HAND3AG (K11購物藝術館) (已結業)

每次講起三文治，基本上都諗起好basic既火腿、生菜。日日返工經過K11就被一間裝修非常high tech簡約風既【HAND3AG】特色鐵板三文治餐廳所吸引。餐廳主打爆餡鐵板三文治之外、仲有特色咖啡、沙律、小食等。大隻水手鐵板三文治（套餐）：餡有炸鷄、流心蛋、菠菜苗、紫椰菜絲等等。炸鷄超級厚肉，外皮炸得香脆、而且内裏juicy。菠菜苗同紫椰菜絲都可以減少油膩感，味道濃淡岩岩好！漫跳撕理食肉獸鐵板三文治（套餐）：餡有手撕牛仔排、流心蛋、生菜、芝士等。真係好岩食肉獸，因爲肉真係好多，但個人覺得呢個調味太淡，自己加D茄汁會好味D。配3日3夜自家手切薯條（加大+$14）加黑松露蛋黃醬（+$7）：手切薯條肉非常厚，外面又香脆。如果鍾意食厚肉薯條會好鍾意。黑松露蛋黃醬好濃黑松露味，不過有少少酸。配北海道野菜薏米濃湯：裏面蔬菜超級多，非常清甜。清清地，可以飲得出食材既鮮甜。日本南瓜番薯忌廉芝士沙律：南瓜同番薯分量都好多，仲有提子乾同杏仁片。不過個忌廉芝士醬有D太甜。Rose Latte（+$10）：分量超級足既roselatte，底下加入好多鮮玫瑰糖漿，但又唔會好甜。就算加上面既cream都唔會好膩

Hand3ag呢一間三文治店位於尖沙咀k11, 地理位置十分方便 尖沙咀地鐵站 唔駛五分鐘路程已經到到，餐廳十分寬敞明亮。 入到去睇完menu直接喺收銀處買餐，買完餐就可以入去裏面坐 。等亦都唔需要等好耐十分鐘就已經可以拎到嘢食。今次試咗佢嘅慢條斯理食肉獸鐵板三文治同大隻水手鐵板三文治。 佢可以加錢升級做套餐, 價錢一啲都唔貴, 就已經可以包多一個小食同飲品 , 兩個都特登升級做套餐 ，一個要沙律另，一個要薯條加大，兩個人share 已經好足夠，而且套餐仲包嘢飲，我嗌咗紅沙冰同英式早餐茶， 另外叫咗一個小食叫炸牛油果配芒果醬。 不得不讚佢兩個三文治都十分好食， 麵包皮烤到好脆 ，而佢啲肉亦都鎖住曬所有肉汁 ，咬落去嘅時候再加埋其他配菜，成個口感好豐富，而且佢將所有嘅三文治都切一半，所以其實可以好好咁同朋友一齊share ，兩種味都可以試到。 佢嘅薯條係粗身薯條，外脆內軟，十分好食 。至於佢嘅炸牛油果亦都炸到好香脆，一咬落去牛油果味濃沃，配芒果醬感覺好fresh。 最後配埋佢嘅士多啤梨紅椒沙冰 就好perfect ，沙冰係用唔同嘅蔬果整成 ，味道清新，而且十分健康值得推介。

女仕們最愛買handbag，三文治居然都有HAND3AG！最架勢是它是香港品牌，我和兩位好友當然要去打卡朝聖一下。餐廳位於K11，裝橫簡潔高雅。三文治設計不但大膽破格，而且好味非常。太多選擇，最後選擇了：1) 歐陸監獄鐵板三文治：玫瑰芝士燴通心粉、普羅旺斯燉肉丸、脆薯餅、水晶生菜、燶邊流心蛋、熔岩芝士。最讚🥰👍，芝士及流心蛋入口即溶，加入通心粉最創新，軟熟的肉丸和脆薯餅包在香脆的多士内，有層次，有內涵，yummy 😋 。2) 慢調撕理食肉獸鐵板三文治 : 手撕牛仔排、燶邊流心蛋、番茄片、水晶生菜、車打芝士、芥末籽蛋黃醬。食肉獸首選😆，好食到連平時吃得慢條斯理的友人都吃得狼吞虎嚥，牛肉嫩滑，流心蛋及生鮮番茄加芝士，顛覆了三文治的定義。3) 蝦兵蟹將鐵板三文治 : 酥脆軟殼蟹、小龍蝦沙律、紫椰菜絲、醋漬紅蘿蔔絲、他他醬。高貴健康系列👸，好fresh，好味道。我點了玫瑰鮮奶，很香滑加了很多玫瑰花瓣，豪不吝嗇。友人不愛咖啡，點了peach 🍑 & green tea 🍵，甜甜的，跟三文治很合襯。提提大家HAND3AG 5月份優惠:「身份證 BINGO」凡於5月3日至28日期間，香港永久性居民身

今天和同事中午來到了位於尖沙咀K11藝術中心的Hand3AG，餐廳裝修風格簡約時尚，環境布置優雅舒適，店裏有不少高腳吧臺和寬敞的卡位，感覺非常有格調。一看餐牌就知道是主打三文治，品種繁多，各有千秋，配餐則有薯條、餐湯、沙律和飲品等供你選擇，我們選了最有特色的兩種。慢調斯理食肉獸鐵板三文治套餐，真的是食材爆餡，份量十足，面包片夾有手撕牛仔排，濃邊流心蛋，番茄片，水晶生菜，車打芝士醬、芥末籽蛋黃醬等，味道鮮美，可口飽腹，好吃又營養！蝦兵蟹醬鐵板三文治套餐，小龍蝦肉質鮮嫩，入口即化；酥脆軟殼蟹份量超多有營養；紫椰菜絲口感新鮮爽脆；自製醋汁胡蘿蔔絲酸裏帶甜；面包口感外脆內軟，帶有牛油的香味，如此搭配在一起別有一番風味！ 餐配的凱撒沙律脆甜爽口，自家手切薯條外脆內軟，玫瑰咖啡香甜可口，不錯👍沒想到三文治也能做得那麼有特色，並且花樣繁多，很適合上班族中午進餐，下次過來準備再嘗一下其它口味，想必一定會有不一樣的感受！

尖沙咀D出口就是K-11商場，而門口就見到一間裝修時尚的cafe。這裏主打鐵板三文治，材料澎湃豐富，三文治橫切面五彩繽紛，賣相吸引。祝君健康鐵板三文治（吉列豆腐/牛油果鷹嘴豆沙律/燒茄子/菠菜苗/熔岩芝士/俄式蛋黃醬）$49 - 這個是唯一的素食三文治，比想像之中好食很多，材料濕潤新鮮健康，因為有吉列豆腐扒，所以感覺很似肉，感覺一點也不齋。.歐陸監獄鐵板三文治（玫瑰芝士燴通心粉/普羅旺斯燉肉丸/脆薯餅/水晶生菜/濃邊流心蛋/熔岩芝士）- 肉丸開邊，想像到是啖啖肉，而且加入通心粉，感覺新穎，也有不同的材料，口感層次豐富。.拉麵叉燒鐵板三文治 （日式叉燒片/味噌拉麵/味付溏心蛋/ 牛油粟米粒/熔岩芝士/味噌蛋黃醬）把叉燒拉麵變成三文治，一次過滿足兩個願望！.大隻水手鐵板三文治（Buttermilk脆炸雞塊/菠菜苗/醃青瓜/紫椰菜絲/流心蛋/自家製黑蒜滋味醬及燒烤醬）- 中間有一塊雞扒，食肉獸之選，也很適合要protein 的健兒們！加入多款青菜、醃青瓜，味道平衡得很好，不肉膩。.這裡的座位很多，有open又有比較隱蔽的座位，行街累了來一位Americano 也是醒神爽利的休息之地，有fru

歐陸監獄鐵板三文治 ($93)餐廳會將三文治切開一半，仲有紙包住，旁邊仲有一部洗手機，好多時食野唔想落手食因為懶去洗手，但呢度實在太方便喇！呢款三文治配搭非常新穎，有肉丸又有通粉，究竟自己係食緊通粉定係sandwich？其實我就唔係好鍾意食三文治，不過食完呢個之後又覺得原來不錯㗎喎！拉麵叉燒鐵板三文治 ($95)烤過嘅麵包脆脆，牛油味香濃。最最最開心係有流心蛋！感覺真係好似食緊拉麵咁慢調撕理食肉獸鐵板三文治 ($62)呢個三文治超級有厚度，牛肉量夠多，果然係食肉獸，啖啖都係肉呀！3日3夜手切黑松露芝士薯條 ($35)超肥嘅薯條，加埋啲黑松露醬食好味到不得了！好有薯仔味，超級好味！！！呢度完全顛覆咗我對三文治嘅諗法，原來三文治都可以咁好味咁有趣㗎喎！

K11往TST地鐵的路上會經過一家主打鐵板燒三文治的HAND3AG 今日中午經過，發現餐廳做緊週年慶，當然趁優惠來試下歐陸監獄鐵板三文治三文治裡竟然有通心粉配上肉丸、脆薯餅、流心蛋，第一次看過這種三文治的搭配，別具特色。彩虹🌈冰沙美美的可以打卡和消暑，套餐加10蚊就可以升級冰沙大隻水手鐵板三文治眾多口味中，大隻水手最對味餡料豐富，有脆炸雞、菠菜苗、糖心蛋和椰菜絲，顏色豐富多彩，吃起來味道相當融合又很飽足，好好味！沙拉也不隨便，裡面有蟹柳和蝦仁，蔬菜清爽脆口，相當開胃。

HAND3AG位K11購物藝術館，是一間日式鐵板燒的玩味三文治店，意想不到的三文治的組合，非常創新。一入到餐廳，環境好大，有高枱有梳化位選擇，完全不逼狹，餐廳半自助式，先落單，再搵位，而且最讚就係有自動洗手機，好貼心，以家疫情關係，大家都好注重衛生。歐陸監獄鐵板三文治-三文治即叫即做，麵包烘得香脆，材料一層一層，賣相吸引，入面竟然有玫瑰芝士燴通心粉、普羅旺斯燉肉丸、脆薯餅，估唔到以幾樣可以做成三文治，再加上水晶生菜、燶邊流心蛋、熔岩芝士，而且蛋仲要流心，估唔到味道又好夾，味道有驚喜，滿滿的餡料又結實，食完一份都好飽肚。蝦兵蟹將鐵板三文治-入面有軟殼蟹和小龍蝦沙律，食到非常多的小龍蝦，軟殼蟹脆脆的，配搭比例剛剛好，配上紫椰菜絲，醋漬紅蘿蔔絲，又清新又可以解膩。芝士烤普羅旺斯燉肉丸-肉丸自家製的，肉汁豐富芝士煙肉普羅旺斯醬薯條-薯條香脆，薯條上鋪滿了芝士煙肉，好邪惡。牛奶咖啡&清香茉莉花茶

之前韓國熱潮鐵板三文治，香港終於開返類似嘅餐廳，呢間主打鐵板三文治嘅餐廳喺K11，地點非常方便餐廳係行自助路線，自己樂園單之後等叫Number再攞嘢食又唔同嘅鐵板三文治，有沙律同埋小食亦都有甜品，選擇都好多樣化慢條斯理食肉獸三文治：入面有一大塊牛肉，牛肉非常之淋，咬落仲可以變一絲絲，配埋西生菜同蕃茄，中和咗肉嘅嘅油香歐陸監獄三文治：入面有芝士通粉，肉丸，同埋煎蛋，半熟蛋嘅蛋黃令到成個三文治嘅香氣有提升蝦兵蟹將鐵板三文治：入面有小龍蝦肉蟹肉再配以紫椰菜，揸過嘅蟹餅非常香脆，而蝦肉亦都好彈牙結實，係三個裏面最好食的我哋仲試左佢嘅一個小食，炸魷魚圈，正常發揮紫冰沙：呢一杯嘢飲都好特別，係有紅菜頭蘋果同埋紅蘿蔔打成，飲品唔會太甜，問過是亦係唔會再加糖嘅，非常健康

蝦兵蟹醬鐵板三文治，麵包口感外脆內軟，帶有牛油味道；紫椰菜絲口感爽脆；小龍蝦肉質彈牙，味道鮮甜；蟹籽份量多；軟殼蟹口感酥脆，內有蟹膏，食落鮮味十足；自製醋漬紅蘿蔔絲味道酸甜。歐陸監獄鐵板三文治，玫瑰芝士燴通心粉口感軟硬適中，味道咸香，帶有花香；普羅旺斯燉肉丸味道獨特；脆薯餅食落好香口；水晶生菜食落好新鮮；燶邊流心蛋蛋香味濃；熔岩芝士份量多。3日3夜自家手切薯條，即叫即炸，口感外香脆內綿密，配以番茄醬、黑椒食用，味道更佳。HAND3AG凱撒沙律，好足料，包括有車厘茄、羅馬生菜、脆脆、蟹棒、凱薩沙律醬，味道清甜。伯爵茶鮮奶，分層效果突出，表面鋪滿淡忌廉，伯爵茶茶味濃厚。黑咖啡，可以自行選擇咖啡豆口味，Fruity或Nutty，咖啡味道濃香，飲落好清爽。

天氣咁熱只可以係商場不斷穿插, 見到呢間幾新淨既HAND3AG, 原來係有三文治食!下午茶時間唔係好多人, 坐得幾舒服~搵左位慢慢睇menu先落單!星期一至五先有lunch set, 星期六日就無set, 所以我地散晒左2份三文治, 同1個甜品share!<蝦兵蟹將鐵板三文治>入面有炸軟殼蟹, 小龍蝦沙律, 見到呢2樣已經即刻order! 龍蝦好鮮味, 軟殼蟹好脆, 配埋他他醬好夾, 再加埋d 椰菜絲加番d 口感, 真係好好食!!<慢調撕理食肉獸鐵板三文治>因為朋友係食肉獸, 所以二話不說就揀左呢個, 入面有大量牛仔肉, 仲有流心蛋, 口感都幾豐富, 不過個醬汁無蝦兵蟹將咁出色, 所以味道無咁出~~因為天氣太熱叫左個鮮果芝士乳酪法式吐司, 上面有球雪糕, 吐司浸左牛奶, 好香甜亦都無平時french toast果種油膩, 好食!

位於K11的這間HAND3AG，以白色為主調，環境光猛，空間感十足，主打食日式鐵板燒三文治，即叫即做，可選不同的餡料及醬汁，每件份量是重量級，一定飽肚。除了三文治，還有薯條，沙律，吐司等的選擇。平日有Lunch set提供，單點加$39 就可以升級做套餐，有一份鐵板燒三文治，一份薯條/沙律/餐湯及飲品。鐵板燒三文治有六款選擇，餐牌上都會清楚列出當中的餡料。我點選了一款素食的三文治–祝君健康鐵板三文治套餐($88)，薄薄的包皮用鐵板烘得金黃，夾著吉列豆腐，牛油果鷹咀豆沙律，燒茄子，菠菜苗，熔岩芝士及俄式蛋黃醬，餡料配撘豐富又特別，份量大，包裝得結實不易散，食得不會太狼狽。他們的3日3夜自家手切薯條都是必點的，標榜是用Agria薯仔手切製成，喜歡粗身，炸得金黃而又鬆脆的質感，另外還可加配自家製番茄醬、松露蛋黃醬或黑蒜滋味醬。單點了一份脆脆牛蒡沙律($28)，色彩繽紛，炸過的牛蒡跟沙律菜一樣爽脆。另外再點了一份鮮果芝士乳酪法式吐司($48)，賣相不錯，輕輕煎得金黃的吐司配上乳酪，再排上色彩繽紛的鮮果(士多啤梨，奇異果，白桃及蜜柑)，再配撘一球雲呢拿雪糕，甜味適中，味道清新。最後配上伯爵茶咖啡

有好嘢要分享💕HAND3AG今個月搞緊周年慶優惠🎊凡於5月3日至28日期間，香港永久性居民身份證上的身份證號碼有「H、A、N、D、3、G」字母／數字，即享特別禮遇！中兩個字送你1份小食及汽水；中一個字請你飲1杯汽水！2. 小食優惠-「2份小食，3份開心」一份小食過口癮，兩份小食一齊分，三份小食仲開心！今個5月份每逢星期三，所有小食買2份送1份，滋味優惠由你配搭！還是很愛蝦兵蟹將鐵板三文治 $62軟殼蟹，小龍蝦沙律，紫椰菜絲，醋漬紅蘿蔔絲，他他醬。最緊要佢軟殼蟹好脆，炸物真係一定要即叫即炸先好食，所以到咗一定要即刻食，保持到我覺得最好味嘅味道🥰🥰歐陸監獄鐵板三文治 $54玫瑰芝士燴通心粉，普羅旺斯燉肉丸，脆薯餅，水晶生菜，窿邊流心蛋，熔岩芝士勁多嘅配料，仲要有平時就咁食嘅通心粉同埋肉丸加埋落三文治度，真係新奇又驚喜，飽肚又好食，最緊要熱辣辣食係出色嘅蟹肉忌廉餅 $32佢勁香嘅胡椒粉味，仲要爆漿，熱辣辣脆卜卜橙沙冰 $42橙沙冰我以為係橙汁沙冰，除咗橙之外原來仲有蘋果同埋胡蘿蔔，飲凍嘢都咁健康🤣伯爵茶鮮奶 12oz $42 有得揀要唔要咖啡，有驚喜，竟然有劃花💕就算食幾多次呢兩個餐都係咁滿

是日為星期一，要食個快lunch但係又唔想食得太頹，友人就帶我黎尖沙咀呢間三文治快餐店，叫HAND3AG。HAND3AG主打特色鐵板三文治，餐牌有五款鐵板三文治，另外仲有小食，湯，沙律，土司，咖啡，沙冰，茶等。呢度有做午市套餐。第一次黎，我哋都想試多d招牌野，所以無叫套餐，叫左三份唔同口味特色鐵板三文治同一份甜品分享。喺收銀處俾完錢就自己攞個牌搵位坐，等個牌閃就自己去攞野食。好快就有得食，三份三文治每半份用紙獨立包好，仲有隻竹簽中英對照寫低係邊份打邊份，美觀衛生。所謂鐵板三文治，係咪即係烘底呢？全部三文治都烘左底，好香脆，要快啲食，唔好俾佢稔！拉麵叉燒鐵板三文治 $56餐牌寫明配料有日式叉燒片，味噌拉麵，味付溏心蛋，牛油粟米粒，熔岩芝士，味噌蛋黃醬。叉燒片都有三塊，拉麵同紫椰菜絲分量好多。個人覺得呢款口感最得意，啖啖都食到乾身彈彈哋牙嘅拉麵，溏心蛋嘅滑溜半溶蛋黃同蛋黃醬味道都好出。蝦兵蟹將鐵板三文治 $62餐牌寫明配料有酥脆軟殼蟹，小龍蝦沙律，紫椰菜絲，醋漬紅蘿蔔絲，他他醬。所謂蝦兵蟹將，即係小龍蝦沙律同酥脆軟殼蟹。酥脆軟殼蟹份量剛好，所以唔覺油，但係仲好脆口。我同行友人就鍾意呢款多啲

蝦兵蟹將鐵板三文治～有軟殼蟹，小龍蝦，紫椰菜同蘿蔔絲，吃起來口感豐富，材料爆多，而麵包也烘得熱辣辣～拉麵叉燒鐵板三文治～很攪笑，以拉麵做三文治，但吃起來倒還不錯，叉燒也很惹味，幾特別～芝士蘑菇釀雞翼～一客3隻，不太夠吃🤣熱辣辣，無骨啖啖肉，內裡的蘑菇也不少～黑松露芝士薯條～芝士濃郁又多，這個要趁熱吃，因芝士流動著會好吃很多～三日三夜自家手切薯條～薯條是粗薯條來的，很多薯蓉在中心，勁正～另本月有週年慶優惠，身份證號碼有H、A、N、D、3、G，中兩個字送1份小食及汽水；中一個字都有汽水～逢星期三，小食買2送1，有優惠，係抵食左好多的🤣