濃身得黎一啲都唔膩，與忌廉份量中取得平衡，相當特出海鮮濃湯就少見啲，味道同樣好濃，而且帶鮮味主菜揀選左蒜香焗乳豬伴威士忌蘋果自己好鐘意食中式乳豬，皮脆肉嫩就算變左西式，乳豬質感同樣一級

今日係另一半生日既大喜日子，預早2個月，就已經係網上搵緊餐廳，希望製做到驚喜既感覺最後鎖定左 LE PARADIS，一間法國私房菜餐廳，私房菜已經有矜貴之感，加上法國餐既加持，昇華左整個觀感當然，食物質素同環境都好重要，網上評論都唔差，幸好餐廳體驗都完全能達至我所想，特別係生日蛋糕既環節，會係下文詳講西餐既開場白，永遠都係餐包、餐湯餐包烘得香脆，伴上OLIVE OIL，黑松露餐湯非常濃味，卻又能濃而不膩，湯質感很滑、亦濃厚，個人認為恰到平衡。而且有細碎的、有咬口的菌類 (有的餐廳菌類口感是淋淋的)增添口感和香氣接下來的前菜是磯煮鮑魚伴鮮海膽我的建議是先吃鮑魚，再吃海膽，因海膽的鮮和濃味較鮑魚強勁口感和質感是衡量海鮮的一大條件之一，這個鮑魚很有嚼頭，帶海鮮自然的咸味，又有磯煮的獨有香氣，感覺還是很不錯的法式龍蝦意大利飯女朋友仔一直好喜歡龍蝦，特別是配上芝士的係網上參考過食評，確認呢道菜是芝士龍蝦，就非常放心龍蝦非常大隻，鋪滿芝士，視覺上已經帶來快樂而實際上，龍蝦質感結實，沒有OVERCOOK，口感很讚，配上芝士就更惹味另一邊，意大利燴飯都係較為濃味既選擇，但兩者無搶對方風頭，反而係兩個感

前幾日同男朋友黎呢間餐廳慶祝轉新工佢話呢間係老友介紹，環境幾浪漫同埋枱與枱之間隔得幾開，有privacy 黑松露蘑菇湯呢碗湯賣相勁吸引畫得好有心機，而且都幾大碗飲落好creamy, 又有好濃郁嘅黑松露味， 有少少野菌顆粒感，好好味送的餐包， 口感鬆軟， 可以點湯飲，都可以點意大利醋同橄欖油，味道幾夾。食完前菜之後又送青蘋果雪芭俾我地，俾我地清一清味蕾好貼心！ 雪芭偏酸，有果粒係入面。主菜係香草燒活性水飼豬鞍伴蜜糖芥末汁煮到粉紅色嘅肉切塊上，肉質好嫩又帶爽口。芥末唔會太辣，反而蜜糖比例重d, 幾好食食到最尾先知原來男友一早book呢間餐廳同我提早過生日！！ 仲同店家講明，所以整左呢碟好精緻嘅甜品盤俾我勁靚呀！心太軟入面好流心，唔會太甜，好濃朱古力味加埋雪糕食 好正！ 個焦糖做嘅鳥巢就好睇不過就唔食得的，因為都幾苦下。士多啤梨拿破崙，可能因為我放左好耐先食，cream有少少溶，但吉士味幾出下，係好味的。，拿破崙皮好脆口，配支白酒 ，呢餐就perfect啦！呢間法國菜餐廳比之前食嘅法國菜份量大d, 男人食都夠飽

經朋友推薦，我和另一半就決定去試下間隱世既法國私房菜。之前係巴黎食過好出色既西餐，所以聽朋友咁介紹，已經好期待！！係嘉威大廈4樓一出，右手邊就係一推開門就已經覺得好有格調，張凳仲係我好鐘意既紫色☺每張枱都有個裝飾燈，格外有feel~已經選擇好叫個set就坐定定等嘢食到💕先黎個麵包配橄欖油同黑醋，個包係暖暖既，好鬆軟!配黑醋好開胃沙律就試個「西班牙辣肉腸沙律配柚子蜜醋」柚子蜜醋同爽甜既沙律菜剛剛好中和到辣肉腸咸香👍🏻 無負擔咁好快清哂份沙律「白酒牛油汁煮紐西蘭托托硯」一上到枱已經好驚喜！托托硯好大隻，有半隻手掌咁大👀 一入口牛油味好香濃，小小酒香，隻硯好鮮甜，無沙無腥味。本身會擔心硯過熟會好硬，點知煮得剛剛好，唔怪得係招牌菜之一啦👍🏻打開個硯，硯肉真係好大!打開係心形架💜「法式龍蝦湯」好鮮，好似啖啖龍蝦膏入口咁架！真材實料😊本身諗著龍蝦湯已經好出色，但係個「黑松露磨菇湯」真係不得了👍🏻👍🏻👍🏻未飲都聞到好香松露味，一入口好creamy，粒粒磨菇好有口感。鐘意松露既朋友（包括我）一定唔會失望👏🏻為左呢個湯再回頭都抵跟著係set獨有既青蘋果雪芭比我地清一清味蕾~果然係fine dinning

因為朋友介紹呢間法國大餐好好味，所以想帶女朋友黎豪食一餐 記得係一出lift 右手邊個間，一入到去職員已經安排左我地坐酒櫃旁（個酒櫃好適合影相）跟著再望入面。原來餐廳有露天位，感覺好浪漫☺可惜今次裝修緊，下次要bk 出面食先 既然想食餐好既，就緊係叫個full set 來食啦😆先黎法包 點橄欖油黑醋食，麵包烘熱過架 再黎係辣肉腸沙律，沙律菜很新鮮，厚切辣肉腸比較辣，醋汁酸甜開胃托托硯有牛油蒜蓉香，微辣的。 新鮮的硯肉索滿d 牛油汁，好惹味。硯肉比平時吃的較厚肉同大隻。一人都有5隻食架，好滿足！ 龍蝦湯用新鮮龍蝦打成，湯面同入面都有條條新鮮的龍蝦肉，好creamy香濃。女朋友就選擇左黑松露磨菇湯。一放上枱面已經好香的黑松露味， 飲落有粒粒的磨菇，好有咬口！ 湯過後就送上青蘋果雪芭，清清個口。好濃既青蘋果味，feel 到用真的青蘋果打成，好fresh 又清甜。中間仲有少少一粒粒既青蘋果肉咬下。由職員口中得知Set 先送，secret menu 黎架 期待已久既主菜黎喇！！半隻芝士焗龍蝦配龍蝦汁意大利飯，個飯索左龍蝦汁味道好鮮。加上洋蔥粒，更加香。個飯偏硬身小小，不過正正就是我鍾意既咬

今日去尖沙咀一間樓上法國餐廳同朋友食飯傾偈，上網見環境唔錯就book咗位試下~首先叫咗個經典凱撒沙律 ($108) 沙律菜都幾新鮮，沙律醬都好正，加埋面頭既芝士脆片食落更加有口感。頭盤叫咗2樣~ 香煎法國鵝肝配雜莓汁 ($138) 鵝肝煎得好香，外脆內軟，食落好creamy，加埋塊多士再點啲雜莓汁就好正👍🏻磯煮鮑魚伴鮮海膽 ($138) 鮑魚煮得好入味，食落亦都好彈牙~ 之後每人叫咗一個湯。法式龍蝦湯 ($88)，龍蝦味好濃郁，成個湯好夠味。黑松露蘑菇湯 ($68) 飲落去都幾有驚喜，個湯面頭落咗小小松露油，黑松露味好突出，仲有少少蘑菇粒粒係個湯入邊好有口感，個湯份量都幾大飲完都好飽😂飲完個湯等左一陣，主菜就上得了，西班牙黑毛豬架配蜜糖芥末籽 ($298) 豬扒好冧好juicy, 性價比都幾高，但略嫌咸咗少少，蓋過咗黑毛豬既味道。封煎法國油鴨髀配雜莓汁 ($248) 平時好少會叫到油鴨髀，但今次試一試，質地比豬扒較為硬身，整體食落都幾香，但係覺得都係有少少偏鹹。朱古力心太軟伴雪糕 ($78) 試一試呢度嘅甜品，心太軟嘅朱古力味好濃，但係又唔會過甜，質感亦都唔錯。法式焦糖燉蛋 ($58)