Greyhound Café (國際金融中心) (已結業)

路經IFC，再次來到Greyhound Cafe用膳！甫坐下不久，眼見店外已排了人龍，幸好我們早幾分鐘到達，才不用等候！招牌脆單骨雞翼HKD68原隻雞翼被破開兩邊，單骨雞翼吃起來方便得多。雞翼外皮炸至酥脆，沒有多餘油份，入口帶鹽香而內裏肉汁得以保留，骨和肉容易分離，是餐前必點的惹味小吃！泰式凍咖啡HKD38相比普通咖啡入口帶甜，但甜度恰到好處，沒有過火，倒合我意！鮮蝦帶子墨魚汁麵HKD138烏卒卒的墨魚麵，配以白色的帶子、中蝦和魷魚圈，以及一少撮鮮橙色的蟹籽作點綴，豐富了整個菜的色彩！墨魚麵入口煙韌彈牙有嚼勁，配合泰式醬料、香草一起煮，再加少許辛辣，提升了海鮮的味道，別有一番滋味！迷你三色漢堡HKD148小巧可愛的迷你漢堡，內裏餡料各有不同。瑞士芝士配以士多啤梨，味道香甜，濃淡得宜。煙肉配以車打芝士，肉汁豐腴頗香口！烤過的青瓜、茄子和甜椒，伴以香草醬，吃得健康清新！麵包烘得香脆，手打漢堡扒肉質較腍身，不會硬實，而且入口有肉汁，味道不錯！伴碟的薯角連皮同炸，外脆內嫩，醮以蕃茄醬一起吃，又怎能停口呢？這次再訪，食物質素依然保持水準。下次再來，肚皮一定要預留位置給蛋糕甜品了～

上次去完新世紀Greyhound，見IFC又開咗間，心郁郁又試試。 首先，呢間同新世紀嗰間有個共通點，就係…明明有幾張吉枱又唔係有人訂咗都唔放排隊嘅人入去，又唔派飛 俾散客一定要人排隊，之但係到人多嘅時候啲效率又會忽然提高而啲吉枱又自然會消失，形成門口永遠有條唔長唔短嘅人龍!呢招係咪都係Greyhound特色… 根據上次經驗，呢度泰式西餐不及正式泰菜，於是今次決定叫啲正宗泰式啲嘅(雖然去Greyhound唔食fusion會唔會有啲咁去嚟做乜嘅感覺)。雞肉蝦米紙卷，外層彈牙裏面鮮味，用爽口嘅菜葉加埋醬汁香葉一齊食又别有一番風味。 大蝦炒金邊粉，蝦夠大隻夠彈牙，炒粉味道不俗。 甜品朱古力香蕉蛋糕，如此配搭食落有啲怪但尚可接受亦有特色。 龍眼水似乎經過加料炮製，味道怪怪但總算幾特別，味道尚可入囗。 個人始終鍾情平時少食嘅異國風情，多過兩頭唔到岸嘅fusion…同埋入座安排，可唔可以真係諗諗佢？

落單時叫侍應（所有侍應都企喺度無野做），全部話要等，因他們不能落單(當時可能他們是新上班），等了５分鐘終於等到經理來落單，落單時他沒有寫低，我們叫兩碟主菜（蝦炒飯和素食Phad Thai）加兩杯凍檸檬茶，兩分鐘後經理過來查詢係唔係叫了什麼什麼，我們糾正了，過了一陣，來了兩杯錯的飲料, 凍檸檬茶變了ice tea，叫侍應更換。大約20分鐘後我所叫的蝦炒飯來了，但吃來吃去卻未見有蝦，查洵後原來我所吃的是鹹魚炒飯(即經理又落錯單!!)，因為我已開始吃了，沒有要求更換，不過印象分已打了折扣。鹹魚炒飯味道很濃，不過真的很鹹，飯也炒得很乾身，如你抵得鹹，還可以的。等了很久的Phad Thai 終於來了，但不是我們所叫的素食Phad Thai (with mushroom)，而是有蝦的Phad Thai，其實賣相不錯的，我們告訴經理他落錯單，他不但沒有道歉，還一手取去Phad Thai大力掟在碗碟盤中。其實我們可以把該碟Phad Thai吃下，只要他們承認他們出錯了，但是我們真係無法理解我們很簡單的order 可以錯成咁，加上那經理的態度，我們除了選擇離開餐廳之外還可以做些什麼？

This is my second time to go to Greyhound Café. I have seen the desserts that were displayed outside of the restaurant before, and I have been wanting to try them so I decided to visit this restaurant again to give them a try, since the desserts look nice and yummy. They have a separate menu for their desserts, so I had to ask the waiter to give me the dessert menu. When I flip through the dessert menu, everything in it looks delish and I wanted to order all of them. Of course, I know I cannot d

今日，我就同幾位朋友嚟 IFC Greyhound Cafe 食特式嘅泰國菜。IFC Greyhound Cafe 環境寬敞，座位都寬落，檯同檯之間嘅距離有返咁上下。哈，咁就唔使怕嘈親隔離檯，仲有位放低我哋嘅戰利品添。由於我同朋友喺外邊趕過嚟，成身熱辣辣，即刻叫咗杯凍喝消消暑。話都無詌快，龍眼特飲同番石榴特飲都送到嚟。2杯飲品都好真材實料，尤其是番石榴特飲，啖啖果汁，消暑又醒胃。我哋幾個女生早已聞風 Greyhound Cafe 甜品好食，仲設計得好吸引添，所以決定只係叫5款前菜、主菜，留返第二胃食甜品。發板無耐，食品已經逐碟逐碟送上。1. 芝士雜菜千層麵沙律 Fresh Lasagna Salad HKD108材料新鮮，配埋清淡沙律汁，令材料更加鮮甜。只係拎嘅時候比較麻煩，上層無可能切開，唯有逐層逐層拎；到下半層時，就可以將食物切開一半，同友人分享。2. 鮮蝦帶子墨魚汁麵 Spaghetti Cha Cha Cha我比較少食墨魚汁麵，唔知道墨魚汁麵係有腥味，為咗減低腥味，所以加辣味平衡返，搞到我第一啖喺無預計底下，就中招。整體嚟講，除咗辣，真係一碟質量同質素好嘅意粉。3. Grill

Greyhound Cafe 平日Rossana間唔中都會來食個lunch或跟朋友們來相聚一番每次來都坐無虛席,人龍排得長長的所以唔想等,記得要預早book定位喔~今次Rossana跟貓佬來到Greyhound Cafe IFC食fusion菜Greyhound 上菜既速度就係一流不用等太久就有野食Fresh Vietnamese Spring Rolls $78這味河內街頭小食,用煙既米紙包著蝦,雞,豬肉配酸甜帶辣既醬汁用新鮮生菜加香茅葉捲住食,夠曬fresh~幾乎每次來Greyhound都要點軟殼蟹Soft Shell Crab with Ink Spaghetti $148意粉用黑椒與墨魚汁stir-fried,所以有少少辣軟殼蟹啖啖蟹膏~正呀喂!!Calamari Fritti $68用柔軟的麵團將魷魚圈炸至金黃平日食開既魷魚圈都炸得脆脆的,Calamari Fritti因用左柔軟的麵團而非炸粉所以啖落軟軟的再有魷魚既硬朗嚼勁配他他醬味道更上一層樓~ 

中環區食飯選擇話多唔多話少唔少因為對我嚟講大部份都好貴~如果要搵中價又坐得舒服又要開得夜就諗起去IFC Greyhound Cafe啦~繼半年前第一次去呢傻食飯早幾日再次同朋友嚟輕輕鬆鬆食泰菜!每次經過呢度都係長期有人排隊所以一早就book好左位!一行5個女人再加1個小朋友個個都唔係大食~但都叫到成枱都係~Menu其實選擇都算多由泰式、西式、泰mix西式都有同埋encore返之前食過嘅幾款食物~首先要encore就係呢個【軟殼蟹沙律配蜜糖芥末醬】(Soft-Shell Crab Salad)份量對6個人來講其實算少老實講價錢同份量不成正比不過又真係幾香口~而且我地想試好多野所以每人一啖仔都OK~但今次軟殼蟹咸左D食完都幾口乾!另一款要encore的就係【招牌脆炸單骨雞翼】Greyhound Famous Fried Chicken Wings用魚露醃過嘅雞翼炸得又香又脆卜卜!今次比上次更濃味仲有少少辣似係落左胡椒再去的話仍然可以encore!第3個encore菜式就係【脆炸粟米蟹肉餅配甜酸醬】Crispy Sweet Corn with Crab Meat又係一碟炸嘢XD亦係我最掛住嘅

泰國新派。開左多年都人山人海 Greyhound Café @ IFC上個星期在中環去完活動後，幾條女拯救隊去了Greyhound 吃晚飯明明已經夜晚9點，其他店已經無咩人。都仲有人在排Greyhound呢！幸好老友一早訂了台，免左一陣已經入座。。不是第一次吃Greyhound，我認識佢係因為有一次試過泰國朋友係曼谷帶我食，佢係來自泰國的過江龍。係當地都好出名同好受年輕人歡迎。這裏的特色係泰國fusion菜，你客人能夠感受泰國菜別有風味的感覺。另外一個特色即係佢嘅餐廳設計好有 風格，給人一種年輕有活力的感覺。顛覆傳統泰國菜的固有型像。為大家帶來清新的泰國風味！其實泰國我覺得比香港更加多元化，來自世界各地不同國家嘅人都好喜歡在泰國定居，落地生根，尤其是西方國家，幾代之後慢慢的令新興泰國菜今天要好多西方色彩。Greyhound中環店感覺歡堂舒適，而且間隔下有一些比較私人的小房間可以使用，今天我哋就唔可以坐到比較靜嘅房間，和外面熱鬧氣氛形成對比。Girl's talk 係靜點好！唔好講咁多快啲等我介紹下我個日食咩啦。意式波菜沙律Baby Spanish salad with bacon $1

呢間野之前已經想黎食嫁啦，跟住咁啱朋友又提議。我地四個人，見到乜野吸引就叫，完全冇諗食唔食得落，好彩都算食淨超少。單骨雞翼，隻汁好好味，單骨非常易咬，又唔怕損雞翼唔靚女，唔乾但脆，好食。三文魚，見個個都叫呢個，個醬原來同三文魚好夾，第一塊我用刀叉切黎食，跟住朋友話要卷住食先滋味，原來真係喎，一啖擺落口零舍滋味。鵝肝醬面包，冇乜特別，唔係我杯茶。帶子，150蚊先得四粒，煎得又唔算特別香，係正常的好味。餡餅，呢個雖然唔知落左咩料，不過好好食呀，個皮又易咬。辣意粉，蕃茄的酸同 隻辣好match,意粉好彈牙，不過太細碟了。牛粒，唔算好易咬，唔算好牛味，係隻醬幾好，都係三文魚嗰隻醬。粟米蟹肉餅，得粟米味，完全冇蟹味，冇乜特別，其實原來想叫蝦餅，點知竟然冇，可能fusion fus到冇左。因為有朋友生日，所以諗住叫蛋糕，話要早啲打黎講話擺生日個牌。結果大貪叫左一人一個，好飽，不過好靚，好好味，啲畫碟好有心思，亦好襯。布朗尼，濃濃朱古力味，正。香蕉，其實我唔係唔中意香蕉，只係食到好厭，結果令我驚喜，好好食，淡淡的香蕉香味配上蛋糕真係一流，推介呢個。芝士蛋糕，濃濃芝士，正。Chocolate love

上星期行過IFC greyhound cafe, 見入面環境好舒服, 就決定試下!!! 但始終有少少多人, 不過等左一陣位就入左去啦!!! Staff仲好有禮貌😆頭盤選擇秘製辣肉醬手包粉卷，微辣既辣肉醬加上又軟又滑既粉卷，再用清爽既生菜包住，再沾上酸酸辣辣既青色配醬，味道超正😁主菜選擇泰式河蝦冬蔭公湯河粉，河粉同樣又滑又彈牙，最重要隻河蝦又大又入味。隨碟配上四款醬料比你自由選擇。😊不得不提的是甜品—芒果芭菲，香甜的芒果，配以面層椰子味的雪芭，底層的熱辣辣糯米，入口一冷一熱的感覺讓人回味無窮😁飲品則選擇藍蘭豆甜菊茶，散發出淡淡的花香，顏色由淡藍色變成紫色，視覺效果極討好😁

上個月行開連卡佛，嘩，做折。。行到攰攰地，6點半就去搵野食。 一行落兩層電梯見到呢間thai dish,.見價格吾太貴，所以一試啦。 點野食前同朋友叫左d野飲，坐一陣順便睇睇食評人地推介咩食，好啦，就點左幾樣禁啦。 其實食物賣相都幾靚，之前未食過呢間野，都幾有新意。 不過吾知係咪我大食。所以食完幾個菜都吾太飽。下次如果多幾個朋友黎可以好d,因為今次兩條友，試吾到太多野食。btw,個mini burger好得意，食落真係幾好食。可以encore.唯獨呢，waiter好似心度麻麻，可能出面開始人多，就好急禁似係要我地快d食完走。所以如果諗住搵間餐廳慢慢食，同朋友慢慢傾，呢間可能有d趕。 其實我見到佢出面禁多人開始排，都吾一好意思坐得太奈。 不過整体黎講都ok。

 話說 ArMui 唔係個有 planning o既人,多數去到邊 食到邊...記得幾年前 第一次幫趁 IFC GREYHOUND...係同 朋友 + 網友 經過, 見唔使等 所以衝入...結果一次就喜歡了...之後逢假日入 Discovery 前,都會响 IFC GREYHOUND 食完 late luch, 買個爆谷先 cc然行去搭船...今次又黎到 IFC GREYHOUND 嚕~唔同 o既... 係時間同入坐方式... XD今次係夜晚黎 + 朋友預訂了位置~今次坐店盡頭 o既小房間呢~嘻嘻, Gals' talk arm 曬 bor~ Baby Spinach Salad with Bacon***** 呢個係我成晚最愛呀! *****Um...是咁的...我一向係唔食沙律 o既...因為我 唔鍾意沙律醬 同 少食生菜...當佢黎到個陣, 覺得 d 菜靚靚地 又唔係用沙律醬,所以一試...一試就鐘意咗添...BB 菠菜新鮮好味喎!> ///< 其實呢, 我平日唔食菠菜 ga...我認我由細到大唔乖... 勁揀飲擇食... T^T今次見佢叫 BB 望落挺挺的, 老

今次服務的確是蠻不錯的,可以有點像我們第一次的來的感覺呢上次我飲了是凍的飲品,今次就揀選了它家的【藍蘭豆甜菊茶】它的特別之處就是本身倒出來是藍色的,加上Honey 後就會變上紫色的唷!!我們第一個目標就是沙律嗎,女生真的別吃太多的肉類呢個沙律就真係岩哂d 又想食d 炸野但係又要食菜既朋友啦它就是【軟殼蟹沙律配蜜糖芥末醬】說真的它家的軟穀蟹認真是不錯的,炸出來又不會太油油的而且內裡也有一啖啖肉呢!!當然少不了它家最出名的單【單邊雞翼】好嗎不過就是燒得有點太乾身,沒有肉汁在內好像差了一點點呢唔好炸得太乾就更加好了!!另外好友最喜歡吃的炸薯皮.其實就是類近炸薯角的嗎本身它附有一點點的Cream Cheese , 點著吃不知不覺也會吃得更多呢!!好吃好吃,值得一吃呢!!最後還有這個♪ﾟ脆炸栗米蟹肉配甜酸醬是我好友指明必須一食再食的小食就証明它有多好吃吧!!!呢個蟹肉餅小妹就覺得它炸得不會太油不過粟米就好像少了點,如果再多一點就更好吃啦來到主食好了,今次朋友們揀選了【鹹魚乾辣椒意大利麵】可是嗎又是太辣了,我跟朋友的囡囡一樣只吃到一啖就把它放棄了雖然我吃不到但是它的確很香,朋友也說今次的蠻不錯唯一

平時住於九龍區的我,很少去到港島區食飯,難得約了朋友食飯,所以都挑一些平時比較少去的地方,今次朋友就提議食IFC的Greyhound Cafe,有地方不但方便,價錢都不算太昂貴,而且環境都要算不錯~要是近窗口位更可以看到海邊~去到看到它的裝潢都很別緻和可愛,看到塗雅般的牆壁,還有一些散發淡黃的燈光,都給人一種舒服感和自在感。今次是我們成班女生的聚會,主菜都不是叫了很多,主要有沙律,漢堡包,意粉,蛋糕。先說說前菜: 軟殼蟹沙律配蜜糖芥末醬，HKD128喜歡食沙律的我,覺得這這沙律都不錯,有軟殼蟹加生菜,味道都互相配合,而軟殼蟹也好食的說。除了沙律好食,另一個我愛食的就是這個海鮮墨魚汁麵。黑黑的,濃郁的,滿有彈性的意粉,賣相已經很吸引我,而味道食下去也相當不俗,意粉雖然食下去有點辣,但不會覺得太濃烈,反而更加添惹味的效果,意粉的QQ彈性的感覺我個人也很喜歡,整體味道可說合格之上。之後到這個巨大的漢堡飽,配上薯條,和沙律醬,薯條大大條,很滿足我喜歡食薯條的心理XD加上不會太淋,幾脆口的說。至於漢堡飽,味道雖然略為遜色,比較乾身一點。但那漢堡扒的確夠厚身,咬下去都幾有口感。之後就到這碟(HKD

o個日完左Event, 我地5個女仔約左去IFC Greyhound食飯~^0^ Book左 6點鐘.... 所以唔洗等位,,,好快就入座喇!!打開MENU都幾多選擇~不過由於我患有選擇困難症....所以交俾朋友決定菜式**最後我地嗌左5樣野....軟殼蟹沙律配蜜糖芥末醬炸得香脆~調味唔錯**o岩哂我口味!!!!海鮮墨魚汁麵估唔到原來係有小小辣架~有驚喜.....芝士雜菜千層麵沙律入面有芝士, 蕃茄, 茄子, 黑橄欖等等~賣相好靚......漢堡...入面塊扒好厚身~但有dd乾!!!*_*望落似豬頸肉既牛肉...配燸米飯同青瓜~龍眼飲品...有好多龍眼肉**呢個天氣飲好消暑呀!!!下次我要試特色檸檬茶至得~最後到甜品時間.....佢地全部都偏愛呢個野莓千層蛋糕~貪藍莓酸酸甜甜!但我獨愛 ''Choclate Lover''濃濃既朱古力味~真係超正呀!!!總括泥講呢間野價錢都唔算貴.....仲要o係ifc,,,, 環境同服務都唔錯!!值得一試~