LAB EAT Restaurant & Bar (T.O.P This is Our Place)

营业中

休息中

放假book咗檯嚟呢度食lunch之前食過覺得好味又抵食所以返兜呢度環境真係唔錯，特別係梳化位舒服又闊落午市同下午菜套餐選擇都好多，而且價錢又唔貴我哋叫咗兩個套餐包一杯飲品，我叫咗凍mocha，朋友叫咗檸檬茶Mocha嘅味道唔錯，唔會太甜咖啡帶少少炭香味燒牛小排配薯條呢個好推介，燒得啱啱好5成熟唔會太生肉嘅質素亦都好唔錯，以呢個價錢嚟講可以話係物超所值，肉味夠香濃而且肉質柔軟冇筋，食落仲有少少肉汁，配英式芥末最啱我口味煙三文魚蟹肉三文治個包煙煙韌韌好有彈性，個人好鍾意食質感嘅麵包，而三文治入面嘅煙三文魚同蟹肉絲都好足料，蟹肉味道鮮甜食落好清新另外粗身薯條都好好食個人覺得粗身薯條嘅口感同味道都比幼身薯條豐富同滋味餐廳仲有生蠔食，下次可以試吓

經Openrice 訂位有單價75折優惠，上到去帶位的侍應解釋個優惠時含糊不清，只怪我無問清楚就算。到最後買單，見個折扣優惠條數不對，問一問先之話海鮮拼盤，牛排等貴價都係無折扣。同佢地反映就好似急住要我比錢先，比完之後就好是但話會再培訓，又問邊個侍應。我又唔係要搞事，只認為5個人2千幾蚊，即每人食左4百幾，呢個價錢係服務上，可以有好大進步空間，唔好被客人覺得被欺騙。野食又只有牛小排較好，其餘都真心一般，份量就唔駛講，無物邊度餸想影。坐個幾櫈都係污糟，沒有下次了。

原來係T.O.P都有間高質西餐，重點係又好食打卡又好靚，每一碟菜式既擺盤都好靚。😋餐包配橄欖油黑醋😋半份新鮮海鮮拼盤🦪有3隻生蠔，好大隻，好有鮮味，值得再食、有2隻鮑魚，肉質彈牙、青口有4隻，而且係大隻厚肉既、螺有2隻，重點係龍蝦半隻，肉質爽口😋48個月西班牙粟子飼黑毛豬火腿啲火腿真係好入味，同埋個口感吾係平時食落去好硬個種，配埋蜜瓜、火箭菜同黑醋，真係好夾，蜜瓜既甜味同火腿既咸味中和埋一齊😋炭燒自然放牧西班牙羊扒羊扒係屬於吾係好酥，而且肉質好淋同埋好juicy。伴碟有忌廉配香草汁，依個汁好特別。😋黑松露意大利飯配舞茸茹好欣賞餐廳用咗正崇意大利飯去煮，而且食得岀係由生米炒成熟飯，飯既咬口非常好，再加上有忌廉芝士係上面，食之前再撈，令到個飯更加滑。🤣冷凍榛子果仁凍批及拖肥蜂蜜窩甜品賣相好靚，個榛子果仁凍批既甜度適中，而個拖肥蜂蜜真係好得意😋Cocktail 彩虹橋

性價比高的高質西餐廳有時唔想去酒店食，又想去西餐，旺角Lab Eat係一個唔錯既選擇。餐廳一直由豐富經驗的廚師領導，食物一直保持質素，每一次食都好開心必點菜式炭燒M5和牛肉眼扒外層煎到啱啱好肉汁鎖住喺入面，有肉味而且多汁，每一次點都唔會失望。黑松露野菌意大利粉黑松露迷必點，意粉充滿菇味，而且好Creamy, 上面加埋黑松露真係無得輸😍番薯薯條出面好少有，每一次都會點，番薯條外脆內軟充滿番薯味，配埋佢哋特製醬汁，好易令人食完一條又一條。地址：LAB EAT Restaurant & Bar (T.O.P This is Our Place) (旺角)旺角彌敦道700號T.O.P. This is Our Place 5樓502號舖

約咗朋友嚟以間餐廳食嘢，見到佢場內可以選擇露天亦都可以選擇室內，咁我同朋友就選擇咗室內到用膳，環境方面，安排咗我哋坐梳化位置，兩個人都可以坐到四人枱，感覺好舒適！食物方面，選擇咗一份午市既炭燒安格斯牛扒，牛扒切開無血水，大約應該七成熟，食落肉質軟霖霖，不過，唔知係咪師傅太趕時間，口感有少少苦，肉眼睇到底部比較燶。之後再叫咗海膽多士，海膽好鮮甜，配合埋法國麵包再加上一啲嘅蒜蓉，味道層次再昇華。是日生蠔我就叫咗兩款，圖中左邊生蠔，海水味比較重，食落好creamy 😋而圖中右邊生蠔，味道較清澈，肉質亦都好爽口！如果鍾意食生蠔重海水味，極力推介而款生蠔(法國🇫🇷)最後我哋食完枱面既食物，發現好似唔係好飽，又叫咗個意大利經典意粉(Carbonara)!煎香嘅煙肉再配合香濃嘅忌廉，食落肥而不膩😋。整體感覺，放假休閒過嚟呢度食嘢，係一個唔錯之選！環境舒適，食物質素高！

今天星期日樂得清閒，可以到旺角的Lab Eastrelax 吓，終於有番自己嘅Me time !在旺角鬧巿中，有自己的空中花園，實在不簡單，而且佈置黑白灰色，我很喜歡!對自己好一點，我叫了牛扒餐!沙律我叫了蟹肉，芒果及墨西哥辣椒雪葩，賣相一流，而且芒果很香，蟹肉鮮味，我很喜歡這前菜!炭燒美國安格斯肉眼牛扒8成熟，在鐵板上，不但保持温度，肉眼牛扒很有口感，肉質很軟，我覺得就算加78元也很值得，因為感覺是高質扒，而且我吃到牛的香味!炒野菌很香而且切粒粒，我很滿足!最開心是芒果忌廉凍餅很清甜，這頓午飯我吃出幸福的感覺!

早前小編與友人試了一間以「實驗」為主題、環境舒服的西式餐廳～Cocktails: Emerald Love (non-alcohol) $128賣相吸引😍侍應在雞尾酒上打上食用泡泡，感覺夢幻，真是像平時由實驗室科學家左試右調的實驗品🤣 成份方面以檸檬🍋汁、蜜糖🍯和薄荷糖漿等調製而成，對小編來說味道略甜。冷凍液態氮薑茶朱古力波 $148(Belgium 62% Chocolate Ball with Ginger Parfait)這款甜品非常適合打卡📸朱古力波的朱古力濃度剛好不會太甜，但入面的薑茶不是小編的口味，不過如果偏愛薑味的朋友應該會喜歡這甜品的🌟

Set lunch 可以揀2道菜$138或者3道$168 我揀左3道: Starter 每日沙律 哈蜜瓜沙律 上菜速度超快 👍 Main course 揀左蜜糖芥末焗西班牙豬手配火箭菜 另加$18 焗豬手唔同德國豬手 脆皮 但呢隻肉質幾嫩 多肉汁同骨膠原😍 豬手冇做好多嘅調味 可以更加容易食到豬手嘅鮮 想要多返D味亦可以點蜜糖芥末醬 個醬比較偏重芥末味 係底亦有唔少嘅配菜 椰菜花,蘿蔔, 醃漬青瓜 淨食豬手食到有少少滯食下配菜即刻解救 因為配菜係酸酸地👍👍 有side dish可以加 不過驚眼闊肚窄就無加 甜品-vanilla favour gelato Gelato確實食唔到好多嘅忌廉味 vanilla味都算濃厚 幾鍾意係底加左d cookies碎 多一層口感 注意有加一服務費 

星期天喺旺角Top 商場逛街，行行吓天陰陰，都係快啲搵間好嘅餐廳坐低，嘆番個午餐先。首先點個set lunch，頭盤先上一個田園沙律，蔬菜新鮮爽脆，配上酸酸的黑醋汁，好開胃。主菜方面，我點了一個炭燒美國安格斯牛肉，七成熟，配上露荀和脆薯角。 牛肉肉質軟腍，有少少筋，正合我喜歡有少少咬口嘅口味，隨碟點上的芥末和牛肉很匹配，也搶不了它的風頭。另外，加配了一碟炒蘑菇，一上碟熱騰騰的蘑菇散發出芬芳嘅牛油味，幾分鐘就比我消滅了。食飽飽梗係要食返個甜品啦，喜歡食雪糕嘅我，當然要點番個雲呢拿Gelato，再加上一杯 Iced Mocha, 這個午餐，實在太滿足了。

今日約咗朋友去旺角行街，原來而家旺角都好唔同，特別哩個新開嘅商場有另一種感覺，我哋行完之後覺得肚餓就去咗呢間餐廳試一試。我估呢間餐廳同”lab”有啲關係, 我哋叫咗一杯好特別嘅飲品叫Blaster，我唔知佢背後係乜原理，但係個waiter 喺你面前”吹”個波波出嚟，又真係幾過癮，打卡一流，而飲品本身味道亦都好好飲，朋友叫咗嗰杯叫Emerald Love,係用青檸汁，檸檬汁，汽水同蜜糖整成嘅。白酒煮藍青口，青口好鮮嫩，湯汁好鮮甜濃郁皇帝蟹肉牛油果沙律擺碟超靚，沙律菜新鮮，皇帝蟹肉又彈牙又鮮甜，仲以為自己食緊龍蝦添！焗智利白雪魚柳，魚扒好厚身，內裏煮得Juicy，啖啖肉，鮮嫩八爪魚蟹膏意大利飯，因為慢煮嘅關係，所以八爪魚煮得好淋好軟熟，意大利飯煮得好正宗，個汁唔會好膩榛子果仁凍批&拖肥蜂蜜窩，上面係燒過嘅棉花糖，下面係榛子果仁蛋糕，好有層次。拖肥蜂蜜窩係甜甜的脆脆的！同凍批一齊食增加口感餐廳亦有露天座位可供選擇

五月的最後一天，為了獎勵辛勞了一個月的努力，所以去了旺角一間潮流商場吃晚餐。餐廳有不同的選擇，而飲品種類琳琅滿目，最終選擇了一杯cocktail 和一杯mock-tail，汽槍打了泡泡並連在一起，很有趣，打卡一流。 黑醋橄欖油配鬆軟麵包。清酒煮青口啖啖肉，很鮮美。慢煮牛肋骨份量十足，配黃芥辣及蕃茄粒等，肉質實而稔，感覺有點吃豬手。有部份是筋鍵位，口感更有層次。最後要了個芝士蛋糕，上枱一刻同樣吸睛，味道香濃軟滑。很欣賞的是食物不止有賣相，味道亦合我口味。

來到旺角同友人聚舊，難得的平日lunch hour!Lab eat 平日有set lunch, 點了個2 course set lunch。先上了前菜，選了較特別的「蟹肉芒果雪巴」，原來是微辣的，且冰冰的，熱熱的天氣下 開胃！主菜選了 和牛牛扒，medium 熟。感覺上熟度剛好，牛肉油脂分布平均，入口滿滿油香，但不會太油膩！加上剛炸好的薯角，薯味十足，如份量再多點就好！另友人叫了炭燒西班牙黑毛豬鞍肉，也是有驚喜，份量十足！厚厚的豚肉，入口好滿足，加上芥末醬，帶出味道！配上特別的紫薯蓉，看得出餐廳用了心思！甜品是小小份量，Panama cotta 奶白味重，好食！芒果mouse cake 酸酸甜甜，為剛才主菜去了油脂感！

今日約咗朋友去行街，行到咁上下，朋友話有一間西餐廳啲嘢食賣相好靚，又好味，於是我哋就一齊去食。餐廳啲裝修好靚，服務都好好。因為啱啱先食完T，我哋都唔係好肚餓，所以我哋叫咗一個沙律同個甜品🍮食樂園單之後，好快就有餐包食，餐包有三款，全部都熱辣辣，個皮仲脆既🤪🤪點黑醋同橄欖油好夾😝😝👍🏼我哋叫咗個龍蝦牛油果沙律，賣相好靚😝有半隻龍蝦咁多，最正係佢剝埋殼😍😍真係手殘都食到😝😝🙈 啲牛油果打咗蓉撈落去啲菜度，食落咁冇rich🤪 加埋啲蕃茄粒好fresh☺️☺️甜品我哋叫咗個北海道粟米雪糕海綿蛋糕 🍰😝，佢一嚟到我哋好驚喜，因為冇諗過粟米雪糕個形狀真係好似一啲燒咗嘅粟米咁😝😝👍🏼，食落去有淡淡的粟米味，唔會好怪😎但記得要夾買啲海綿蛋糕食，因為啲海綿蛋糕就咁食係冇乜味嘅🙊🙊不過我哋都覺得好特別😉😉👍🏼下次去旺角食西餐又多個選擇啦🤪

琴日係旺角TOP行街，同朋友行街，想買d 禮物送俾d 朋友。行行下，出面落好鬼大雨，到晚餐時間，唯有係入面搵野食，就係TOP 5樓搵倒呢Lab Eat 既餐廳。係出面已覺得佢裝修得好靚，入去時唔洗排隊，可能未夠7點，坐低後，waiter 會解釋下個Menu.我地叫左少少野。但黎野食先前，黎左餐包先，唔係頹既，waiter 會幫你落olive oil ，包既麥味夠重，食得出係足料包，仲要出黎個陣仲係脆。首先前菜叫左兩隻西班牙黎既生蠔，配有醬汁。好大隻，加完汁，第一啖食落去好有蠔味，海水味夠，唔腥，好食，好值得去試下。之後黎左個八爪魚Octopus Terrine. 用八爪魚配上三文魚子，酸酸既醬汁，凍食咁上，食落有多重口味口感，好好食。份量都夠。主菜係豬鞍。食左個28日熟成豬，慢火煮到7成熟。少少粉紅，唔會太韌，豬味濃。好食👍👍總的來說，呢間環境好，野食高質，黎慶祝就最岩喇。

旺角T.O.P 都有間咁有情調嘅西餐廳，有室外同室內位置，當然炎炎夏日我地一定要揀坐室內啦Emerald Love －先黎一杯打咭drink, 個波好似水晶球咁，好靚，飲品係青檸，檸檬汁加蜜糖，好好飲，唔會藥水味阿拉斯加長腳蟹牛油果沙律－首先擺盤已經精美，沙律非常新鮮，長腳蟹配綠茶粉特別得黎又唔錯，驚喜係塊葉好精緻，朋友誤以為真，原來係麵粉加蛋白造成，脆脆地，基本上整個盤都可以食得白油煮澳洲藍青口－係我食過最滑嘅青口，白油煮青口加蒜頭香草，香氣四溢，連個汁都可以當湯飲慢煮西班牙八爪魚蟹膏意大利飯－首先要讚擺盤又係超靚，五顏六色打咭一流，然後味道方面，慢煮八爪魚令八爪魚熟得黎唔會靭，又容易咬同切，保留住八爪魚本身嘅鮮味，一向怕食墨魚汁飯因為怕食到成口黑晒，但依個risotto 就一半一半，食完都唔會黑晒，加上蟹膏更creamy焗智利白鱈魚柳－白鱈魚煮得剛好，啱啱熟，好滑，白鱈魚好少整到好滑，而皮就煎得金黃香脆冷凍榛子果仁凍批及拖肥蜂蜜窩－甜甜嘅拖肥加上紅莓乾嘅酸中和，為晚餐劃位上完美句號