Golem Craft Beer (已結業)

在石門的公司工作了4年多，吸收了不少，也付出了不少。然而，終於到了這一天，要同各同事說個再會了。當日的中午，我們一眾同 grade 的同事與老闆一起食 farewell lunch。沒有特別訂位，隨意地就在京瑞廣場選一間。眼見這《Golem Craft Beer》環境靜靜的，好像好啱大家傾下計，看過 lunch set 又啱口味，就決定來輕鬆一個午餐了。一坐低，就有餐前小食了。每人有兩片十分香脆的蒜蓉包。一行四人來，成大碟咁上，感覺都幾震撼。蒜蓉味夠，外脆內心軟，絕對是出色的蒜蓉包。餐湯，是一碗非常濃郁的蕃茄湯。蕃茄湯雖濃，但不會酸，能帶出蕃茄的香甜味，很是不錯。而且，飲得出有蕃茄蓉在湯內，更令人開心。我點的是香煎雞扒伴薯菜。原來此餐廳標榜他們的食品都是即叫即做的，所以大家都要等一會兒了。很厚肉的雞扒，看起來好似好乾，但一切開就發現這雞扒是鮮嫩多汁的。粗切的薯條也是即炸起的，是絕對的香脆可口。那天熱，跟餐的只點了一杯凍檸茶，所以就沒拍照了。而我地食後感同總結，此餐廳的食物好，但大家真的要有好足夠的午餐時間才好來啊。不過，慢工出細貨，野食係值得讚既。

去完彭福公園，睇吓附近有咩食見到間好有格調嘅西餐廳..（其實我真係唔想作文，所以以下講嘅嘢全部真實食評）見到餐牌價錢合理，問咗一聲就入到去，叫左湯 （好飲）Pizza （好食）叻沙海鮮意粉 （勁creamy , 海鮮好新鮮）#勁好招呼 #好窩心#所有嘢都熱辣辣#真實食評

【石門】Golem Craft Beer 放假之際，嚟到石門搵野食。餐廳座位之間距離寬敞，有梳化位又有吧枱，環境舒適。最啱就係坐低慢慢食再嘆杯嘢飲，同朋友吹吓水咁。✨法式紅酒燉牛肉配薯蓉紅酒醬汁味道濃郁，配料有薯仔、蘿蔔，牛肉燉至淋身，吸收咗醬汁後非常好食。薯蓉方面好有驚喜啊，夠滑身而且份量仲好多添。👍🏻✨蕃茄羅勒水牛芝士薄餅 推薦😍！賣相很ok，薄餅表面鋪左超多水牛芝士，拉到超長嘅絲！批嘅厚度比平時食開嘅厚批薄啲啲，個人認為呢個厚度幾唔錯。見好多人都唔推薦意粉所以就無嗌到啦，估唔到今次食嘅兩道菜表現都唔錯！📍Golem Craft Beer 沙田石門京瑞廣場二期地下G07號舖

通常在飲茶嘅時候，點心即叫即蒸。你諗唔到西餐廳都寫明即叫即做，製作需時約15至20分鐘，請耐心等候。。。。1)香煎雞扒伴薯菜，又真係冇講大話，等左10幾分鐘先到，雞扒煎到金黃色脆脆地，雞肉唔(鞋)薯條炸到熱辣辣(唔係放凍左)蔬菜新鮮好食，唔錯唔錯。2)煙三文魚牛油果三文治，麵包烘底，加入三文魚牛油果同沙律菜，沙律菜好爽口，佢每半份都用紙包裹(咁食嘅時候就唔會天一半地一半，跌到成枱都係)好細心喎！😆食落味道又真係唔錯，我食晒半件。凍阿華田(唔甜)，想起平時去茶餐廳飲阿華田就甜到死。

今次係第一次食 😍😍😍😍😍😍😍😍滿懷希望咁入去Lunch time 都算多人我哋叫左意粉同pizza再加左餐湯同包係好正嘅🥰🥰🥰到個咸蛋黃卡邦尼意粉🍝份量好足 味道都有7分 中意咸蛋黃人士不要錯過唯一略嫌個pizza啲料有啲少 🫢🫢🫢真係幾少🫢🫢🫢海鮮pizza只有一粒蜆肉🥲🥲🥲🥲🥲🥲好傷心不過 總括而言，野食味道都係唔錯嘅但飲品方便就。。。。有少少失望 好似好淡咁

我都明白依家生意難做，但係咁嘅質素真係頂唔順。叫咗個大蝦橄欖油意粉，外賣9折完$67.5，包嘢飲。一打開份量已經少，唔講以為人地食剩半盒。兩隻蝦半盒意粉加幾條豆。一食落口，啲意粉好硬，好似冇煮過咁。我都知係橄欖油意粉，但係每條意粉都包住層橄欖油，食一啖已經成嘴都係油。隻蝦都ok，唔霉。食咗半盒油𣺉𣺉嘅生意粉已經胃痛食唔到落去，咁就收我$68.5(外賣盒加$1)。呢個真係好簡單嘅意粉，都可以整到咁伏，希望店舖可以改善吓。

#石門 #golemcraftbeer lunch性價比高，又好味😋#香煎雞扒配薯菜 $78 雞扒煎得嫩滑，又多汁，薯條厚切🤤#意大利羅勒醬雜菜意大利粉 $78 羅勒醬好fresh又creamy, 意粉有咬口，有好多菇同蘆筍，啱哂green monday (不過宜家lunch m#餐湯 一般般#熱柚子茶 平時嗰啲超市嗰啲柚子茶😆味道: 7/10味精: 6/10價錢: 5/10環境: 8/10服務: 7/10#vinainshekmun #vinafood #cafe #hkcafe ##石門黃店 #chickenfilletwithvegetables #spaghettiwithseasonalvegetableinpestosauce #hotyuzutea #foodporn #foodie #hkfoodie #f4follow #f4f #likesforlike #l4l #l4like

石門雖然好多嘢食但係估唔到呢一間bar午餐都幾有驚喜！💛平時路過都冇望到佢🙈因為環境比較黑日頭都唔太留意到呢間餐廳朋友有一日提議去試下~午餐價錢都幾合理所以就入咗去試吓！我叫咗個冬陰功大蝦意粉雖然份量的確唔多但套餐價錢唔貴，可以揀配餐湯或者沙律，仲送一杯凍飲～ 再加埋呢個都幾舒適，可以坐耐啲傾計嘅環境🤩其實都可以接受😋而且食物質素絕對唔差，冬陰功意粉唔係周圍都有得食！佢哋煮得好香冬陰功味之餘都好夠辣！🥵餐湯都有誠意～推薦大家一試💛💛💛

今次走咗去石門嗰邊附近搵食，原來都有唔少餐廳揀。見到呢間裝修好型，而且入面冇人可以包場，一於試試。Lunch menu 有不少選擇，最後揀咗黑松露蘑菇意大利飯（$78），包餐湯/沙律，及餐茶。是日餐湯係粟米忌廉湯，好濃厚粟米味（粟米係打蓉並唔係粒粒），好飲。意大利飯上枱香噴噴，入口夠creamy，但黑松露味不足，飯粒有咬口，整體不錯。結果休休閒閒、安安靜靜hea咗一粒鐘。

本身睇左啲食評話係幾抵食於是今日Lunch 就去左食啦入到餐廳得一個員工講緊係Lunch hour落單都等左一陣先有人理等左大約20分鐘先黎既係帶子墨汁意粉 $98因為有三色椒既關係係我心入面已經扣左分但到我食個意粉既時候估唔到有驚喜意粉係有咬口！！！之後黎既係雞扒配薯菜 $78雞扒有少少檸檬味但屬於偏乾食物質素黎講只係一般嘅西餐廳無d 人吹噓到咁好食跟餐有得配沙律或者餐湯我地揀左粟米湯個湯有粟米味但偏淡另外就係佢無咖啡奶茶只有檸茶檸水檸檬係新鮮入口唔會有苦澀味總括黎講就一般般

週末兼休息、入Colem Craft Beer餐廳喝杯啤酒🍺輕鬆一下！餐廳用名星畫像做背景、很有懷舊的氣息，一邊是酒吧、放滿了各色各樣的酒，氛圍很舒服！點了一份煮手、一份洋蔥圈、一份雞翼。豬手味道適中、皮脆肉嫩，非常好的酒伴。唐揚雞翼，有特色，第一次品嚐就喜歡上了！洋蔥圈、粉厚、搶了洋蔥🧅本身的鮮味。期待品嚐其他美味！這間餐廳、白天人不多、啤酒🍺happy hour買一送一，帶給上班一族在百忙中輕鬆一下的好地方⋯⋯

🍽大蝦喇沙意粉 (4/5) 💰78聽到都覺得好惹味喇沙汁微微甜帶啲辣，有啲番茄既酸香味同意粉仲有大蝦都好夾當日大蝦唔痴殼，食落幾爽口，除咗對我黎講辣咗啲真係冇咩野好彈🍽蒜香帶子墨汁意粉 (3.2/5) 💰98蒜香夠突出，帶子都有唔少，係細細粒既帶子仔但整體味道唔算好鮮，而且食完都發現個碟都幾多油下Lunch Set 有餐湯或沙律加餐飲平均一百蚊以內，有齊曬pizza/pasta/risotto等當日餐湯係粟米湯，非常濃郁啖啖栗米蓉，記得要攪攪先飲啊石門黃店多大家都知啦，但Golem Craft Beer既裝修唔錯，有一面酒牆，頂頭仲有靚靚燈飾，相信夜晚會幾浪漫食物質素都唔差，但有部份菜式偏油，呢點或者餐廳都要留意下～

Golem Craft Beer (沙田)沙田石門京瑞廣場二期地下G07號舖石門呢個地方一向多野食，由於我好想食pizza🍕既關係就選擇左呢間餐廳。其實我哋之前已經嚟過呢度飲嘢，但係就無係度食過嘢，呢間餐廳好適合三五知己傾計飲野，平日星期一至五都有Happy Hour 買一送一優惠，仲要室內有個區域比客人食shisha，岩哂我呢個又怕熱但又喜愛shisha 既人🍕蕃茄羅勒水牛芝士薄餅 （$78）本身黎到係想order千島海鮮薄餅，但可惜今日已經售罄，所以最後叫咗呢個蕃茄羅勒需由芝士薄餅，都完全滿足左我想食pizza呢個願望。薄餅個批略嫌稍厚，但overall成個配料加埋芝士既濃郁程度非常配合，只係用咗5分鐘就將成個Pizza迅速K.O.🍝大蝦喇沙意粉 （$78）意粉時間控制得好好，食落好彈口，喇沙味道濃郁，美中不足係成個意粉個底有少少油膩整體環境💭💭💭💭好味道：🧑🏻‍🍳🧑🏻‍🍳🧑🏻‍🍳🧑🏻‍🍳服務態度🤵🏻🤵🏻🤵🏻🤵🏻性價比：🧐🧐🧐🧐🧐回頭基率💫💫💫💫💫

對上嗰次幫襯應該都係舊年 11月，今晚約老友食飯嚟返呢間。餐牌無變，有上次經驗今次唔敢叫太多食物 😅😅記得上次豬手好好食，今次 encore，加洋蔥圈，雞翼同一份菇。豬手仍然好好味，入口脆卜卜，抵讚 👍👍👍 出面食幾間餐廳，上檯時好靚，但入口一啲都唔脆 😣 雞翼普通，啡菇比想像中細好多，唔怪得我哋叫一客時侍應話得一件，佢一定好奇怪 3 個人點夠分 🤣🤣🤣洋蔥圈依然無得輸，佐酒一流。我叫咗個 cocktail，酒味好夠，因為要食藥，跟住乖乖叫杯凍檸茶少甜少冰，味道唔錯，雖然少冰，上檯温度比室溫低小小，唔會太凍。另外 2 條酒支諗住一人一 set buy 1 get 1 free，但原來侍應幫佢哋 2 杯 pair 咗，到佢哋想叫第 2 set 時先2話上晒，但我哋就奇怪唔同牌子啤酒可以做 buy 1 get 1? 好彩嗰晚 2 條酒鬼唔係好渴酒，佢哋叫多杯 share 過過口癮就算，如果落單時解釋清楚就唔會另客人誤會嘛！另外之前係走先一次過埋單，而完 happy hour cut 就埋單先。Overall 食物同環境都 ok，交通方便，下次都會繼續幫襯嘅 🤭

🍹雞尾酒：Jasmine is a bitc顧名思義係由茉莉花茶加入Gin酒、Ginger Ale、檸檬、蜂蜜調製而成。主調已茶味為主，Gin酒苦味被適當沖淡，適合鍾意飲茶嘅朋友。🍸雞尾酒：No one likes blue.由Gin酒加埋菠蘿汁、tonic water、blue orange調製而成。主調係有酸甜並存嘅橙汁味組成。都係唔錯嘅選擇。薯格一向都偏鹹，所以食嘚清淡嘅朋友不會太鍾意。重口味朋友可以試試，炸得蠻OK。