影片
更多
2014-08-03
2785 浏览
呢間野之前已經想黎食嫁啦，跟住咁啱朋友又提議。我地四個人，見到乜野吸引就叫，完全冇諗食唔食得落，好彩都算食淨超少。單骨雞翼，隻汁好好味，單骨非常易咬，又唔怕損雞翼唔靚女，唔乾但脆，好食。三文魚，見個個都叫呢個，個醬原來同三文魚好夾，第一塊我用刀叉切黎食，跟住朋友話要卷住食先滋味，原來真係喎，一啖擺落口零舍滋味。鵝肝醬面包，冇乜特別，唔係我杯茶。帶子，150蚊先得四粒，煎得又唔算特別香，係正常的好味。餡餅，呢個雖然唔知落左咩料，不過好好食呀，個皮又易咬。辣意粉，蕃茄的酸同
隻辣好match,意粉好彈牙，不過太細碟了。牛粒，唔算好易咬，唔算好牛味，係隻醬幾好，都係三文魚嗰隻醬。粟米蟹肉餅，得粟米味，完全冇蟹味，冇乜特別，其實原來想叫蝦餅，點知竟然冇，可能fusion fus到冇左。因為有朋友生日，所以諗住叫蛋糕，話要早啲打黎講話擺生日個牌。結果大貪叫左一人一個，好飽，不過好靚，好好味，啲畫碟好有心思，亦好襯。布朗尼，濃濃朱古力味，正。香蕉，其實我唔係唔中意香蕉，只係食到好厭，結果令我驚喜，好好食，淡淡的香蕉香味配上蛋糕真係一流，推介呢個。芝士蛋糕，濃濃芝士，正。Chocolate love
單骨雞翼，隻汁好好味，單骨非常易咬，又唔怕損雞翼唔靚女，唔乾但脆，好食。
三文魚，見個個都叫呢個，個醬原來同三文魚好夾，第一塊我用刀叉切黎食，跟住朋友話要卷住食先滋味，原來真係喎，一啖擺落口零舍滋味。
鵝肝醬面包，冇乜特別，唔係我杯茶。
帶子，150蚊先得四粒，煎得又唔算特別香，係正常的好味。
餡餅，呢個雖然唔知落左咩料，不過好好食呀，個皮又易咬。
辣意粉，蕃茄的酸同 隻辣好match,意粉好彈牙，不過太細碟了。
牛粒，唔算好易咬，唔算好牛味，係隻醬幾好，都係三文魚嗰隻醬。
粟米蟹肉餅，得粟米味，完全冇蟹味，冇乜特別，其實原來想叫蝦餅，點知竟然冇，可能fusion fus到冇左。
因為有朋友生日，所以諗住叫蛋糕，話要早啲打黎講話擺生日個牌。
結果大貪叫左一人一個，好飽，不過好靚，好好味，啲畫碟好有心思，亦好襯。
布朗尼，濃濃朱古力味，正。
香蕉，其實我唔係唔中意香蕉，只係食到好厭，結果令我驚喜，好好食，淡淡的香蕉香味配上蛋糕真係一流，推介呢個。
芝士蛋糕，濃濃芝士，正。
Chocolate lover,其實冇咩特別，當初叫佢都係因為貪心，想咩都試，佢又有雪糕，又有朱古力棒，又有布朗尼，連金莎都有，不過就係冇乜特別囉。
呢間餐廳啲野太靚，環境又靚，評語又好，可能期望太大了，我地都覺得係好食但未算非常好食，不過有機會都可以再黎
张贴
