影片
更多
2018-05-04
450 浏览
睇圖先都知我comment啲咩 , 右圖係網上我訂原個日本烤甜蕃薯戚風蛋糕時既圖片，左就係我實際去收貨時既蛋糕。我諗除左依間公司既職員，唔會有人覺得依兩個蛋糕係同一個蛋糕！！我聽聞話依間蛋糕用靚材料又幾好食，突登上網訂佢既原個1磅蛋糕送比友人生日。我根據網站既指示要拎蛋糕前幾日已經上網預訂蛋糕兼full payment $320。( 1鎊蛋糕$310兼一個無名既生日牌$10.)依個價錢唔係特別貴但都唔係平，好多比佢好食好多知名好多既餅店都係差不多既價錢。其實價錢都唔係重點，好食值得既我都ok，特登訂黎都係想送個好食又靚既蛋糕比友人。滿心歡喜去拎蛋糕嗰日就係惡夢開始。首先一去到店員就同我講無花果「唔當造」所以裝飾用左士多啤梨代替無花果，點知我再睇個蛋糕，真係呆左，同上網時訂既完全唔同。當時我再問店員依個係咪同一個蛋糕，會唔會搞錯左？？佢地堅稱無，仲同我講因爲我訂得一磅，要多個一磅蛋糕先會有網上既圖既樣！咩話，訂多過一磅？先唔講佢轉士多啤梨唔通知客戶，士多啤梨都唔係人人會食！再講佢網上落單時完全無講過要求客人訂多過一磅蛋糕先會有如圖片一樣既蛋糕！？(我相信大家見到幅圖，都會覺得任何一間麵包
原個戚風蛋糕
$320
76 浏览
0 赞好
0 留言
睇圖先都知我comment啲咩 , 右圖係網上我訂原個日本烤甜蕃薯戚風蛋糕時既圖片，左就係我實際去收貨時既蛋糕。
我諗除左依間公司既職員，唔會有人覺得依兩個蛋糕係同一個蛋糕！！
我聽聞話依間蛋糕用靚材料又幾好食，突登上網訂佢既原個1磅蛋糕送比友人生日。
我根據網站既指示要拎蛋糕前幾日已經上網預訂蛋糕兼full payment $320。( 1鎊蛋糕$310兼一個無名既生日牌$10.)
依個價錢唔係特別貴但都唔係平，好多比佢好食好多知名好多既餅店都係差不多既價錢。其實價錢都唔係重點，好食值得既我都ok，特登訂黎都係想送個好食又靚既蛋糕比友人。
滿心歡喜去拎蛋糕嗰日就係惡夢開始。首先一去到店員就同我講無花果「唔當造」所以裝飾用左士多啤梨代替無花果，點知我再睇個蛋糕，真係呆左，同上網時訂既完全唔同。當時我再問店員依個係咪同一個蛋糕，會唔會搞錯左？？佢地堅稱無，仲同我講因爲我訂得一磅，要多個一磅蛋糕先會有網上既圖既樣！
咩話，訂多過一磅？先唔講佢轉士多啤梨唔通知客戶，士多啤梨都唔係人人會食！再講佢網上落單時完全無講過要求客人訂多過一磅蛋糕先會有如圖片一樣既蛋糕！？(我相信大家見到幅圖，都會覺得任何一間麵包店都會整得有誠意過佢。依個蛋糕完全唔值三百幾蚊！)
依間蛋糕店完全有心誤導顧客，我地之後再打電話查詢並要求解釋，負責人既答覆同店員講既「無花果唔當造」同「一磅以上先有一模一樣」又唔同左，仲要話因供應量有唔同而擺設略有不同！我深信正常人見到上面兩幅圖後，都唔會覺得係略有不同，而係截然不同！
如果一個蛋糕外形都唔可以如實咁比到客人，我好懷疑依間蛋糕店標榜既「用最優質材料兼日本運到」依啲無辦法考究既gimmick , 都非常成疑！
我就唔會再光顧依間蛋糕店，奉勸大家如果要幫襯依間野時請三思。
张贴
