Hugo Le Resto Grill (已結業)

理解經過新店安排會混亂，但實在接受唔到比近$600兩個人一餐晚餐會係咁1）訂位訂左8點，但因為餐廳無限時，等到8點半左右先能夠入座，當晚入座後見到仲有好多人訂左8點都仲未有位，咁訂位意義係邊？2）落單後等到9點幾先有野食，而且跟餐個薯條要差唔多食完主菜先黎，係就係即炸，但即炸薯條既餐廳唔只你地，點解人地就可以一齊上，你地就要主菜黎左成半個鐘先黎？3）自律沙律吧同網上宣傳相差太遠，真係好失望。一去到每樣只係剩返好少好少，好似比人食剩咁，賣相已經差，圖片裡嘅水果只係剩返幾舊見到都唔開胃生曬水嘅西瓜同罐頭桃。勉強夾左小小沙律菜同蕃茄，有禮貌請職員一陣得閒小小refill，因為都明白唔夠人無時間成日refill，但最後係去到9點幾大家都食飽先有refill，我覺得真係過份左，起碼你入左八點鐘呢輪新客都refill一次？而為左呢個沙律吧無用到折扣app既折扣（坐低先知折扣只係單點有，餐廳大肆宣傳嘅晚餐係無折），其實多個咁樣得返餸頭餸尾嘅自助沙律吧要貴成$200 一個餐，實在呻苯(不過主菜點餐後成個鐘先黎，如果無沙律吧已經餓死)4)食物味道無預期咁好，龍蝦湯正常，但見之前明明係任飲，而家無左，而一

喺銅鑼灣做完facial 近近哋就同朋友喺附近食嘢，hugo le resto grill嘅環境幾舒服，瑰麗時尚嘅格調，但望下價錢200-300有個主set同自助沙律吧，屬中上唔算貴~沙律吧個選擇幾多 除咗有唔同嘅沙律菜外仲有芒果、藍苺等唔同嘅水果同蔬果配搭，仲幾新鮮添！干邑龍蝦濃湯好香濃creamy，而且真係有啲龍蝦同帶子喺湯入面，再配上淡淡嘅干邑香👍🏻美國頂級肉眼牛扒 賣相已經好精緻，鐵板上插住迷你嘅美國國旗，牛扒好厚身，切開係微粉紅色，煮得啱啱好！幾有牛味，而且肉質鮮嫩有口感！煎鵝肝鮮露筍炒飯估唔到鵝肝嘅份量都幾足料幾大粒😍每一口炒飯都伴隨肥美香口嘅鵝肝，露筍仲可以中和油膩感，唔錯~

今晚同瓊姐嚟到“Hugo” dinner 😄😄， 餐廳位置於sogo斜對面，佢哋有靚靚沙律吧，香濃的龍蝦湯及美味的餐包作前菜🤗🤗，真不錯🙂🙂。牛魔王出動🐮🐂，美國頂級牛腹肉扒😋😋配薯條黑松露沙律醬。牛扒五成熟，火熱熱🔥🔥送上。肉質嫩滑多汁，沾上黑椒汁更香口惹味😍😍。我哋大愛的薯條🍟配黑松露沙律醬，相當滋味😌😌。意式香草海鮮意大利粉🍝，哇～材料好豐富，有三文魚、魷魚、鮮蝦及蘑菇。😄😄 我哋三扒兩撥😁😁哈哈～ 瞬間已經K.O碟意大利粉，好美味啊～還有精緻甜品蛋糕sweet 一下，真是一個很美滿的星期一 🙂🙂。餐廳坐位很闊落，每位食客都坐得好舒適，職員態度也很友善，是一家不錯的高質西餐廳，下次一定會再來幫襯，哈哈😊😊。

係銅鑼灣做完野收工同同事食埋晚飯，同事介紹左呢間位於怡和街既上樓扒房💕💕 地點好方便，地鐵行過去都只係需要5分鐘。餐廳唔係好high class會令人唔自在既個種，感覺都幾舒服。七點四左右去到，等到七點九先有得入坐。New York Strip (medium rare)🥩🍟 $298 牛扒煎到外層焦脆，入面都keep到3成熟，好香口👍🏻牛味唔算好重，牛油味好香☺️肉質唔係好林個種，有d咬口牛扒會跟個薯條，跟黑松露醬同茄汁。薯條炸到脆卜卜🤤🤤🤤🤤羅勒香草醬海鮮意粉 🍝 $258 海鮮意粉好多料😳😍 有墨魚仔、三文魚、蝦球、茹片、椒絲等等，好豐富！羅勒味濃感覺好清新☺️ 不過偏油左少少Dinner Set包左一碗龍蝦湯、餐包同Salad bar。🥣龍蝦湯味質感濃厚，味道唔太咸👌🏻🥗salad bar有原條秋葵😍 有薯仔沙律、麻醬長通粉沙律、六至八款沙律配料比大家砌岩你口味既😊🕑⚠️人手不太足，等候時間比較長喔，大約半小時餐廳環境感覺舒服，適合大顆人傾計😊

琴晚無啦啦想食扒, 就諗起銅鑼灣怡和街嘅Hugo Le Resto Grill, 佢主要係食西式, 海鮮, 扒房。環境休閒，整潔。Hugo Le Resto Grill人氣好好, 七點左右,已經好多人, 有d係情侶二人晚餐, 又或者一班人聚舊。記得一定要book枱, 唔係嘅話可能無位, 間野人氣旺。 餐廳食客惠顧套餐都可享用自助沙律吧，仲會有埋餐湯同埋甜品。龍蝦湯呢個龍蝦湯有別於坊間, 味道好濃, 唔似坊間開粉溝, 因為食到啖啖龍蝦肉,所以相信真係用龍蝦肉去餚制, 值得推介 餐包蒜蓉味香，唔油.黑松露薯條香脆飽肚，味濃，一口接一口停不了.美國頂級紐約客牛扒 因為個friend唔鍾意血水, 所以嗌咗8成熟, 原本諗住會好硬, 出乎意料地, 肉質鬆軟, 雖然無一食落口就溶咁誇張, 但係用八成熟來講, 廚師真係好好技巧，當然貨色都唔差。 佢有三款醬汁, 蒜蓉汁、 茄汁, 黑松露醬, 個人推介黑松露醬, 最主要係佢加埋牛扒, 有好強烈嘅新鮮感..鵝肝炒飯之前係某壽司店食過鵝肝壽司, 之後鵝肝就對我講冇咩好感, 但係呢個鵝肝炒飯就令我改觀左佢用咗珍珠米, 咬落好有口感. 除咗圖嘅鵝肝肉之外, 個

因為早上係九龍區睇完戲突然要去時代廣場, 去到都3點鐘, 個人都餓都不得了, 所以我叫嘅食物相對都幾重量, 飯同飯, 但呢個黑松露配香煎雞飯，飯嘅松露味相對都幾淡，但爪雞煎得好好，皮脆加上薄薄雞皮，唔多食雞皮嘅我忍不住口食咗片⋯好脆呀。另一款係牛果三文魚炒飯，呢個相當日式，似用日式醬油炒，三文魚同牛油果嘅份量適中，係飯方面可以再硬身一點，咁先可以食到炒飯一粒粒嘅口感，但佢嘅味道係ok嘅。唔會因為醬油嘅關係太甜。而咖啡都係用座熱咗嘅奶去做。

天氣不似預期，但肚餓總要食。去完SOGO買銀包送俾母親大人，就帶左佢黎HUGO呢度食晚飯，一來方便二來係滿足佢食BUFFET嘅想法，雖然呢度只係食半自助BUFFET，但質素同樣有保證。沙律吧：選擇唔算好多，都係幾款沙律菜／粟米豆／秋葵等等。但絕對夠食，啱晒我呢嘅有食物選擇困難嘅人。其中最回味係個醬汁螺絲粉，只係以香草／白醬同煙肉調製就已經好惹味，螺絲粉好有咬口煙韌，吸埋醬汁好味到食左四碟。再加灑上少少脆煙肉碎，口感風味一流。龍蝦湯：濃郁嘅甲殼類香味令其生色不少，湯品唔算杰身所以最啱係撕碎麵包落去，混和埋一齊就可以增加口感及味道。牛油果三文魚炒飯：三文魚及牛油果各佔一半，所以食落唔會偏重一邊。牛油果加熱後香味無咁強烈，配上魚肉味道十分討好，加上飯粒炒得乾身有咬口，幾好食。安格斯牛腹肉：以鐵板上枱並用小蠟燭保持溫度，五成熟嘅要求做得啱啱好，牛肉入口較為結實油脂唔算太強，但牛味香濃甘甜。沾上些許黑椒汁提升辣度，滋味一流。甜品：兩件一口芝士餅分別係藍莓及咖啡味，味道香滑唔太甜。尤其鐘意芝士餅嘅香味，配上咖啡好好食。咖啡：即磨咖啡好香濃，飽餐過後最啱用黎消消膩。簡單嘅一杯咖啡，為滿足嘅一餐劃上完

最後口淡淡，出到去CWB又吵人多會好吵，食飯又會俾人吹還枱，難得朋友話搵到間夠靜又幾抵食既餐廳，要跟上去睇下呀!!一入到門口先見到佢地有個自助沙律吧既空間，D野食仲好新鮮~俾大家睇下喇叫左野食就黎個蒜蓉餐包，真係好夠脆好夠蒜，仲睇到小小生蒜，好味~!個湯都幾濃，而且配料十足，好豐富未上主菜之前先去個沙律吧到夾D野食先~~呢塊牛，好香，朋友先話呢個價錢仲可以食到咁香牛味既steak真係幾抵，仲要佢整到5成俾我地見唔見到幾大塊幾咁juicy呀!!而我自己就中意食清淡D所以叫左個意炒，同埋佢份量好大碟，配料夠哂多呀最後上埋個甜品，為呢個晚餐畫上完美既句號喇順帶一提，佢地既餐鹽係喜馬拉雅山粉紅岩鹽真係好小見餐廳咁DUM本用呢D鹽仲可以俾食客自己落，你話係味好抵食?

一間有沙律🥗前菜自助餐既西餐廳🍴今次分別嗌咗兩樣野食👇🏻非凡鮮羅勒香草醬海鮮扁意粉🐙🦐🍝同埋美國頂級紐約客牛扒🥩-首先講下個扁意粉先👀👀啲海鮮料真係落足 都落得幾多八抓魚 蝦🦐都整幾好食 幾爽口👍🏻 但意粉底味道偏淡 重口味既人會覺得個汁整得唔夠creamy唔太入味-而個紐約牛扒呢 我地嗌咗五成熟👀 一開始啱啱上枱都覺得唔錯 個面煎得幾好 但放咗一陣就覺得有d韌😖 同埋鎖唔到個肉汁 食落有d乾😖😖 如果係對牛扒要求好高既 呢個就。。🌚-

找尋新式餐廳素來是我的興趣，聽到銅鑼灣新開了一間西餐廳，自然要來了。我們從SIGNATURE DINNER中挑了兩個餐來試試看。餐包熱哄哄的餐包有助溶化牛油，且外脆內軟，吃起來更有質感，不錯。千邑龍蝦濃湯味道很適中，不會太濃或太咸，相當適合不同年齡層的人。自助沙律吧沙律的款式不算很多，但勝在樣樣都很新鮮，尤其是水果，十分鮮甜。除了一般的沙律，竟然有個人很喜歡的秋葵！配合千島醬、日式芝麻醬或橄欖油，正啊！吃完前菜後，自然要入正題了。美國頂級牛腹肉扒 ONGLET ET BAVETTE ($288)這個部位好像很不常見，肉扒放在十分有特色的鐵板上，賣相十分精緻。煮到5成熟的牛腹肉扒果然肉質鮮嫩，肥瘦適中，咬下去感覺十分多汁，配上醬汁更能突顯出牛的香味。 煎鵝肝鮮露荀炒飯 FRIED RICE WITH FOIE GRAS ($268)賣相不怎麼樣，但內有乾坤！上菜時已聞到陣陣鵝肝的香味，已令我差點按捺不住。鵝肝、炒蛋、鮮露荀起了很大的化學作用，十分夾！而且用珍珠米來做的炒飯每一粒都十分分明，有驚喜！有誠意！店員的服務都十分周到，只可惜食物的份量好像有點少，不消一刻鐘就吃完了。

喺銅鑼灣想食西式野但又無idea, 打電話問個日日都喺附近返工嘅朋友，佢介紹我食Hugo Le Resto Gill...個名唔錯，就上去試下。先講一下環境，裝修雅致，座位寬敞非常舒服。樓下樓上簡直係兩個世界，即刻relax咗。呢度有個好靚嘅salad bar ，款式多，而且選材新鮮，感覺到呢間餐廳嘅用心。龍蝦湯- 雖然我真係唔知佢係咪自家制嘅，但係飲落香滑鮮甜，不錯。美國頂級牛腹肉扒-用鐵板上，下面有個小蠟燭熱住，好細心。生熟程度選擇咗medium，真係剛剛好係medium 😱😱😱都幾surprise 小店能夠做到客人對牛扒生熟嘅要求！我對食牛扒係都幾挑剔，好多大連鎖扒房甚至由外國開分店嚟香港嘅餐廳都係你叫5成熟佢就比7成你，個心就會諗咁你唔好問我要幾熟啦...十個讚呢間餐廳選用嘅牛腹肉，牛味非常香濃，肉質原實而不鞋口亦不會韌。煙肉鮮忌廉意粉- 好creamy 又香滑，用上好多洋蔥絲，所以特別香個牛腹肉實在比我好大驚喜，希望能夠一直keep住水準，因為我一定會返兜🤤

同事早幾日試咗呢間開咗無幾耐嘅餐廳,勁讚啲牛扒好正. 咁啱今個星期四屋企無飯食,決定同朋友嚟呢度試試. 雖然係樓上餐廳,但棟大廈位置好方便,好易搵,而且無排長龍等𨋢嘅問題. 一入到餐廳,見到好企理嘅沙律吧,一排大玻璃窗望街景,感覺乾淨丶寛趟.晚餐包括自助沙律吧丶干邑龍蝦濃湯丶主菜丶甜品丶咖啡或茶. 主菜選擇好多,差啲唔記得係嚟食牛扒!!待應推介美國頂級牛腹肉扒,朋友想食飯,所以就叫咗嗰煎鵝肝鮮露筍炒飯一齊食. 龍蝦湯不錯,鹹甜度適中,唔會結遢遢,仲有龍蝦肉! 餐包出乎意料好正,外脆內軟,一個上面有芝麻,另一個上面有我好鍾意嘅罌粟籽!未到8點已經有幾批人等位,估唔到呢度咁多人知. 幾位待應忙到團團𨍭,但都好細心問客人啲食物ok唔ok.沙律吧選擇多,而且一啲都唔hea. 竟然有橄欖丶秋葵丶菠蘿丶西瓜. 個長通粉沙律好好味!! 沙律醬都有3款,另有黑醋丶橄欖油,幾貼心! 我哋忍唔住食咗幾轉. 雖然今晚滿座兼一枱接一枱,但沙律吧不停refill. 終於到主菜喇~ 個牛扒一上枱陣香味已經令我哋流晒口水~ 鐵板下面有個蠟燭仔令個鐵板無咁快凍~ 讚~!! 我哋點咗7成熟,牛扒煮得啱啱好,外脆內軟,牛

經某手機程式訂檯有餐牌半價優惠，於是一試。早到了，要稍等才能入坐，但過了預訂時間20分鐘後還未能入坐。餐廳職員基本上只懂問客人用哪個app 訂檯，以及是否剛剛訂，然後一律要等。朋友開始不耐煩跟餐廳職員交涉，但得到的回應仍是要等。同時陸續有客人進來，但其實根本沒有客人離開，餐廳亦不似有分時段，實在是因管理不善及不懂控制訂檯數目而失控，職員甚至沒有即時查清楚訂檯狀況。最後等了約45分鐘才能入座。餐廳環境普通，沒有特別主題，也沒有特別擺設。食物方面，味道一般。招呼方面亦一般，是忙得應接不暇。總括而言，因為等得太久已經扣了分，食物也不怎麼出色，若果沒有優惠，以這食物質素與服務絕不會幫襯。經過這次之後，亦不會再有下次。

在這繁忙的大都市，如能提供客人小清新的感覺其實已經成功了一半，香港人忙碌過後為自己充充電，一頓悠閒寫意的晚餐是很重要的簡簡單單，綠油油的內在環境，已經令人身心放鬆Set dinner可以享用自助式的沙律🥗吧，個人特別喜歡，始終工作太忙，缺少食疏果的機會，這裏正好給我補充一下不平凡的餐包和美味的龍蝦湯，是跟餐附送的，特別是龍蝦湯，濃濃的海鮮味，還有啖啖龍蝦肉，很滋味美國頂級牛腹肉扒，放在小鐵板上，下面有洋燭保持溫度，感覺特別矜貴牛腹肉是肉味比較突出的部分，啱晒我呢啲偏重肉味的牛魔王，真的令人一試難忘燒大西洋三文魚綠牛油果炒飯，炒飯特別乾身，絕不油膩，三文魚牛油果的配搭出奇地配合，分量足夠我們二人分享簡單的甜品賣相也特別精緻，餐具更是一絲不苟，正是色香味全。環境氣氛特別舒適，特別適合三五知己，或大夥兒聚餐，絕對是大都會的小清新

銅鑼灣既商場食肆又多人又要排隊，選擇上樓既cafe係一個好好既決定，今日再次同朋友來Hugo le resto grill鍾意呢度座位舒服😌感覺比較高級又寧靜，傾偈一流！自助沙律bar深得大眾喜愛基本沙律食材例如車厘茄、薯仔沙律、三色椒、粟米粒、紫洋蔥....等等都一應俱全！龍蝦湯香味濃郁配麵包同牛油一齊就最好不過。😋牛扒煎得恰到好處，驚喜既係旁邊既忌廉醬，入口竟然係黑松露香味，令到牛扒既味道即刻提升，讚👍🏻三文魚牛油果炒飯同樣讚，三文魚香氣撲鼻，炒飯唔會痴埋一舊，每一粒口感都好好，非常好食。最後上甜品同餐茶，係我至愛既朱古力慕絲，加上餐具容器都配合得好，好有貴婦嘆茶既感覺。