HIKARI

📸 HikariBookmark咗一段時間都唔記得去咁啱今次去開荃灣等朋友就即刻去試一試6點鐘鋪頭只有零星數個人限時90分鐘🍴丸久小山園抹茶鮮奶唔知點解飲落口 抹茶同鮮奶個味溝唔埋一齊但抹茶味濃 帶微微茶澀啱晒我呢個抹茶控仲要完全唔甜🍴香月園焙茶鮮奶竟然係我最中意既獨角獸拉花🥰個人覺得呢間焙茶鮮奶更好飲焙茶既香濃 霸加上鮮奶既細滑簡直係絕配！🍴慢煮美國安格斯牛板腱新奧爾良飯見到枱枱都揀 我都唔執輸試試佢牛肉肉質淋身唔韌 但略嫌差個沾醬新奧爾良飯 原本係risotto醬汁偏咸 但份量足🍴波士頓龍蝦肉芝士忌廉蝴蝶粉本身唔太中意食意粉類但個芝士忌廉好惹口 忍唔住食完一啖又啖蝴蝶粉唔會煮得太淰 保持到煙韌既口感龍蝦肉份量都幾多 性價比唔錯

今日冋朋友去左荃灣呢間Hikari cafe食晚餐店內空間雖然唔算大, 但座位尚算寬敞, 如果想打卡影靚相既話可以選擇坐bar枱。主食方面我地叫左波士頓龍蝦肉芝士忌廉蝴蝶粉同埋慢煮美國安格斯牛板腱飯。龍蝦蝴蝶粉賣相精緻吸引, 龍蝦肉細緻鮮甜, 但龍蝦肉份量個人嫌少左啲。 而蝴蝶粉就口感彈牙, 唔會太淋, 每一粒都沾滿醬汁, 而醬汁亦帶芝士味, 同蝴蝶粉非常夾, 有種令人想繼續追吃既感覺。慢煮牛板腱飯賣相同樣一流, 牛肉份量好足, 未食已經可以先加分。牛肉生熟程度控制得好好, 肉呈粉紅色, 肉質細膩嫩滑, 唯一缺點是個人覺得味道淡左少少, 但好彩的是飯的醬汁較濃厚可以補救, 飯的配菜有萵荀, 令口感層次更豐富。另外, 我地都試左兩杯飯品, 分別是香園焙茶鮮奶同丸久尔山園抹茶鮮奶。 兩杯同樣入口順滑, 帶淡淡焙茶同抹茶的奶香, 味道不算濃郁, 比較適合口味無咁重的朋友。

好耐冇出嚟食飯見朋友啦，今晚約咗朋友仔出嚟食飯吹水。想坐得舒服d，上網見呢間都好似幾好，又方便。超級容易搵，喺正荃灣廣場百老匯戲院個出口對面。門面行簡約風，I like it。侍應安排咗我哋坐閣樓，上面嘅枱吾多，多啲私人空間，又闊落啲。食物價格唔算高，叫咗一個波士頓龍蝦肉芝士忌廉蝴蝶粉同埋好似都幾多人推介嘅慢煮美國安格斯牛板見新奧爾良飯試下，送餐嘅速度都幾快，叫咗五分鐘左右就到啦。你都幾驚喜，個牛肉好靚，係我鍾意嘅口感。個飯都幾正宗，比起平時煮嘅飯硬生少少，如果鍾意食軟啲嘅，就要留意喔。呢個蝴蝶粉，每一粒都索飽醬汁，龍蝦肉份量適中，彈牙，以為一碗唔係好多，原來都好夠飽。傾偈吹水，又點可以少咗兩杯飲品🤭🤭簡簡單單兩個主菜+2杯飲品，滿足又飽又好味😋

荃灣出咗名多好嘢食 今次嚟咗呢間HIKARI嘅靚靚cafe 食晚餐 位置仲要好方便 係荃灣廣場隔離就係 夜晚有主食同輕食揀 唔想食太飽嘅人士可以揀輕食都得波士頓龍蝦肉芝士忌廉蝴蝶粉 $168一上菜賣相吸引好靚 啱哂打卡食落都唔錯 芝士忌廉汁味道濃郁 好香忌廉味 醬汁嘅份量亦啱啱好 令蝴蝶粉可以沾上足夠嘅忌廉汁 唔會太水 龍蝦肉亦有唔少 肉質幾爽口 蝴蝶粉嘅口感好好 唔會太過淋慢煮美國安格斯牛板腱新奥爾良飯 $138牛板腱份量非常豐富 而且每一件都好厚！ 肉質咬落軟熟唔會好韌 牛板腱嘅調味唔會太重 可以食返牛肉原本嘅味道另外叫咗飲品（非酒精及單品咖啡類飲品-$15）香月園焙茶鮮奶 $50 整體焙茶味道好濃郁 配埋鮮奶好滑 小山園抹茶鮮奶 $50抹茶鮮奶則無焙茶咁濃味 幾清新

Hikari 係一個唔錯既地方gathering 地方🥰我用open rice book 左枱，職員會係預訂時間前5分鐘打電話問你，會提醒你會hold 台hold 到幾時，否則會讓出walk in 客人，很滿意這個服務👍🏻👍🏻👍🏻👍🏻我地叫左2個main ,dessert 同野飲，好味同好飽😊1.自選吐司3款-牛油果-黑松露炒蛋-慢煮安格斯牛板腱 Sourdough 夠脆 同蒜香蛋黃醬都幾夾再配搭以上三款，好味2.鮮茄蓉忌廉蜆肉扁意粉重忌廉，多菇，不過不失3.甜品叫左2個甜品試吓，我知人中意cheese cake 多啲，個底係芋泥，有別其他cheese cake 餅底🥰，而且cheese cake 重綠茶味 唔漏;Dirty taramisu ,好多cream ,有少少漏-Dirty taramisu-芋泥流心巴斯克芝士蛋糕4.丸久小山園抹茶鮮奶好香綠茶既抹茶，攪勻鮮奶，飲落去啖啖都係抹茶味，唔係好甜，岩哂中意清淡既人飲🥰

週末不時有心癮想歎返杯，坐低享受慢活生意。高樓底的內庭，水泥風的牆壁，加埋門口打卡位，都成為呢間cafe的賣點。小店只此一間，距離荃灣一田只係一街之隔，主打意粉/意大利飯，吐司，拉花飲品。🦀🦐櫻花蝦蟹肉意粉櫻花蝦蟹肉意粉係一上枱就引來隔離枱討論的菜式，香氣太突出了。櫻花蝦的鹹香直衝係鼻腔。用既日本櫻花蝦比我食開的台灣櫻花蝦更濃蝦味，更脆口。蝦仔好似唔洗錢咁大量舖滿意粉之上。醬汁係忌廉做基底，再加罐頭蟹肉及蟹汁。蟹肉量足夠一梳梳掛於麵條上，食到最後一口依然有餘。配料就有幼嫩露荀、菇菌、洋蔥。跟餐有配飲品優惠，不飲咖啡的人可試試焙茶鮮奶。面層的拉花並非一般心心造型，而係精緻的小松鼠，還有樹枝/鳳凰? 如此細緻的畫功，都要歸功於一層幼細的焙茶奶泡。底下的飲品鮮奶比例較重，飲完唔怕夜晚訓唔著。雖然食品種類不多，不過每項都非常有水準。Cafe氣氛舒適輕鬆，坐耐少少都唔會有壓力。

連放三日假 諗住自己一個me time放鬆下 就去左荃灣行逛左一日 係荃灣廣場行到攰攰地 搵左附近一間cafe坐下順便食埋個dinner wow 環境勁舒適呀 分左上下兩層設計令我勁心心眼 好靚好特別 而我就特別揀到個窗口bar枱位坐 勁chill 正～北海道刺身級帶子白松露意大利飯 ＄158黑松露就食得多 白松露真係第一次食 味道同平時食到ge松露一樣咁香 而main dish主角－帶子大大粒 好足料 真係有刺身級數 好鮮甜 意大利飯入面好多配料 菇菌同露筍 食到飽飽 好滿足鮮橙梳打 ＄30 (原本＄45，跟餐減＄15)呢個鮮橙梳打一d都唔hea 好多橙肉 好清新好消暑總括而言 呢間cafe真係好高質 食物好高水準 環境勁靚 小清新咁 打卡一流 下次要帶埋好姊妹黎再食過

荃灣兩層高日式cafe🍡-👀沒有立場資訊-🐂慢煮美國安格斯牛版腱新奧爾良飯 ($158)牛肉有三大塊，肉質幾軟熟，但略嫌唔夠牛味同埋可以再juicy啲，飯都唔係好夠味，個人可以味道可以再豐富少少，份量係啱啱好嘅~-🦞 波士頓龍蝦肉芝士忌廉蝴蝶粉 ($168)味道幾香濃同順口，龍蝦肉同菇都頗多，不過肉質偏散少少，冇想像中咁爽同有口感，味道幾鮮，蝴蝶粉煮得啱啱好唔會太淋😋-🐟炸鯛魚柳配紅椒杏仁汁 ($88)表皮唔夠脆，不過咬落質地唔會太散，而且好多汁，個紅椒汁都係冇乜紅椒味😂不過就咁食都夠味，一碟有四大塊😗-🍰芋泥抹茶芝士蛋糕 ($68)芋泥味同抹茶味唔算太夾，同埋幾乎俾抹茶搶晒啲味，不過芋泥質地軟滑，食落都可以，但呢個配搭冇咩驚喜😗-餐廳樓底都算高，而且有兩層，不過我地就坐係下層，晚餐人流唔會好多，唔使點等就入咗去，位置都幾闊同舒服，幾啱同朋友一齊小聚~食物質素都ok嘅，聽講髒髒tiramisu幾出名，可惜我地去到已經賣晒，如果encore試下甜品同飲品都可以，主食就未必會再試喇😗-味道 7/10服務 8/10環境 8/10回頭率 6.5/10總評 7.5/10🤍人均消費 $170💰-📍

位於荃灣嘅hikari 走文青路線樓底好高 設計簡約 環境好舒服過咗一個悠閒嘅下午🥰自選吐司🍞$88吐司係用蕎麥酸種麵包我地選左配蒜蓉蛋黃醬加4款配料牛油果🥑小龍蝦+$25🦞蟹肉🦀+$25雜菌🍄麵包烘得微脆 咬落口感煙韌配料份量好多 吐司旁邊曬上紅莓脆脆 擺盤好靚😍鮮茄蓉蜆肉忌廉扁意粉 $98蕃茄醬配上忌廉做成醬汁入口酸酸甜甜 意粉有咬口配埋蜆肉 蘆筍同雜菌 味道唔錯😋抹茶鮮奶🍵 $47拉花好吸晴😍好靚抹茶粉採用丸久小山園茶味香濃 甜度適中焙茶鮮奶$47入口順滑飲落味道唔會太甜 有淡淡焙茶香味

老遠嚟行donki，之後附近見有新開嘅cafe，白色同木系小清新感覺坐得都舒服，就自個身貢入餐廳小休。餐廳有輕食、咖啡同甜品。當日較肚餉就直接叫主食醫肚。㨂咗幾少見嘅「新奧爾良飯」，配慢煮美國安格斯牛肩腱。認真細味會覺得呢道菜幾有趣，介乎認知中嘅港式海鮮燴飯與意大利嘅risotto之間。小小research一番後，原來Jambalaya係美國南部新奧爾良菜，而當中又可以再細分為#Cajun與#Creole兩條stream，分別代表住兩個民族，前者口味偏辣，較少落蕃茄，睇重味道層次；而後者Creole則慣用超多番茄，走微辣路線，重視覺上嘅享受。而各自擁有其對米飯嘅特色烹調方法，並分別𧗠生成#Gumbo同#Jambalaya兩款菜式。長完知識，講返個飯。蕃茄落手唔算重，食落甜酸開胃，感覺係未必係最傳統嘅Jambalaya 因為有啲creamy同sticky，辣感就唔覺。慢煮牛肩軟稔，嫩得嚟有牛香。整體以cafe 西餐質素嚟講中規中距。用餐過程整體都幾舒服，加上閒日人較少。上下兩層嘅闉闊空間感加埋室外自然光透入餐廳，感覺下次拎部電腦嚟wfh 都幾唔錯！

係人都知荃灣特別多好嘢食，亦都好多唔同嘅打卡地方，今次介紹呢間餐廳，我見好多人都推介，唔知佢嘅嘢食好食，仲要佢啲環境好好，就連飲品都特別靚。全間日系嘅風格，主要由白灰同埋木係作主調，入到去簡約又舒服，特別適合閑日去chill下餐牌上嘅價錢同平時嘅cafe差唔多，不過佢嘅份量都幾大份，所以都幾抵食。叫咗一個波士頓龍蝦肉芝士忌廉蝴蝶粉，蝴蝶粉嘅質地偏硬身，唔會煮到太淋好難入口，龍蝦肉超級彈牙，配夾埋忌廉汁同芝士一齊食超級濃味。另外叫咗個日本櫻花蝦蟹肉蘆筍扁意粉，櫻花蝦嘅份量多到不得了，配搭一啲綠色嘅蘆筍，放埋一齊好賞心悅目，扁意粉硬度適中，當中嘅蟹肉份量亦都好豐富。

去左係荃灣既依間文青cafe🥰 入到去有種小青新既感覺🌿 我地揀左窗邊打卡位坐❤️自選4 toppings 吐司🍞($88)吐司係用蕎麥酸種麵包🍞 我地揀左蒜蓉蛋黃醬🥚 4款toppings我地就揀左❤️雜菌🍄牛油果🥑龍蝦肉🦞(+$25)蟹肉🦀 (+$20)擺盤吸引🥰 蟹肉份量都好多🦀 龍蝦肉厚身彈牙🦞 鮮茄蓉蜆肉忌廉扁意粉🍝 ($98)意粉軟硬度適中， 每條都掛滿咗蕃茄醬🍅 配埋蜆肉、蘆筍同雜菌🌿 整體口感幾豐富😊丸久小山園抹茶鮮奶🍵($47)拉花好靚呀😍 係飛天馬馬🦄 抹茶茶味幾香濃🥰 唔會太甜香月園焙茶鮮奶($47)依個花花拉花都好有心思❤️ 味道都唔會太甜 ，有淡淡焙茶香味😊

法國油鴨脾牛肝菌意大利飯 $118 現在的CAFE 食物質素及水準越來越好，這份$118 的油鴨脾意大利飯賣相吸引，份量亦出奇地豐富。油鴨脾肉質嫩滑，以五香粉等香料調味，外層的脆皮香口而呈金黃色，皮下脂肪雖然不多，但仍然富有一份油香。至於意大利飯則以牛肝菌入饌，這裡的飯粒沒有常見的硬粒咬感，是我個人偏好的全熟版本。意大利飯中配以大量的菇菌燴製，實在盡收牛肝菌的精華，加上芝士及忌廉的比例高，飽肚感十足。這份性價比極高的意大利飯，單計食材已是十分抵食，個人十分滿意。FLAT WHITE 澳式咖啡FLAT WHITE 一向是個人的至愛，沒有太多的奶泡，香濃的Expresso 咖啡底蘊，苦味酸度平衡適中，令人回味。

《HIKARI》之前同朋友去街經過已經覺得呢間cafe 好簡約幾靚，佢嘅裝修係以白色為主，原來同佢地個店名有關～ “Hikari” 日文係光咁解，所以成間cafe 都係走詳和溫暖嘅路線，我都享受咗一個舒適悠閑嘅下午❤️🍭Toast with 4 toppings ($88)佢地有西式輕食、甜品及飲品提供～ 我就點咗呢個蕎麥酸種麵包～ 佢總共有10幾款toppings 可以揀，我就揀咗炒蛋、慢煮嫩雞、牛油果同埋雜菌～ 而蛋黃醬同埋芝士醬我就揀咗後者～～ 唔好睇佢得2塊麵包好似好少咁，食完都超級飽架！因為佢啲toppings 好多！酸種麵包偏硬，中間軟身，toppings 有調味，好食！🍭 Hojicha Latte ($32)未飲過焙茶latte!!! 一見到有就即刻點咗😝 嚟到個拉花係超級靚！係獨角獸嚟🦄！焙茶味好出又唔會太甘太苦，我覺得味道係岩岩好！欣賞拉花飲到底仲keep 到！❤️

HIKARI  @ 荃灣 Tusen Wan📍荃灣大壩街21號地舖📍G/F, 21 Tai Pa Street, Tsuen WanHikari解作『光』，所以餐廳用左大玻璃去做更大既採光上下兩層既設計用盡高樓底既好處如果陽光好既日子，坐係窗前吧枱都感覺幾唔錯食物種類都好豐富，有輕食，主食，甜品，當然唔少得咖啡今日lunch路過，所以試左意大利飯黑松露味濃，意大利都煮得岩岩好溫泉蛋黑松露意大利飯Latte $127Sony A7ii + Sony FE 40mm f2.5G#肥ball咖啡控#肥ball食記