Golem Craft Beer (已結業)

間唔中要relax吓，找個地方食嘢飲返杯先見呢度幾舒適環境幾好就入左去點左美式燒烤豬仔骨、唐揚魷魚圈，話明來relax一定要叫返杯啤酒來歎吓美式燒烤豬仔骨，熱辣辣送到，豬仔骨味道幾好甜甜地，不過幾難切開唔算多肉原來豬仔骨跟薯條，新鮮熱辣幾甘香鬆脆唐揚魷魚圈，香脆彈牙，越食越想食Brother Basil Single Bacth，入囗清新檸檬味好fresh，有濃濃既啤酒味，真係好正！間唔中relax吓都唔錯。

本來喺第一城探完朋友之後諗住求其食啲嘢就走。但朋友介紹話石門有間幾有特色嘅手工啤酒鋪，推薦我哋去試，就決定由第一城行咗去石門一探究竟。餐廳嘅裝修果然係好有格調，既似一間酒吧，又係一間餐廳，亦都有好多款Craft beer 揀。坐低第一件事就係嗌左兩款啤酒，同埋嗌左份唐揚魷魚圈佐酒。左面果杯係Harvest Moon (Plum), 右面係Golem Lager.以小食黎講，碟唐揚魷魚真係好大碟，而且每件魷魚都幾大嚿，佐酒一流。試完手工啤酒，又食完小食就輪到正餐部分。主菜部份嗌咗一份炸魚薯條同埋一份啤酒雞。餐廳嘅食物基本上全部都係即製，所以炸魚薯條上枱嗰陣仲感覺佢嘅餘溫。 炸粉嘅份量啱啱好， 炸魚食落唔會太油膩，而且與魚味都好出眾。好意外地，啤酒雞係成隻雞原隻上，一刀都冇切過。 當我哋仲諗緊點樣可以剪開隻雞嘅時候，店員已經主動走過嚟幫我哋切開咗隻雞，服務一流。啤酒雞本身無肉汁或醬汁跟黎，開始食嗰陣我哋仲擔心會好乾。但值得一讚嘅係，隻雞燒得好好，皮脆肉嫩，食落唔會太乾。開頭食表面嗰陣其實食唔出有啤酒味，但食落一啲肉，尤其去到雞胸同雞髀位，就食得出淡淡嘅啤酒味。

嗰日去開石門探朋友，之後落街一齊食飯，就見到有一間酒吧，睇咗餐牌見到啲嘢食都幾吸引，同埋啤酒都好多款，咁我同朋友都幾鍾意飲啤酒嘅，所以就入咗去食啦！咁一坐落去梗係叫咗啤酒先啦，朋友就叫咗杯Machine man，我就叫左會香港做嘅啤酒，味道都幾易入口幾好飲嘅！咁之後我哋就叫咗兩個小食同兩個主菜，好明顯啦我哋兩條友係眼闊肚窄啦！好快小食就送到上嚟啦，我哋叫咗芝士煙肉薯條同埋炸魷魚圈，薯條係比較粗身嘅，咁上面淋咗芝士醬同煙肉碎咁，而且有兩種醬俾我點嘅，一種就係芝士醬啦，另一種係蕃茄醬，點醬食超正！之後就到炸魷魚圈啦，一上枱就覺得極吸引，出面炸粉唔會太厚，點埋個沙律醬真係超級正！之後個啤酒雞都到咗，隻雞都幾大隻熱辣辣咁，咁佢有把大鉸剪呢俾我哋方便剪開嘅，食落去皮好脆，超正！而且肉都好鮮嫩，同埋食到淡淡嘅啤酒味！之後就輪到個脆皮豬手啦，咁都係用把大鉸剪剪開啦，咁一向豬手配啤酒係絕配嚟嘅，脆皮豬手果然係好脆皮，而且啲豬手肉都好好食配賣啖啤酒，嗰下感覺真係好味到不得了！而且間酒吧環境都唔錯，一路飲啤酒一路食嘢一路傾計，真係好適合三五知己聚一聚腳！

放假就可以唔駛成日去D去開既地區食飯🥳今日星期六我地就諗住去行下沙田，所以行街之前就諗住去坐馬鐵去馬鞍山搵下食。聽阿妹介紹呢間專飲手工啤酒🍺的餐廳不錯，所以就趁放假黎試下。喺石門站一出其實就係京瑞廣場，所以好快就搵到餐廳。而且估唔到而家呢頭都好多人，食肆好多，好多都係啲快餐茶餐之類，或者粥粉麵🍜既舖頭，所以幾驚喜喺當日有呢間bar-restaurant。呢間餐廳真係幾靚，尤其係個bar，樓底又高座位都好闊好舒服。不過因為喺返沙田區，lunch set價錢又好親民🥳除左有lunch仲見佢咁大個bar咁多啤酒🍻就問下店員，佢就同我地介紹左唔同種類既手工啤酒😯一睇個beer list真係好多選擇！除左有特色手工啤，咁亦都有大牌子既生啤，任君選擇。先點左兩個啤酒🍻嘆下，男友揀左支叫雷工啤，個酒樽好吸引，但入口就唔似個名咁man，果味同麥味各一半，對男友黎講酒精唔太重，但中午剛瞓醒都係啱飲啲唔太勁既啤酒🤪我就揀左個叫 Jade Rabbit🐇，冇法，兔人揀兔仔🤣🐰🥰反而呢隻個果味冇咁出，好滑得黎個酒精度都高少少、泡既比例都唔錯，而且就咁聞都幾香，幾得意👏🏼🤩Lunch set我地就揀左一個ris

石門呢間bar真係高質沙田友實屬番兜之選👍🏻主打西餐之餘仲有好多啤酒俾你揀同朋友吹下水又唔想出太遠真係首選先介紹番今次我食左啲咩先—唐揚炸魷魚圈 $88之前試過炸雞/炸魚今次試下炸魷魚圈😂質素同之前兩款一樣高個皮炸得好脆唔厚粉大大啖魷魚肉喺口係一種享受熱辣辣正👍🏻👍🏻不過真係要配啤酒因為有少少偏咸😂😂—炸辣味雞鎚 $88由於呢個好好食送酒一流所以番兜同上次食一樣個皮炸得好脆裡面肉質都好嫩加埋個泰式辣醬正👍🏻👍🏻仲可以點埋魷魚圈既沙律醬😂—啤酒雞$189呢隻雞未上枱已經聞到好香望落比上次仲大隻左🤨皮脆都係脆既加埋底果啲香料同醬汁今凄人感覺雞肉更吸汁因為真係聞到酒味攻入鼻真係超級好食👍🏻👍🏻就算食雞胸既話啲肉唔鞋果然係番兜之選—另外仲叫左兩杯手工啤今次就叫左兩杯同上次唔同款既1842 ipa $85harvest moon $851842 ipa真心要試下一拎上枱已經聞到好重果香😮好易入口但都有成8%酒精另一杯都帶有幾濃既咖啡味唔錯下次繼續試其他👍🏻—今次去都無留意原來手工啤做緊50%off原本已經好抵今次埋單更加覺得值😂😂

今日坐馬鐵入咗去石門做D嘢，中午就在京瑞廣場二期果間Golem craft Beer食個午餐，呢度主打手工啤酒，門口位同吧枱放咗好多手工啤酒推介好有氣勢咁！餐廳佈局幾高雅，特高樓底，感覺空間好大！不會覺得嘈吵！因為下午仲要開工，唔想飲住，兩人各叫咗一個set lunch 海膽汁帶子海鮮意大利飯；（$98）煙三文魚牛油果沙侓！（$85）隨餐有周打魚湯；餐茶就泡沫架啡！香脆的蒜蓉飽，配以內有蠔仔肉、青口的周打魚湯！鮮味濃郁！海膽汁帶子意大利飯，帶子大大粒又新鮮，碟飯份量大大碟，男仕食就合適！煙三文沙律果兩件三文魚唔係薄薄兩片，而係成團上碟配以海凱沙律，清新口味，啱哂女仕選擇！果杯拉花咖啡都好用心去做，夠哂視覺效果，入口都好香滑！埋單連加一，是$201，絕對超值！

今晚有飲宴，提早過左來石門呢邊醫肚，試左呢間餐廳，覺得唔錯，推薦一下！高高的樓底，空間感十足，向街落地大玻璃窗，光猛舒服，入門口左手邊，有一排吧枱座位，估計晚上氣氛應該不錯👍🏻面對大街又有一排椅桌，營做了悠閒的佈置，不錯不錯，個人很喜歡💕正值午飯時間，叫了兩份Lunch Set，餐湯和蒜蓉包很快就奉上，味道真心覺得不錯，尤其羅宋湯，用料十足，正👍🏻先來黑蒜香烤雞伴沙律🥗雞肉件數不少，沙律菜又新鮮爽脆，伴著車厘茄和烤雞件，健康又美味😍另外一道和牛漢堡，鮮嫰嘅和牛製成漢堡，一樣保留了和牛的香味，入口超級満足😬一間環境好，食物質素又高，真係高質又起值👍🏻下次來開呢邊都會特登嚟再幫襯一下🤗

住沙田的露比，其實好近石門！太多新餐廳可以去！今次想和朋友去啤一啤，去了石門京瑞廣場二期地下的Golem Craft Beef!餐廳的食物大多是送啤酒為主，十分夠吃。首先試下。。西班牙海鮮飯！有大蝦、帶子、青口！醬汁濃郁，味道鮮美！之後的炸物拼盤！十分豐富！有炸蠔、炸蝦、炸熱狗腸、炸雞塊、炸薯波波！炸得脆卜卜，十分香口！有沙津醬、茄汁、甜辣醬~個人最喜愛點甜辣醬，點了後令炸物更有亞熱帶風味。雞肉串 5支！熱騰騰~醬油味好濃郁！最後要個。。博士茶！清清腸胃，感覺舒服！Dragon King啤酒！一樣好好味好易入口！

石門京瑞商場附近真係有好多唔同既特色餐廳 今日起附近行下既時間發現左呢間好型格既西餐廳 所以決定一試！海膽汁意大利飯意大利飯上既兩粒超巨型帶子實在好吸睛！帶子經微微香煎後 更加提升左味道！意大利飯既飯粒每一粒都盡吸海膽汁既味道 香甜濃郁既醬汁真係好特別 之前真係未試過😍飯粒煙韌有咬口 成個飯好鮮甜同埋creamy 值得一試！黑松露和牛漢堡漢堡包經香烤之後好香仲超級脆口 主角和牛漢堡扒唔單止牛味重而且完全入口即溶 真係好驚喜！最欣賞係漢堡包加左黑松露醬之後竟然會同和牛好夾 真係唔試過都唔知！！漢堡包既配料好豐富 所以令成個包好有口感😍泡沫咖啡☕️上面仲有一隻好靚既天鵝拉花 真係平時好少見 靚到完全唔捨得飲！

石門係新一個覓食好地方，今晚我地揀左呢間德國酒吧餐廳食晚飯，地方昏暗寬敞，同朋友飲酒睇波一流！ Gwllo neipa ❤️有4.9度酒精，泡同酒嘅比例好好，泡沫好綿，少少苦得黎後徑又帶點甜，易入口。唐揚魷魚圈❤️香脆唔油膩，炸粉唔會太厚，魷魚彈牙，餸酒必選。泡菜豬肉雞翼❤️有韓式風味，雞翼內包住泡菜同豬肉，有心機嘅小食，辣辣地又有豐富層次。 醬燒豬仔骨❤️燒汁甜甜地好惹味，肉質燒得好嫩滑，熟度剛好，仲有粗薯條🙌大滿足!!

是日好友在大埔返中更，我剛好在油麻地幫office送完文件，大家就選擇中間點享受晚餐，好友原來未去過石門，所以就去石門閒逛，見到呢間店的裝潢氣氛特別，所以入去用餐~~~原來呢間酒吧幾大間，裡面仲有間廂房~~~酒吧更有調酒師，看到這個地方就想起《BB來了》高海寧做調酒的地方~~~在聖誕節假期那兩日好友要朝十晚十一開工，佢仲好開心咁話有得賺OT錢，真的十分羨慕佢~~~見到聖誕餐的餐牌就好想食我未試過的芝士火煱~~~喜歡飲酒的好友今次選擇了This Twon Needs Beer，個手工啤酒酒味唔算強，飲落去感覺好舒服~~~呢盆芝士火煱望落去好豐富，雖然裡面的食物跟餐牌有稍微的不同，但都無阻我對芝士火煱的好奇心~~~炸雞本身熱上，多士本身外脆內軟~~~點落去覺得d芝士好好味，如果係浸青口和蜆我會浸耐d，始終我喜歡熟透才吃~~~而我就簡單地點了杯熱茶，始終我的氣管敏感不穩定~~~原來行去巴士站上了巴士往荃灣車程只是十幾分鐘，下次有機會再約好友往石門晚餐

朋友即興約吃晚飯，星期五想找個談天說的地方，所以男友人就提議去酒吧。他說他工作附近有一間，於是就叫我過去。這間酒吧比較有情調，以黑色佈局為主，空間感很大，播著爵士的音樂。女侍應安排我們對著吧檯的座位，看著這個吧檯，櫃上擺滿各式各樣的酒，真是覺得非常有氣勢。男友人想飲啤酒，我就陪他。看著這個啤酒餐牌，我完全不認識。原來這間酒吧的啤酒是手工啤，於是我就叫女侍應推介一下，她推介一款叫machine man, 比較適合女仕飲的，是果味，易入口的一款手工啤酒，而男友人就點了一杯lager。啤酒杯很特別，不是用透明杯的。這杯machine man, 女侍應推介得不錯，啤酒是容易入口，味道淡淡的，甜甜的，都幾好飲。我們點了兩款小食，分別是芝麻雞翼及唐揚雞塊。兩款小食是剛炸起，咬開是出煙的。芝麻雞翼很大隻，有份量，很香脆。唐揚雞塊份量也多，很香口，配上沙律醬，好食。男友人再點了一款主菜，美式燒烤豬仔骨。這個份量足夠兩個人吃，還配上薯條。這個豬仔骨很容易切開，不用大剪刀剪開，吃起來有點肉汁，醬汁應該是用BBQ醬，一點也燒得不乾，不燶，很好吃。薯條都是剛炸起，也是很好吃。這裡各方便都算不錯，地點亦相當好，

石門附近最近開咗幾間西餐廳。平日放工經過都想搵日去試下，呢間Bar嘅裝修幾靚，今日放咗工就同同事嚟試一試😊6點半，時間尚早，未係好多枱客環境舒適，好有外國酒bar d feel去到見到店員係度佈置餐廳的聖誕裝飾。見到menu度有好多啤酒店員好好咁為我們介紹其中推介此款有梨味的鬼佬啤酒不過鬼佬啤酒都有點苦澀味，唔係好飲到梨味叫咗個小食芝麻雞翼同南瓜帶子蟹肉意大利飯芝麻雞翼：香脆，好食👍🏻，份量好夠。個意大利飯好好味😋，意大利飯嘅汁調校得好好，唔會太稀，帶子好厚好大粒，飯有少少南瓜味，夾埋d細露荀煮，仲有蟹肉係面，味道好夾好清新。食物同環境質素都唔錯，下次嚟想試下佢嘅燒雞同炸魚薯條

趁住星期六有時間入到石門遊一遊，初到石門原來都幾多細細間的商舖，行完一輪之後就入咗Golem Craft Beer嘆番杯啤酒。店舖門口都幾大間， 店內已經佈置了聖誕的裝飾。 見到餐牌上有幾款不同口味的手工啤酒，我們就點了一杯 pineapple sour milk$88， 可惜當日我們揸車， 所以揸車嗰位就不能飲啤酒了。 另外我們點了美式燒烤豬仔骨$198， 燒免治雞肉串$48， 椒鹽燒海蝦$38。美式燒烤豬仔骨 ~ 豬仔骨份量大件，但味道普通，不過薯條炸得好好味！pineapple sour milk ~ 幾鍾意呢杯手工啤酒， 有清香的菠蘿味，飲落唔會咁悶。燒免治雞肉串 ~ 啖啖肉， 用嚟送酒幾好。椒鹽燒海蝦 ~ 燒得比較乾身。第一次遊石門原來都幾多不同的餐廳和商店， 仲有酒吧可以假日到來飲番杯relax下。

又來返石門呢度同朋友食生日飯，上一年嘅差唔多時間都黎左附近食漢堡包，今年又大一歲就諗住飲下酒。行過石門廣場附近見到一間好大、落地玻璃嘅酒吧，我哋兩個就入咗去。餐廳入面嘅空間感好大整體來講好有家嘅同埋好消息，枱同枱之間嘅距離都唔會太強可以好好咁享受二人時光。我哋叫咗美式燒烤豬仔骨$198豬仔骨這個份量都幾大，燒烤醬鋪滿豬仔骨上面，伴住薯條同茄汁上枱。豬仔骨既肉十分鬆軟，好容易就可以切到，咬落都唔會痴牙。肉既比例都唔會太少。仲叫左兩碟小食黑松露薯條$70原本無留意豬仔骨都有跟薯條，最後就發現好似太多不過好彩我地兩個都好鍾意食薯條，所以都清哂薯條唔係厚切，但外皮內都有滿滿既薯肉而黑松露沙律醬都好香，好享受！唐揚魷魚圈$78魷魚圈既份量都唔少！！外皮唔厚，所以整體黎講十分有口感同彈牙配上沙律醬，酸酸咸咸好美味黎到酒吧當然唔少得飲酒酒既餐牌上大多都係香港手工啤酒好多都唔係其他酒吧常見既牌子我地每人叫左一杯由左至右Hangry Donut$85 (我個人比較鍾意呢杯)Pineapple Sour Milk IPA$88最後，我十分欣賞呢間酒吧大力推廣香港手工啤好多酒吧的香港手工啤既比例都好少，但呢