影片
更多
2021-11-26
118 浏览
今日同男朋友慶祝相識紀念日，經朋友介紹下就Book左依間位於旺角T.O.P.商場既西餐廳由於有提早預約，所以唔需要等候就可以直接入座由於當日有點凍，所以我地就選擇左坐室內，室內環境都好高級優雅~但其實室外係好靚好好Feel架！望住旺角既街景食西餐~好特別呢！餐牌選擇好多呀～員工都好細心咁介紹菜式比我地，如果唔係我地一定有排簡ＸＤ首先送上左餐包比我地，配以桖橄欖油及酸醋麵包夠軟熟，點埋醬汁黎食非常開胃～好想食多幾個呀！海膽多士第一道菜係海膽多士作為餐前小食滿滿既海膽已經令我地口水直流～影完相就急不及待品嚐一下海膽好新鮮呀！入口軟綿綿帶濃濃既海膽鮮甜味，配合埋法包真係好享受呀阿拉斯加長腳蟹肉牛油果沙律我地點左阿拉斯加長腳蟹肉牛油果沙律作為前菜，因為我地都好鍾意食牛油果同長腳蟹～擺盤非常精緻，長腳蟹肉份量都不少，而且好新鮮~作為前菜黎講真係Very Good！慢煮西班牙八爪魚蟹膏意大利飯係餐牌上比依道菜式名吸引左，就決定叫黎試下啦！因為我地都係Risotto愛好者賣相亦係好靚~有細心既擺盤及裝飾飯粒軟硬適中，正正做到Risotto講求既Al dente質感蟹膏既味道好濃郁～超惹味！八爪魚又夠
由於有提早預約，所以唔需要等候就可以直接入座
由於當日有點凍，所以我地就選擇左坐室內，室內環境都好高級優雅~
但其實室外係好靚好好Feel架！望住旺角既街景食西餐~好特別呢！
餐牌選擇好多呀～員工都好細心咁介紹菜式比我地，如果唔係我地一定有排簡ＸＤ
首先送上左餐包比我地，配以桖橄欖油及酸醋
麵包夠軟熟，點埋醬汁黎食非常開胃～好想食多幾個呀！
海膽多士
第一道菜係海膽多士作為餐前小食滿滿既海膽已經令我地口水直流～影完相就急不及待品嚐一下
海膽好新鮮呀！入口軟綿綿帶濃濃既海膽鮮甜味，配合埋法包真係好享受呀
阿拉斯加長腳蟹肉牛油果沙律
我地點左阿拉斯加長腳蟹肉牛油果沙律作為前菜，因為我地都好鍾意食牛油果同長腳蟹～
擺盤非常精緻，長腳蟹肉份量都不少，而且好新鮮~作為前菜黎講真係Very Good！
慢煮西班牙八爪魚蟹膏意大利飯
係餐牌上比依道菜式名吸引左，就決定叫黎試下啦！因為我地都係Risotto愛好者賣相亦係好靚~有細心既擺盤及裝飾
飯粒軟硬適中，正正做到Risotto講求既Al dente質感
蟹膏既味道好濃郁～超惹味！八爪魚又夠彈牙～每一啖都係幸福既感覺呢
焗智利白鱈魚柳
另一道主菜就係焗智利白鱈魚柳擺盤簡單精緻，鱈魚柳都幾大份
食落超好味呀！魚肉好滑又夠新鮮，而且仲有適當既油脂！入口有少少想即溶既感覺，就好似食緊拖羅咁
應該係食過最好味既鱈魚呀！
最後我地叫左一個corn形狀既ice cream作為甜品～連甜品都做得好出色呀～
為我地既紀念日畫上一個完美既句號
另外我地叫左一杯白酒同紅酒，分別係Hanau 既Chardonnay 同Cabernet Sauvignon
2杯酒都幾適合我地今日叫既菜式
總結而言，評分十分高既餐廳
不論服務，環境，食物質素等都係一流～回頭率極高既一間西餐廳
张贴
