LAB EAT Restaurant & Bar (T.O.P This is Our Place)

营业中

休息中

去開旺角就醒起lab eat 今日就做白老鼠啦，講笑😂因為約咗朋友交收所以就嚟食個晚飯，這兒佈置充滿聖誕節日氣氛啊！好舒服，今晚好多人呀，侍應生好有禮貌招呼我哋。 雖然好多人不過都唔係太嘈，而且仲有啲音樂情調配襯下進食幾舒服。Jolie $69/Black Pearl $69大大隻蠔，鮮甜又肥美，外貌吸引豪邁不凡，配檸檬汁茄汁好鮮味連蠔水都飲埋。Uni Toast $156海膽多士滿滿的海膽，好吸引，入口好鮮味啊！可能我咀細都要分三淡進食😁好滿足，好似食咗唔知幾多個海膽入個口到😍配多士幾特別。推介👍Octopus Risotto $328慢煮西班牙八爪魚蟹膏意大利飯廚師好好心機就連碟周圍設計都好美，外貌非常吸引，好多片八爪魚和長長八爪魚好足料，而且有兩種味道墨魚汁和蟹膏各有鮮味。推介👍Iberico Pork Rack $3887成熟的黑毛豬鞍，好厚肉啊！肉汁好淋好 juicy 女士們就算食一件都感覺好飽啊！再點黃色芥末醬可解油膩和提鮮豬鞍味，還有一條條嘅紅蕃薯條甜甜地好味。Chocolate Ball W/Ginger $148冷凍液態氮薑茶朱古力波有得睇有得食有得玩，幾開心㗎！卜開

旺角新蒲點T.O.P, 是This is our Place的縮寫，這裡其中有一間餐廳，也可以說是我和女友的新蒲點，我姑且稱它為This is our Shop！嘻嘻！炭燒自然放牧西班牙羊排羊排少少羶香，叫了七成熟，一點也不過老過火，我覺得剛剛好，咬開絲絲肉、好甘香，有種難以形容的滿足感，就算不是羊肉控，都一定要試，是今餐的最大驚喜。特色卡邦尼意粉這道菜英文以LAB EAT命名，可想而知是有一定水準。咁就點了試一試，果然芝士份量好夠，每條意粉掛滿芝士汁，鍾意濃味的一定無得輸。同埋煙肉略帶肥肉，炒香到好似臘腸。新鮮生蠔大大隻，好新鮮，淡淡奶油味，又唔腥，可以一試。阿拉斯加長腳蟹肉牛油果沙律長腳蟹肉扎實有咬口，好清新好爽甜，配合牛油果軟綿，好夾。冷凍液態氮薑茶朱古力波好有特色的一道甜品，目測都有好多枱點選。侍應上枱打開透明蓋，一陣煙霧繞繞上升，好浪漫，女友用匙羹輕敲，朱古力皮碎開，裡面的布甸綿滑，仲有少少士啤梨碎。打卡又拍片又要食，好唔得閒。

這間餐廳之前食過了，好滿意的一次體驗。今晚又再一次，放鬆地食個好西。 見到set dinner啱食，就點了兩份。首先來了生蠔。夠大隻仲好新鮮，滴少少檸檬汁更能帶出鮮甜。 微暖的麵包配搭 橄欖油和黑醋，用來配餐湯好夾。 是日餐湯是忌廉南瓜湯，非常濃郁，忌廉味濃厚，南瓜清甜，完美。 🔸️西班牙36個月黑毛豬 火腿黑毛豬火腿帶著咸香，沒有過重的豬味。下面墊著 火箭菜和無花果，更添清新。無花果的輕甜，提升火腿的鮮度。🔸️西班牙龍蝦尾意大利飯上次都點過龍蝦尾，好滿意，今天encore，果然沒有失望。大大隻龍蝦尾好吸睛，而且吃下爽彈，真的一分錢一分貨。意大利有點嚼口，但不會好生。 加入了香草和車厘番茄，多左些層次。🔸️冷凍榛子果仁凍批及拖肥蜂蜜窩這個較為新奇，所以試下。凍批有點像雪糕的質地，一入口就食到濃郁的榛子果仁香氣。蜂蜜窩是乾的蜜糖塊，好香好食，但當然會甜，而且會痴牙。不愛甜的人可skip了。 食完呢個餐真的好飽～Lab EAt 又為我帶來滿足的一餐。

今天終於約到很久不見的朋友見面，西式餐廳雖然到處都有，但想找間高品質的卻不是容易，聽同事推介，找到位於熱點的旺角的這間西餐廳同好友享用晚餐！紅酒，白酒~酒味於口中慢慢送出，配海鮮同肉食是極之相配！！新鮮生蠔~很新鮮，有淡淡海水味滲出，完全不會有腥味，食完一隻接一隻！阿拉斯加長腳蟹肉牛油果沙律~可大大條長腳螚肉放入口，鮮甜美味，牛油果健康可口，新鮮沙律菜還配上新鮮番茄同蟹肉，更加突出了沙律的美味！炭燒自然放牧西班牙羊扒~羊扒出奇地好食，用炭燒方法烹調剛好，表面有香脆的口感，肉質滑嫰，還带有肉汁，外間很難食到這麽好吃的羊扒，連配菜也十分精彩！！特色卡邦尼扁意粉~全碟也包滿芝士濃汁，芝味濃郁，扁意粉很彈口有口感，食了幾口也已覺很滿足飽肚！甜品是冰凍液氮薑茶朱古力波~做得非常出色，萬分創意，內裏還带有驚喜，淡淡茶香配上濃濃朱古力，出奇地配口得剛剛好！連我好友也整晚贊不停口，滿意到不得了！.

今天有一些事要在旺角附近處理，相約朋友用膳，剛好下午茶時段，找了一間可有氣氛的餐廳享受一個愉快輕鬆的下午茶套餐。由於臨近聖誕節所以餐廳的佈置燈飾氣氛也很講究，非常浪漫。座位也很寛敞，店員也很有禮貌殷勤地招呼我們到窗口的位置，原來餐廳也有戶外座位，環境也很舒服。由於當天氣溫比較偏涼，所以我們沒有選擇戶外座位。我們看看餐牌後，選擇了下午茶套餐$148，先點了頭盤，我們選擇了是日餐湯南瓜湯 - 輕盈幼滑，南瓜味香濃。主菜叫了碳燒美國安格斯肉眼，當然要另外加費用+$78但物有所值，充滿獨特的炭燒香氣，軟滑多汁，嫩滑滋味。也伴了非常好味又甜的炸蕃薯條，比一般薯條好食很多。另外一個是咸牛脷四式蕃茄意大利粉 - 風味濃厚牛脷肉粒，多汁嫩滑的意大利飯，令人難以抗拒。額外也付費+$48點了新鮮薯蓉及椰菜花。甜品我們選擇了焦糖熱情果蛋糕及鳳梨蘇皮卷。前者質感輕盈軟綿，滋味滿分，后者酸酸甜甜的鳳梨配合鬆軟的酥皮卷底增加整體的豐潤感覺，為味蕾帶來清新感覺。最後我們點了兩杯熱拿鐵 +15及凍摩卡+20 作為我們這頓下午茶的句號。整體來說值得光臨的餐廳。

這晚光顧人氣食店 ...麵包，細片，又不夠熱，見面禮太寒酸！但 ... “果木煙燻法國鵪鶉髀”，超嫩，鹹香味濃，有點臘鴨髀風味，那塊薄荷葉和蕃茄可以中和一下濃味的鵪鶉，絕配，有驚喜，送啤酒，一流。“M5和牛肉眼”，香、juicy，這塊扒品質上乘，加岩鹽或芥辣一樣好味，一點點就夠。“龍蝦尾海鮮拼盤”，先吃比較淡味的八爪魚，鮮，煮得好嫩，入口舒服，龍蝦上面的辣汁，借來沾八爪魚，滋味！爐魚好新鮮，好juicy，好滑，有油香，皮上已經放了點鹽，其實不用什麼額外調料已經食到它的鮮味，那龍蝦汁比較淡，但因為之前的牛扒已經有點岩鹽，足以令到八爪魚和鱸魚提鮮。最後，龍蝦肉新鮮、彈牙，沾有蕃茄粒的辣汁味道真的不錯。其實這個海鮮拼盤的擺盤也蠻有心思，首先那隻蝦的蝦尾還連著殼，㕑師用那個空殼墊高了蝦肉，把整盤菜的高低層次呈現出來，美觀，有誠意。

今日嚟咗T.O.P頂層食晚餐，方便就腳。晚市套餐包左餐包餐湯主菜甜品：餐包鬆軟，入口麥味香濃，餐湯用料幾豐富。松露醬溫泉蛋酥皮盒，賣相精美，上台時松露味撲鼻，酥皮夠鬆脆，加上大啖溫泉蛋，正。炭燒M五澳洲和牛肉眼扒，肉味濃，兩邊炭燒，肉質鮮嫩，份量足。甜品北海道粟米雪糕及海綿蛋糕，粟米雪糕賣相是真正的粟米樣子，好得意。下面海棉蛋糕吃起來頗有馬拉糕的感覺。套餐跟熱情果特飲，好甜。朋友的紅酒送牛扒夠正！今次我哋坐在室內，而室外有一隊live Band，整個晚餐都伴隨着live Band悅耳的歌聲，意料之外有驚喜。

與好友慶祝生日，決定食得有水準一點，收工後便到了旺角這特色西餐廳，位置方便又寬敞。現場有室外位，更有Live 演唱，歌聲悅耳氣氛好好。我們點了兩份晚餐，餐飽軟綿微熱，加少許欖欖油及黑醋開開胃口。先來每日精選例湯 - 雜菜湯，內有超多款不同種類的豆，感覺健康又有營養。西班牙36個月黑毛豬火腿質感相對實，鹹香味較重，較愛這種質感。主菜有法國黃油雞及頂級鵝肝，食物以大石鍋上枱氣派非常，鵝肝大大份面層香脆，油份豐富入口即溶，黃油雞肉質嫩滑雞味較濃，下面有大量薏米墊底，薏米又吸收了雞油香，正😋甜品有冷凍液態氮薑茶朱古力波，蓋一打開，煙霧紛紛散出，多麼的唯美呢，朱古力內粉色的是薑茶，薑味不太辣，質感QQ的，玩味十足。最後以一杯House 紅酒祝我朋友生日快樂😘

記得好耐以前試過同朋友嚟呢度食生日飯，已經覺得幾好食😋不過晚餐比較貴啲，估唔到佢哋嘅午餐又出奇地抵食喎。餐牌唔記得影🥲直接入正題講食物吧！午餐Menu之中嘅頭盤，杏鮑菇及黎麥，上面有啲芝士同火箭菜，健康又好味😋頭盤來講賣相好靚，算高水準！主菜：慢煮德國鹹豬手配忌廉里昂薯仔因為慢煮嘅關係所以肉質好鮮嫩，咸度適中，配埋惹味嘅芥末同埋薯仔🥔好食😋散叫：白酒煮澳洲藍青口（500g) $228講真，我都幾鍾意食青口好多時去到餐廳都會叫，但係呢度嘅青口真係煮得非常之好味同埋肉質超級滑溜🤩同一般諧霎霎嘅冇得比!而且份量非常之多,絕對對得起這個價錢,誠意推薦大家一定要試吓!散叫:特色卡邦尼扁意粉$258呢個意粉好彈牙而且個汁真係好Creamy,充滿蛋香而且裏面嘅煙肉亦都非常鹹香好味😋散叫：12小時慢煮澳洲M5和牛牛小排（36安士）$498擺盤好靚，肉質好鮮嫩，不過我覺得唔係我想要食果種感覺，可能我都係比較鍾意煎牛扒多啲

返完教會去咗附近一間西餐廳食飯。叫咗三個lunch set@$148，咁就每人包一個前菜一個main course買杯嘢飲。叫咗個Parma ham and melon正常發揮，哈密瓜都算甜。烤雞紅花燴意大利飯雞胸份量都多，個飯夠creamy不過飯粒略嫌軟左少少,同埋擺盤就爭咁少少唔算話好靚。地中海式盲曹魚柳鍾意佢嗰啲配菜個汁酸酸甜甜咁樣幾開胃。 魚柳都整得唔錯，肉質都嫩滑嘅。炭燒安格斯肉眼蕃薯條+78鍾意佢個番薯條， 配搭一個有椰子味嘅醬汁都幾特別。肉眼叫咗七成熟，唔會話好鞋好硬，都唔錯，不過牛肉味方面唔算濃。整體味道唔錯嘅不過份量就偏小，女仔食完都覺得唔夠飽。 環境係靚嘅夜晚打卡應該唔錯。

慕名而來，卻失望而回！唔會再有下次！冷漠的服務！完全唔nice!先來麵包，冇選擇、並且只是一小片法包！牛肝菌湯，完全與Menu的圖不乎！幾啖就飲完！湯碗邊還是崩的！叫了羊扒，好有羊羶味！要添加芥辣才食到！總括來說，完全是名過於實！不會再回頭！

同女朋友係旺角行街，途經T.O.P.商場頂層見到依間西餐廳好似唔錯，加上時間尚早唔洗等位就決定入去試下啦室外既環境幾有氣氛～不過我地就無坐出面，但都有出黎影下相打下卡！背後係旺角既特色街景，非常有香港味道呢！餐牌選擇眾多，不論前菜小食主菜甜品酒類都提供眾多選擇～岩晒唔同口味既朋友坐低無耐侍應就送上餐包，仲有橄欖油及酸醋可以點黎食餐包夠軟熟唔會硬，點埋橄欖油及酸醋真係perfect match！上網見到好多人都會點阿拉斯加長腳蟹肉牛油果沙律，我地就決定跟下風～擺盤好靚，岩晒打卡！長腳蟹肉份量都幾多，而且好新鮮連埋牛油果一齊食個味道好豐富係海膽多士呀！係餐牌見到張相好吸引就叫左，點知實物仲吸引！海膽份量好多～色澤又靚，淨係賣相已經１００分食落口勁新鮮～充滿住鮮甜味多士都做得好好～一啖咬落口真係勁滿足呢！主菜首先就叫左焗智利白鱈魚柳擺盤有Ｄ似法式Fine dining咁，雖簡單但精緻魚肉好滑又帶有鮮味及油脂感！睇黎餐廳對於處理鱈魚確有一手呢！擠埋少少檸檬汁更加帶出魚既鮮味，一流！另外我地都叫左慢煮西班牙八爪魚蟹膏意大利飯飯粒帶有Al dente口感，即係生生地有些少咬口！醬汁同飯粒溶為一體，

今日同男朋友慶祝相識紀念日，經朋友介紹下就Book左依間位於旺角T.O.P.商場既西餐廳由於有提早預約，所以唔需要等候就可以直接入座由於當日有點凍，所以我地就選擇左坐室內，室內環境都好高級優雅~但其實室外係好靚好好Feel架！望住旺角既街景食西餐~好特別呢！餐牌選擇好多呀～員工都好細心咁介紹菜式比我地，如果唔係我地一定有排簡ＸＤ首先送上左餐包比我地，配以桖橄欖油及酸醋麵包夠軟熟，點埋醬汁黎食非常開胃～好想食多幾個呀！海膽多士第一道菜係海膽多士作為餐前小食滿滿既海膽已經令我地口水直流～影完相就急不及待品嚐一下海膽好新鮮呀！入口軟綿綿帶濃濃既海膽鮮甜味，配合埋法包真係好享受呀阿拉斯加長腳蟹肉牛油果沙律我地點左阿拉斯加長腳蟹肉牛油果沙律作為前菜，因為我地都好鍾意食牛油果同長腳蟹～擺盤非常精緻，長腳蟹肉份量都不少，而且好新鮮~作為前菜黎講真係Very Good！慢煮西班牙八爪魚蟹膏意大利飯係餐牌上比依道菜式名吸引左，就決定叫黎試下啦！因為我地都係Risotto愛好者賣相亦係好靚~有細心既擺盤及裝飾飯粒軟硬適中，正正做到Risotto講求既Al dente質感蟹膏既味道好濃郁～超惹味！八爪魚又夠

walk in 到食店話沒有位要等15分鐘，留下手機號碼真是15分鐘後回覆有位。點左西冷 5成熟， 魚塊扒，2杯飲品。西冷5成熟可以，味道都是淡淡的。整塊西冷上左塊黑色碟沒有任何伴碟菜，只有舊薯仔，3滴芥辣，比幾棵菜都好呀！魚塊滑溜也是淡淡的，底層舖左意米及幾條蘆筍及斷層紅蘿蔔，d菜好貴咩！人食完結賬，9點1分侍應自動放下Bill, 睇清楚放低visa.重諗住會過黎攞番，幾個侍應都睇唔到， 揮手又冇睇到，再揮一陣終於睇到結賬走人。

朋友請我食飯補祝生日, 我無特別要求, 由佢一手包辦, 佢帶咗我去旺角樓上餐廳食.剛坐低職員就點着臘燭, 好浪漫, 之後放低一碟橄欖油.澳洲白酒青口, French Quail Leg, Passion Fruit Sling, Daily Cocktail職員叫我地記得飲埋個湯, 因為係用魚去煲的, 真係好美味, 個大木勺係用來裝住 d 青口殼的.鵪鶉腳第一次食, 似係煙燻, 好香口入味, 配埋青蕃茄, 好有清新感.檸檬雪碧飲品, 冰凍醒胃, 令人食慾大增.阿拉斯加蟹肉海膽扁意粉好多蟹肉 & 海膽, 醬汁夠濃, 成碟意粉好有水準, 超好味 北海道粟米雪糕及海綿蛋糕唔講真係以為係粟米, 原來係雪糕, 食落又有粟米嘅感覺 室外仲有幾張枱, 好有 feelReally love eat, love it