Hugo Le Resto Grill (已結業)

要係老銅搵地方開餐, 唔想太過"熱鬧", 有時都會選擇去樓上餐廳呢間對住繁忙嘅馬路, 一推門入去又好似入左另一個世界, 由於時間尚早, 訂左位嘅客人未到, 可以悠閒咁開始我地嘅晚餐昏暗燈光幾有情調, 枱與枱之間唔算太近, 傾計都free D!特大餐牌睇得好舒服, 呢個Signature Dinner價錢由二百幾至四百幾, 價錢可以接受!點菜後侍應先送上餐湯, 熱辣辣嘅干邑龍蝦濃湯, 配上麥飽及脆口蒜蓉多士湯質唔會太杰, 仲有龍蝦肉粒, 真材實料無花假, 味道帶少少酒香味, 唔錯!晚餐包埋自助沙律吧, 款式種類都唔少, 有多款沙律菜, 甜椒, 粟米粒, 粟米仔, 車厘茄等可以自製沙律; 又有已撈好嘅薯仔沙律, 蘋果沙律等, 仲有西瓜及菠蘿, 夠晒健康!主菜方面分別叫肉類及意粉各一, 均衡一下營養嘛首先出場係呢客美國頂級牛腹肉扒 ($288), 以鐵板盛上, 下面有個蠟燭保持熱度, 成件牛腹肉扒已切成數件, 方便進食!  燒汁另上!點了七成熟, 切開仍然見到帶有紅色, 肉質鬆化得黎又有少少嚼口, 肉汁係口腔內爆發, 食到應有嘅牛肉味!  唔怪之得目測唔少客都有叫呢客肉!配菜有炸薯條, 炸得

呢間係銅鑼灣中心地帶既西餐Hugo Le Resto Grill 真係值得一推🕊水準好高！裝潢好有Taste🌹,好多年輕人幫襯，無book位等左陣先入到🏋️‍♂️呢個沙律吧係餐廳一個亮點，有好多新鮮蔬果沙律跟餐就可以任食⭐️干邑龍蝦湯🐉🦐🥘一入口，好鮮，好濃厚，完全係高級餐廳應有既前奏🥃New York Strip🐂牛肉煮得非常好，Medium 食落鮮嫩牛味爆發有塊好過癮既鐵板暖住🔥可以慢慢食看似平凡既 🍛牛油果🥑大西洋三文魚🐟炒飯完全令人大為驚喜！每粒米飯都有調味過，同新鮮三文魚仲有牛油果味道絕配！！仲要非常健康，好岩女仔食！推介！甜品有lemon cheese cake / Choco-truffle cake 🍰🍫🍋輕盈得黎味道細緻，為晚餐畫上完美句號🌱重點之一 - 餐廳真係好有格調，仲好好坐，約會黎講真係首選！

銅鑼灣一向都有好多美食但奈何四處都好多人 可能次次都要等位偶然係openrice見到呢間餐廳做緊優惠晚餐有一個套餐特價抱著一試無妨嘅心態去睇下環境的確唔錯 七點去到都坐滿咗半間餐廳， 之後陸陸續續都有人喺度等位 而且餐廳不設搭枱 就算四人枱都唔會。今次試咗香煎鵝肝配美國西冷牛扒， 我揀咗七成熟， 口感略嫌比較韌， 而且調味料落得比較重手， 配咩汁亦都冇得選擇。餐湯係龍蝦湯 都有幾粒龍蝦肉 算係唔錯， 味道都算幾濃郁。餐飲我揀咗熱飲 但係杯嘢飲擺上嚟只係暖， 就算我放糖都未能徹底融化， 所以飲品好難飲。總結嚟講 我都或者會再試下嘅 但是次用餐體驗唔算十分良好 頂多值65分

今晚喺銅鑼灣附近睇比賽，比賽前同朋友想附近揾d野食，打開openrice揾到新開既 Hugo Le Resto Grill, 貪佢就腳，易揾位，而食物就比預期高好多，一齊嚟睇下今晚食左d咩？餐廳位處於銅鑼灣核心地帶，地鐵站行出嚟5 分鐘就到，餐廳位於大廈2 樓，地下有個易拉架擺左喺度，方便大家揾到！餐廳地方闊落，環境舒適，由2 人檯到8 人卡位坐都有，啱晒一家大細同朋友嚟聚腳！由於我哋大約只有一個鐘頭多d時間，我哋都無考慮太多，叫左個2人餐嚟食，主菜同意粉飯類各選一款食品！自助沙律吧配料選擇多，而且也頗新鮮，要撈出一碟啱自己口味既沙律一d都無難度！食完沙律無耐，龍蝦湯已率先送上，配上而家好流行黑麻麻既竹炭包，龍蝦湯做得比較'杰'身，蝦味濃郁，滿滿龍蝦既鮮甜味！ 餐廳既上菜效率都幾快，飲完碗湯無耐，個主菜美國頂級牛腹肉扒已經喺個鐵板熱辣辣送到檯上，牛味四溢，賣相同味道已非常吸引！切開5成熟既牛腹肉，可以睇到肉汁之豐富，食材既質素，真係隔住個芒都可以感受到嗰陣入口一咬就滲晒肉汁出嚟既感覺，牛肉嫩，有咬口！ 食完個牛腹肉，煎鵝肝鮮露荀炒飯就送到檯上，我還以為是意大利飯或西班牙飯做炒飯，原來用

今晚來到寸金尺土的怡和街這家餐廳在商廈樓上的二樓和喧鬧的大街感覺天淵之別先有自助沙律吧任君選擇有水果有蔬菜有沙律其中薯仔沙律是我的最愛再來龍蝦湯味道香醇味美配上餐前麵包食用就最好不過主菜是草莓醬燒伊比利亞全橡果黑毛豬背骨豬肉味甚濃燒得香口惹味配上酸酸甜甜的士多啤梨醬很夾配菜有新鮮炸起的洋蔥圈份量不少二人分享最快樂另一主菜是煎鵝肝鮮露筍炒飯炒飯用上圓渾渾的珍珠米鵝肝油潤炒飯充滿鵝油香西餐廳中竟能發現高質的炒飯最後奉上蛋糕結束藍色的星期一

朋友帶咗我去佢公司附近新開的西餐廳。我地六點半到，客人未開始多，但去到七點幾，巳差不多full晒。餐廳環境舒適，燈光暗喑地，氣氛很浪漫，真的很適合情侶拍拖、朋友聚舊，而且服務很好。每個晚餐主菜可免費享用沙律bar, 沙律材料非常新鮮，款式都幾好，特別喜歡新鮮菠蘿，超甜超多汁。龍蝦湯湯的濃度適中，很有龍蝦味。配上餐包食一流。德國脆皮蜜糖燒豬手豬手外層脆卜卜，焗得很香，配上附上的醬汁一齊食，伴碟的薯條香脆可囗。非凡鮮羅勒香草醬海鮮扁意粉海鮮配料很豐富，有尤魚、🦐蝦等，很惹味。甜品同朋友一人一件，味道很好。

朋友話呢間私房菜好食 所以我地就book左位去食晚餐 位置都唔錯 百德新街對面就係 餐廳座位都幾闊落 坐得好舒服餐牌都叫多選擇 樣樣都好吸引好想食！沙律吧都幾多選擇 可以無限refill!餐包都係自家製既 好鬆軟好好食！我地揀左個三文魚扒 一上菜個陣個三文魚扒睇落好似好普通 但事實上超好食 自己整絕對整唔到咁嘅水準 師傅煎得岩岩好 入口好嫩口又唔會好油 順便一提 佢啲薯條都幾好食架 夠脆又夠熱 仲唔會太咸！然後我地叫左個carbonara 我覺得係有水準嘅 好重好香既忌廉白汁味 每條意粉都好creamy!而且仲佈滿好多磨菇同煙肉 口感相當豐富！

今晚和朋友光顧了一家樓上餐廳，餐廳頗寬敞，座位安排很靈活，適合家庭或多人聚會。晚餐價錢包括自助沙律吧、餐包和餐湯。選擇一道主菜和一道意粉或飯。⭐️龍蝦湯龍蝦湯味道濃醇，有啖啖忌廉香味。⭐️餐包餐包是烤蒜蓉包，入口香脆可口。自助沙律吧的選擇不少，除了螺螄粉，還有豐富的沙律，例如薯仔沙律、秋葵、蜜桃、西蘭花、青瓜、粟米、新鮮菠蘿等。我喜歡吃菠蘿，更新速度也快。⭐️草莓醬伊比利亞橡果白毛豬背骨白毛豬背骨比我的手掌還要大，不過切開是一節節的骨肉，調味夠，可惜豬肉較乾柴，不夠鬆化。⭐️燒大西洋三文魚綠牛油果炒飯牛油果入饌一定不會令我失望，牛油果的油脂融化在炒飯中，給予濕潤和口感，炒得很入味。如果三文魚的火候控制得宜，相信口感更佳。

尋日朋友生日 咁我就帶左佢上黎食晚飯啦 呢間私房菜嘅環境確實唔錯！首先講下佢啲沙律先 係可以自己夾嘅 咁我覺得佢啲蘋果同桃都特別好食嘅 好開胃 而且可以無限refill 然後我地就飲左個龍蝦湯 咁佢啲龍蝦湯堅係有龍蝦係入面架wo 而且啲湯超級濃味 咁係非常之好飲嘅好啦我地嘅maincourse就叫左個牛腹肉排 咁佢果啲肉係好鮮嫩多汁 配埋個醬汁簡直食到流晒口水呀 我建議大家叫七成熟咁最後我地仲食左個三文魚牛油果炒飯 我覺得呢個係特別嘅 食落去果陣會覺得幾fresh 而且三文魚其實都好多 如果鍾意三文魚就一定要叫呢個飯喇

好耐無黎呢邊食野今日又約左個朋友放工食野所以就搵左吧呢間好就腳既餐廳真係好易搵上到黎地係六點半左右見無咩人仲心諗唔係中伏呀點知再晏d就越黎越多人仲差唔多full哂真係好彩早到 我地就叫左個二人餐呢到有個自助沙律吧好多唔同選擇有蔬菜、唔同醬料同埋唔同生果可以製作個人既口味而且樣樣都好新鮮最岩落左單又未有野食既時候食 食到半路就開始上前菜龍蝦湯湯底好濃郁飲落口感好creamy而且味道好鮮好清甜飲完都唔會膩 過多一陣就上主菜了我地叫左個岩鹽香煎亞拉斯加銀鱈魚扒鱈魚扒肉質都幾結實好有咬口而且魚味好重好鮮最特別係個岩鹽板一路食一路會有少少融增加鹽味唔想太鹹既就可以放返魚扒落黎 仲有個極致煙肉鮮忌廉意粉忌廉煮得好好好有奶香味再加埋煙肉既鹹香味好正而且蘑菇都煮得好好超爽口 呢個兩人餐都唔錯食得好飽仲有自行沙律吧最後仲有小小cake不過今次有個小小既遺憾就係無食到呢到既牛我叫完鱈魚扒之後見到附近有人食牛扒搞到我都流哂口水下次要食返先得 

收工又係搵食既時間朋友起銅鑼灣收工叫我過去搵佢食飯一早選好要去食Hugo Le Resto Grill見佢有自助沙律吧而且main course好似都幾吸引樓下有好大個易拉架一定唔會去錯地方！上到去見到裝修都幾大方企理沙律吧款式都好多樣樣都好似好好食要左幾款 全部都好好食其中我最鐘意個鴨胸長通粉味道剛好 唔會太濃龍蝦湯飲落幾濃郁 但又唔會太杰太咸裡仲有幾粒蝦 好足料餐包暖暖地 食落軟稔稔牛油唔會雪到硬倔倔 方便又貼心主菜～牛腹肉扒要左7成熟都ok少少紅 開頭都驚會韌但食落發現好滑好嫩油脂分佈平均而且牛味十足煎得好香 一上枱就聞到海鮮扁意粉竟然仲有三文魚 幾surprise 意粉炒得乾身 食落彈牙三文魚煎得香口海蝦魷魚新鮮爽口最後食埋個甜品 夠哂滿足檸檬同朱古力cakes都好滑唔會過甜

第一次黎到呢到食晚餐，樓上西餐既setting 好別緻呢。Menu 有唔少選擇，飯，意粉，肉類乜都有。叫左美國頂級new York 客牛扒$298牛扒揀左medium, 都幾juicy, 係鐵板上碟既賣相十分得意仲有自助沙律吧，醬汁有芝麻醬，千島海鮮，蔬菜面，有生菜，西蘭花，耶菜花，調左味的，仲有西瓜等生果。龍蝦湯口感都幾creamy, 龍蝦味幾足，幾濃郁的。仲有牛油多士同芝麻包。意粉方面，揀左pesto 海鮮linguine, pesto味道都幾特別。最後仲有細細件芝士蛋糕如tiramiru 呢。

呢間餐廳係怡和街麥記隔離，平時都冇留意呢幢野原來有餐廳，今次朋友介紹先知。上到去個環境都幾舒服，枱就唔特別多，不過我地食到7點靚就好多人等位。沙律吧是自助的，有生果，有螺絲粉，有菜，有醬，其實好豐富，未食正題時，都食左幾碟，種類多而且都新鮮。餐包龍蝦湯，味道十分濃郁，係我鐘意既味道，入面有蝦肉同帶子肉，一碗唔夠喉（後來從隔離枱得知，原來可以添飲，但可惜我地知道個時已經食到好飽。）主菜揀左岩鹽銀鱈魚，一上枱，有舊粉紅色既磚墊住條魚，職員都有提我地如果驚鹹，就放條魚落碟。我地初時冇為意佢咁講咩意思，後來發現，原來條魚的熱力會整熔磚鹽，令到條魚鹹，真是很新奇。條魚好滑，魚油逼哂出黎正到暈，omega3滿滿！牛油果三文魚炒飯，個飯好似有啲燒汁味，唔好以為好奇怪，係好好食，好特別的感覺。飯粒粒分明，牛油果入口即熔。食完仲有甜品，係提拉米蘇同芝士蛋糕，細細件，唔怕食唔落，亦不會太甜。

朋友帶路黎食西餐，佢話之前喺西貢口碑好好，終於開到黎鬧市啦！方便好多。點左兩份晚餐，跟麵包、龍蝦湯！龍蝦湯唔洗加錢，但係唔馬虎架，龍蝦味好濃，好滑，仲有蝦肉。再黎就係任食嘅沙律吧d蔬菜超級新鮮呀，配料又多！鮮菠蘿好甜，連長通粉都有！以任食黎講，水準超高！美國頂級牛腹肉扒$288餐廳選用Prime級牛肉，而牛腹肉扒嘅脂肪同肉嘅比例比較平均，揀左medium，牛肉質感軟腍嫩滑，簡單以鹽同黑椒調味，食到牛肉嘅原汁原味，牛味香濃～用熱辣辣點左火嘅鐵板上，叫生少少，再熱住慢慢食都唔怕～鵝肝鮮露荀炒飯$268朋友要食飯，點左呢個炒飯。炒飯唔油唔乾身，珍珠米有口感，吸收左鵝肝嘅香味，蛋又夠蛋香，香噴噴。呢幾隻紐西蘭活青口係老闆娘私人醒我嘅，係佢地嘅招牌菜，要返到貨先有得叫架～怪不得枱枱都叫。青口大大隻好厚肉，好鮮甜，煮青口嘅忌廉好滑好重奶味，好好味！下次黎我會點呢個！老闆娘用心服務，眼見好多熟客黎幫襯

朋友提議在銅鑼灣怡和街新開業的樓上西餐廳共聚晚餐，這餐廳是以半自助餐的形式，即是每人只要叫一份主食，就可享用沙津吧、包了一份餐湯、餐飲和甜品。餐牌上的主食有牛扒、羊鞍架、皇帝蟹腳、銀鱈魚扒、炒飯、意粉等等的選擇，餐牌上的食物相當吸引。沙律吧的設計和擺設以綠色為主，很充滿著田園色彩風味，每個沙律盤都裝著很新鮮的沙律菜、配料、水果等等食物，就咁睇沙律吧的食物都覺得好豐富。我地當然要每樣都夾D試下味道，其中薯蓉、鴨胸配螺絲粉都整得好好食，菠而且蘿都好甜。餐湯是干邑龍蝦湯，餐包暖暖地很鬆軟，龍蝦湯濃味而口感細滑，而龍蝦湯還有一粒粒的龍蝦粒，所以味道都唔錯。紐約頂級紐約客牛扒，整個牛扒的賣相都很靚，以美國國旗插在牛扒上，是用了Prime級數牛扒，牛扒鎖住肉汁，食起上黎較 Juicy，點上芥未醬更美味，牛肉煎得很有水準。而薯條配有茄汁同黑松露醬，炸得香脆可口。煎鵝肝鮮露筍炒飯，鵝肝煎香後以粒狀混合和飯一齊炒香，炒飯的賣相看似簡單有蛋和鮮露筍，但是每一口的炒飯都非常地突出到鵝肝的味道。餐飲就叫左凍奶茶同凍檸茶。甜品餐廳就比左藍妹芝士蛋糕和特濃朱古力蛋糕各一件，食完真的感覺到這餐飯很有的滿足感呢!